經濟客艙：中六合彩都唔夠退休
1 :
GS(14)@2016-11-29 00:08:28每個人生嘅一生總會遇上嘅發達機會，亦好有可能擦身而過。好似星期六攪出1、2、3、4、7、10嘅細冧把組合，特別號碼為33。「呢個組合早幾期成日買，偏偏今期買錯」。頭獎23.5注中，每注派彩281幾萬蚊。即使你有億萬份之一嘅中獎機會，中頭獎又點，好可惜喺香港都係買唔到樓，就連退休都未必夠。現實世界就係咁唔公平，99%平凡人為全球最富貴嘅1%富戶埋單。唔知幾時起，衣、食、住、行四種生活基本需要，「住」喺香港難以負擔，中咗六合彩都未必買得起層樓，甚至首期都唔夠畀，生活唔容易。立法會嘅研究簡報顯示，香港家庭面對嘅財務挑戰越來越大，住戶每月開支係兩萬七，比十年前升近一半。住屋支出成為最大負擔，香港嘅樓價同租金過去十年升超過兩倍及一倍。靠借貸過日子嘅家庭亦增加，住戶非按揭債務近20萬銀，係10年前嘅2.6倍。至於剛剛晉身勞工市場嘅新世代，14K月薪足夠養到自己，未必有能力供養父母，根本冇錢淨。如果阿爸阿媽未退休，呢批「窮忙族」仲有空間唞唞氣。但父母已經退休嘅話，就唔可以低估高樓價同通脹嘅蠶食財富私嘅威力。另一個調查發現八成嘅香港人低估退休後嘅開支一半，每月生活開支萬二蚊，比統計處每月開支兩萬二千蚊少近一半，當中超過兩成人依靠強積金退休。現實生活唔只令普通人上車難，就連想過安穩退休生活亦變得好奢侈。
Captain Cool
https://www.facebook.com/seeforcaptain/本欄逢周一刊出
來源:
http://hk.apple.nextmedia.com/financeestate/art/20161128/19847542
80圍唔夠坐 夏蕙姨「肉償」道歉
1 :
GS(14)@2016-12-10 13:30:11黃夏蕙上個月擺大壽，83歲生日依然老當益壯，梗係要廣邀親朋賀一賀佢啦。不過呢啲時候，總係好難預人數，阿邊個突然得閒出席，又或者阿邊個又突然有事忙現唔到身，真係頭都爆都計唔掂要預幾多圍。好似今年1月，夏蕙姨老公潘炳烈80大壽，夏蕙姨就喺九龍灣筵開80席，計番條數，差唔多有成1,000人！不過原來80席係唔夠架，連預備俾記者同fans嘅8席都被坐滿，最後出現咗有賓客冇位坐嘅尷尬情況。嗰次之後，夏蕙姨「肉償」向賓客道歉，喺facebook貼咗張扮Tony Jaa《拳霸》嘅舊造型相，仲話唔知自己咁有號召力，比預算多咗兩圍！其實夏蕙姨又唔使咁愁嘅，始終生日係開心事嚟，大家見到壽星公壽星女高高興興其實都夠晒啦！
來源:
http://hk.apple.nextmedia.com/entertainment/art/20161210/19861153
《勁爆》160個獎減至55唔夠分Gin Lee衛蘭平分女歌手獎
1 :
GS(14)@2016-12-24 10:42:36■李幸倪昨晚首奪勁爆女歌手金獎。
【新城勁爆頒獎禮2016】本年度首個樂壇頒獎禮《新城勁爆頒獎禮2016》，昨晚假會展舉行。隨着前高層朱明銳被退休，今年頒獎禮完全改頭換面，不但將每年12月26日頒獎日提前舉行，亦將過往一晚狂頒160個「豬肉獎」，縮減剩三份一，全晚只頒共55個獎項（主要獎項見附表），但入座率及現場氣氛皆一般。
■衛蘭將自己比喻為蝴蝶，曾有一段長時間困在繭內，等時機破繭而出。
■欣宜演唱《女神》時不禁灑淚，感謝歌迷不離不棄。
■連詩雅以一首《舊街角》贏得勁爆歌曲獎。
■劉德華雖然沒有出席，昨晚仍錄短片打氣。
華仔拍片撐
昨晚出席歌手名單，跟頒發的獎項一樣大幅削減，雖然找來天王劉德華拍短片，安排在開場前播，再找本地rapper MastaMic夥拍Big Sammy為頒獎禮打頭陣，但始終天王天后級歌手欠奉，英皇及太陽娛樂全線缺席，場面冷清。新城首個宣佈獎項是新城勁爆25周年音樂大獎，兩位得主陳奕迅及容祖兒都沒有出席，率先上台領取突破洪荒男、女歌手獎分別為陳柏宇及鄭欣宜。
張敬軒奪金
出席歌手買少見少，造就陳柏宇及Gin Lee成為大贏家，二人全晚輪流上台，連去年過檔華納、一年成績平平的衛蘭亦與Gin Lee看齊，雙雙奪勁爆女歌手金獎，張敬軒則奪勁爆男歌手金獎。相反，上年被各界力捧，新城亦頒年度新人王的吳業坤，幾乎坐冷板凳，坐足一晚只與衛詩、胡鴻鈞、糖妹等人拿了一個2017勁爆十二樂勢力的豬肉獎。太陽娛樂對於旗下歌手許志安、薛凱琪（Fiona）等全部缺席，高層黎先生否認杯葛，他說：「兩三星期前回覆檔期唔得，全部有工作在身，一直冇拖佢哋，安仔同Fiona都有工作，好多商演，純粹檔期問題，而劉浩龍就忙電影，其他方力申、鄧麗欣、J.Arie都冇歌，所以絕對唔係反面，我哋都支持新城，樂意合作。」而跟新城不和的英皇，發言人則表示：「冇回應。」採訪：王連連、曹家誠攝影：沈健程
新城勁爆頒獎禮2016部份得獎名單
【勁爆25周年音樂大獎】陳奕迅、容祖兒
陳柏宇
【勁爆男歌手】（金）：張敬軒（銀）：陳柏宇（銅）：許廷鏗
【勁爆女歌手】（金）：Gin Lee（銀）：衛蘭（銅）：JW【勁爆樂隊】（金）：Dear Jane（銀）：Supper Moment（銅）：RubberBand【勁爆組合】（金）：C AllStar（銀）：小塵埃（銅）：Super Girls【勁爆唱作人】
AGA、林奕匡【勁爆國語男歌手】方大同【勁爆國語女歌手】楊丞琳【勁爆國語歌曲】《一點點》林宥嘉【勁爆合唱歌曲】《獨一無二》Gin Lee、AGA
來源:
http://hk.apple.nextmedia.com/entertainment/art/20161223/19874147
秋官誇欣宜叱咤威盡陳柏宇輸畀坤哥 「我唔夠靚仔」
1 :
GS(14)@2017-01-05 08:01:07■陳柏宇大熱倒灶失落我最喜愛的男歌手獎，他直言：「大家會繼續戥我唔抵」。
【叱咤頒獎禮】《2016年度叱咤樂壇流行榜頒獎典禮》前晚假灣仔會議展覽中心舉行，賽前陳柏宇奪我最喜愛的男歌手獎呼聲極高，但最終由吳業坤冧莊贏得，陳柏宇笑着認輸：「我又唔夠高大、又唔夠靚仔。」而鄭欣宜狂擸3個大獎成為焦點，與容祖兒平起平坐，父親鄭少秋也大讚女兒叻！
商台前晚舉行《2016年度叱咤樂壇流行榜頒獎典禮》，全晚共頒發43個獎，由晚上8時15分開始，頒足4個多小時，嚴重超時。一直傳不會參與的陳奕迅（Eason），宣佈歌曲《四季》獲至尊歌曲大獎時忽然現身，令全場起哄尖叫，Eason更直踩慶功宴被集郵。
台下觀眾喝倒采
坤哥除了憑《百姓》奪叱咤十大第五位，還爆冷冧莊得我最喜愛的男歌手獎，台下掌聲夾雜喝倒采聲，他站在台上則不懂反應，他說：「我都冇諗過得獎，根本冇心理準備，望落台下唔知講乜。」而敗給坤哥的陳柏宇事後表示未有失落，還說不攞獎更開心：「咁樣方向諗，唔使驚自己唔值攞呢個獎，同埋大家會繼續戥我唔抵，呢個係『雙贏』，唔會尷尬。」問是否覺得自己未夠資格？陳柏宇謂：「唔係資唔資格問題，我又唔夠高大、又唔夠靚仔。」他謂現在拿男歌手銅獎是恰到好處。採訪：王連連、馬建華、魯吉攝影：陳俊強、仇志德
■坤哥今年只有一首派台歌，卻爆冷奪得我最喜愛的男歌手獎。
■坤哥聽到司儀宣佈他贏獎時，一時反應不來。電視圖片
■游學修（左）成功向Eason及薛凱琪等集郵。互聯網圖片
■Eason（左）於慶功宴上做佈景板，與坤哥等合照。互聯網圖片
來源:
http://hk.apple.nextmedia.com/entertainment/art/20170103/19884400
【100萬毛...都唔夠買樓】賣歌收1毫 夢想由90呎劏房開始
1 :
GS(14)@2017-01-07 00:29:04嘉嘉為追尋音樂理想一個人返香港
喺香港發生嘅事千奇百趣，劏房樓應該係世界之最。之前有報道話：「集全宇宙之力，都阻止唔到地產商規劃劏房！」最近有個終極劏房盤現身，單位實呎只得128呎！128呎嘅樓總有人會買、仲有人住，但要買得起呢啲呎價起碼上萬嘅樓、100萬起錶，要買，好似今次受訪者鄭嘉嘉咁，就要寫1千首歌，每首歌喺網上賣(下載)到1萬次，先有100萬。
當年住90呎嘅劏房一角(圖片由受訪者提供)
嘉嘉話07年住嘅劏房只可以喺廁所煮食(圖片由受訪者提供)
嘉嘉仲鍾意畫畫舒發情緒，呢啲係開心時畫嘅
2010年簽約東亞唱片做歌手嘅鄭嘉嘉係80後，07年由加拿大返嚟香港尋找佢嘅音樂理想，未做歌手，先做幕後，做電影、電視、廣告等後期配樂，佢話佢初初返到嚟冇諗過要住劏房，佢形容佢間劏房似監倉：「因為實在太細喇，我嗰陣時就住90呎劏房，根本上我嘅人工淨係可以afford到住啲劏房，嗰陣時(租金)3200蚊。」呢個錢已經佔咗佢當時收入嘅6成，房入面1張床、3個喼，煮食仲要喺廁所，佢嗰陣時真係瞓覺先喺屋企。唔開心？梗有o架！當年自己一個飛番嚟香港，喺嗰邊同屋企人住嘅2千呎大屋喎，所以佢要搵個捱得過嘅方法：「You are not alone。我嗰間90呎房算大喇，其實前面有6間，咁第一間房係比較細啲o添，嗰間房住咗一對夫婦，啱啱生咗個小BB，你就會覺得自己已經好幸福。有時噴吓啲香薰，黐到道牆藍色、貼滿晒星星，同埋咁細嘅地方好容易清潔啫。」
嘉嘉喺加拿大時家中嘅鋼琴房(圖片由受訪者提供)
嘉嘉同家人喺2千呎家中食飯(圖片由受訪者提供)
以前未有錢租Studio做音樂，惟有喺呢個廳工作
雖然嘉嘉話自己返港嘅目標係音樂，對住屋冇要求，但佢努力搵錢搬大啲嘅屋住，呢9年嚟，由90呎、120呎…到o依家結咗婚同丈夫住喺奶奶提供嘅2百幾3百呎單位，佢話：「真係對我哋係好大嘅幫助。」佢又冇諗過買樓：「唔去旅行、唔睇戲，就算唔出街食一餐好嘅都未必儲到錢買樓，因為實在太貴，因為儲100萬真係好難好難嘅事嚟o架。」100萬真係得來不易：「我相信1千首自己嘅作品，而每1次作品Download嘅要有1萬次，我先可以賺到100萬，因為你喺網上賣，仲要同佢哋嘅平台分，之後公司扣除晒所有嘅expend，我可能一首歌一毫子都未必收得到。」哼着聽慣聽熟、自己寫嘅魚魚餅廣告歌，嘉嘉話：「住嘅環境當然係加拿大好啦，2千幾呎喎。咁香港我覺得係一個實踐夢想、去奮鬥、去做好呢份工嘅地方。」
依家同丈夫住喺約3百呎、奶奶提供嘅單位
唔儲錢買樓，當然會去旅行食好西！
同丈夫一齊租咗個8千蚊租嘅Studio，咁可以努力做音樂
採訪：懷鈺拍攝：馮峰、Kaman剪接：Roy
來源:
http://hk.apple.nextmedia.com/entertainment/art/20170106/19887563
DJ出身 坦言「唔夠吃得開」
1 :
GS(14)@2017-02-06 07:25:21■阿喱曾擅自將作道具用途的狗糞扔到垃圾桶，被森美（圖）冠以「狗屎喱」一名。 資料圖片
【本報訊】對收聽電台長大的七十後、八十後而言，在叱咤903開咪的張家豐（阿喱）並不陌生，今天阿喱從事金融創企，與當年電台工作相距甚遠，與一班舊同事吳君如、森美更無甚聯絡，縱然如此，他仍然視電台工作為他最開心的工作。當年只有20餘歲的阿喱，坦言自己心高氣傲，「喺903想型，但型唔到，每日成為嘲笑對象，唔夠吃得開。」阿喱以不少負面形容詞來形容自己性格未開竅，包括獨立、反叛、摺、急功近利、扮文青，在電台上得不到大哥大姐歡心。例如有日在公司，阿喱擅自將作道具用途的狗糞扔到垃圾桶，被森美冠以「狗屎喱」一名，更是最經典例子。森美是否真的發怒？「似係玩人，你笑我，我笑你。」以大台電視節目獎門人來形容電台生態最好不過，「一個節目要有獎門人，但同時有祖藍、金剛嘅角色，咁你話算唔算係bully（欺凌）？係咁㗎啦，如果太過上心就唔適合去做。」阿喱嘆謂，自己做不到金剛，亦做不到掌門人的角色，不過他否認人事不和是離開電台主因，反而是商台人工太低，到東亞唱片製作任總經理一職，人工升幅有3至4倍，不過尚未突破6位數字。
來源:
http://hk.apple.nextmedia.com/financeestate/art/20170206/19919168
【專題籽】90後搞網媒談性事 網民齋睇唔夠膽like
1 :
GS(14)@2017-03-04 00:35:46Open Room並不是教你開房，是教你開放，主張「思想開放，身體不豪放」。
【專題籽：胚芽故事】「讀者說很喜歡看我們的帖子，但不敢按讚。」主攻年輕人的性教育網媒「Open Room」每星期有4萬人次瀏覽，但專頁只得3,000多個like。破處、性空間和同志文化都有討論，題材大膽，難怪讀者只敢私下訊息，說因為怕朋友見到自己看這些專頁。大學生刁思正（阿刁）跟幾位同道中人於去年自資創立Open Room，記者外出採訪性議題、編輯繙譯學術研究，再由平面設計師製圖、出帖子，為推動全面而多元的性教育踏出第一步，目前團隊已有超過20個成員。
香港現時的性教育以生理方面為主，阿刁說：「主流學校偏向要學生禁慾，最多只談到性交和避孕方法。」平台每兩個月都有不同專題，有義工的撰文、記者的報道和讀者投稿的文章。團隊中有社工、記者、攝影師和平面設計師，更有社會科學和性別研究的大學生組成新聞組，「我們平時都喜歡看不同的期刊和學術研究，會做文獻繙譯工作，嘗試將沉悶的學術文章轉成有趣、貼地的圖片。」想盡計仔，只是希望大家可以輕鬆地討論性話題。正在讀大學教育學系四年級的阿刁本身想做老師，但因近一兩年修讀過輔導和性教育課程，對性議題越來越感興趣，希望成為性治療師。「性教育可以灌輸青少年對愛情和性事的態度，亦可以教他們如何做抉擇，在做不做愛之間都可以有很多討論。」她說幾年前，自己也撞過板，跟伴侶在性事方面的討論也不順利，「例如對方想做，而我不想，但我不懂得如何開口，甚至最後連拒絕也不會，這是很有問題的。」跟身邊的朋友和同學討論，發現不少大學生對性事也不了解。平台仿似雜誌《Yes》及《Teens》的戀愛及性愛問答信箱，不時收到少男少女問如何使用棉條和避孕方法等，「香港的主流教育連這些我們認為是基本的知識也沒教，令我們更想用不同方法向他們灌輸性知識和觀念。」遇到網友問性病和同性戀等較複雜議題，他們都會轉介給性治療師、社工或相關機構。
平台早前獲邀參與由同志平權組織「女同學社」主辦的「第二屆香港同讀文化節」，以「時鐘走店」為主題，成員蔡潔琛遞上匙卡，參加者可隨便入房參觀展覽。
在「時鐘走店」，參與者需要手持電筒，在漆黑的房間中探索性話題，寓意現時香港人討論性仍然要偷偷摸摸。
除了主流性教育提及的青春期發育和男女性徵外，團隊認為性教育亦可討論性歡愉、性玩具和同志文化等等，令性教育變得更全面和多元。
平台記者於同志遊行訪問黃耀明（左二）和何韻詩（左一），讓讀者了解同性戀議題。
創辦人刁思正（左）和成員兼註冊社工陳世傑。
讀者不敢討論 被批教壞下一代
今年才加入團隊的社會科學碩士生蔡潔琛主力在facebook專頁出帖子，她說每當有性罪行被報道出來，網上便會有熱烈的討論，她發現網民性觀念很奇怪，「最令我不舒服的是，他們說穿得少布的女孩就應該預了會被非禮和強姦，我覺得是不應該有的想法和態度。」她說無論誰是誰非，網民都會一窩蜂留言：「雞，全部都係雞。」這令她非常反感，因而希望透過平台帶出不同聲音，從不同角度討論。除了讀者不敢公開討論，平台試過在facebook落廣告、推帖子，卻因內容太敏感而被facebook禁止；instagram賬戶亦曾經被刪除，流失了幾百個follower，試過發電郵問原因，都沒有得到回覆。阿刁反而說不要緊，「我明白這些社交媒體暫時接受不到露骨的內容，這也代表香港社會現時對性議題的態度，接受不到太露骨的資訊，甚至仍然認為性是骯髒或不應該被拿出來討論。」另一成員兼註冊社工陳世傑更表示，有人會說他們好人好姐，為甚麼要搞這些網站，「會覺得沒事找事來幹，甚至說我們教壞下一代。」
Open Room新聞組會把近期的學術研究繙譯成簡單的文字和圖片，例如日本研究表示，人們在輕鬆的氣氛或自慰時會令陰道變長，證明假陽具不會對女優的陰道造成永久傷害。
平台把口交比喻為吃可愛的珍寶珠，以輕鬆手法提醒口交有機會傳染HIV病毒和其他細菌。
網址：
http://www.openroom.com.hk、facebook：OpenRoom場地提供：Secret Party
記者：列淑華攝影：王國輝、鄧鴻欣（部份圖片由受訪者提供）編輯：謝慧珊美術：孔文彬
來源:
http://hk.apple.nextmedia.com/su ... t/20170303/19945211
王宗堯蔡潔唔夠半年玩完《夜蒲》肉博舊愛DaDa
1 :
GS(14)@2017-03-23 06:27:25一講王宗堯，相信好多人第一個反應係：「男神呀！」身為男神，38歲嘅王宗堯嘅感情生活一向都大家關心嘅話題，而且佢嘅對象都一個其通點，就係身才非常好。
DaDa陳靜「百果園E神」呢個名係咪好耐冇聽過呢？不過DaDa呢個朵同身材真係一時佳話，佢同王宗堯08年喺朋友介紹底下認識，兩人拍拖一年幾之後就分手。之後喺11年拍《喜愛夜蒲》時，DaDa同王宗堯仲要拍肉博親熱戲，DaDa仲話冇尷尬好有默契o添。陳詩雅陳詩雅身為Angelababy師妹，喺15年就被影到同王宗堯喺街頭打得火熱，王宗堯仲好肉緊咁一手攬陳詩雅入懷，然後就啜啜，淨係睇字都有畫面呀唔係講笑。估唔到肉緊過後，王宗堯接受訪問時好老尷咁話：「認識很久的朋友…了解中！」
Christy黎紀君15年10月，王宗堯就承認「已封盤」同Christy穩定發展中，Christy本身讀書時期已經係ig女神，經常大方晒身材。不過到16年5月，王宗堯出席活動時殘爆認分手，仲話唔想變成敵人。蔡潔王宗堯同蔡潔喺16年7月被爆一齊，仲一齊去到數碼港玩航拍機o添。當時王宗堯仲要起唔到機，睇番都幾搞笑，不過此情此景o依家睇唔到喇。因為兩人拍拖唔夠半年就分手，王宗堯話自己係「被分手」，聯絡唔到對方，仲喺fb留言：「其實消失係咩玩法呢？」睇返咁多段關係，王宗堯都係傳被人飛，估唔到男神都有弱點；不過唔緊要啦，聽日一定會好天嘅。
來源:
http://hk.apple.nextmedia.com/entertainment/art/20170322/19966340
Next Page