ZKIZ Archives


炒功 陸羽仁

http://blogcity.me/blog/reply_blog_express.asp?f=5YTPBH5B812303&id=510407

美國昨日公布12月份地區經濟褐皮書及包括房地産建築商信心指數、消費者價格指數及工業産出增長等多個經濟數據,只有上月工業産出增長0.3%,略好過預期外,其它數據都係無變,顯示美國經濟還在十字路口。

 

有經濟「風向標」之稱的聯儲局褐皮書報告亦反映出,受美國汽車及房屋銷售持續增長帶動,美國12個聯儲銀行管轄地區經濟都有所增長,但增速微弱,最叫人關注的失業問題,則幾乎沒有改善跡象。聯儲局今個月底召開議息會議,市場估計這份報告會增強當局繼續實施第三輪「定量寬鬆」(QE)計劃的決心,維持超低水平利率及繼續大印銀紙,直到失業率有明顯下降為止。

 

昨日,美國多家銀行巨頭公布季度業績。成績認真唔弱,高盛第四季利潤增長近兩倍,遠超市場預期,凈利潤28.9億美元,上年同期則只有10.1億美元,更係2009年以來,首次連續兩年錄得盈利增長。世界最大托管銀行紐約梅隆銀行集團第四季凈盈利增長23%,符合市場預期。摩根大通同期利潤同比增長仲勁,達到53%至56.9億美元,超過預期。

 

值得注意的是,銀行盈利大增,但生意額卻跟唔上。梅隆銀行季度收入增長只有2%,摩通收入增長更差過市場預期,而高盛的超高盈利增長主要得益於集團自身投資收益增長。

 

美股三大指數個別發展,杜指下挫,標普500指數及納指向上。杜指受波音飛機其787在日本逼降事件,股價大跌3.4%拖累,收跌0.2%。

 

標普500指數及納指造好,則主要由蘋果股價大反彈帶動。雖然有大行繼續唱淡蘋果,Pacific Crest 下調蘋果公司評級,而美林美銀則降低蘋果目標價,但可能係近期跌得太勁,由去年9月高峰時的705美元,唔夠5個月已經跌了超過200美元咁誇張。有粉絲撈底,蘋果昨日不跌反大升4.2%,重上500美元大關,收報506.09美元。

 

近排不少網友總結了炒股心得,我想抽小小空間講纒,網友buddaau早兩日話:「我真係出入太多, 都唔知自己搞咩, 剛買一隻股, 見低幾格又驚, 即沽, 見其他升幾格又追, 如是者, 錢就係沽沽中流走... 講起大飛機, 如果4蚊沽左, 我懷疑自己可唔可以坐定定等大市大插先撈番, 我驚到時又係出出入入輸晒... 好似尋日, 為左大豐哥竟然癲到投資倉既大飛機黎玩, 我之所以將投資倉擺係小五哥(匯豐銀行)度, 就係希望用佢高昂既收費, 壓制我既出入癲狂症, 點知尋日癲起上黎咩都唔記得晒, 咁就無左10隻牛... 依10隻牛係我投機倉好辛苦先追得番黎架(無錯, 係追唔係贏, 因為投機倉重蝕緊...), 咁就無左啦...」

 

平時睇Buddaau的留言,有紋有路,佢自稱「股海瘋人」,我都唔係好信,但睇番佢呢個留言,才知道佢瘋在那裏。絕大部份股民以為炒股要搵飱軲巴,搵飱一隻好股,盲目咁買入去就不斷咁升,咁佢就會發達。事實呢?好多投資陷阱,就針對散戶呢鱓心態而來,俾個軲巴你,跟住殺鰦你。關鍵唔係軲巴,只要個市得,好多軲巴都得,連唔係幾得的軲巴都會得,問題你炒股的心態得唔得。

 

投資要死坐,平買貴賣,一年好少進出。投機要補捉時機,跟風走一段,出入位和策略更重要。我睇Buddaau近日成日講八婆(3800保利協鑫),佢在3800跌到1.1元、1.2元時成日講,出出入入都有買,但一升少少就走鰦,你睇而家幾錢? 2.13元,若Buddaau坐得定鱓,一舖就OK啦。佢講的太陽能股、風電股好多都得,或者應該咁講,有一鱓其他紅色股無升咁多,都升唔少,求得揀隻都得,問題唔係軲巴,係搵唔搵飱時間入市/出市,同埋唔好咁胡亂出入。

 

Buddaau話「見佢跌幾格」就驚,咁講第一顯示佢心理質素差,第二是無研究佢買那隻股升跌的韻律,第三可能係一直炒股的方法都錯,只是見升盲追,好多時盲追都係摸鰦個小頂的時候。雖然股價圖唔太可靠,但買賣市值過100億的股票,都可以睇圖,睇下佢升跌的韻律,同大市走勢有乜異同。我去年中講的中國海外,當時就在一條完美上升軌之上,你每逢佢回落一定比例時去買都得,升一段又可以先沽等佢回吐,炒呢鱓股較容易。

 

無論如何,我唔反對Buddaau繼續炒股,這是心癮,難戒,但要將較多資金放在投資倉中,唔好咁經常出入。至於炒作倉,放少鱓錢,先諗諗我上面講的幾條,改變自己炒作的手法,減少盲動的買和盲動的沽,事前有部署,買入後會點,乜位止蝕,估纒佢跌番到止蝕位機會有幾大,沿圖型走勢運行會唔會跌番到止蝕位,部署好才行動,行動時按計劃,才會增加炒作的成功機會。若想成功,先練炒功。

 

陸羽仁

PermaLink: https://articles.zkiz.com/?id=43024

炒功(2) 陸羽仁

http://blogcity.me/blog/reply_blog_express.asp?f=5YTPBH5B812303&id=510722

美國經濟持續改善,首次申領失業救濟人數降至33.5萬,創2008年1月以來新低。而12月份的新屋開建數字攀升12.1%,亦係2008年6月份以來新高。兩者都好過市場預期。美國經濟前景顯得光明,暫時轉移了市場對即將將到來的債務上限與政府開支爭拗的注意力。美股高開高走,三大指數齊漲約0.6%杜指漲85點至13596點,再創近期新高;標普500指數升8點,造1481點。

 

美銀(Bank of America)股價大挫4.2%,係表現最差的杜指成份股。美銀公佈第四季業績,由於支付超過7億美元的抵押貸款法律和解金,美國銀行第四季度的利潤下滑63%至7.32億美元;收入下滑25%至1870億美元。唔計該筆一次性罰金,第四季收入總額將達到2260億美元。全年計數,美銀2012年成績認真唔弱,全年利潤由2011年的140億美元跳升倍三倍至420億美元。

 

花旗集團同樣受到金融危機期間抵押貸款法律問題糾纏,相關費用達到13億美元,加上裁員和業務調整的影響,花旗第四季利潤12億美元,低於市場預期。股價跌近3%。

 

礇豐最近做了一個全球基金經理對投資取向的調查,結果發現受訪者對今年第一季的股市頗為樂觀,選擇增持股票的比率從去年第四季度的40%大幅上升至75%,看法中的由50%下降至25%,沒有基金經理對股票抱減持態度。相反表示會減持現金資產的比率由30%上升至60%,也沒有人對現金或債券的前景持樂觀看法。

 

  至於投放的區域,75%的基金經理在第一季度對北美股票抱增持態度,較2012年第四季度的60%明顯增加,主要原因係美國經濟相對穩健。睇好亞太區(日本以外)股票和中國股票前景的比率,分別由前一季度的33%和43%升至43%和50%。即係睇好中國的都有增加,但未如北美好。

 

  礇豐中國零售銀行及財富管理業務部總經理陳靜君指出,美國經濟復蘇,中國經濟也觸底回升,顯示北美和大中國市場的股票可能仍有上漲空間,全球基金經理睇好股票及某些固定收益市場,睇淡現金,好易理解。    

 

    再講講昨日的「炒功」話題。網友buddaau再留言講佢點解咁顛。佢話:「其實我好記得幾時開始鍾意大大注買落去, 搏執幾個%就閃... 好似係09/10時, 當時我重係用電話落盤, 重要係唔使戶口有錢鰟隻, 想買幾多就幾多, 我當時唔知點解膽粗粗買左50萬中鐵, 唔使半個鐘就彈左上去, 咁就汁左三皮(3萬元), 嘩! 突然發覺鱓錢係咁易賺.. 如是者, 食過翻尋味, 結果係點, 大家當然知道啦, 係嘔返突俾佢... 之後就唔敢再玩大刀切樹仔... 就算再賭都係相對小注, 因為大注一路買左大飛機, 而且因為轉左網上買賣, 戶口有幾多就買幾多..」

 

Buddaau再講:「如事者過左兩年, 雖然都係輸, 但係都係有限數... 點知係前日, 突然幻想大豐哥(利豐)會單日反彈, 竟然覺得投機倉太少錢, 贏左都無肉食, 就咁就走左去郁投資倉既大飛機(中航科工)... 入完重天真到即時SET高10%沽... 諗起都和咪呀... 之後佢一路唔係點郁, 而且重陰陰咁跌左幾格, 突然怕死, 即沽, 跟手合埋眼高追番晒大飛機, 作為心理補償, 重要追突... 好在怕死, 再加心繫大飛機, 之後大飛機就爆上, 損失先無咁大... 但係諗起都驚, 萬一無沽大豐哥, 又或者沽左之後唔敢追返大飛機, 就真係損失慘重啦... 而且真係會訓唔著...」

 

    Buddaau的故仔相當典型,第一,輸錢皆因贏錢起,當日炒股一日賺3萬,好過打工好多,那能不瘋狂,人受經驗影響,如果你一炒股就燒傷手指,你會養成較審慎的性格,相反如果一炒就贏,好易變「股神」。但大家可能唔知道一個簡單的現實,睇你邊年開始炒,如果2007年大牛市時起步,或在2009年3月大反彈市開始炒,你會發覺炒乜都賺錢,自然好想瘋狂去炒,瘋狂去贏(同而家炒樓差不多)。問題係不是年年都係狂升的年頭,呢鱓在大升市贏錢的往績,可以叫做「盲毛往績」,因為夠膽炒就會贏。真正經得起考驗的是要經歷升市和跌市的業績,結果大部份人的炒法在股市一轉勢就唔靈,因為散戶以買股為主,市跌買股就中招。堅持用大牛市盲炒的方法在跌市炒,當然會輸突。

 

    第二,亂博反彈。炒作方法好多,有人順勢炒,搵鱓有勢炒上的股份,一回落就獱; 亦有人逆勢炒,等股份急插時走入去博反彈。但博反彈唔係時時得,隻隻得,有鱓股份本身唔得,在急跌時,每一次反彈都係打開一個逃生窗口,冷靜的持貨者就會等反彈沽,我就係呢種人,若手上股份遇上突如其來的壞消息,決定跳船,我一定不會在一開市不問價就沽,會等當日或後一日有反彈時才走。股份愈衰,反彈愈弱,你買入利豐博反彈,顯然不是分析其基本因素,只係盲炒,大跌股份必有反彈,但佢的問題愈大,反彈愈弱,因為好多人等住反彈沽,你想博彈10%走,佢可能彈5%再插過都未定,你無研究清楚就博反彈,若唔止蝕可以好傷。一般而言,炒順勢易過炒逆勢,除非你對個別投資產品的走勢及基本因素好有研究,例如我去年在逢日圓急升到76就沽,因為日本政府會在這個位干預,但這是例外,不是典型。

 

    第三.行為盲動。Buddaau當日盲毛毛將投資倉的中航科工沽掉,轉去投機利豐,一隻當頭起,一隻當頭跌,即使係短炒,都應該等當頭起股份回吐時買。佢咁急,只是盲信利豐可以好快彈10%,典型的唔經大腦一時衝動。

 

    結論係Buddaau話自己「瘋炒」係合理的,佢炒作手法相當不成熟,有點瘋。往後不可再動投資倉的錢。投機先學順勢炒,睇較大股份的股價圖,研究佢上升軌,等回吐時吸納,定10%止蝕,研究什麼位置食糊。小注成功,才可加大注碼。盲目發功,不會成功。

 

PermaLink: https://articles.zkiz.com/?id=43025

炒功(3) 陸羽仁

http://blogcity.me/blog/reply_blog_express.asp?f=5YTPBH5B812303&id=511568&catID=&keyword=&searchtype=

昨日係馬丁路德金日,美股休市。奧巴馬亦於昨日宣誓就職,開始第二屆總統任期。上週五美國眾議院表示會就暫時提高債務上限就進行表決,讓投資者暫緩一口氣,美股造好,再創金融海嘯以來新高,亦提升了歐洲市場的投資情緒。再加上德國央行提高了德國經濟增長預期,歐洲股市造好,德國及法國股市昨日齊漲0.6%, 英國金融時報100指數升0.4%,創了2008年5月以來新高。

 

德國係歐洲最大經濟體,德央行對未來經濟前景樂觀,預計歐洲經濟已有所改善,加上中國去年第四季GDP增長結束了連續七季下跌走勢,經濟已經觸底,今季開始回升。

 

分析預期美國經濟在中、歐經濟好轉的推動下加快復甦步伐。美股屢破海嘯以來新高,唯一叫人憂慮的是經濟市隨著債務上限及削減開支問題的死線臨近,變成政治市。政客搞搞下,隨時搞出個大頭佛,美國經濟及美股就好難有運行。事實上,唔少分析指出美國經濟遇到的最大困擾唔係債務上限或者削減支出,反而係政客如何解決問題所引發的不穩定因素。

 

股神巴菲特昨日接受CBS訪問時表示,相對美國經濟成長,聯邦赤字應該要穩定下來,但他認為美國 1.64萬億美元赤字並不是什麼大問題。他認為應該與經濟增長聯繫來看待債務問題,目前美國債務佔國內生產總值(GDP)的比例較二戰後的水準已經下滑。對於美國國會兩黨之間持續的政治分歧和爭論,巴菲特持樂觀態度,「美國做對的事總比華盛頓犯下的錯多。」

 

對於美股前景,中金冇股神睇得咁樂觀。中金昨日表示,近期美股樂觀因素依然存在,經濟資料、財報、QE、以及財政懸崖得以暫緩等,上漲行情不會一下子結束。但未來最大的風險來自於美國兩黨關於預算和債務上限的爭執。不過大市回調幅度不大,估計會在5%以內。中金又認為,包括資金大量流入股票基金、VIX 指數創下五年多以來的新低、經濟意外指數近期開始快速下滑等在內的多個跡象顯示,美國股市似乎將在近期內見頂,估計標普500 指數最大阻力位在1500 點附近,建議投資者逐步減持(現價1485點,距1500點約1%)。

 

我想再講講炒功的問題,從網友自報的成績看,大家的炒功尚有改善空間。例如Stockinvest話佢行年40,一家四口,包括一個1歲BB,月儲1萬,除卻間自住樓,資產是零,現金50萬,過去兩年投資回報是負10%。先講成績,這個成績跑輸大市,大市呢兩年未計派息累計跌1.6%,計埋約2.8%派息有微利(這是盈富基金的派息率),好過Stockinvest輸10%。

 

我可以俾過去7年的數字讓大家比對,這7年大市經過高低起伏,足以考驗一個人的炒功,2006年恒指收19964點,到2007年大牛市年底收27812點,全年大升39.3%,到2008年驚人大跌市收14387點,恒指大跌48.2%,到2009年美國大放水,股市彈升恒指收21872點,大升52%,到2010年升到水尾,收23035點,全年只微升5.3%,

到2011年大陸緊縮,恒指收18434點,恒指跌20%,到去年由衰轉好,尾段開始放水,恒指收22656點,升22.9%。

 

        若由2006年底的19964點開始買股,到去年底收22656點,累計升13.5%,按呢6年平均派息2.8%計,加埋收息獱住恒指唔郁唔理佢大上大落,到去年底回報有30%。你對比呢鱓數字,可以知道自己每一年有無跑贏大市。只是2007年和2009年贏錢,唔作得準,若6年累計到如今都是輸錢或累計回報少過30%,就係跑輸大市。

 

        炒股本來易輸,大市咁樣波浪起伏,更易輸。我覺得散戶的通病係「入場太遲,散場唔走」。即係大跌時唔敢買,唔熱唔去買,好似去飲食到炸子雞你先至入場,好快去到美點雙輝你自然未飽,跟住唔覺唔覺散鰦場都唔知,仲磨爛蓆唔走,自然會輸錢。(明天待續)

 

PermaLink: https://articles.zkiz.com/?id=43288

炒功(4) 陸羽仁

http://blogcity.me/blog/reply_blog_express.asp?f=5YTPBH5B812303&id=511805&catID=&keyword=&searchtype=

美國國會今晚投票表決是否將債務上限時間延長近4個月至5月19日。市場估計通過機會好大,振奮投資氣氛。杜邦及Travelers業續好過市場預期,杜指及標普5005指數齊升超過0.4%,再創5年新高。

 

美企財報潮今個星期輪到科技股,IBM及Google昨日收市後派成績表,業結績都好過預期,全球最大市值,亦最惹人關注的蘋果公司今晚公佈業續,股價先跌後升,收市升1%,重上500美元大關。反映市場對蘋果上季業績預期唔係咁悲觀。

 

  Robert W. Baird公司首席投資策略師Bruce Bittles表示,「總體而言,企業盈利不會增長太多,但市場預期已降得很低,因此我認為財報不會對市場造成太大傷害。最令人擔心的反而係市場情緒,現在很少有人不相信市場會繼續上漲,而這種狀況總是會令人擔憂,至少在短期內是這樣。」

 

彭博最近訪問了全球超過900位投資者,受訪者中有53%的認為,2013年投資股市將會大賺,去年11月的調查高出17個百分點,也是彭博自2009年7月開始對投資者、分析師和交易員進行此項調查以來的最高水平,報告指市場對股票充滿熱情的原因主要係對美國經濟的信心增長以及歐洲相關擔憂減弱。資料顯示,大部分受訪者認為經濟正在改善,亦有有跡象顯示歐元區已經長達3年的債務危機正在緩解,只有45%受訪者稱該地區經濟仍在惡化,而兩個月前這一比重為70%。

 

市場有喜鵲,亦有烏鴉。一年一度的達沃斯世界經濟論壇年會正在召開。開幕前夜,創始人施瓦布在吹風會劈頭就話:全球經濟仍在崩潰的邊緣。他呼籲企業和政府要謹慎並現實些,因為全球問題和風險都未消弭,如果負面的群體事件爆發,世界經濟崩潰也不是不可能。他認為經濟增長的關鍵在於信心,對於消費者和投資人都係咁,而政府的重任則是讓人有更大的信心去面對未來。現實係,仍有好多發達經濟體的失業率達到兩位數字,根本沒能力帶動經濟增長。

 

一邊是有專家強調商業信心在恢復,一邊是企業無休止的裁員。而普華永道(PwC)在達沃斯發布的CEO信心指數調查亦與這個現況吻合,資料顯示,全球企業家中只有36%對企業在未來12個月的經濟增長預期感覺很自信,去年這個比例還是40%,前年則是48%,企業家和股民不同,佢地睇法越來越悲觀。

 

    繼續講炒功的問題。昨日我叫大家比對過去六年大市表現和自己炒作的成績,若果成績唔好,其中一個主因是「入場太遲,散場唔走,好似去飲食到炸子雞先至入場,賴死唔走」,今日想講是令散戶出現這種行為的「怕輸心理」。

 

    網友YY太講自己的情況比我講得更趣,一定要引用一下:「我在識陸SIR之前(2006-7前), 買股三份一半是大股(但失敗是地產捨恆基, 買恆隆!!) ,其他是軲把股, 贏粒糖, 輸間廠。自己成日忙生意, 冇什麼專心學習看市.  識了陸SIR後, 學№慢, 心理質素差. 睇中了, 買之量太小 (不夠膽色及信心), 但往往是盛宴, 食到炒飯時才大膽入市, 不過食完美點雙輝都未走, 以為會有宵夜加場, 期望跟住會上燕窩,同三頭鮑魚. 最後都是一個人洗碗同幫走左的人找數!!!」

 

    其實YY太已有進步,因為買唔知佢做乜的三、四線軲把股,可以輸清。不過即使買大股,時機唔飱亦會坐艇,好似YY太咁樣「食到炒飯才入場」、仲以為有三頭鮑未上菜的散戶,為數不少。德國炒神科斯托蘭尼講股市,主要講股民心理學,有很大的道理在其中,好多人買股輸錢,主要係輸心理。

 

    股場上有少數人極爛賭,佢地日日走幾轉,係又賭唔係又賭,呢種人相對係少數,大多數股民並非如此,多數人唔係日日出入,佢地都算中線投資者,特性係「怕輸」。炒股易輸錢,怕輸好正常,所以股市就係咁,市道好差股票好便宜時,好少人敢買,因為當時市道異常兇險,好似會不斷跌; 相反市道好好股票好貴時,卻有好多人敢買,因為感覺好好,好似會不斷升。個市愈瘋狂,買意愈強,最後出現「我而家唔買呢世都唔會買到啦」呢種感覺,而家樓市就係咁。在兇險時離場,在暢旺時入市,完全是人類避險的天性驅動,但在股市就變成高買低沽。

 

    避險本來無錯,但股市的週期波動,有很多人為因素,恒指可以由2006年底至去年底,累計只升13.5%,但當中的上落大到嚇死你,可以在2008年一年跌48.2%,相反在2009年一年升52%,試想在合適時間進出,當然比死獱好。但現實剛好相反,好多人在最差的時間進出,所以炒股回報衰過6年升幅咁少的大市。

 

    要克服「怕輸心理」,第一,理性認識,無論如何要對投資對象有較多的認識,唔好人講你講。好以在2008年恒指跌到5800點時,有本雜誌封面大大隻字話會跌到3000點,我當時就唔信,話咁跌法跌多半年恒指可變零,問題係很多恒指成份股還在賺錢,點解恒指可以跌到咁低? 所以我偏要在那時買股,結果遇上政府入市干預,一年後恒指升上18000點。

 

第二,避開風險股,我講的風險是會執笠的風險,在大跌中買股,唔應該怕佢再跌,因為佢好大機會再跌,正如股神巴菲特的比喻,股市大跌正如百貨公司減價,愈減愈抵賣。若是好股,買完再跌,即係五折變成四折,可以再買。但相反你買入的股票可能會執笠,就完全唔係呢條數。在跌市買股要買安全股,國企好過民企,唔識揀買指數股,公司會執笠,指數唔會執笠。

 

第三,分段低吸。其實如果睇到股票個底在那裏,不用分段,可以在低位附近大手入市,我自己買股就係咁,較少分段買。但對散戶而言,買完即跌好難受,分兩三注買,買完第一注會期待佢再跌買第二注第三注,心理完全不同。

 

日日炒即日鮮的老散,應該學纒要怕輸,相反在去年9、10月都唔敢入市的朋友,就要克服怕輸的心理,怕輸就應該在市旺的時候怕,唔係在市淡的時候怕。

 

陸羽仁

PermaLink: https://articles.zkiz.com/?id=43289

炒功(5) 陸羽仁

http://blogcity.me/blog/reply_blog_express.asp?f=5YTPBH5B812303&id=511970&catID=&keyword=&searchtype=

IBM及Google周二晚公布的第四季業績好過預期,為昨日美股打了底,眾議院投票通過批准延長美國債務上限至五月中,令美國可能出現的債務違約狀況推遲了四個月,美股昨日朝早抽高後再反覆向上,第六日造好,續創五年以來新高。杜指升67點至13779點,標普500指數升2點,造1495點,漲幅為0.15%。離2007年10月9日創的歷史高位1565點,不足4.7%。

 

IBM業績好過市場預期,並且發布樂觀的2013年盈利目標,抵消了投資者因英特爾(Intel)上周對個人電腦業的悲觀預期引發的憂慮。科技股普遍造好,推動大市向上。IBM勁升4.4%,係表現最好的杜指成份股,而標普500指數,亦以科技板塊表現最好。Google仲勁,抽高5.5%。

 

市場焦點蘋果公司昨日收市後公布業績,去季收入545億美元,較一年前增長18%,但純利130億7千萬,只係輕微增長1千萬美元,多年來,蘋果盈利都係以雙位數增長,而家陷入差不多無增長的境地,顯示蘋果那種暴利生意開始到頂。現時做生意經營成本大增,但競爭太劇烈,又加唔到價,出現生意大增,盈利跟唔上的情況。好多行業都係咁,不過蘋果就特別特別明顯,可能因為過去賺錢太容易,亦可能競爭對手Samsung太勁啦。市場原本對蘋果去季業續仍有少少憧憬,昨日仍有捧場客,收市漲1.8%至514.01美元,但公布業績後,股價在延長時段大跳水,勁插超過一成至461美元。

 

投資集團Bespoke昨日發報告,指有接近80%標普500指數成分股,已經超買,超買率更係2011年10月以來最高,佢認為好少股票能夠長期維持呢種超買情形。Bespoke判斷某隻股票是否落在超買區的定義係,股價在50天線上的1至2個標準差之間。市場普遍估計標普500指數最大的心理關口係1500點,與昨日收市位只有5點。

 

  延續炒功的話題,昨日講「怕輸心理」令大多數性格唔係咁進取的股民太遲入場,太遲離場。今日講另一種病變,係「誤墮炒網」,呢種病仲離奇,係唔諗住炒股,炒鰦自己都唔知。

 

  我自己過去都有這種感覺,在股市升得唔錯,炒得香噴噴時,自己內心的另一個我告誡自己,呢鱓炒作日子唔可以永續,唔好投機細股啦,轉去投資大股隱陣鱓。哈哈,妓女不能從良,因為佢做唔慣良家婦女,唔識行情,炒開股的人懶係投資,但高價買入一些過熱的大股,其實同炒作無分別,但炒作佢會止蝕,投資又唔止蝕,所以墮入炒網自己都唔知。

 

  我睇好幾個網友總結買股往績,提到好幾隻股票而家都未到家鄉,最經典的是國壽(2628)股價及相關新聞 ,國壽在2007年1月A股上市時開始炒熱,當年1月佢股價22元左右,同年10月上高峰53.8元,當時有人話佢值200元,08年大跌市時插到15.3元,2009年反彈市上過41.45元,跟住兩年反覆回落,而家彈返上26.5元。2007年咁顛的市道高追國壽無話可說,當時人人都顛,但國壽在2009年彈高慢慢落時,吸引不少「投資者」接貨,就害死唔少人。

 

    其實國壽的問題兩句話可以講完,「管理質素好一般,但股價太貴」。記得國壽2007年發行A股時每股作價18.88元人民幣作價,按照2006年盈利計算市盈率是97.8倍多,雖然潮流興講市盈率不是壽險公司合適的估值辦法,要睇內涵價值,但我始終會睇纒市盈率,佢上到53.8時,市盈率係233倍,同年國壽純利389億,增長95%,係歷史高位,所以用當年預測2007年盈利計,高位時預測市盈率都有119.5倍,真係年年都有95%盈利增長? 咁大間公司,估都估到盈利無可能維持咁高速增長,過百倍市盈率,點買得落手?炒就得,呢個係2007年的故事。

 

    國壽在2009年股價彈番上41.45元的高位,當年盈利329億,未去番高峰的389億盈利,真正問題是經歷了海嘯,就唔可以用當年的眼光和歷史的股價睇國壽,佢會唔會去番389億盈利呢? 佢2011年盈利183億,2012年中期盈利再跌26%得96億,由此估計2012年全年盈利仲有機會要跌,到今天國壽股價按2011年盈利計仍有33倍市盈率,只得1.1厘息率,雖然我地估A股回升佢投資收益會上番鱓,但論價錢一鱓都唔平,不過千祈唔好以為我話佢唔會升,佢在炒作市中可以再上,但投資價值唔太高。

 

     在2010年,2011年,股民見股市回落,諗番國壽高位53元,有人講過話佢值200元,見到佢30幾元,覺得好低,甚至覺得安全,唔炒股轉去買呢鱓大股,實際上係「誤墮炒網」。但在2010年買鰦指數股,即使未到家鄉,但係有番咁上下派息,而且指數股番身機會較大,坐纒都唔使太擔心。但你30、40元買鰦國壽,佢會唔會/幾時會上番呢鱓高位,就難講好多。同樣道理,你買航運股,例如中國遠洋(1919)股價及相關新聞 ,要知佢2007年賺194億,但2011年蝕緊104億,唔好見過中遠高位40.8元,就覺得而家3.8元平,航運業有排未復甦,而家係炒緊復甦,唔係復甦緊呀。

 

    無論如何,買股唔睇基本因素,可以係唔炒變鰦炒,炒鰦唔止蝕。

PermaLink: https://articles.zkiz.com/?id=43290

炒功(6) 陸羽仁

http://blogcity.me/blog/reply_blog_express.asp?f=5YTPBH5B812303&id=512246&catID=&keyword=&searchtype=

美國公布的多項經濟數據,都好過市場預期。1月份的製造業採購經理人預覽值指數升至56.1,創2011年3月以來新高。最近一周的首次申領失業救濟人數下降。2012年12月先行經濟指標指數環比有增長。數據利好,美股再創金融海嘯以來新高,杜指升46點至13825點,標普500指數一度突破1500點大關,但收市平手收場。納指因為蘋果大跌12.4%,逆大圍市況挫0.7%。

 

據投資公司機構(Investment Company Institute)的數據顯示,截至1月16日的兩周內有近130億美元資金流入美國本土的股票基金。摩根大通基金首席市場策略師David Kelly表示,「現階段有許多投資者希望為股市準備更好的倉位,因為看到股市面臨的風險——尤其是財政風險,已經消失。一旦在這種環境下風險降低,股市相對於債券資産與現金存款的收益相比就很吸引人。」呢個係近期大市不斷上漲的主要原因。

 

美國昨日有咁多利好市場經濟數據出台,但大市升唔上去,主要係受大蘋果拖累。蘋果公司周三收市派成績表,2012年第四季營業額較去年同期增長18%,盈利雖然有131億美元,但增長接近零。蘋果股價在當日延長時段即插超過一成!周四開市460美元,低開10.5%,朝是輕微反彈15美元之後再跌,收市跌幅擴大到12.4%,收450.5元。

 

蘋果如果唔係並觸發了賣空的熔斷機制(Fuse mechanism),股價可能跌得更慘。根據美國證交會的規定,如果一隻股票較前一交易日的收盤價下跌10%以上,即啟動對賣空行為限制的熔斷機制,持續時間為當天下跌10%以上之後的剩餘交易時間以及接下來的一個完整交易日。

 

過往咁多年,蘋果季度盈利都有雙位數字增長,非常暴利,不過隨著智能手機領域的競爭越加激烈,尤其係貢獻蘋果收入一半以上的iPhone最危,因為行Android操作系統的智能手機已經佔了全球市場75%(主要係三星機)。蘋果未來為應付競爭,不得不考慮開發低價產品,這就意味著利潤的縮水。三星緊隨蘋果公布季度業績,去年第4季三星純利83億美元,創了紀錄,按年計升89%,聲稱2013年會維持去年的投資去開發產品。過去三個月蘋果股價跌了20%(若從高位計更跌了36%),三星股價卻升了12%。

 

蘋果去年銷售額高達1600億美元,咁高的基礎上想要保持令人興奮的增長速度,變得越來越難。計數機,如果蘋果在未來5年保持過去5年的增長速度,它的收入將達到1.2萬億美元,等如整個澳洲的GDP總值,你話會唔會呢?

 

    蘋果下跌的案例,揭示炒股的難易之道。人信經驗,特別新近的經驗,本來好差,我們受短期經驗影響,即使市況好轉都唔敢入市,要等到人人話好時才敢入市。有一隻股升開,見佢跌,唔係想沽係想買,好似蘋果咁,見705美元,跌到650美元就覺得好抵,因為思想上仍受佢過去強橫股價所影響,唔知佢轉鰦勢。

 

    今日想講是炒股要順勢,特別係捕捉到一個大市或一隻股份轉勢,你在新的走勢順勢而行,即使你買的是風險較低的大股,都好易有20%以上的利潤。以蘋果為例,它是由一個長升的走勢,走入一個下跌的走勢中,去年9月佢上高位705美元後,就是佢轉勢之時,何時轉勢最難分辯,但其後開始急跌,轉勢開始明顯,第一個主要訊息係10月11日跌穿628美元,雖然只係跌鰦11%,破鰦上升軌,正常獱住最好走避(股價圖見http://www.bloomberg.com/quote/AAPL:US),佢一路跌,反彈都唔大力,最多只係彈20幾美元,彈3、4%,唔彈得多。轉勢之後,蘋果的走勢係向下而唔係向上,順勢炒係每逢反彈要沽,逆勢炒係每逢大跌去撈,順勢易做過逆勢。

 

    記唔記得蘋果跌10%到620、630美元時,不少網友想撈,但我睇法都頗保留,主要覺得佢轉鰦勢,逆勢難炒。即使去到較大反彈,你買鰦都唔易走到,佢第一浪急跌的首個低位是11月16日的525美元,在穿上升軌時追沽,到呢個低位已有16%利潤。佢呢次大跌後反彈,10後反彈到反彈高點589美元,反彈12%,即使你見佢大插時撈底,有無好彩撈到525美元呢個低位呢? 因為佢股價走得好快,若非定位做,到你想撈,佢已經去番540美元樓上,你540美元獱鰦,見佢升到580幾,10%都未夠,多數唔會沽,咁就中招啦,彈完再跌後,中間反彈有限,若540美元獱鰦,如今仲要輸17%!

 

    蘋果呢個例子說明,第一,搵到轉勢位做№,會有較豐厚利潤,蘋果的沽貨位是佢在10月11日跌到628美元穿上升軌後,等佢反彈沽,最高彈到649美元,有機會在640美元左右沽到,然後等佢跌,選什麼價位入市沽佢有眾多考慮因素,其中一個是如何定止蝕,佢高位705美元,止蝕位最好定在呢個位之上,例如710美元買番平倉,640美元沽,710美元平倉,約輸11%,即係佢唔創新高唔使止蝕,比較安全。第二,順勢好過逆勢,在蘋果呢個例子,係每次等佢下跌後反彈20美元左右沽,有幾次機會食到。而唔係在大跌時撈,因為反彈唔夠多,無乜水位走。第三,有較深利潤時最好先食一部份,例如今次跌得幾深,若有沽倉先沽一半,留一半再睇,若獱住20%、30%在手,將沽空價或沽空價低10%或圖表轉勢向番上的位止賺,封哂蝕本門。找時機食部份糊,也是炒作要點,不要想食盡。你將蘋果的例子反轉,就是去年9月炒國企轉勢向上的例子。

 

陸羽仁

PermaLink: https://articles.zkiz.com/?id=43291

炒功(7) 陸羽仁

http://blogcity.me/blog/reply_blog_express.asp?f=5YTPBH5B812303&id=513099&catID=&keyword=&searchtype=

美股連升八日,昨日終於要轁轁氣。不過跌幅不大。杜指高底只52點。杜指收市微跌14點至13882點,標普500收市跌3點,仍企於1500點上方。

美股調整,主要由美國12二手房簽銷指數下跌4.3%拖累。分析指二手房簽銷之所以減少除了季節影響外,一般而言,冬季係房地產淡季,另一個主要原因係受低庫存影響。隨住美國房地產回暖,多數地區尤其西部地區,低過10萬美元的住房供應愈來愈少。市場估計—要去到春季,情況會有改善。事實上,12月二手房銷售同比增長6.9%。房地產市場仍在復甦之中。

另一份經濟數據抵消了二手房簽銷指數下跌的負面影響。美國12月耐用品訂單較上月增長4.6%,遠好過市場預期的2%。衡量未來業務支出的指標也上漲,顯示企業對財政政策收緊的擔憂並未如2012年底所擔憂的那樣嚴重影響投資計劃。

聯儲局今個星期召開本年度首次貨幣政策會議,周五則公布非農就業數據。投資者相對變得謹慎。不過,普遍估計係聯儲局唔會大改現行的貨幣政策,美國就業情況亦唔會轉差。

市場現時對後市有些少隱憂,原因美國企業對今年首季盈利預測,普遍都唔係咁睇好。至目前為止,標普500指數企業已有三份一派了成績表。整體的盈利增長6%,營收增長4%,市場此前預期只有2.5%2%。當中有61%的企業盈利超過預期,令分析員跌晒眼鏡。

實情係,分析員此前覺得財政懸崖將大大打擊美企的營運,對美企業績不寄予厚望。預期較差,超預期就相對比較容易啦。例如昨日公布業績的Caterpillar,唔計一筆過收購開支,上季盈利每股1.91美元,好過市場預期19美仙,但與去年的2.37美元,就大大不如。

Caterpillar預測2013年首季營收140億美元,而市場預期係151億美元。Caterpillar同好多已公布業績的美企都唔睇好未來的營運環境。叫人有點憂心。當然,真實情況是否如此,仍要等大部份企業公布了業績才有分曉。

今日想再講炒功。炒股第一要務係要知自己在炒,唔係投資,唔好問埋那些基本到唔基本的基本因素問題,那些東西可以變成炒作的藉口,不會影響大局,真正影響走勢是短期的供求動力。唔好炒一隻股,到佢轉勢下跌時,仍然盲信人地早前炒股時講的長遠利好因素,揸住唔識止蝕。

        炒股第二要務是要有計劃。包括想賺多少,預了蝕多少,看看可不可行。好似網友Bibirain早前話「上星期在15.18 買左4500960龍湖,諗住炒下,到15.6就放,依家跌到14.6, 好無耐,做足準備10%止蝕。後悔太心急。」Bibirain的炒法有好大漏洞,諗住食2.7%,止蝕有10%,輸一次要贏四次先至補得番,你條數計唔通,係典型的贏粒糖輸間廠。我估Bibirian可能見龍湖升緊,諗住入場搭順風車,可能想快到早上落盤下午就可以食糊,買貨時根本無諗止蝕(因為有諗的話,無理由咁唔合理),到買完調頭回落,才諗10%止蝕。假設Bibirain今次捱到唔輸,甚至番上去15.6元食到2.7%,佢下次又會咁炒。問題係方法唔好,長炒必輸,根本唔係吼唔吼得中好股,不是冧巴的問題,而是炒法有問題。你要10%止蝕,至少也要睇10%升幅,這才是11。你唔係對沖基金,唔使玩高頻交易,定好計劃,輸的次數少,贏的次數多,長線才會贏。

        炒股第三要務是先諗蝕才諗賺。睇中時錢會自動來,唔需要太擔心,睇錯時如何止蝕才是最重要,要定好止蝕,要減少止蝕的機會。好多朋友話炒股若定止蝕,經常要執行。我話這是你的問題,不是止蝕這個方法的問題,你入市位和時機不好,才經常要止蝕。所以我定炒股入市位,先考慮10%的止蝕位,盡量不高追,因為高追一回就要止蝕。等如熱門股回吐到咁上下,計下若到入貨價低10%時,遠在上升軌之下,即係話如果要止蝕,隻股已大幅跌穿上升軌,以減低止蝕的機會。若一隻股近期一直守住上升軌向上升,要突然轉勢穿軌向下的機會低少少,亦減低止蝕的機會。例如你24元買中國海外,10%止蝕係21.6元,佢跌到止蝕位,都要走啦。

你做足上面三件事,小心執行,應該可以輸少贏多啦。

陸羽仁

(我今天外出暫停答問一天)

PermaLink: https://articles.zkiz.com/?id=43910

炒功(8) 陸羽仁

http://blogcity.me/blog/reply_blog_express.asp?f=5YTPBH5B812303&id=516380&catID=&keyword=&searchtype=

美股好壞消息交雜,本土消息利好,但外圍歐洲及日本經濟唔掂利淡,拖累美股開市先下探,不過,美國最新一周首次申領失業金人數下跌幅度,好過預期,市場傳出多個重大併購交易,亦刺激了投資氣氛,杜指反覆靠穩,收市微跌9點至13973點,標普500指數微升1點,收1521點。

 

美國上周首次申請失業救濟人數減少2.7萬人,總數降至34.1萬,好過市場預期的降至36萬。在所有申請失業救濟者當中,有保險的失業申請比例亦由2.5%下降至2.4%,反映美國勞動力市場正在轉好,美國經濟緩慢好轉中。

 

美國本土經濟數據利好,但外圍環境唔就。歐洲統計局(Eurostat) 昨日發報告稱,歐元區第四季GDP較上季萎縮0.6%,與2011年同期比較則下滑0.9%。已經係連續三個季度萎縮,更係2009年以來最大降幅。

 

  最令人憂慮的是歐元區經濟萎縮不再局限於希臘、西班牙等經濟不景氣的國家,衰氣已波及「領頭羊」德國。法國已經表示不太可能實現2013年將財政赤字佔國內生産總值比例降至3%以下的目標。歐盟委員會警告,歐盟公共債務已經佔到GDP的90%,必須把相應的比例降下來,不然的話會對經濟發展産生負面影響,但太力緊縮又會影響短期經濟增長,令GDP的基數更細,因此已考慮容許法國、西班牙等經濟狀況不好的成員國可以延遲推行緊縮政策。

 

歐元區歐經濟唔掂,避險資金又開始倒流入美元,美匯指數近幾周大漲,歐元則全面跳水,歐元兌美元唔夠一個月由1.37美元急跌至昨日的1.34美元。昨日,日本宣佈去年第四季GDP萎縮0.4%,低於市場預期,但日圓略走弱後又轉強,升到日圓已從低位94.46,升到而家92.76,差不多升番到本周一的高位。大家唔好唔記得,本週末G20開會,焦點針對日圓大貶值,會前歐元跌纒,日圓升番,歐洲無咁大火氣,較易達成共識,開完會後日圓會唔會繼續貶值就唔知啦。

 

美、歐、日央行鬥印鈔票救市,手上的錢價值愈來愈縮,美國股市併購活動愈來愈多。怪唔得連「股神」巴菲特都要以高溢價購買全球最大番茄醬製造商亨氏(Heinz)啦。巴菲特旗下的巴郡宣布與巴西私募巨頭3G資本(3G Capital)將聯手以232億美元現金收購亨氏,包括亨氏的債務在內,交易價值280億美元。亨氏周三收市價只係60.48美元,收購價係72.5美元,溢價接近20%。住枝茄汁,安全過住錢也。

 

早前寫緊「炒功」的時候,有些網友提到止賺的問題,我並未觸及,而家可以講纒。先睇睇網友「勝不驕」的例子,佢話「上次待你評論我為『典型的敢輸唔敢贏,有機會詳談你的個案』(2013-01-23 11:29),我當時寫的內容如下:『陸Sir,總結上年,是學習止蝕、是輸得慘烈的一年: 輸保利協鑫3800(2.5元買,2元沽),買蘋果又輸(你寫了文章作為大家借鏡),兩隻都未能妥當止蝕,還有很多止蝕(得不好)的例子,見到勢好的恒地(0012)股價及相關新聞 、新地(0016)股價及相關新聞 ,但驚巿況唔好,係平手($44,$94)沽出。有些股票選擇不止蝕(農行: $3.3買入,最低$2.8,保利協鑫$1.7,$1.3買入,最低$1.1)當時手持大部分現金。到去年12月,眼見巿好,開始all in(全部買入)。招行,人保,新華保險等,連同農行以及保利協鑫,現在有20至30%升幅。新華甚至越升越賣指數基金(2800、2823)即不多於10%升幅。回想今次all in 買股,自己持股太多(10隻左右,連埋那些一手股)現在開始研究如何止賺,以及賣掉一手股。所以經常問陸sir止賺。回想過去,其實買盈富基金(2800)股價及相關新聞 ,可能好穩定地賺錢。

 

勝不驕的個案,第一個問題是無適當地10%止蝕,特別是買下跌中的保利協鑫或美國的蘋果時,要考慮好如何止蝕,才好入市。

 

如今他面對第二個問題,是如何獲利的問題。這是一個很複雜的問題,我會將之分開「投資的我」和「投機的我」來處理。若是「投資的我」買股,買入相對大隻的股份,目標是獱較長的年期,若是進入位較低,如去年在18000點、19000點入市,如今有20%以上的利潤,承受下跌的能力較好,本來也不一定要出出入入。不過,在美國量寛之後,股市的波動加大,即使是「投資的我」,若手持股票一股不郁,見住大市升升跌跌,獱一年都好易原地踏步,最叻都係收3幾厘息,所以郁動纒都無壞。我建議是趁高位減持三分一至三分二,沽多少隨風險喜好而異,通常是年初沽(即係而家),年中買(5月打後),有20%以上利潤可沽,等跌番10%以上買番(以大股計)。

 

沽貨的風險是遇上升過不停的大牛市,暫時睇而家的情況未係太似會咁,出現小牛市或橫行小小向上市機會大鱓。即使係大牛市,因為無沽清,仲有三分一貨在手,都可以享受到,而你沽到一股不留,就要忍受沽完再升之痛。你會分到有些股份係大股,升極有個譜,沽得急鰦無壞,有鱓股份係中型股,如果買得平,有翻倍的可能,唔一定要咁快沽,即係可以坐纒,記住投資可以獱長鱓。

 

投機的我唔同,流轉要快,有糊要食。我覺得勝不驕似呢類多鱓(鐘意炒下跌股),投機唔可以俾自己輸,唔好捱價,更需要食糊。所以有20%利潤,老大沽一半,其餘一半以買入價止蝕,咁就一定唔輸,若以買入價高10%止賺,夾埋一定有賺。記住炒作之關鍵係令自己年年有正回報,唔好一舖輸清,所以如何止蝕或止賺,是控制食糊倉位唔好變食蕉倉位之關鍵。我有個朋友係炒匯高手,佢話俾我聽佢後生時一個經驗,佢以100萬開倉(5%按金,即係炒緊2000萬),有一排炒得好順,100萬好快幾個月變鰦200萬,就心雄啦,倉位愈開愈大,以為自己係炒神啦,唔設止蝕止賺,點知一個浪打過來,幾日之間,200萬輸到變鰦10幾萬,個倉著哂紅燈要追按金,佢捱到個市反彈打哂靶,只有20萬,佢話若設止賺,個倉剩150萬時可以走哂,起碼到本金位100萬都應該走,佢無走,就變到得「幾條毛」。

 

呢個朋友都叻啦,就由20萬炒番起,用兩年時間炒番上100萬,叫做翻本,玩鰦3年要重頭來過,不過學到一樣№,佢以後落盤已定好全部止蝕及部份止賺位(通常先食一半),咁就輸極有個譜,兼且一開始要諗好退場部署,順勢可以賭耐鱓,逆勢即刻閃,佢之後就不斷保持炒匯有正回報。

 

(明天再講不同類別股票止賺法)

 

陸羽仁

PermaLink: https://articles.zkiz.com/?id=44068

炒功(9) 陸羽仁

http://blogcity.me/blog/reply_blog_express.asp?f=5YTPBH5B812303&id=516799&catID=&keyword=&searchtype=

上周美國上周公佈的多數經濟資料不俗,均好過市場預期。2月份密西根大學消費信心指數升至三個月最高點的76.3,首次申請失業金人數降2.7萬人至34.1萬人,優於預期的36萬人,該2.7萬人的周降幅為一個月來最大。2月份紐約聯儲製造業指數由上月的負7.8升大幅反彈至10,係7月份以來首次轉為正值。不過,美股表現呆呆滯滯,杜指上週五升8點至13982點,全個星期跌0.1%

 

股市極度牛皮。分析普遍認為美股今年已經升了6%,投資者在懷疑此時能否繼續買入,比較憂慮的是即將到來的美國削赤爭拗對大市影響,但另一方面全球性貨幣戰已經發生,大量熱錢已經不斷流入股市,股市跌唔落去。

 

美國全球投資基金研究公司(EPFR)公佈的資料顯示,自201212月初以來,全球資金便持續湧入全球股市,今年1月初就有222億美元流入,創了自金融危機以來最大流入量,推動美股及日股屢創新高,市場在賭全球經濟開始復甦,資金由債市流入股市,這是2012年初的翻版,當時市場深信美國經濟開始復甦,結果令人失望,唔知今次結局會否不同。

 

日本近期瘋狂印鈔,用貶值谷經濟。2012年內實施了5次量化寬鬆,購買資產規模比去年初倍升。令全球憂慮貨幣戰即將爆發,目光都放在正在莫斯科舉行的G20會議,不過財長會議的會後公布無點名批評日本。

 

從美國、日本及歐洲的貨幣政策,發現央行加碼推量化寬鬆貨的同時,更取消了時限同規模的限制,令到寬鬆政策可以無限量、無限期轉變。目前亦暫時睇唔到這加碼趨勢有任何改變的跡象。

 

  始作蛹都的聯儲局主席伯南克在G20會議上就話:「聯儲局將繼續提供融通性的貨幣政策以培育最大就業和物價穩定性。我們相信,通過增強美國經濟的方式,我們同時也正在幫助增強全球經濟。」

 

今個星期,日本、澳洲、英國及美國四大央行將相繼公佈議息會議紀要,其中美國和日本的貨幣政策也將繼續成為市場關注焦點。

 

上星期講如何止賺的問題,講到「貪勝不知輸」唔止賺可以倒蝕入肉的炒匯例子,網友myself有個應好精警,值得引述,佢話:「大部股票老手會話:『買股容易沽股難』,要正確沽貨止賺一定唔係容易事。例如陸sir所講既炒匯高手,佢100萬炒到上200萬,心雄唔在講,升到高位一定有好多利好消息跟尾,一定好多所謂專家見好唱好,要係個party大家玩到好high時,有得玩有得食又有美女滿場走時,要你好抽身沽貨離場你話幾難?不過佢之後兩三年可以20萬炒返上100萬,即賺左5倍,都算係萬中無一,現實係輸埋個20萬居多,特別係炒匯,用5蚊本去獱100蚊貨,只要睇錯跌5%就可以輸到渣都冇,你想等佢升返?sorry!你已經破左產,即使你睇中升返都唔關你事,好似前排買日圓就可以輸到上身,呢鱓錢真係唔係一般人可以賺架。」

 

Myself講的完全正確,唔識止賺輸到入肉,好少好似我講的炒匯高手咁可以炒返上去,更多再炒結果只係輸到渣都無,所以那個例子「貪勝不知輸」那部份係通病,但「反敗為勝」那部份就係異數。

 

止賺之難,係大部份人無發達夢就唔去炒作,有發達夢想佢到時到候走真係好難,所以最好係定好方法才入場。有好多反對止賺的說法,例如「止蝕唔止賺」,「讓利潤奔跑」等等,因為買入鰦好股,升少少就食鰦糊,以後有大茶飯都食唔到,例如200美元買鰦蘋果,200幾就走鰦,唔知佢最後可以升到705美元。又例如幾年前3040元買騰訊(700)股價及相關新聞 ,升到5060元好高興就沽鰦,無諗過佢可以升到280元。呢鱓都係過早止賺走哂雞的故仔。

 

問題係股王百中無一,雞股十之七八,當中有騙人股,有生意失敗股,有市場逆轉股,有生意唔錯但市場唔炒照跌之股,理性的方式是研究個股的情況,判斷佢屬於乜類別,估計佢生意的前景,然後才決定是否止蝕唔止賺,當中有好複雜的技巧,講就容易,做好難做到。若一旦判斷錯誤,買著雞股唔係好股,結果都可以好災難性。

 

股價好難估,即使內幕人也如此,騰訊主席馬化騰在20093月和投資銀行簽訂期權合約,收取期權金,向對手出售一個允許對方在兩年後以每股67.8元向他買入200萬股騰訊股份的權利,當時騰訊股價為55元港元。到兩年後要履行合約按價沽貨時,騰訊是192! 你話買平鰦幾多?馬化騰共做了4份共800萬股期權售股合約,以每股賣平鰦100元咁去計,馬化騰唔見鰦8!

 

但唔好以為馬化騰係傻仔,佢呢個故仔除了告訴大家唔好信內幕消息之外,還展示第一個策略,分段減持,若你手上有好多貨,見價升何妨分段減持,即使賣平鰦,你還有大量賺錢貨,若然睇飱股價真係跌,起碼套了部份現。所以我話散戶買股睇中大賺,第一個方法是部份減持,留部份再睇,若然你比較保守,買的又是大股,可以唔清倉,最多沽三分之二,已足夠食纒股市一年的升跌浪。

 

第二個方法是第一個的變奏,最飱買中一些暴升股,例如騰訊這一種以倍升的股份,是沽部份貨足夠收回本金,其餘部份全部是賺番來的,你若覺得公司有長遠發展前景,放埋一邊唔理佢,笑傲江湖,已保本不會輸入肉。例如你33元買騰訊,升到100元,沽鰦三分一收回成本,其餘的就可長獱。這一個浪升一倍的股份都唔少,例如你在低位1.1元買鰦保利協鑫(3800)股價及相關新聞 ,見佢升到2.2元,怕大市回頭佢跟住回,何不先沽一半,其餘一半長獱?

 

第三個方法是定位止賺,例如高位回10%15%就沽貨,這個策略比較適合一些升勢較穩定的大股,例如騰訊在093月低位40多元起步,一直升到20101月,基本上係完美上升,一直升到176元,當中好少有大回吐,若定15%止蝕,可以睇到176元,然後在回吐15%150元出貨,當然不能食盡佢整個升幅,但食到一年整個完美升浪。也可以將分段減持和定位止賺結合,第一注先在急升時食,往後的定位止賺。

 

我比較贊成做事唔好去盡,唔好信哂各種分析,買可以買錯,沽可以沽錯,沽錯是沽得過急,沽平鰦,但唔沽打回原型,都有遺憾。股和樓不同,樓好多時只得一間,只能做一個獱或沽的決定,股可以拆散來做,有好多空間,唔信哂某一種分析,咪拆三分一或一半去做囉。調過頭來,一個升市升完就回吐,你一股都無沽過,又好似白走一場。

 

陸羽仁

PermaLink: https://articles.zkiz.com/?id=45042

它去年開店數全台第一、EPS逾10元 瓦城靠飛輪式炒功 變台餐飲獲利王

2016-02-29  TCW

瓦城泰統去年締造三冠王:單一品牌開店數、淨利率、每股獲利皆上市櫃餐飲業第一,只攻東方菜的它,如何勝出?

在餐飲業,店數多不稀奇,但店數多又賺錢卻不容易。全台最大東方菜連鎖集團瓦城泰統(以下簡稱瓦城)將喜孜孜迎來三個第一:單一品牌開店數最多、淨利率達九%、EPS超過十元,獲利稱霸上市櫃餐飲企業(累計至二○一五年第三季)。過去五年瓦城每股獲利都接近一個股本,前年遇到食安風暴,對瓦城獲利率毫無影響。

旗下泰國菜餐廳瓦城在台灣有五十五家,店數比王品集團旗下的石二鍋還多,泰國麵大心一年半開十四家店,平均三十八天開一間店,也相當令業界驚訝。

瓦城泰統董事長徐承義指出,這速度看起來快,但都在掌控中,是因瓦城獨創的「東方爐炒系統」發揮作用。這是把菜色研發、食材跟廚藝標準化的過程,是瓦城累積二十六年的功力。

徐承義曾經引用《從A到》的管理理論比喻瓦城的營運,優秀的公司必須先厚植實力,才能突飛猛進,就像是推動巨大、笨重的飛輪,一開始得很費力才能啟動飛輪,但是,長時間下來,飛輪累積動能後,就會自己快速奔馳,這就是瓦城的寫照。

起步慢!做廚藝SOP師法跆拳道,養爐炒人才

創業二十一年,徐承義才開三十家店,速度平緩,但當人才培養、菜色研發制度化就緒,飛輪滾動的動能加快,近五年就開出六十五間店,展店速度加快。

瓦城總監蔡秉錚表示,開店速度快是「有跡可循」的,一般中餐大廚都藏私,爐炒人才最難培養,瓦城的研發團隊就把廚師的廚藝系統化。

以火候為例,以爐火高度跟顏色(如藍黃火)的比率,區分為八種,教廚師依鍋子被燒紅、水冒泡的程度,判斷下食材的時間,師法跆拳道,以顏色區分十一級培養廚師。

廚師不僅要會做菜,還得會用電腦,每道菜的食材大小、顏色列入電腦考題,三到四個月就得學會一級,有一次補考機會,認真學習多半會過關。

晉升到藍帶以上的廚師開始學管店務、食材成本管控、壓低報廢率等,目前約有五十人晉升到最高段。

廚藝學院除了在標準化廚藝,更重要是深諳廚師心理,一來未來升遷學習之路清楚可見,更願意留下來,降低廚師離職率;二來電腦考試公平、透明。現在七百多位廚師都是廚藝學院培養出來。

重深耕!一碗麵磨26年拉高門檻,換九%淨利率

當廚師人才穩定,徐承義並不急著創新品牌,他說湘菜要跨川菜和上海菜僅一線之隔,但沒準備好,他不輕易出手,反倒選擇做深現有品牌。

王品跟瓦城的成立時間相差不遠,但是王品在成立第九年時就由西餐跨入日式餐點,瓦城泰統卻是成立第十六年才跨入湘菜,相較於王品品牌種類的寬與廣,瓦城品牌數僅有王品的五分之一,則顯得力求窄與深。

徐承義說創新品牌有兩個原則:一為複製門檻高,二為產品獨特性。以大心為例,過去能賣到兩百元以上的麵食僅有日式拉麵,徐承義能研發一碗售價二百五十元的泰式麵,背後是二十六年的菜色研發與複製能力的累積。

以研發來說,徐承義說,當時市場沒有泰國麵連鎖,他是以「一碗麵解決一餐」的目標研發,一碗麵放上炸金針菇、蝦子、豬肉、高麗菜等有十種以上配料,光麵條,徐承義就試了十多種,蔡秉錚指出,大心只有六種麵,但是花了六個月研發時間,當時他跟徐承義天天吃麵就是為了找出完美湯頭與麵條Q度。

大心的複製門檻也比一般麵食連鎖店高,日式拉麵店廚房只需三人,負責下麵、湯頭與擺盤,但是大心每碗都是現點現做,需要用到六人,而且廚房沒有聘雇工讀生,都是廚師調理,以點菜率最高的海鮮酸辣麵為例,炸金針菇、煮蝦子下菜、組合配料、煮麵、擺盤都有專人負責。

徐承義說,比起設定的價格,他更在意「價值」,一碗麵不僅要吃飽也要好吃,他堅持,大骨湯由處理食材的資運中心統一製作,再分送各店提高效率,但是蝦子須在店頭內放入湯才能煮出鮮味,再擠幾滴檸檬汁才能上桌。

這是經過上百種嘗試,在美味與效率化間找出的平衡點,南僑董事長陳飛龍在國際美食論壇演講提到,麵食作業快速,相較於米飯類也容易標準化,是下一波外食產業快速成長的餐飲類型,瓦城的大心,就切到這塊市場。

王品近期遇到品牌擴張太快,互蝕市場,各品牌獲利狀況不一,正在重新調整品牌定位與特色;但是,品牌擴展慢的瓦城反而每一個品牌都賺錢,以大心來說,每年淨利率約為九%,隨著日後店數增加,獲利率有望再提升。

師大運動休閒與餐飲管理研究所教授王國欽認為,瓦城人才培養就緒,未來組織成長的壓力加大,勢必加速創新品牌的速度,在成長與穩定間的平衡,是未來能否持續成為獲利王最大挑戰。

瓦城泰統成立:1990年創辦人:徐承義資本額:2.3億元成績單:2015年營收34億元、稅後淨利3.21億元(估)地位:台灣第一大東方菜連鎖集團

撰文者曾如瑩

PermaLink: https://articles.zkiz.com/?id=187387

Next Page

ZKIZ Archives @ 2019