林海峰囡囡唔入行
1 :
GS(14)@2017-02-03 03:10:30■彭羚與林海峰的17歲大女林泳，傳被唱片公司爭簽做歌手。資料圖片
90年代的天后彭羚今日踏入48歲，嫁林海峰後退隱多年的她，17歲的長女林泳已亭亭玉立，有指林泳遺傳了媽咪的靚聲天份，去年彭羚帶兩女到紅館捧林海峰的棟篤騷場，被英皇和寰亞的高層?中，搶奪爭簽林泳做歌手，不過被老竇林海峰阻止。
林海峰
報道還謂就算有人想藉任職寰亞高層的姑媽林珊珊幫口游說，但都被珊珊拒絕。然而，據知根本沒唱片公司打仍在求學的林泳主意，英皇高層霍汶希昨在電話說：「英皇對所有有潛質嘅藝人都有興趣，不過冇接觸過林海峰嘅大女。」彭羚於五年前為黃偉文作品展出山，當時有唱片公司力邀她復出，不過林海峰表示經屋企人小圈子投票，已否決了這件事。採訪：皓騫
來源:
http://hk.apple.nextmedia.com/entertainment/art/20170202/19914787
木村大女 八頭身獲斟入行
1 :
GS(14)@2017-02-03 03:10:37日本組合SMAP已在上月底解散，其官網已於昨日關門大吉。目前，木村拓哉與舊隊友各自發展，除了木村與太太工藤靜香的一舉一動都引起網民談論外，連木村的15歲大女木村心美都充滿話題性。
■將滿16歲的心美，自細已是明星相。
心美今年5月便滿16歲，有傳木村已安排寶貝女到海外留學，而這位星二代不論外型或天份都盡得父母真傳，已有不只一間事務所斟心美加入演藝界。曾有圈中人見過工藤靜香帶住兩個囡囡現身代官山，形容心美長得亭亭玉立，擁有八頭身的模特兒身形，假如入行肯定前途無限。不過，木村與靜香只希望囡囡專注學業及進修音樂，為心美鋪路做個音樂家。撰文：哥羅
來源:
http://hk.apple.nextmedia.com/entertainment/art/20170202/19914799
林海峰指囡囡無意入行
1 :
GS(14)@2017-02-07 05:15:59林海峰、葛民輝、陳志雲、少爺占及當奴等昨日齊集商台總台舉行新春團拜，並精心炮製賀年食品，及公佈全新節目動向。新節目《香港人話》會訪問各階層人士對特首願景，其中黃子華對新任特首願望是能夠釋出最大善意、創意去解決社會紛爭。葛民輝被問到新年願望是否娶新抱？他即說：「啋，未有耐。」林海峰對大女林泳成兩大唱片公司爭奪目標，他笑指該雜誌報道唯一對的是雜誌期數，跟他洽談只有相熟唱片舖，問到大女是否有入行意願？他說：「冇冇冇冇冇，基本上冇，佢想咪當課餘活動就冇所謂，好似我同阿葛喺白英奇之後，諗住兼職做商台，一做二十幾三十年，仲搵緊正職。」至於太太彭羚會否兼職唱歌，他指太太正職太忙，無暇兼職。採訪：馬建華攝影：陳慧安
來源:
http://hk.apple.nextmedia.com/entertainment/art/20170207/19919870
似彭羚唱得 英皇東亞打主意 林海峰禁17歲索女林泳入行
1 :
GS(14)@2017-02-12 15:40:212017-02-02 NM
屋企一屋女人的林海峰，老婆彭羚雖然已屆47歲，但保養得宜，依然見得人，五年前破例為Wyman作品展演出，好評如潮，惹來不少演唱會主辦商拍門，掟錢誘復出，但林狗一句唔俾！彭羚立即投降，棄船唔唱，繼續做煮飯婆日日湊女。眨吓眼，大女林泳已經17歲，生得又索又高。去年中，她跟媽咪去睇騷，即被英皇、東亞睇中，要簽林泳入行，但同彭羚下場一樣，都過唔到專制老豆嗰關，唔好發夢！搵林珊珊幫口
當年同王菲Sammi不相上下的彭羚，○○年誕下大女林泳後，便逐步封咪，全職相夫教女。轉眼林泳就滿17歲，已經高過媽咪，婷婷玉立兼有一張省鏡明星臉。
去年中，林海峰舉行「是但噏」，尾場妻女到齊捧場，見到當時剛將長髮剪到膊頭的林泳，唱片公司包括英皇同東亞都流晒口水，紛紛向林狗埋手，要簽林泳入行。
「女大十八變，林泳真係愈大愈靚，嗰次出嚟就即刻俾英皇同東亞啲人睇中，追住問阿Jan（林海峰）想唔想個女入行，但阿Jan一嚟已經落晒閘，當時都有人搵埋林珊珊想佢幫口，但珊珊知細佬性格，叫大家諗都唔使諗！」知情者說。
帶兩女會戰友
專制林狗禁入行，似媽咪唱得的林泳，繼續學校生活。早個月，全職湊女的彭羚就陪住兩個女林泳林清，同到數碼港公園玩。下午五時多，彭羚先放低兩個女去公園，自己再去泊車。當日彭羚約埋昔日唱片公司的戰友敍舊，友人還帶了兩隻poodle狗狗一齊到，林泳林清開心到癲，不停同狗狗追來追去。兩女初長成，彭羚望住兩個女，笑得十分滿足。細女林清大部分時間黐住媽咪，玩完一陣，就會返番彭羚身邊，甚至伏在媽咪大髀詐嬌。
得父母真傳
至於keep住及肩微曲髮的林泳，近一年再標高，十七歲已經高過媽咪大半個頭，牛仔褲衞衣打扮青春逼人，兩年前箍咗牙的她，輪廓清秀，雖然未至於索爆，但相當討人喜歡，難怪咁多行內人打佢主意。十七歲精力充沛，林泳追住狗狗氹氹轉，玩得勁開心，彭羚主動攞起手機，拍低女兒開心表情。林泳得父母真傳，唱歌好聽，讀書亦叻，是學校高材生。「阿Jan原本想個女繼續讀女拔，但Cass（彭羚）唔想個女讀書太大壓力，兩年前安排林泳轉咗去漢基讀國際學校，遲啲就會送個女去英國繼續讀書。不過林泳好鍾意唱歌，亦似足媽咪咁唱得！」玩了差不多一小時，彭羚起身執嘢準備離開；兩姊妹意猶未盡，一人拖一隻狗，繼續喪跑。至於同舊同事邊行邊傾的彭羚，雖然退隱多年，但同昔日幾位並肩作戰的唱片公司同事，一直保持聯絡，十分念舊。
似姊妹冇代溝
同友人say bye後，三母女攬住一齊行去攞車，其間經過麥記，兩個女先去買薯條，彭羚在外等，之後一同返回南灣寓所。「Cass好錫兩個女，每日都一定湊女返學放學，同大女更加好似姊妹咁，兩母女行街會拖住手，因為彭羚同兩個女一齊成長，所以佢哋冇代溝，林泳咁大個女，但有乜心事都會同媽咪講！」退居家庭十幾年的彭羚，一二年因為黃偉文，破例復出唱，即引來製作公司打主意，利誘復出開騷，甚至出到百五萬一場，但老公一句唔俾，彭羚即刻唔唱。老婆言聽計從，林海峰去年在演出中公開多謝彭羚，表示當年在TVB化妝間，第一眼見到她，就知道呢個就係嘞！又聲言有彭羚才有他，冧到老婆在台下喊爆。咪睇細細粒林海峰是但噏，骨子裡是大男人主義者，對妻女採取保護政策。老公話晒事，但結婚多年，兩公婆仲係好恩愛，不時撇低兩個女二人世界，早前，林狗同老婆去淺水灣拍拖食雪糕，發現鏡頭後，即由左邊企到右邊，試圖用身體遮擋鏡頭免素顏彭羚上鏡。有林海峰把關，落閘放狗，想打佢屋企啲女人主意，難！
搶手星二代
圈中不少星二代都遺傳父母優質基因，天生一副明星相，冇得輸。
譚曉風
譚詠麟與紅顏知己Wendy的獨生子譚曉風，高大靚仔，是牛津拔尖高材生外，更能文能武，一直有不少唱片公司向佢招手。
苗彤
二十五歲的苗彤（Pheobe），身材高『身兆』又愛曬得一身古銅膚色，盡得苗僑偉和戚美珍遺傳的她，不時於IG大晒噴血泳衣照，更多次傳被邀參選港姐，是最索星二代之一。
Nikkie & Chloe
梁家輝與江嘉年一對索爆孖女Nikkie（梁穎晨）和細孖Chloe（梁靜禧）樣靚身材正，非常吸睛，大受網民關注，孖女雖有意闖娛樂圈，但老豆梁家輝卻極力阻止。
撰文、攝影、攝錄：娛樂組
出書爆入行七年痛苦經歷清水富美加呻遭刻薄 自殘留疤
1 :
GS(14)@2017-02-18 09:51:49■清水富美加的爆料書昨日上架即賣斷市。
日本女星清水富美加為篤信的新興宗教「幸福科學」出家，並改法號千眼美子成為藝能界熱話。清水富美加昨日推出爆料自傳《全部說出來》，內容極具爆炸性，除自揭16歲開始已有自殺經驗外，更曾揚言想殺死事務所社長。現年22歲的清水富美加要求跟LesPros事務所解約，獲「幸福科學」撐腰下全面停工，令其參演的三部新片及代言廣告均受影響，由她夥拍尊尼男星丸山隆平的新片《小偷角色》，片方需臨時找來24歲女星石橋杏奈執二攤頂上並重拍，至於由富美加主演的另一新片《暗黑女子》或有可能取消上映，加上得罪廣告商，相信她要賠償逾億日圓以上的違約金。
■清水富美加出書談七年來的痛苦經歷，更自爆多次自殘。
富美加於2008年入行，是新垣結衣同門師妹，她前晚突然宣佈推出爆料自傳，該書昨日甫推出市面即賣斷市。據知富美加的爆料書是本月才開始籌備，只用上幾天撰寫，她自言當正寫遺書般爆盡過去七年的辛酸，包括有不只一次的自殺經驗。富美加憶述16歲生日時，她曾用封箱膠紙貼住口、鼻尋死，又用?刀割脈，如今右手手腕仍留有刀疤。富美加直斥事務所刻薄藝人，她每月只有不足4千港元酬金，而且每日3小時睡眠時間，令她效力LesPros的七年間十分想死，曾試過憤怒地向經理人表示：「我真的很想殺了社長！」不過富美加強調現時不會再做儍事，自言已從谷底翻身，更以千眼美子姿態復活。
■有傳LesPros一姐新垣結衣都打算離巢。
新垣結衣想唔撈
LesPros近年屢傳不利消息，年前便跟女星能年玲奈鬧出合約糾紛，當時能年因不滿公司的奴隸合約而提前解約；就連新垣結衣都被指向身邊人狂呻，望早日脫離LesPros及有引退念頭。撰文：哥羅
來源:
http://hk.apple.nextmedia.com/entertainment/art/20170218/19931775
入行14年《美少女戰士》泉里香出處女寫真集
1 :
GS(14)@2017-03-03 00:59:51真人版《美少女戰士》於2003年播出時被封膠劇，點知事隔多年，中飾演火野麗嘅北川景子已成為影視界阿姐，當年膠劇已成為絕播神劇。除咗北川景子外，其餘美少女如今仍然有睇頭，好似28歲嘅泉里香，十幾年前演真人版水野亞美已吸納唔少宅男fans，雖然多年來佢都惜肉如金，不過上年首次拍水着寫真大晒D Cup上圍，更為漫畫雜誌《週刊YOUNG JUMP》擔任封面女郎，令泉里香再受注目。泉里香決定4月11日推出入行以來首本寫真集《Rika!》，今次主題係硬銷同女朋友剛剛拍拖嘅感覺，泉里香以比堅尼上陣展示白滑肌膚，粉絲們又點可以錯過。
來源:
http://hk.apple.nextmedia.com/entertainment/art/20170302/19945060
嘆年輕人怕辛苦拒入行紙紮大王憂手藝失傳
1 :
GS(14)@2017-04-04 08:59:26高手在民間，位於西營盤東邊街斜路的一個角落便有一位。人稱「紙紮大王」的夏中建，從事紙紮業務長達三十五年，也是全港少數懂得傳統紙紮手藝的師傅，每逢清明重陽等節慶，工作多到應接不暇。訪問之時，他正製作一張輪椅，因客人要求輪椅下設一個馬桶，故需勞煩師傅出馬。夏師傅得意的說：「雖然我哋冇升過級，咁多年仍然係「佬」級，即係紙紮佬呀嘛。但係受尊重，點解呢？你想要嗰樣嘢，如果唔係靠紙紮佬，根本冇辦法做得到。」紙紮是一門冷門行業，一般要懂得做獅頭、龍頭、工燈、花炮和仙人祭品，全部懂得的，在香港不足五個。別以為紙紮來來去去都是倒模式工作，其實極講求創意與記憶力，夏師傅說：「做紙紮呢其實個名話咗畀你聽，紮作紮作，一路紮就一路作！個人最緊要夠創意，我好驟忌做完又做嘅嘢，真係冇乜癮嘅，冇晒挑戰性。」不過，他接受過的訂單也真的千奇百怪：「生前擁有千軍萬馬，死後又要千軍萬馬！開夜總會就做間夜總會；開酒樓就做間酒樓；爛賭咪訂隻馬囉！有啲成張百家樂枱我一比一做出嚟都係咁做。」有道教的地方，自然有紙紮行業。即使這行需求不絕，但入行的人卻越來越少，主要是因為後生一輩怕辛苦。夏師傅說：「勞工處我天寶樓長期登架啦！呢個行業唔係咁多年青人鍾意做，枱都冇一張，成日踎喺個地下度做。同一道理，點解冇人學呢？就係太過辛苦。」夏師傅亦有開班授徒，卻其實是自討苦吃：「開班係有嘅，仲好爽添！不過開班多數都係佢嚟玩我多啲，佢嗰個心態唔係過嚟學做紙紮，係當興趣班咁走嚟hea吓。」然而，夏師傅不擔心手藝失傳，因為後繼有人，他的兒子夏浩文（Jimmy）的紙紮工夫已經獨當一面。Jimmy說：「我細細個都已經睇佢紮嘢紮到大。我啲friend中秋節好鍾意我架，叫我紮啲燈籠畀佢嘛！」看着這兩父子時頂撞兩句時並肩作戰，你會漸漸明白「行行出狀元」原來是真理。採訪：馮國康攝錄：馮峰、吉吉
來源:
http://hk.apple.nextmedia.com/entertainment/art/20170403/19978490
有樣有家底希拉莉22歲姪仔入行做男模
1 :
GS(14)@2017-04-08 19:39:54失落於美國總統大選嘅希拉莉（Hillary Clinton），原來有個22歲姪仔Tyler Clinton已加入模界做Model。
Tyler Clinton擁有1.8米高度，加上碧綠色嘅眼睛亦十分迷人，故最近獲經理人公司羅致旗下成為全職男模，並剝衫為攝影名師Brian Jamie拍攝一輯硬照。
Tyler Clinton係前總統克林頓同母異父弟弟羅傑（Roger Clinton）嘅兒子，Tyler與希拉莉一家關係密切，去年8月以親屬身份出席民主黨全國大會撐希拉莉，日前佢亦於Instagram上載跟克林頓合照。
來源:
http://hk.apple.nextmedia.com/entertainment/art/20170407/19982896
入行26年冇拍拖 轉幕後愛心教學51歲袁鳳瑛自購婚紗 問天若有情
1 :
GS(14)@2017-04-28 00:54:31■51歲的袁鳳瑛憑《天若有情》一曲成名，26年沒拍拖的她不怕寂寞，恨着婚紗就自己買。
【《蘋果》專訪】經典電影《天若有情》不只主角劉德華和吳倩蓮令人難忘，袁鳳瑛演繹的主題曲同樣繞樑20多年，在破碎家庭長大的她，出了三張唱片便悄然離開樂壇。現年51歲的袁鳳瑛仍未找到她的「華Dee」，穿上婚紗的她說：「當然恨啦，所以自己買嚟着！」
袁鳳瑛的歌聲在樂壇失蹤了20多年，「原諒話也不講半句 此刻生命在凝聚」這首由她主唱的《天若有情》，成為電影主題曲的經典，日前她應本報邀請着婚紗扮吳倩蓮，坐電單車演出一幕搞笑版，化傷心為笑聲。袁鳳瑛看過這部戲五次，迷戀過戲中的「華Dee」劉德華，她說：「佢做《龍在邊緣》已經幾迷，認識咗佢真人，佢做好多社會貢獻，其實勁佩服佢。」
【搞笑版】■扮吳倩蓮的袁鳳瑛與動主播CK玩搞笑版《天若有情》經典一幕，令她一嘗着婚紗的心願。
【原裝版】■演華Dee的劉德華在《天若有情》最終死去，跟吳倩蓮演的JoJo陰陽永隔。劇照
自稱好多愛心
問到是否想做吳倩蓮的角色？袁鳳瑛坦言：「其實恨㗎，好多謝《蘋果》畀我實現夢想。我覺得最經典係吳倩蓮喺天橋跪低，好傷心，自己好希望係happy ending，華Dee返嚟扶起吳倩蓮。」問生命中有否出現過華Dee？她感慨說：「雖然我做歌手日子唔長，但嗰幾年，幾靚仔又見過，幾有才華又見過，自己比較要求高，反而我係追求人生意義，愛情遇到有就有，如果冇唔好強求！」隨緣的袁鳳瑛多久沒拍拖？她瀟灑說：「由我入行做歌手，已經冇拍拖，20幾年，91年到?家，做完歌手做教育，超級忙，?家對住咁多學生，可以將我嘅愛發放出去，唔一定要有愛情生活。」恨着婚紗嗎？袁鳳瑛坦言：「當然恨啦，所以自己買嚟着，好似今日咁，幾滿足，又有華Dee。」她不擔心孤獨終老：「我唔怕寂寞，enjoy一個人空間，當你要熱鬧，有學生知己，都好開心。我咁多愛心，梗係分晒畀學生，如果得一個愛情對象，會浸死佢囉。」
■袁鳳瑛於86年參加第5屆新秀歌唱比賽，結果由文佩玲、許志安及黎明分別奪金銀銅獎。
■離開樂壇後，袁鳳瑛曾開音樂中心教唱歌，後因欠租倒閉。資料圖片
讀心理學幫人
當年《天若有情》紅歌唔紅人，袁鳳瑛淡然說：「其實係冇感受嘅，因為當隻歌紅嘅時候，我未係真正入行，仲係返工嘅OL。我唱嘅時候首歌唔係叫《天若有情》，係叫《心裏的聲音》，到我唱完已經唔記得呢件事，反而Beyond嘅插曲我有印象，所以知道自己唱嘅歌變主題曲，有啲喜出望外。」然而，她只推出了三張唱片，就悄然離開樂壇：「我覺得幕前工作係人生一部份經歷，同埋當年嘅文化，我覺得自己唔係太適合，但?家性格就可能適應啲，所以?家積極啲，開心樂觀啲去面對，最緊要係我開始摸索到，喺娛樂圈點同人相處、遊戲方式係點。」袁鳳瑛離開樂壇後修讀心理課程，近年主力做德育、演藝教育和心理輔導，還有教人唱歌，她說：「讀完心理同輔導，首先會幫助自己，我都好鼓勵藝人朋友，首先了解自己，你會幫到自己好多，調節咗之後，你對於身邊人同生活助力會好大。」採訪：余燕儀、趙永傑攝影：林德雄化妝、髮型、婚紗：So So Bridal Makeup難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170427/20002564
Next Page