舊將緬懷邱德根鮑姐：佢好愛亞視
1 :
GS(14)@2015-03-18 22:26:04
【1925至2015】■邱德根節儉作風竟成為亞視最蓬勃的日子，其平易近人的作風更獲員工讚賞。
亞洲電視前老闆兼遠東集團創辦人邱德根，昨日在荃灣寓所突然暈倒送院後不治，享年90歲。當年邱德根掌管亞視，其慳家節儉作風最為人津津樂道，有指他限定員工去廁所只可以用兩格廁紙，農曆新年派遠東銀行禮券當利是，不過因他作風平易近人，離開亞視後，有不少老臣子不時相約敍舊，對於舊老闆離去，昨日不少藝員同事坦言感惋惜。
■鮑姐大讚邱生掌管亞視時是前所未有的輝煌時代。
朱慧珊：有腦
作為元老級的亞視前一姐鮑起靜，昨日從記者口中獲悉邱德根逝世，她很愕然說：「我哋舊年見過面，今年我屋企有啲喪事要辦，所以冇去拜會啲長輩，真係好突然，不過老人家年紀都大，上次見佢行動都唔方便，但精神同胃口好好。冇辦法，老人家始終有咁嘅一日。」鮑姐更有感而發：「不過真係可惜，我初初仲希望佢哋買番亞視，等邱生自己搞番起。」這個會否是邱生的遺願呢？鮑姐說：「喺邱生年代，亞視好輝煌，嗰種蓬勃係有史以來都未試過，我哋以前見親面，佢都講好掛住亞視，仲話亞視點解會搞成咁，佢真係好愛亞視。」一九八五年亞洲小姐「和平小姐」的朱慧珊也說：「邱生創辦亞姐，佢對我哋都好有感情，記得我哋當選時，邱生會落嚟探班，過時過節又會請我哋食飯。佢好祥和，又有頭腦同魄力，喺佢領導下亞視有錢賺，希望佢嘅子孫學到呢份精神。幾年前我哋約埋啲亞姐食飯，今日接到佢死訊好突然，希望佢安息，一路走好。」其他藝人，如在邱德根年代擔任替身和大配角的尹天照說：「佢係一個好聰明嘅人，好識得賺錢同儲錢。」楊玉梅大讚邱生是個很勤力的人。「六合彩之子」蔡國威則雖未與邱生合作，但大家有一面之緣感覺平易近人，並謂從前輩口中知道邱德根年代很好、很有人情味。
■朱慧珊大讚舊老闆做事有頭腦兼有魄力，希望邱生一路好走。資料圖片
好識得賺錢
至於在林百欣年代當選亞姐的張文慈說：「我知道佢係一位重要人物，係亞視唯一賺錢老闆，幫亞視成為最黃金年代，好可惜，如果再有咁叻嘅人帶領亞視就好。」亞視前一哥陳啟泰則希望他一路好走。採訪：何慧斯、嵐山、陳杰、卓寶花
來源:
http://hk.apple.nextmedia.com/entertainment/art/20150318/19079994
鮑姐繼續鬧王征
1 :
GS(14)@2015-04-08 08:47:40鮑起靜和劉錫賢昨日現身亞視大埔總台，鮑姐表示下月有個A記同學會，會聯絡一班舊同事商討亞視情況。她揚言亞視不獲續牌，王征要負很大責任：「真係好唔抵，如果佢有誠意，唔扭擰都會有人幫手。」問劉錫賢今天會否返亞視收3月薪金支票，他說：「返嚟做咩，無言以對，但我想清楚知準備清盤定停止製作。」有傳今年仍然製作《亞洲小姐》及《亞洲先生》，他說：「不如早啲完結，好怨恨因為一個人問題，而令亞視搞成咁。」此外，無綫體育節目主持鍾志光的大仔行廉，原本下周二返亞視擔任本地甲一籃球聯賽評述，但如今前路不明，據知行廉希望可以過檔無綫，但又不想靠爸爸幫手搭路。採訪：黃曉妍攝影：沈健程
來源:
http://hk.apple.nextmedia.com/entertainment/art/20150408/19104222
鮑姐拍港視劇喊得淒涼
1 :
GS(14)@2015-05-08 00:00:48港視劇集已播得七七八八，尚餘8部劇未出街，由視帝夏雨和影后鮑起靜主演的《歲月樓情》將於下周二播出，令人期待。前晚推出首集9分鐘優先睇，第一場已有電視機掟落街的震撼場面，與最近熱播的《大時代》掟蟹仔落樓有異曲同工之妙。未知能否挑戰神劇，但短片一出，鮑姐的精湛演技已獲不少網民激讚，其中一場鮑姐到警署報案搵女，鮑姐熱淚盈眶，一串淚水緩緩由眼尾落下，網友Yin Chan說：「鮑姐啲戲真係勁，睇到心都翳埋，必追呢套。」鮑姐日前受訪時說：「我今次角色係悲情啲，身世比較淒涼，可以話係我演電視劇以嚟，最多感情戲一次。」採訪：嵐山
來源:
http://hk.apple.nextmedia.com/entertainment/art/20150507/19138042
鮑姐讚亞視培育好人
1 :
GS(14)@2016-02-08 03:00:08影后鮑起靜、斑斑、吳浣儀和劉錫賢都是好戲之人，團年當日，劉錫賢及斑斑希望亞視自強不息、迎難而上、絕處逢生，最重要的是員工「出糧平安」、「日日有飯開」和「兩餐唔駛憂」。近日吳浣儀憑電影《五個小孩的校長》提名香港電影金像獎最佳女配角，鮑姐等預祝她旗開得勝。90年代由無綫過檔亞視的吳浣儀大讚當年亞視人情味濃：「最深印象拍喊戲，一cut機啲攝影師畀紙巾我抹，我儍咗望住佢，點會有呢啲嘢發生？以前未經歷過。」而79年加入麗的鮑姐也指亞視給她很多美好回憶：「畀咗我好多正能量，培養到大家互相關心，成為一個好人。」斑斑84年被亞視由無綫重金挖角，對亞視將結束，斑斑眼濕濕說：「個心好噏，始終有份真感情。」劉錫賢則謂：「喺呢個台做有個好處，做一件事永遠不分你我，大家互相幫助，好似陶大宇、方中信，唔知點解過到嚟都會幫手一齊做，希望呢種精神同人情味一路散播開去。」
來源:
http://hk.apple.nextmedia.com/entertainment/art/20160205/19479970
【add．Beauty】Bobbi Brown幫拖 40歲阿滕鮑姐證件相靚爆
1 :
GS(14)@2016-09-13 08:04:23有邊張相真實得過證件相？光猛、無遮掩、零修飾，所有瑕疵都無所遁形！最近年屆67的鮑起靜與40歲的滕麗名，post的證件相靚到嘩嘩聲！
連鮑姐都話：「未見過自己咁靚！」
阿滕之前望落去兇神惡煞，經化妝師執一執，而家望落既有女人味，又歡容咗！
Bobbi Brown無修圖系列
靚爆鏡證件相其實來自Bobbi Brown最近的「Be Who You Are個人照企劃」，品牌邀請了擅長拍攝人像寫真的日本攝影師Osamu Yokonami橫浪修操刀，為香港60多位女生影證件相，除鮑姐鮑起靜、滕麗名，仲有女神倪晨曦、名模姚書軼、蔡穎欣、黃心美、Super Girls成員、趙海珠等，大家仲好大犧牲將自己陳年舊照拎出嚟作對比！
憑《一屋老友記》二寶一角彈起，仲同劇中演員成了好朋友，呢個星期佢地仲「一家人」去咗台灣旅行！
倪晨曦之前膚色偏紅，有明顯黑眼圈，輕輕用新產品，點一點、以指腹印一印，靚哂！
Elva instagram經常post相，不論selfie抑或出席event都不愛濃妝艷抹，真係好pure、好true!
品牌講明不會經後期執相，只單靠化妝師一雙巧手及品牌的無修圖系列妝品「執一執」，效果似乎非常好，感覺清新、自然，和舊證件相比較，更年輕靚女！更多時尚、美容新聞，即上：
http://add.appledaily.com
嘩！珠珠呀！點解舊相好似仲老啲嘅？
Bobbi Brown Retouching Wand美圖亮肌筆$350
Bobbi Brown修飾多用筆 $250
來源:
http://hk.apple.nextmedia.com/entertainment/art/20160913/19769031
演年輕版鮑姐爛賭打仔衛詩雅：爆粗易 鬧細路難
1 :
GS(14)@2016-11-20 23:52:07■鮑姐（右）跟衛詩雅一齊開金口，演繹不同風味的《每當變幻時》。攝影：林德雄（衛詩雅）髮型及化妝：Meegan Seak服裝提供：Michael Kors
金像影后鮑起靜跟衛詩雅早前在觀塘為電影《大手牽小手》宣傳接受訪問，戲中用了薰妮的經典金曲《每當變幻時》作插曲，一向小開金口的鮑姐，專誠在訪問時唱出金曲，有板有眼，她笑說：「首歌係人都識，不過我記唔晒歌詞。」
戙起腳坐
在《大》片中鮑姐演黃浩然母親，她笑言在電視台有不少演媽媽的經驗，反而替演年輕版自己的衛詩雅心痛：「角色寫我後生時好粗魯又爛賭，要戙起隻腳坐，要講粗口㗎，衛詩雅點講啫，又要打仔，佢點打呀，不過估唔到佢都應付得好好。」
■衛詩雅演年輕版鮑姐，飾演爛賭媽媽。
■黃浩然演鮑姐兒子，最終他與病母冰釋前嫌。
■王菀之（左）與鮑姐有不少對手戲。
鮑姐笑言沒有暗示衛詩雅本身粗口爛舌，只是想表達她投入，身旁的衛詩雅表示粗口每個人多少都有講，她說：「主要係鬧小朋友難啲。」為了更神似年輕的鮑姐，詩雅專登重溫對方的電影、電視作品：「想像吓鮑姐會點演，因為事前都冇機會見吓鮑姐。」電影在馬來西亞取景，但絕冇水土不服的現象，因為劇組都是為食之人，在飲食方面照顧有加，捐窿捐罅尋找當地美食招呼各人，難怪鮑姐都講笑說：「我哋都講笑話媽媽個角色唔係病死，其實係飽死，因為真係食得太好，照顧到一日五餐，餐餐都唔同嘅。」衛詩雅更因為伙食太好，到後期塊面脹脹圓圓，差點未能連戲。撰文：曹家誠
來源:
http://hk.apple.nextmedia.com/entertainment/art/20161119/19838464
亞視復活想簽鮑姐
1 :
GS(14)@2016-11-21 00:05:09亞視因財政混亂、資金不足，今年4月1日不獲續牌，但最近有傳協盛協豐入股亞視，將免費電視頻道的亞洲電視，轉到網上及衞星電視形式播放。最近協盛協豐又入股星淘娛樂，換言之，協盛協豐是亞視的大股東，而亞視的製作將會交由星淘娛樂獨家製作，亞視又再復活。據知星淘娛樂將重用亞視大埔廠房，亦打算招兵買馬，簽約新藝人，包括昨日宣佈離開無綫的羅鈞滿亦將會簽約星淘娛樂，CEO樊寶強昨說：「亞姐我哋會計劃重做，鮑姐（鮑起靜）同黎燕珊都想簽，因為佢哋係亞視嘅icon。」採訪：魯吉
來源:
http://hk.apple.nextmedia.com/entertainment/art/20161120/19839400
Next Page