《蘋果》專訪 發毒誓冇回收Hermès大劉轟呂麗君 面皮厚過恐龍皮
1 :
GS(14)@2016-11-24 07:39:35■大劉昨日逐點還擊有報道指呂麗君身家沒20億，更轟呂麗君面皮厚，看錢緊要過條命。資料圖片
劉鑾雄情歸甘比，二人上周五正式入紙註冊結婚，甘比在三個月內就榮升為劉太，而過去式的呂麗君雖亦是20億超級富豪，但卻有報道指她名下沒有私人物業，名牌Hermès手袋、禮物全是「掛名」，最終要歸還。敢言、有話直說的大劉昨日逐點還擊，直言呂麗君是百分百蠢人，揚言若收回任何一個包包就絕子絕孫，更轟對方說：「面皮厚過恐龍皮，睇錢比生命重要。」
超級富豪劉鑾雄（大劉）與甘比拍拖十四年開花結果，大劉入紙註冊結婚給她劉太名份。大劉再婚了，不是新娘的呂麗君，早前與大劉惹爭產疑雲，亦開始態度軟化，發聲明保證不會訴訟，亦有對舊愛送上祝福。
■呂麗君曾收大劉200個Hermès手袋，被指要回收到大劉的古董櫃，不是由自己擁有。資料圖片
■準劉太甘比擁有700個Hermès手袋，隨手拎價值50萬的鱷魚皮Birkin去飲茶。
「錢比生命重要」
劉甘婚訊傳出不夠一日，卻如連續劇情節峯迴路轉，昨日有報道質疑呂麗君20億身家真偽，指她名下沒有私人物業，現與子女居住的白建時道大宅，及去年傳收下4.2億的白加道獨立屋均是大劉名下，厚禮如拍拖多年的Hermès名貴手袋要「回收」，車牌「Y1NGY1NG」、「1L0VEU」是華置名下，而送贈女兒的兩粒寶石更由大劉保管至成年。將再婚的大劉本來喜事重重，對於又成矛頭，他昨日開腔逐點反擊，指送給呂麗君的物業不計其數，他說：「點解話冇，因為佢套晒現囉！佢絕對唔係掛名富婆，送畀呂小姐嘅所有嘢，全部都有支票紀錄，係咪要我攞晒啲證據出嚟，幾時送，同送乜都要騷晒出嚟？」大劉指呂麗君沒家底，曾送了加拿大及灣仔壹環一個單位給其父親，合共值約5、6千萬元，而呂媽媽亦有一個1,900萬壹環單位。大劉是法國名牌Hermès的世界級超級大客，他直言：「我收番任何一個包包就絕子絕孫，我買Hermès用咗幾億，送畀呂麗君嘅Hermès超過200個。」二人未分手前，曾同居白建時道大宅，他解釋：「佢仲霸佔咗我個古董櫃，係佢自己擺，我有冇咁cheap，我會咁cheap就唔會畀20億佢，唔計現金、珠寶、債券，佢喺我身上學識買債券，佢一年獲債息都成億，我畀佢嘅現金加珠寶都超過20億，都未計送畀佢不計其數嘅物業，佢唔好喺度混淆視聽。」與呂麗君相識十多年，大劉感嘆她看錢緊要過生命：「呢個人睇錢比生命更重要，即係阿哥問佢借10萬，佢都可以走嚟叫我借，佢自己都有咁多錢，佢再屈我就掟個『深水炸彈』出嚟。」
■（左起）劉家女將包括劉媽媽及大劉兩名妹妹，以至呂麗君母親都是Hermès不離身。
呂麗君母親
■呂麗君母親和父親都曾獲大劉送贈壹環單位。
「係百分百蠢人」
至於報道指大劉因呂麗君學歷高強勢似寶詠琴才放棄，他表示：「呂麗君喺我眼中係一個百分百蠢人，呢頭講完，下一秒被推翻，佢面皮厚過恐龍皮。佢學歷高都係我供佢讀博士學位，不過人哋讀兩、三年，佢就讀四、五年，佢做政協都係因為我朋友嘅人事關係幫佢，冇我咁大個後台邊做到。」最後被指與甘比結婚，皆因想「斬腳趾避沙蟲」，他直言：「唔係！同埋唔好成日攞甘比同呂麗君比，我決定同甘比結婚，係我哋之間嘅感情昇華嘅決定，關佢叉事！」採訪：鍾國仁
來源:
http://hk.apple.nextmedia.com/entertainment/art/20161124/19843447
甘比700個Hermès袋完勝
1 :
GS(14)@2016-11-24 07:39:35■大劉與甘比所生的女兒秀樺小時候已用價值五萬元Hermès手袋。
大劉愛送贈Hermès給家人，甘比與呂麗君獲贈的Hermès手袋卻有天淵之別。準劉太甘比擁有超過700個Hermès手袋，mini bag、Kelly clutch，各款絲巾水桶、長帶Jypsière，以至巨型的50cm Birkin等，各款各式樣樣齊，連她的囡囡劉秀樺1歲半時已擁有價值4至5萬的Hermès Kelly Doll。甘比收藏中最矜貴的一定是鑽石版本，多款18K白金鑲鑽石，擁有多個上百萬的鑽石Birkin，包括一個罕有鮮粉紅色的鱷魚皮款。另一邊廂，呂麗君收過200個Hermès，以經典袋王Birkin款佔最多，不少還是最矜貴的鱷魚皮製，紅、橙、藍、紫、粉紅、墨綠等色都有，每個價值約20至60萬元不等。撰文：葉綠悠
來源:
http://hk.apple.nextmedia.com/entertainment/art/20161124/19843450
圖解新聞：Hermès「袋王」Birkin的誕生
1 :
GS(14)@2016-11-24 07:39:39在Hermès手袋家族中，Birkin稱得上手袋界的「袋王」，今次同大家講Birkin誕生的故事。1983年，愛馬仕的第5代繼承人兼總裁Jean Louis Dumas，坐飛機去倫敦時，剛巧坐在英國女星Jane Birkin旁，Jane就將手袋放在行李架上，不過就不慎弄跌記事薄和筆記，Dumas就好心幫忙執起記事薄，Jane抱怨：「沒有一本筆記簿可以放下所有內頁，亦沒有一個手袋可以放得下所有東西」。Dumas聽完之後就提議可以為她度身訂造一個手袋，就是這樣，Birkin Bag就於1984年面世！
Birkin Bag的設計靈感是來自1900年用作放馬鞍的袋，經改良後 Birkin Bag的體積縮細，手挽就加長。每一個手袋由頭到尾都是由同一位工匠，以獨門的「馬鞍針步」雙針縫製的工藝製作，每一個細節都嚴格把關，確保完美。
Birkin Bag有軟皮硬皮兩種選擇，包括；小牛皮、鱷魚皮、鴕鳥皮等50種皮革和超過300種顏色以供訂造，Birkin Bag一向受到名媛女星追捧，所以被稱為袋王。每一個Birkin手袋都是百份百以人手縫製，年產受到限制，由於太受歡迎，所以實施了全球限量制度，因此供不應求，而近年就連waiting list都暫停，所以有錢都買不到，亦令Birkin身價不斷升價。2016年佳士得春季拍賣會上，一個30cm的18K白金鑽石扣鱷魚皮手袋，就以天價232萬成交，成為史上最貴的拍賣手袋紀錄！
來源:
http://hk.apple.nextmedia.com/entertainment/art/20161124/19843675
大劉愛乾淨甘比車上鋪定巾放Hermès袋
1 :
GS(14)@2016-11-25 07:36:45華人置業前主席「大劉」劉鑾雄，早排承認已經接受換腎手術，由於啱啱康復，為咗防止細菌感染，任何人等進入大劉大宅，都要戴上口罩，以免大劉受到感染。病人固之然要注意健康同衛生，不過未病前嘅大劉，同樣出名愛乾淨，無論去到邊，都有「紙巾黨」隨行護身，保鑣助手一人一巾，甚至一個人兩隻手兩條巾，應付開車門、拎文件、扶大劉上上落落。至於準劉太甘比，更一直遵從大劉愛乾淨呢個規矩，試過有人見到甘比拎住Hermès袋，喺福臨門陪完大劉食飯，上車離開嗰陣，先鋪張紙巾喺座位上，然後珍而重之，將個袋放上去，大劉見甘比對個袋都咁細心，當然對佢加晒分！
來源:
http://hk.apple.nextmedia.com/entertainment/art/20161125/19845270
甘比做冬Hermès襯萬元軍褸LOVE仔女
1 :
GS(14)@2016-12-24 10:42:42冬大個年，做冬當然和屋企人過啦！甘比前日就被發現在銅鑼灣出入，她如常湊仔女，先和媽咪、女兒劉秀樺、兒子劉仲學在銅鑼灣Cova飲下午茶，Tea完就返屋企和大劉做冬過節。一對仔女非常嗲媽咪，不時扭抱、攬攬，感情非常好。甘比的casual湊仔look，輕便有童趣。她著了Moschino卡通熊仔連身裙，搭配Saint Laurent軍褸，復古迷彩圖案的軍褸背後，釘上有七彩「Love」字樣的貼圖，添加潮味。手袋方面，自然來自她700多個收藏的Hermès手袋之一，昨日用的Hermès鴕鳥皮Kelly bag，估計15-20萬。鍾意Pingu公仔的甘比，近期收到不少品牌、公關送的聖誕禮物，如：Fendi、Pernelle等，她亦post IG答謝。更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20161223/19874403
Hermès餐具配 Suki親手拿手菜 最豪聖誕P
1 :
GS(14)@2016-12-24 10:55:33徐淑敏（Suki）有個識食老公黃浩（Kenny），偏偏Kenny又熱愛下廚，Suki婚後一直做幸福人妻，十指不沾陽春水，不過今年9月，佢的起心肝到東京學藍帶法國菜，學藝3個月，本月中先返到港，撞正聖誕節，佢前晚就喺屋企提早開party，Suki大顯身手，一共煮咗5道菜，除咗屋企人，「沈大師」沈卓盈、陳智燊（Jason）同老婆宋熙年都有口福，搶先試到Suki嘅手勢。
Suki精心設計嘅聖誕餐，有雞肉開心果鵝肝、馬賽魚湯、龍蝦、炖牛肉同法式燉梨伴雲呢拿雪糕，佢由劏龍蝦到雪糕都親自炮製，所以佢花咗兩日時間準備，無論味道到伴碟都好有功架，甚有高級餐廳水準。Suki甚除咗好緊張食物質素，佢連餐桌布置都好有要求，佢親自擺位，仲用Hermès餐具同Swarovski水晶杯招呼賓客，非常高貴。
Suki每上一道菜，佢匆匆吃完又去廚房打點下一道菜，Kenny雖技癢，但都全晚忍手，將廚房交畀Suki，沈大師、Jason同宋熙年邊食邊讚好味道。佢哋食完仲玩交換禮物，沈大師抽到米奇老鼠餅機，佢搞笑話拎住當2017最潮手袋，宋熙年抽到潤手霜，佢話好啱用。Suki三個囡囡Vianna、Renee同Isabella就大豐收，收禮物收到手軟，佢哋即收即拆。靚仔Jason果然有異性相吸能力，Suki三個囡囡係咁黐住佢，宋熙年笑言唔怕老公畀女圍。Jason同宋熙年新婚，佢哋都鍾意小朋友，但先享受二人世界先考慮生B。問宋熙年係咪要學Suki生三個？佢話：「兩個夠晒數，三個湊唔掂。」沈大師話聖誕未有人約，派對尾聲，大家再同Kenny媽咪切蛋糕，慶祝佢日前74歲生日。
Suki話東京學藝，學咗至少150道菜，佢大把殺手鐧整畀屋企人同友人享用，佢話：「呢次我學第一次宴客，我未係好滿意，只畀自己70分啦，下次可以再好啲。」Suki同Kenny噚晚開P狂歡到凌晨，噚日佢哋一家7口，三代同堂出發去杜拜過熱辣辣聖誕，玩到跨年先返嚟。
來源:
http://hk.apple.nextmedia.com/entertainment/art/20161224/19875763
Next Page