| ||||||
雖然中央滙金早前高調在市場上購入工商銀行（1398）、建設銀行（939）及中國銀行（3988）三大國有銀行的股票，有助穩定投資者對國有銀行的信心，股價表現年初以來跑贏大市。不過日勤認為，中央這個干預行動卻令國有銀行股份成為目前下跌風險較大的板塊。 盈利充滿變數 市 場普遍看好國有銀行不只是滙金單一因素，當美國和歐洲大型銀行因金融海嘯而大幅虧損，甚至被政府接管，內地銀行安然無恙，目前已披露與金融海嘯相關的投資 始終屬少數，加上呆壞賬紀錄偏低，而且現金充裕，營運上，利息收入一直錄得可觀增長，都讓投資者安心。賬目數字以外，最重要的保障，可能是來自北京的眷 顧。中央政府大概不會讓國有銀行出事。不過，日勤認為，盈利長升長有始終是不可保證的，正如中央去年不能阻止股市下跌一樣，雖然中央對國內一切活動的控制 權，曾經為投資者帶來無限的遐想。事實上，國有銀行的盈利充滿變數，情況並非阿爺篤篤手指就能了事。國有銀行向客戶的貸款，大部份是私營或個人的，以建行 和工行為例，國企欠款分別佔兩者的整體貸款額不足五成，其餘是私營和合資公司，及個人客戶。顯示即使國企背後有大水喉，那些私營客戶仍可能帶來顯著的呆壞 賬。 潛在呆壞賬勁 另外，將國有銀行貸款以行業分類，情況亦令人擔心。製造業和地產相關行業，佔建行整體貸款五成、佔工行四 成。較穩定的，如基建和公用行業反而較低。受到全國出口放緩打擊，製造業成為中國經濟的重災區，而且地產泡沫已經爆破，兩方面都有機會帶來呆壞賬。在未上 市前，國有銀行出售大量呆壞賬，去蕪存菁後才得以上市。如果工作方針不變，繼續做政府的政策工具，按政策指令，而並非借款人的還款能力審批貸款的話，國有 銀行每隔幾年就可能出現一次顯著的撇賬，股東利益會受損。國有銀行可能因為這次外在經濟下滑，暴露本身內在的管理問題。陸日勤 http://penandsky.blogspot.com | ||||||
| ||||||
隨着假期完結，又是時候重返工作。撇除部分地產股和工業股的年結設在六月及三月，今個月起，很多銀行及大型上市公司陸續公布業績。如果想買股票，尤其是一些包含在恒生指數內的龍頭股，它們很可能隨着經濟復甦而向好。 刻下我對地產股抱持觀望態度，它們的估值雖然已經很平，惟樓市未見生機，習慣高槓桿的地產商此時又難以向銀行借貸，令我不太放心。儘管這問題在中港兩地不算很嚴重，但在不少發達國家，銀行的借貸能力於金融海嘯後嚴重受挫，亦會間接影響亞洲市場。 對於工業股，我也有同樣看法，尤其工業股的貨物集中出口到歐美，這些國家經濟正處於水深火熱，何況不少工業家也是倚靠銀行的資金，作為企業的日常水源。中資銀行業績佳 我還是對亞洲的銀行情有獨鍾，尤以內地的大型銀行為甚，這包括建行（939）、交行、工行及中行皆估值吸引，根據它們○八年首九個月的表現，去年盈利必定相當豐厚。 但股市有很多先知，他們認為內銀股的估值過高，理由是未來兩年的盈利會大幅縮減，又或因為客戶還款能力減低而作出大額撥備。他們可能是對，但這只不過是根據個人意見的猜測，因此也有一半機會是錯。如果你認為中國政府的救市計劃有效，復甦的時間勢必加快。 建 行現價跌至三元九角，市值八千八百億元；截至去年九個月，首三季盈利達八百四十億元人民幣，全年料賺一千一百億元人民幣，市盈率只得七倍半，平得匪夷所 思，何況未來還有很大的增長空間。我一如以往，認為中資銀行未來能按年約有一成半增長。而那些先知，則認為中資銀行未來兩年盈利大幅下降，但之前卻預測它 們每年能有逾兩成的增幅。 就算未來五年，中資銀行的盈利只能持平，股東仍有一成三回報；這包括百分之五點五的股息，另外百分之七點五則是保留溢利，藉以作為擴大未來盈利的本錢。 交行借貸質素較優 交行現價五元二角，市值二千五百億元，○八年首九個月盈利達二百二十億元，全年純利應該有二百七十億元人民幣，回報達一成二，實在不容忽視。交行的借貸政策可能較建行嚴謹，但我可沒有什麼實質證據支持這論調。其實看看名字便知，建行有頗多的借款是提供給地產發展的。 中資銀行在上一季有可能作出撥備，因為董事們都傾向保守，亦有可能為了放大來年的盈利，令公司的增長看似較為平穩。即使計及這些因素，這幾間銀行也相當抵買。 滙 豐現價六十一元，市值僅七千五百億元，低於建行及工行。根據中期業績，截至去年六月盈利為六百億元，但當出現了一百七十億元的減值撥備，我實在不知應如何 有效預測其全年業績，尤其是大行紛紛唱淡，成為近日新聞頭條。儘管現時無人能確實知道滙豐○八年下半年的盈利會否遜於上半年，但假設下半年賺五百億元，即 全年每股盈利約為九元。在這情況下，我實在不明白，滙豐為何要如大多數人所想般削減派息。而在這樣的盈利水平，滙豐市盈率僅七倍。 滙豐現時的值博率非常高，就算未必有即時回報，但當短期危機過去後，長遠前景肯定明朗。 東尼Tony Measor 在證券界有三十五年經驗，八七年股災及八八年股市冒升時，他所管理的香港基金表現都是香港最出眾的。 他之前是財經網站Quamnet的總編。在此之前，他在嘉洛證券工作，管理客戶二億五千萬元資金。 | ||||||
| ||||||
賓架Ｌ新年前送來一盒利是封，過年後又打電話嚟講恭喜發財，其情可感，於是請佢去陸羽同班老友飲茶敍舊，點知埋單之時，畀佢搶快一步，成班老友唯有向佢講幾聲多謝，多謝。 賓 架Ｌ間銀行宣佈咗第四季業績，外電話「勁蝕」，以此相問，賓架Ｌ笑住答：「What's new?」又係嘅。間間國際級銀行都蝕到阿媽都唔認得，宣佈虧損的確唔係新聞。賓架Ｌ話好彩佢哋仲可以頂得住，佢唔會成為公務員。銀行如果國有化，大賓架 成為公務員，花紅一定大大減少，薪酬會有上限，做事掣肘多多，邊度願意呀。花旗前主席韋爾不時成家人飛去一個小島度假，酒店費用要一萬美元一晚，坐嘅飛機 係花旗擁有嘅豪華型號，一家人不知幾嘆。呢呢，伸手問政府攞錢救亡之後，花旗以前訂下嘅新飛機，價錢五千萬美元，濕碎啦，但美國財政部官員打一個電話表示 不安啫，花旗就要取消訂單，你話幾冇面呢！ 此日吃飯，餐廳羅帶來兩位意大利粉專家，當然係意大利人，佢哋聽我哋講銀行，問吓點解美國最大嘅 銀行「美國銀行」股價點解會跌到三個幾美元？故事一疋布咁長，不知從何說起，不如講掌故，「美國銀行」（Bank of America）創辦時本來叫做Bank of Italy，創辦人當然係意大利人，後來三藩市發生大地震，呢間銀行大力協助三藩市重建，得人擁護，覺得「意大利銀行」呢個名字唔多啱用，於是改名為「美 國銀行」。 呢段掌故，兩位意大利人完全未聽過，令佢哋大為驚異，更令佢哋驚異嘅就係粵菜，佢哋話點解佢哋吃到之中國菜同佢 哋喺羅馬及米蘭中國餐廳食到嘅，完全不同，簡直係兩回事！左丁山問：「咁樣你哋在香港吃到之意大利餐與羅馬意大利菜又有乜唔同呢？」佢哋嘅意見係香港意大 利菜好多肯用意大利橄欖油，意大利製造嘅意粉，又有意大利廚師來港獻藝一段時期，故此佢哋覺得分別唔算太大。話得說回來，佢哋又唔會去到一啲環頭環尾嘅意 大利餐館嘅啫，而係多數幫襯君悅、港麗……聽講一位意大利兩星（米芝蓮）名廚今個星期會在Domani做訪問廚師，自不然係做出正宗意大利菜啦！ | ||||||
| ||||||
雖 然喺金融海嘯下，銀行業面對嚴峻嘅資本壓力同經營挑戰，不過有實力嘅始終無懼風浪，站穩陣腳。華華噚日喺彭博資訊睇到，截至今年1月底，工行（1398） 成為首家總資產超過10萬億人仔嘅內地銀行，仲繼續穩居全球市值第一嘅上市銀行地位，達1850億美金。工行可以領導群雄真係唔簡單，o依家全球金融機構 公佈錄得超過1萬億美元嘅減值同損失，但工行喺舊年8月已扭轉乾坤，淨係專注做國內貸款，既可避過全球信貸緊縮嘅衝擊，又做到全球最賺錢嘅銀行。華華諗， 工行家陣有1.7億客戶，相等於俄羅斯同加拿大人口總和，如果以中國13億人口計，即每7.6人就有一個喺工行開戶，果然係「人多好辦事」！ | ||||||
| ||||||
| 受 到金融海嘯打擊，美國銀行股票跌得好傷，單睇反映美國24隻金融股表現嘅KBW銀行股指數，就知道有幾慘烈。彭博資訊話，KBW銀行股指數上個禮拜五跌到 得番2724億美金，即大約2.12萬億港銀，連一隻中石油（857）嘅市值都大過佢哋。 KBW銀行股指數市值2.12萬億港銀呢個水平，其實係去返92 年10月時嘅水位。喺兩年前銀行業最風光時，個指數有成1.36萬億美金（10.6萬億港銀），可惜一場海嘯勁跌逾五成，而中石油A、H股上個禮拜五夾 埋，市值有成2.19萬億港銀，險勝美國24隻銀行股市值，都威番次。中石油都唔係冇跌過，股價曾經由高峯挫七成，但由上年10月尾低位，至今升番近四 成，就係咁打咗美國啲銀行一巴掌。彭博仲話，今年唔夠兩個月，中國上證綜合指數升咗27%，係全球各股票指數中表現最好，美國標普500指數就瀉咗 15%。 | ||||||
| ||||||
| 校 友會午餐例會，搵到胡孟青講「滙豐供股要Say No」，大收旺場之效。有一位校友帶埋乖女嚟聽，吃過午餐後便一同到太古商場逛百貨店，問校友為何如此舒服，唔使做乎？校友曰：「我已退休，乖女間銀行被 吞併後，舊人遣散，佢亦回家湊我個孫！」可惜啲喎，校友之女在柏克萊畢業，哈佛MBA，曾在紐約大型投資銀行做分析師，香港監管機構工作，一流財金人才 也，投閒置散未免嘥料。世姪女話：「現在搵工難，而且我o依家先至發覺，出面人工幾低吓，大概我已俾銀行高薪縱壞咗，仲要一段時間適應，返屋企親子都係好 選擇。」好，梗係好啦，佢在屋企教子，會叻過幼稚園老師好多倍。陳智思太太咪堅持在家教次子，唔送佢入幼稚園囉。 過去銀行（特別係投資部門 方面）人工高，令年青人趨之若鶩，不幸碰上金融海嘯，以後唔知仲有冇呢支歌唱。高盛一位亞洲高層最近退休，佢對英文報紙記者講：「投資銀行黃金時代已一去 不復返，或者再等十年啦，我在呢個時候退休，十分適合！」年青學生請留意吓嘞，叻仔叻女入大學或者選番做工程師、醫生、科學家，而唔係一定要爭住讀商科 嘅。 參加校友午餐會嘅校友，有財務Ｗ在，原來佢位公子本在美國讀工程，畢業後立即加入銀行做衍生工具，由貝爾斯登出身，去咗東京雷曼，再回 港加入滙豐，現在呢？財務Ｗ話：「個仔上個月攞咗遣散費，繼續享受生活！」又係嘅，過往七、八年，收花紅不在小數，嘆吓未遲，只要佢對調查人員講（如果被 抽樣選中嘅話）佢唔會短期內搵工，佢就唔算失業，唔會推高失業率，令曾司長頭痛。 未被縱壞，只怕捱壞嘅記者小Ｂ一味呻窮， 佢啲同學被銀行炒魷，拿到嘅遣散費，足夠佢三年薪水。可見銀行與傳媒行業薪酬相距之大，成績標青到極嘅學生要爭住入讀中大新聞系好似冇反映到呢個wage gap。現實上，記者做三四年就轉行，有其道理。在校友午餐會上碰到一位靚女校友，佢遞上名片，係私人銀行家，已係董事級，問佢讀邊系，佢話：「我讀 Journalo架。」咦，果然醒目，讀新聞而打銀行工，識得轉膊喎。 | ||||||
| ||||||
| G20 峯會其中一個重要議題，是加強監管銀行及基金。歐美民眾對於銀行家用公帑分紅的貪婪與自私，已忍無可忍。須知道今天發債，明日是要連本帶利歸還，政府錢從 何來？還不是靠加稅及減低福利兩大法門。不想辦法令到銀行家循規蹈矩，歐美政府實在寢食難安。法國總統薩爾科齊就揚言，如果他提出要建立一個全球金融管理 機構的建議被冷落的話，他會離場抗議。現時市場預期銀行業的最低資本充足比率要求會上升。據花旗銀行一份研究報告指出，歐洲銀行在90年代中期時股本回報 率為12-15%，到03-07年時全盛時期大升到18-23%。原因是銀行以總資產相對股東資金比率計算的槓桿比率由95年的平均24倍大幅提升到07 年的39倍。銀行如被政府強迫大幅降低槓桿比率，高增長年代應會一去不返，有很大機會步97年後本地地產股的後塵，只能與大市及整體經濟同步。本地銀行股 跟海外同業相比，資產負債表受創較輕，但仍有三大隱憂：第一，迷債事件及任總退休後，政府或會加強監管銀行販賣金融產品。第二，銀行回歸傳統業務如樓按， 以現時HIBOR加0.7%的低息，利潤率與賣Accumulators是差天共地。第三，中國由出口主導的增長模式，改為內需主導，本地銀行股除了直接 擁有國內業務的恒生（011）及東亞（023）外，分半杯羮也難，最好出路就是等下一間如招行（3968）的貴人出現。 循業績推敲造淡目標 炒 賣策略方面，仍然維持恒指4月不會創新低的看法。聯通（762）公佈業績後股價倒地，比公佈了超恐怖業績又現金短絀的唯冠（334）跌得更慘，又成為見光 死的例子。大股業績期快將完結，剩下未公佈業績的公司範圍收窄，目標更加清晰。個人造淡個股目標以低利潤率、早陣子又被證券行調低評級的內地基建股為首 選，以股票認沽期權為出擊工具，最為適合。 作者黃國英為證監會持牌人士 | ||||||