ZKIZ Archives


鄭裕彤再入養和 李嘉誠急探

2013-11-07  NM
 
 

 

現年八十八歲的新世界及周大福集團創辦人鄭裕彤(彤叔),自去年九月中風住院三個月後回家休養,便一直未有露面。據知,中風後彤叔身體活動能力大不如前,說話亦有困難;今年八月,彤叔再次因身體不適秘密入住養和醫院,雖然留院近一個月後可出院,但因病情反覆,三星期前,又再度入院留醫。據瞭解,不少移民外地的鄭氏親友,上月陸續回港探望彤叔,連香港首富李嘉誠,亦有抽空到醫院。病情保密

去年九月,彤叔在家中風被送入養和醫院,留醫觀察三個月後秘密出院,返回鄭家大宅休養。

「彤叔中風後講嘢唔清楚,身體活動能力差曬,出入要兩個人扶住坐輪椅,間中會叫人推佢出後花園曬太陽,暫時亦只可以食流質食物。雖然醫生要彤叔多啲休息,但公司每日依然會派人嚟向佢交代公司情況,彤叔就算唔舒服,對盤生意仲好上心。」知情人士透露。

在家休養大半年,今年八月中,彤叔再度秘密入住養和醫院深切治療部。

「彤叔情況轉壞,家人第一時間送佢入養和,仲同醫院講明要高度保密,萬一彤叔病情外洩,會對有份照顧彤叔嘅醫護人員作出追究。彤叔都好硬淨,住咗一個月唔夠就可以返屋企,但始終年紀大,病情易反覆,三個星期前,彤叔覺得唔舒服,又入番養和,到而家仲未出嚟。」

親友陸續回港

已經八十八歲的彤叔,情況時好時壞。據知,不少移民外地的鄭氏親友也收到通知,陸續回港探他。「鄭家上下都好擔心彤叔嘅病情,已通知外地啲親友,抽時間返嚟見嚇佢,鄭志恆之前都飛咗去韓國,接埋女朋友同個仔返嚟探彤叔。上星期連李嘉誠都特登行秘密通道上去探一探老友,逗留咗大約十分鐘。」知情人士說。

秘道出入

彤叔大仔鄭家純及次子鄭家成,差不多每日都會到養和照顧父親。由於要保密入院消息,所以兩兄弟多數經由秘道出入,避免被傳媒發現。本週一(十一月四日)上午九時,鄭家純探完老豆離開養和,記者上前追問有關彤叔病情,戴住口罩的他說:「好好,多謝關心。」至於何時出院及病情等問題,鄭家純全程封口。至於十一月生日的鄭家成,公司同事每年也會為他慶祝,今個月二日,亦在惠陽的棕櫚島度假村,筵開八席。「本來Peter(鄭家成)唔想慶祝,但公司同事唔知彤叔有事,所以照舊幫佢搞;Peter唔想俾人知老豆入院,咪照去囉!不過佢都冇乜點參與個party,只係切蛋糕嗰陣出現,同埋唱咗首歌,十點就散場。」知情者說。

 
PermaLink: https://articles.zkiz.com/?id=80964

大劉坐戰車去養和

2017-01-26 NM

大劉近排出入養和醫院覆診,雖然離開佢渣甸山大宅路程不遠,不過去醫院都要保持氣勢,坐住部車牌11號Maybach 62S型號超級富豪坐駕;大劉唔單只愛女人,仲好愛車同識車。

Maybach副偈出名,喺德國二戰時嘅坦克車引擎,都係出自Maybach,在○四年被平治收購後推出Maybach 57和Maybach 62,自然成為大劉囊中物,仲帶領潮流,富豪堆中搏上位嘅也緊貼大劉買Maybach,咁Maybach嘅sales又點會唔好招呼大劉呢?Maybach62車長六米二,內籠寬敞無比,但六、七百萬一部車,外形又太似平治因而影響銷路,勞斯萊斯後來出部Phantom撼低Maybach,Maybach終於在二○一二年停產,但大劉對Maybach情有獨鍾,停產前仍以八百多萬購入Maybach62S,可謂絕代之作,呢部Maybach 62S係最後期的高性能版,馬力更大,加速更快,可見大劉仲有團火!

花旗總部被除名

鬍鬚曾宣布參選特首,揀選「冠君大廈」舉行記者會,呢幢商廈名聽上去好陌生喎!其實嗰度係花園道三號,以前叫Citibank Tower(花旗銀行大廈),呢個世界好現實嘅,銀行業呢幾年都好艱苦,花旗銀行香港總部租嘅樓層縮減了,租唔夠數連個「命名權」都冇埋,最冇癮嘅梗係花旗嘅員工,以前大大聲同人講喺CitibankTower返工,家陣要改口喺花園道三號囉!

中環寸嘴:「我都唔知個貴字點寫!」

年近歲晚,約個老友交收年貨,中環啲地方踎到熟晒,帶個老友去娛樂行間Mercedes me食個late lunch見識吓,老友話:「嘩,間嘢好貴喎!」唓,我都唔知個「貴」字點寫,Don't be silly!嫌貴唔去,呢世都去唔到乎?我淨係要知值唔值,你唔去睇過、食過,唔交吓學費,點知係咪貴得有道理吖?以我觀察,呢間餐廳多洋人或半唐番嘅非金融界食客幫襯,由食品到裝修都係新一代嘅品味,想進步就要靠嘗試。睇林鄭出嚟選特首,又話老公同兩個仔最初勸退佢,後來又支持佢,婆婆媽媽咁,超,仲停留喺粵語殘片時代,國際化欠奉,而家香港搞《家、春、秋》呀?同DonaldTrump對壘就蝕晒章,可能鬍鬚曾以四兩撥千斤仲有得周旋吓,慢吓手為國爭光。林鄭都係搵佢嘅東廠西廠——馬會慈善基金同埋贖罪基金(註:陳啟宗曾炮轟關愛基金如額外繳稅,形容是商界贖罪券,並表示不會捐款,故關愛基金被謔稱為贖罪基金),透過東廠西廠,同佢派錢嚟收買人心,話就話搞福利,實情係揼商家佬心口,工商界準備任佢魚肉。個西九故宮對經濟冇乜幫助,鍾意文化藝術嘅人係使唔起錢!唔係財大氣粗嗰啲高端消費旅客,個人認為商業藝術就有出路,如品牌推廣,不過呢家嘢,以林鄭班底的土炮質地,心有餘而力不足!只不過香港冇一個男人可以同佢匹敵,此乃香港一大悲哀。

楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

恒地路邊盤搭波會順風車

恒地位於上水青山公路邊嘅一個地盤,名為高爾夫•御苑Eden Manor,為推此樓盤搞gimmick,整咗個全世界最大高爾夫球藝術雕塑,列入健力士世界紀錄;其實又何需大費周章呢?航拍一睇,此樓盤最吸引之處,梗係可以高高在上,𥄫住啲富貴會員打高爾夫,仲可以freeride隔籬粉嶺高爾夫球會嘅設施;嗱,話晒政府只象徵式收年租一千蚊,梗係要開放讓公眾享用吓,唔一定係會員先踩得入高爾夫球會嘅,揸香港身份證或者外國護照,都可以訪客身份,喺平日星期一至五,俾二千一百蚊就可以入球會,扮吓尊貴富豪打場波,其中兩百蚊仲可以用來享用餐飲,正所謂近水樓台先得月,行兩步路入高爾夫球會沾吓貴氣,所以話呢個盤「筍」位在此!又何須靠健力士呢?

PermaLink: https://articles.zkiz.com/?id=235066

護士荒惡化 公院流失3年高 養和亦欠百人 大學研增學額

1 : GS(14)@2010-11-08 22:27:02

今年醫管局護士流失率達5.3%,是過去3年新高。 (資料圖片)

近年報讀港大(圖)護理課程人數大增,每個學額競爭人數,由3人增至4人。 (資料圖片)





本港「護士荒」持續,醫管局截至今年8月的數字顯示,護士流失率創過去3年新高,私家醫院也欠缺白衣天使,其中養和有百名護士空缺,在擴建完成後部分床位因而未能啟用。
與此同時,處於較弱勢的復康界要請護士更是難上加難。為增加供應,各大學均研究加開護理學額應付需求,其中港大希望未來3年增加3成學額。
流失率5.3% 升1.2百分點
經濟好轉,各行各業掀搶人潮,醫護界也不例外,今年醫管局護士流失率創過去3年新高,截至今年8月,年度流失率達5.3%,較去年的4.1%增加1.2個百分點(見表)。
醫管局指出,過去數年,公院因自然流失、適齡退休、增加醫療服務和市場供應緊張等原因,令護士人手供不應求;與此同時,私院也出現護士荒,龍頭私院養和醫院目前的護士空缺達100個,包括註冊護士及登記護士。
擴建後部分床位 未能啟用
養和發言人指出,因為沒有足夠護士人手,即使該院第3期擴建完成後,部分床位未能同時啟用。仁安醫院也表示,目前仍有20名手術室及急症科護士空缺,浸會醫院及香港港安醫院均表示,一直招聘護士當中。
當局正全力推銷醫療融資,又主張發展醫療產業,現時每年近千名護士新血投入市場,但仍未能填補空缺。私家醫院聯會主席劉國霖稱,各私院積極招聘護士,卻「請都請不到人」,服務擴充現困難。
復康界弱勢 請人難上難
人手未到位,醫療服務受阻;與此同時,護士荒亦令社福復康界叫苦連天。社聯復康服務總主任宣國棟稱,目前的復康服務,最缺乏護士及職業治療師;此外,政府表示加強精神科社區支援,但精神科護士卻嚴重短缺。
宣指出,社福機構存在「先天不足」,晉升機會及薪酬均不及私營市場,形容「要爭也爭不到!」已獲取專業資格的護士,甫一畢業便投身公院,之後轉職到私院,十分理所當然,但政府卻一直忽略社福界的需求。
醫管局指出,近兩年已積極招聘和挽留人才,兩年前重開3間護士學校,加上本港大學和非本港培訓的護士,預計到了2012年,每年共有1,800多名護士投入社會服務,可紓緩人手緊張問題。
港大冀3年內 增3成學額
為了應付護士荒的問題,港大及中大已計劃增加護理學士學位名額,中大那打素護理學院院長李子芬教授坦言:「醫療發展加上社區護理需求上升,護士人手短期內未見足夠!」他透露該院正計劃增加學額。
港大護理學院院長陳肇始教授稱,人口老化、私營醫療發展及政府增加醫療服務等多種因素下,相信未來10年護士人手需求仍大。
該院計劃增加學額,正向大學教育及資助委員會(UGC)申請撥款,計劃由2012年起,往後3年逐步增加學額,由現時190人增加至260人,增幅逾30%。
PermaLink: https://articles.zkiz.com/?id=271490

大劉被指養和睇專科

1 : GS(14)@2016-08-07 02:03:47

資料圖片


「大劉」劉鑾雄近月暴瘦,要坐輪椅出入,令外界關注其健康狀況,昨有報道指他近年數次出入養和醫院十樓睇專科,該樓層有內分泌及糖尿病中心、腎臟內科中心、腦神經科中心、營養部及醫學遺傳科等,而今年2月甘比也帶一對子女陪他進出醫院,當時大劉手包着紗布,似剛做完檢查,但精神不錯,料不到相隔半年,身形瘦了兩個碼。撰文:唐如





來源: http://hk.apple.nextmedia.com/entertainment/art/20160805/19723098
PermaLink: https://articles.zkiz.com/?id=304581

甘比呂麗君世紀同場曾陪大劉入養和

1 : GS(14)@2016-11-18 17:56:33

■去年2月,呂麗君(左)曾與甘比「世紀同場」,陪伴大劉身邊。



雖然大劉稱與呂麗君兩年前已分手,但睇番資料,去年2月,就曾發生過甘比、呂麗君與大劉世紀同場的場面。當時大劉因為身體欠安,現身養和,身邊有甘比在旁攙扶,呂麗君則緊隨其後,直上專科見醫生。等電梯期暑間,大劉不時與呂麗君耳語,站在大門等車時,三人並排而立,大劉右手拿著四腳拐杖,左手握著甘比的手。呂麗君亦主動挽住大劉手臂,不過值得留意是,呂麗君沒有一齊上七人車,而是獨自乘另一輛房車離去。




來源: http://hk.apple.nextmedia.com/entertainment/art/20161118/19837433
PermaLink: https://articles.zkiz.com/?id=316114

粉紅甘比陪大劉去養和

1 : GS(14)@2017-01-22 02:17:14

■一身粉紅外套的甘比小心翼翼扶着大劉。



劉鑾雄(大劉)換腎手術成功後,昨日有報道指他已經返回華置,主要是處理一些私人事務,而甘比還會陪伴大劉返華置坐鎮。昨午約4時40分,甘比乘坐七人車抵達養和醫院,沿途不發一言。約5分鐘後,大劉的座駕抵達,現場傳媒上前追訪,一身粉紅外套的甘比即由大堂步出,上前扶住大劉,並示意他向升降機方向行。大劉昨日換上喜愛的寶藍色衞衣,在他車廂中更發現一個大劉專屬袋,是一個不織布的深藍色布袋,上面寫有「J.Lau」字樣。另外,有報道指大劉近日開始出席朋友飯局,過去一星期他在甘比陪同下到老友「資本策略地產有限公司」主席鍾楚義和田北俊的大宅作客。採訪、攝影:羅德光、黃曉程



■大劉的車廂內放有印上「J.Lau」字樣的專屬袋。





來源: http://hk.apple.nextmedia.com/entertainment/art/20170121/19903778
PermaLink: https://articles.zkiz.com/?id=323558

養和勁旺 唯唯陪妻產檢大劉着睡衣覆診 甘比拖實

1 : GS(14)@2017-01-23 07:45:15

■劉鑾雄昨日穿着睡衣再度現身養和醫院,全程拖實老婆甘比。



劉鑾雄(大劉)換腎成功後,深居簡出,大部份時間留在高士美道大宅休養,近月他開始活躍外出睇戲,陪老婆甘比及大女秀樺去元旦倒數。繼前日他與甘比到跑馬地養和醫院覆診後,昨早約11時半再度現身養和,他與甘比坐着「11」車牌的座駕抵達醫院,今次大劉穿回藍條子睡衣,肩上披着藍色外套,甘比則以一身啡色碎花裙襯黑絲襪示人。扶着枴杖的大劉拖實甘比右手落車,甘比沒有挽慣常用開的Hermès手袋,反而手持印有「J.Lau」字樣的環保袋,二人約於下午5時多離開。



■甘比與大劉在養和逗留約六小時,由多名保安護送下離開。

■梁烈唯陪陀B八個多月的太太Tina做例行產檢。

■錢嘉樂獨自到醫院做身體檢查。


甘比陪返華置

據知,大劉連續兩日到醫院,主要是做身體檢查,健康報告所指的指數不錯,見他身形飽滿不少,比預期康復得快,雖然醫生早前叮囑不要操勞,更不要外出,但見他進度不錯,加上大劉留在家中亦開始感到悶,並要求返工,故近日他有返華置,不過當然甘比陪到實。


華仔留院觀察

另外,日前在泰國拍廣告墮馬以致盆骨撕裂、現時正入住養和醫院的劉德華,依然要留院觀察,雖然他希望昨日可以出院返家休息,不過由於傷口未癒合,發炎位置未消腫,估計仍要乖乖留院。錢嘉樂與梁烈唯昨亦分別現身醫院,前者就例行身體檢查,唯唯則陪陀八個月B的太太Tina覆診,Tina透露腹中是B女,唯唯透露BB出世前都不會離港工作。問到唯唯會否如張繼聰有小情人成癡漢,他笑言:「係做爸爸嘅天性,攞正牌同第二個女仔拍拖,幾好呀!」採訪:黃曉妍攝影:陳慧安




來源: http://hk.apple.nextmedia.com/entertainment/art/20170122/19904744
PermaLink: https://articles.zkiz.com/?id=323676

吳佩慈養和睇病look Burberry褸配Chanel絲巾

1 : GS(14)@2017-02-07 05:15:57

由九頭身美少女,變了富貴媽咪的吳佩慈,前日在富豪男友紀曉波陪住去了養和睇醫生。病住無精神的吳佩慈,戴了口罩,全程挽住紀曉波及躲在男友身後。不過,富貴媽咪的日常睇病look,依然好合理地全身大品牌出品,吳佩慈著了Burberry招牌的乾濕褸、Chanel絲巾,隨意搭配貼身牛仔褲及adidas白波鞋,不失明星阿太格調。吳佩慈和紀曉波向來低調,早前被發現帶住女兒去中環嘉年華玩旋轉木馬,紀曉波表現得甚愛錫囡囡,而吳佩慈則著住愛牌Roger Vivier閃石鞋。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170207/19920433
PermaLink: https://articles.zkiz.com/?id=325860

【星級醫院】郭晶晶養和生兩個

1 : GS(14)@2017-05-01 11:57:44

位於跑馬地的養和醫院,受名人明星追捧,剖腹生產入住私家房5日4夜,收費55,200元,不是小市民能負擔得起。


郭晶晶

身為霍英東新抱的前中國國家隊跳水皇后,跟老公霍啟剛育有一子一女,大仔霍中曦(圖)及上月底出生的細女霍中妍亦於養和出世。


楊愛瑾

去年4月嫁永安太子爺郭永淳,於深水灣鄉村俱樂部舉行結婚派對,今年3月在養和順產誕下一子。


李嘉欣

於08年嫁入豪門,2011年2月8日為許晉亨在養和搶閘生下娛圈兔年第一B,剖腹誕下兒子許建彤。



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170501/20006965
PermaLink: https://articles.zkiz.com/?id=332161

【馮仁昭四圍超】城城訂養和頭等房迎B

1 : GS(14)@2017-05-13 01:56:25

資料圖片





郭富城上個月同方媛(Moka)成婚,一直有傳Moka陀B,51歲嘅城城即將榮升爸爸,各方面都好緊張,噚日有報道指城城已為太太預訂養和頭等房,每晚收費二萬三千,順產套餐就四日三夜,埋單要畀至少十萬,連同城城之前又買咗三千萬豪宅畀老婆住,呢個太太真矜貴,城城稍後要去加拿大拍電影,暫時未知幾時可以陪伴老婆。撰文:馮仁昭




來源: http://hk.apple.nextmedia.com/entertainment/art/20170512/20018343
PermaLink: https://articles.zkiz.com/?id=332614

Next Page

ZKIZ Archives @ 2019