太古廣場：利是錢做乜好？識揀一定唔會儲！
1 :
GS(14)@2017-01-27 07:40:05加番句家長指引先，家姐唔係教人亂fing錢，只係點樣用得有意義啲啫。老老實實，得嗰千幾至幾千蚊，如果想用嚟滾幾百蚊收益，就參考番《蘋果》財經版啦吓！利是錢，三個字，豐儉由人。如果大家唔係被電子派利是的話，通常到初十五拆都走唔甩千幾銀，返幾層office嘅可以去「洗樓」?利是嘅更加唔使講啦。呢個range儲又唔係多，一次過食晒佢又好似太浪費？醒啲另類投資過你啦。今年農曆年都算近新曆年頭，大家新一年有無話要做多啲運動呀，個人健康啲咁呢？如果你係放工跑兩步就攰嗰種人，有啲嘢醒你：用利是錢畀自己上一年PE堂！話說上年呢啲月費做運動App喺OL界相當之hit，因為實在係好抵！家姐我join咗個K字頭嘅，仲要係500蚊年代就join咗（家陣新會員要700蚊啦，但仍然抵喎，睇埋就知），每個月畀錢，唔使簽約，可以喺個App度揀十樣運動做，計落每一堂都係幾十蚊咋陰功。其實道理就好似運動版Uber咁，都係共享經濟嘅一種。將啲細規模嘅瑜伽、健身、打泰拳嘅中心放晒上去，畀你慢慢揀，每樣嘢一個鐘，好似以前上PE堂咁，今日可以去打一個鐘泰拳，聽日可以做瑜伽，喺手機book完，個人準時show up就得，地方揀番近自己office，放工做完返屋企食飯都得。不過以前個App仲有好多可以蒸吓身、蒸吓腳呢啲嘢玩，家陣都無晒喇，變咗要額外畀錢。個App另外好就係可以望下有咩活動先課金，砌到成個月時間表的話，咪健康吓囉。呢個係其一，如果唔想由做運動着手，想食得健康啲嘅，都有計！仲可以食埋英鎊平條水㖭呀！英國有個blogger，姑且叫佢KOL啦，介紹健康零食介紹到出晒名，家陣自己每個月揀啲健康嘅零食，塞落一個surprise box度，訂購咗嘅用戶可以每個月都收到一盒有零食有飲品嘅sourced box。如果日日坐office都係食熱浪、麥提莎嘅，咁不如試下啲天然海鹽焦糖bar、天然拖肥波波，或者西蘭花脆片啦，咁食法都無咁有罪惡感！不過呢個投資就可能要請教網購達人喇，因為係要先寄去英國，再代運嚟香港嘅。買足一年嘅驚喜健康零食，計番家陣英鎊都係千幾二千蚊咋，呢個價錢每日食熱浪飲檸茶都係食到八十幾日，仲會生痘痘㖭。【家姐教路】無論係用利是錢嚟買乜嘢都好，最抵一定係入晒落銀行，再用信用卡嚟買，用利是錢找信用卡條數。做運動App一定要用信用卡畀啦，呢個無計；至於英國零食，如果可以自己搵到代運服務，就可以碌英鎊自己買，賺到miles又唔使畀代購賺。不過小心代運收費呀，家姐中過伏，買咗三盒零食運番嚟要500蚊！三盒零食都係300幾蚊咋陰功。用代購之前，一定要先用佢個計算機預測吓運費係幾多呀！資料補充：做運動App係Kfit，英國零食係Sourcedbox，本人並無持有以上股票關家姐
http://fb.com/kwangajei本欄逢周五刊出
來源:
http://hk.apple.nextmedia.com/financeestate/art/20170127/19910076
澳職攻略：鳳凰下盤一定「德」
1 :
GS(14)@2017-01-29 10:31:45阿德萊德聯狀態差兼火力欠奉，故年初二與威靈頓鳳凰進行澳職常規賽就算有主場之利亦不值捧，宜博受讓半/一的鳳凰下盤。（球賽編號：星期日1；有線64及203台今日2:00pm直播）現由前巴塞球員阿摩領軍的阿聯今季表現差勁，過去16場常規賽只取得兩勝四和10負，主場成績是兩勝一和五負；而且，他們更是入球最少的球隊，僅入12球，令人難以相信他們有力於主場贏波。還要留意，日前他們有前鋒沙治哥迪奧拿離隊返西班牙，雖然這名西班牙球員今季僅入三球，但已是阿聯其中一位入球最多的球員，故難免會影響鋒力。鳳凰近況不俗，過去八場常規賽取得三勝三和兩負；他們只有後衞馬哥羅斯停賽缺陣，眾主力如杜蘭迪、古希美、基舒拿及巴巴路西斯等都可披甲，其中基舒拿更腳風順，常規賽上陣15場入八球。阿聯近六次於主場對鳳凰取五勝一負，往績一面倒佔優，但現時他們火力全無，故不值捧場，博受讓半/一的鳳凰下盤。文：青蛙仔
來源:
http://hk.apple.nextmedia.com/sports/art/20170129/19912033
【車公玄機】上籤唔一定好？解籤佬：特首女人做
1 :
GS(14)@2017-01-31 00:34:38特首選舉尚餘不足兩個月，對車公靈籤各有解讀。車公廟外解籤的玲玲師傅指，籤文的偈語是「月會花名秋夏好」，秋夏是選舉結束、政府換屆之時，而「花名」象徵女性名字，她認為代表女權當道，林鄭當選機會較大，但今年社會仍是雞犬不寧。另一位解籤師傅陳天恩居士指，籤文首句「傳來信息果無差」無明示誰人當選，但切合現時選戰情況，很多人想傳送訊息，例如中聯辦放風指林鄭月娥會做特首。他指今年香港運勢有利女性候選人，林鄭較大機會當選，但轉運不代表香港前景好轉，有可能轉差，甚至今年內有動亂。他指另一參選人葉劉淑儀面相不是做特首，加上前年被麒麟撞倒，「佢3年衰運未過」。
市民盼曾俊華上台
市民彭先生對香港求得上籤感高興，又因籤文尾句有「華」字，希望是車公暗示曾俊華出任下屆特首。他認為曾俊華可帶領香港休養生息、解決住屋及老人問題，「多啲人有屋住，最重要啦」。港人蘇先生不相信鄉議局可代表港人求籤，「（求籤）玩弄係佢哋手掌囉，佢哋掌握晒，（市民）都冇得揀」。他笑言應民選一個代表為香港求籤。車公籤文向來被認為對特首選舉有啟示，2012年特首選舉前夕，唐英年與梁振英被指「豬狼之爭」，時任鄉議局主席劉皇發為香港求得中籤，籤文「何為邪鬼何為神，神鬼如何兩不分；但管信邪修正外，何愁天地不知聞」。引起社會熱議唐、梁兩人誰是「神」誰是「鬼」。
來源:
http://hk.apple.nextmedia.com/news/art/20170130/19913104
講風講水：初一定立春佈局？
1 :
GS(14)@2017-02-08 22:23:57■雞年計年初一，丁酉年則計立春。 資料圖片
有朋友問丁酉雞年風水佈局到底計年初一還是計立春？答案是雞年計年初一，丁酉年則計立春。首先我們要明白何解古人要發明生肖記年？原因好簡單，皆因現代無數人都記不到自己出生年份或流年的天干地支（例如有多少人會記得自己出生於甲午年、乙未年之類呢？），現代人姑且記不到，更何況古代平民百姓？所以古人設計十二生肖來方便平民百姓記住出生年份及計到歲數；舉例古代某雞年問一青年人今年幾多歲，青年人答「我不知自己那年出生，但我知我是雞年出生的」，那便知對方是廿五歲了。又例如問人幾多歲，只求對方回答一個約數，例如回答「我今年十九歲」即可；並不要求對方回答「我今年十九歲三個月零八日」。而生肖記年由年初一至年三十晚止，純粹基於一種記年或計歲數的「方便」。遇人用丁酉年這個字眼，即表示對方使用天干地支記年（丁為天干，酉為地支），亦即表示使用干支曆法，既然使用干支曆法，自然要依節氣用立春為一年之始。所以筆者每每會同人解釋佈雞年風水佈局以年初一為始；如佈丁酉年風水佈局則以立春為始。兩者其實只誤差數日，相對全年來說其實影響不大。最後筆者想用一比喻作結，舉例問人「一年有幾多日？」甲答「365日」，乙答「365.24219日」。其實兩個都對，分別只是甲屬普遍易記的答法，乙則屬於精確而難記的答法。
琛明大師
mailto:
[email protected]本欄逢周三刊出
來源:
http://hk.apple.nextmedia.com/financeestate/art/20170208/19921046
【只怨不做？】職場新手數工作得失 講到老闆同事唔一定負評
1 :
GS(14)@2017-02-18 00:51:53去年的畢業生進入社會工作已經大半年，由學生變打工仔最大的轉變，兩人都不約而同說：「要早起上班。」
這群畢業生告別學生身份之後，轉眼間都已經踏入社會大半年。以前校園生活多姿多采，現在要上班又應付得來嗎？受訪的兩位職場新鮮人不約而同地說，最明顯的轉變是生活習慣，學生時代「走堂」有如家常便飯，投身社會後必須準時上班，而且不能無故缺席是常識吧。現職行政助理的Christy Lee經朋友介紹，畢業後很快便投身職場，正式成為朝九晚六的打工仔。被問到跟老闆和同事的關係如何，她像分析男女關係般回答：「和老闆一定會有段距離，不能太親近也不能太疏遠，他會記得你說甚麼，而你亦都一定要記得他說過甚麼。」她慶幸老闆會關心員工之外，還在公司遇上一群好同事。起初以為跟同事相處要避忌很多事情，還要投其所好，但年輕人的話題總是離不開吃喝玩樂和去旅行，他們在午飯時間都會一起上網購物、搶購特價機票，不用刻意維繫也自然地打成一片。另一位職場新鮮人Rover Man現職採購員，他直言工作過於沉悶，跟老闆的關係就如大部份打工仔一樣，就是有苦自己知。「幸好一起吃飯的同事都是同齡，可以聊天互吐苦水。」還有同事可以一起抱怨，都算是苦中作樂。很多人都說做學生的日子最無憂無慮，他們又最懷念甚麼？Christy說：「不能吃學生餐，不能唱學生K，看電影和搭車都沒有優惠了。」最簡單直接就是入閘時八達通那一聲「嘟」提醒她不再是學生。Rover有點感慨地說：「朋友，約他們更難了。」做學生時「走堂」可以自製假期，有更多的時間可以自由分配，現在各自都有自己的事要做，要上班和拍拖，朋友總是被排在最後。那現在只有兩天的假期會如何度過？Christy說：「以前會在家睡覺、看劇，現在會珍惜每個假期，去旅行或者周末會去行山。」而平日收工她就會直接回家吃飯，因此多了時間跟家人見面。Rover則說上班已經夠累了，假期會選擇在家打機，舒服一點也不用出外亂花錢。他又說以前兼職賺錢只顧自己，看見喜歡的東西就會買，經常亂花費去買一些無謂的東西。但開始全職工作後要給家用，頓時責任感大了，同時又感嘆：「搵食艱難，上班後沒有買波鞋。」除了有家用收之外，相信家人最欣慰的是他們的改變。記者：黎婉婷攝影：伍慶泉、陳健邦、鄧鴻欣、徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
Rover說上班一段時間後開始懂得辦公室的生存之道，「有時老闆說的就回感嗯嗯哦哦，在他背後當然跟同事……」大家都是打份工，你懂的。
受訪時說話都有帶點大人的口吻，問到Christy覺得自己成熟了嗎？她說：「很難說自己成熟了，但家人說我比以前定性。」
她指現在的工作穩定，有年假仍然可以去旅行，不會因為工作而沒有自己的生活。（受訪者提供圖片）
Rover說現在的生活都是工作為主，雖然想趁年輕去旅行，但開始有責任要給家用，現在不能只顧自己，還要顧及家人的感受。（受訪者提供圖片）
來源:
http://hk.apple.nextmedia.com/su ... t/20170217/19930989
財經評論：大件唔一定夾抵食
1 :
GS(14)@2017-03-23 06:48:16海景大宅作為換樓升級是理所當然，近期馬鞍山有個臨海項目星漣海，全數提供三至四房單位，面積大銀碼大，樓價動輒千萬元，但大大間不代表好用，部份客飯廳與廚房之間有幅逾10呎長間隔牆，感覺窄長又奇怪，阻礙出入，擺明嘥位又如何？現時樓市狂熱，你唔買有人買，依然去到貨。無無謂謂的間隔牆，形成逾5呎闊通道，面積逾50方呎，以每呎約1.4萬元計，價值約70萬元，買家要真金白銀畀錢購入，發展商開心賺到笑，長實（1113）解釋，根據屋宇署條例，樓書標示此處為Corridor走廊，輕描淡寫真簡單，但細心諗諗，若買家自行拆牆，後果自負。星漣海首日推188伙，賣出約七成，繼而加推加價2%，至於貴價接貨後，將來淪為二手，能否容易轉售，又或跟得上市況升幅，唯有自求多福。睇番區內同系半新樓天宇海及嵐岸，與星漣海共通點，同樣建於海邊及有大單位，弊在面積越大，樓價升幅越少。最近天宇海1個四房戶以1,100萬元賣出，業主持貨七年，升幅不足12%。嵐岸的相連大宅放盤一年多，最終以1,368萬元賣出，揸足十年，只升9%。如此成交價不理想，是否意味當年一手價已透支多年來的升幅，讀者自行判斷，但或多或少，對星漣海有啟示作用。星漣海折實呎價逾1.2萬至1.6萬元，貴過同區二手單位。買樓自己揀冇得怨，同區銀湖．天峰1個實用面積980方呎單位，以1,420萬元易手，業主持貨六年半，升67%，的確同人唔同命，同傘唔同抦！記者：溫潤潔
來源:
http://hk.apple.nextmedia.com/financeestate/art/20170323/19966745
傳任特首辦主任 聶德權︰一定繼續服務市民
1 :
GS(14)@2017-04-10 23:33:03【本報訊】身在北京準備領取委任狀的候任特首林鄭月娥正密鑼緊鼓組班，多名現任常任秘書長盛傳有機會加入新班子，其中被視為林鄭愛將的食物及衞生局常任秘書長聶德權預料是來屆特首辦主任。聶德權昨稱現階段不宜評論個人情況，但明言日後一定繼續在政府團隊內服務香港及市民。53歲的聶德權曾經擔任社會福利署署長及新聞處處長，並在林鄭任政務司司長期間，調任政務司司長辦公室專責人口政策。盛傳將擔任特首辦主任的聶昨出席公開活動後指，理解社會對林鄭組班的討論，但指林鄭組班需時及空間，現階段不宜公開評論或討論，包括其個人狀況。但他明言，政府內的公務員隊伍及政治委任官員隊伍，都是同一個團隊，「我自己嘅個人經驗同感覺係合作無間，大家一齊努力工作，日後我一定會繼續喺呢個團隊內繼續服務香港、服務市民」。有大內總管之稱的特首辦主任屬政治任命官員，若聶出任此職，須放棄公務員行列。
張雲正李家超避談政途
近期被指是政務司司長黑馬的公務員事務局局長張雲正，早前曾着外界給予時間及空間林鄭組班，他昨出席消防總隊目邱少明悼念活動時指，下屆政府無論由誰擔任其現時崗位，都要處理消防處希望有獨立薪級表的訴求；對於是否希望在更高級的崗位處理，張指林鄭身在北京，相信組班一事在此行會有討論，適當時候林鄭會有安排，由林鄭宣佈會較合適。盛傳會接替即將退休的黎棟國，由保安局副局長「升呢」至局長的李家超昨日亦在公開場合被問及留任問題，他指不欲在現階段談論，因林鄭正密鑼緊鼓籌組新班子，應給予更多空間林鄭，「不過如果需要作出決定嘅時候，我會作出決定」。預料出局的環境局局長黃錦星昨則指，會持開放態度看待去留問題，強調在環境議題工作多年，未來無論在任何崗位，都會支持環保工作。■記者許偉賢
來源:
http://hk.apple.nextmedia.com/news/art/20170410/19985734
【香檳入門】開瓶唔該扭樽身 長身杯唔一定最好
1 :
GS(14)@2017-05-01 14:24:54飲香檳，最好先學些入門小知識，以免出醜。
飲香檳，可以係好法式型棍的一件事，開樽露兩手、講講酒，席間魅力四射。但只要一個唔覺意做錯嘢，搞錯step就真係萬劫不復。唔想瘀，不如溫吓書，最起碼入門知識你要知。
1.氣泡酒=香檳？
氣泡酒有好多種，不過香檳有原產地認證，只有法國東北部的香檳區出產的，才可以此為名。不過釀造香檳的二次發酵法，就並非專利，西班牙Cava的製作方式就幾乎一樣，不過用的葡萄品種不同，而且發酵9個月便可，相比起來香檳則最少要15個月。因此不少人認為，Cava是最接近香檳，但價錢較平的替代品。
法國Champagne、西班牙Cava、意大利Prosecco都屬氣泡酒，前兩者都用二次發酵的技巧。
一般香檳都以舊酒溝新酒而成，因此不標年份，除非當年是好年，才會製作單一年份的香檳（右）。
2.年份不見了？
跟紅白酒不同，香檳酒招紙上不標年份（non-vintage）。這是因為當地陽光少，天氣偏凍，收成難預測，所以酒廠會用舊酒溝新酒，來保持同以前相似的味道。只有當年收成的葡萄相當好，才會製作單一年份的vintage，要經過36個月熟成才會推出市面。
鬱金香杯（左）比笛型杯（右）更能罩住香氣。不過專家表示比起兩者，杯底夠闊，杯身較高的白酒杯，其實有更大空間讓香檳散發香氣。
扭開鐵線，開香檳時緊記轉動瓶身而非木塞，這樣酒便不會湧出來。
3.飲香檳要用乜杯？
香檳杯經歷過三次進化，當初的飛碟型杯口太闊，氣泡同香氣都消失得快。之後就是我們最常見，窄窄長長的笛型杯同鬱金香杯，但Moët& Chandon的首席釀酒師Benoît Gouez表示，杯底夠闊，且杯身較高的白酒杯，有更大的空間讓香檳散發香氣，才是現在的主流。
4.點樣開樽先正確？
開香檳一定要學賽車手咁，射到周圍都係？非也，實則正確方法，是用食指同大姆指按住木塞，然後慢慢轉動個樽。記得係個樽，唔係木塞，這樣就可以安全開樽，而不致漏酒。記者：甄俊宇攝影：潘志恆鳴謝：Comité champagne、法國商務投資署2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/su ... t/20170501/20007059
金手指：一定要睇《20:16》
1 :
GS(14)@2017-06-10 12:39:18Managing decline。早排孫柏文睇咗《20:16》（讀二十比十六）呢齣戲。大約講葉氏化工（408）創辦人葉志成年輕時嘅經歷。呢齣戲，我可以話每個仲記得英治香港年代嘅人，不但自己要睇，仲有責任帶下一代睇。除咗好顛覆咁笑現今大陸人，最重要係戲中偷渡嗰part。我作為個年近四十嘅香港人，一向都知游水嗰part有幾難同有幾危險，不過要睇呢齣戲，先知原來未跳落水，淨係由鄉下行去岸邊嗰段都咁難。而電影中，主角仲要話成個偷渡過程，最難其實係喺香港登陸後最尾嗰幾百米蠔田。因行嗰幾百米腳傷嘅嚴重性，引至嘅疤痕，係可以之後見工時攞出來畀個做HR嘅面試官睇，成功說服佢主角嘅鬥心。最震撼嘅地方，就係我有同過葉志成傾過戲中嘅事，真係睇佢其實同喺茶樓坐喺隔籬嘅叔叔無異，講嘢斯斯文文。呢個經歷係common，不過每一次都係special。1945年香港人口50萬，1980年500萬，35年升十倍，當中好多係偷渡來。不過，喺偷渡過程失敗死去嘅人，又幾多？100萬？200萬？有冇人知？死唔去嘅，心中團火會燒得幾熱？殖民時代嘅香港，係人類歷史中罕見嘅意外，其中就係因呢啲最終極嘅人才甄別系統。我哋大家做唔番之前嘅水準、感覺，都應該預咗，唔好留戀。最美麗嘅意外，最神奇嘅奇蹟，呢個就係97年前嘅香港。
孫柏文獨立股評人
http://www.fb.com/shuen本欄逢周二刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170606/20045416
黑客思維：成功的公司都一定有本Playbook
1 :
GS(14)@2017-06-18 11:16:25搞Startup雖然很講創意，很需要每個人出謀獻策，但有個元素更重要，就是連貫性。以Uber為例，他們成功就是靠Playbook。
Uber在美國首先創立，短時間內擴展至超過一百個國家，到底是怎樣保持到一致的服務質素？又是怎樣在不同的國家都做得同樣成功？秘訣是Playbook。如果在美國用一套方法，來到香港又用全新的方法，就好難同樣地成功。當然因應不同地方、文化，可能會有微調的地方，但整體給人的感覺應該維持不變。就算是Uber成功的每一步，其實都有既定步驟：首先爭取盡早打入市場，然後大量招攬司機，再透過公關工作將客戶群拉攏，一同跟政府對立。表面看來是自然不過的過程，但其實每步都在掌握之中。甚麼都要按章工作，那Playbook豈不扼殺創意？Playbook寫的只代表當下最好的方法，不代表永恆不變，如果有人發現有更好的方法大可以提出，而且每一個步驟，都需要解釋原因。當寫了原因，知道想達到的是甚麼效果，執行的人知道有更新更好的方法就可以提出，而不會一味跟從。聽起來好像只是把資料放進文件做紀錄，但兩者分別頗大。文件只會記低資訊，任何人都可以刪減更改；Playbook需要由一個人負責，無時無刻確保版本是最更新，因為全部同事都會跟着來做。如果不夠新，大家就不會再相信Playbook。Playbook一定要任何時候都反映公司最新標準和做事方法，不可以有任何過時的資訊。莫說是Uber，就算規模較細的Startup，要做到全個團隊Sync Up都不容易，不過我們知道長遠對公司發展有利，最近都開始建立我們的Playbook了。
Leon Ho
Lifehack創辦人
http://lifehack.org/career/
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170618/20059434
Next Page