疑似富貴Alex求吳若希原諒：我當Toby係X
1 :
GS(14)@2016-07-09 06:36:00吳若希自從公開同澳門闊少男友Alex Ho嘅關係，是非一單接一單，男嘅即刻俾人踢爆有個model女友Toby Sin，吳若希做咗第三者，但Alex深夜發聲明力證自己係單身，但係話口未完，再爆出Alex坦白認同Toby有肉體轇轕，若希梗係嬲都到震，結果Alex即漏夜帶埋Chanel手袋坐直升機由澳門抵港冧女友。之後Toby就喺ig貼咗張婚紗照，並寫道:「越經歷越強大..多謝提早給我看看世界...朋友們不要截圖給我了！因為事過境遷，毫無意義又不上心！又上了一課讓我思考更多..上天又給我挑戰了！智慧讓心胸開闊。謝謝明白我的每一位！#look on the#bright side So see it as positive as I can't control anyway!」如果以為呢件事叫告一段落嘅話，似乎太天真，昨晚又有爆料，疑似闊少男友Alex嘅fb夜晚有update，為咗證明自己有幾愛吳若希，仲tag埋吳若希：「我真係當Toby先係X~買花買禮物都係為咗補償佢～佢埋我身都係為咗依個目的～佢係X！「我承認我追緊你嘅時候同時都同佢有路，但我真係當佢係一隻X！我唔啱！之前我冇同你講，係因為我唔想你唔開心。「我應承過你要好錫你細佬，好似錫自己子女一樣。唔可以發你脾氣，唔可以黑你面，體諒你工作，盡量陪喺你身邊，你有唔開心一定要企係你依邊，就算你有做錯都撐左你先，淨係會縱你一個，錫你一個，淨係俾你撒嬌，淨係俾你唔講道理～我唔需要你做好多，只要愛我一個就夠，同埋俾我知你做緊咩，同埋幾時返屋企，起碼俾我知道你安唔安全！我以後唔會再呃你，所有野都同你講，我錯！對唔住！」嘩，睇到「男友」咁「真誠」嘅留言，睇怕吳若希啖氣都吞得落喇啩？！
來源:
http://hk.apple.nextmedia.com/entertainment/art/20160707/19684332
吳若希男友遭舊愛揶揄
1 :
GS(14)@2016-07-09 07:02:10■Alex和吳若希甜蜜蜜，其舊愛Toby前晚稱運動完便告別煩惱。
吳若希與澳門闊少男友Alex Ho泰國旅行斷正，之後爆出男方有前女友Toby Sin，令吳若希變「小三」。Alex為安撫吳若希，又送手袋又在facebook留言解釋，指自己當Toby是X，買花和買禮物都是為了補償她。
Toby前晚在fb貼了一幅相，並留言暗寸Alex：「運動完，告別煩惱，沒有甚麼過不去，只有自己才會跟自己過不去，激動是敵人，冷靜是知己，自己影響着自己，這幾天的留言，雖然沒有回覆，但是在心中，懷念安靜的好，明白平淡便是福。」撰文：唐如
Toby Sin
來源:
http://hk.apple.nextmedia.com/entertainment/art/20160709/19687393
吳若希講分身微博爆笑
1 :
GS(14)@2016-07-12 03:19:32■吳若希笑言和男友今日不知明日事，要看定一點。
吳若希近日被懷疑以分身開了不同微博賬戶，昨日她穿露背裙在太子出席活動，被問到會否考慮刪走舊賬戶？她以高八度聲線說：「我覺得好笑囉！如果係我就delete咗佢，唔緊要啦，希望大家認住我微博同facebook有剔同有V嗰個，認住呢個正確標誌。」對於疑似分身帳戶有其相片，吳若希解釋：「啲相以前喺fb上載過，所以要拎到都唔難。」問到日前返家鄉福建有否帶男友何兆鴻（Alex）見鄉親，會否有好消息公佈？她說：「今次好趕，我逗留都冇12個鐘。我同佢今日唔知聽日事，睇定啲先，如果有好消息會通知大家。」採訪：馬建華攝影：陳俊強
來源:
http://hk.apple.nextmedia.com/entertainment/art/20160711/19689469
吳若希失手露胸墊
1 :
GS(14)@2016-07-17 16:01:40■吳若希前晚穿上大露背裝出席活動，但不慎露出胸墊。
吳若希（Jinny）、胡鴻鈞及許廷鏗前晚在灣仔出席「離島區青年音樂匯演」，穿上大露背裝的吳若希失手露出胸墊，更一臉倦容，她解釋是因工作了整天。Jinny愛在網上發表留言，她表示有事情想表達都選擇在網上發表，若激動時有可能爆粗，又或會唱激情歌發洩，例如自己的歌《最後一次分手》。問到現任男友Alex Ho是否最後一個？她說：「盡量啦！呢啲好難講。」有報道指男友向她逼婚，對此Jinny說：「都冇啲幽默感，邊有人逼婚咁公開㗎，總之我哋好有共識去做啦！」採訪：盧妹攝影：陳順禎
來源:
http://hk.apple.nextmedia.com/entertainment/art/20160717/19698041
峇里預支蜜月吳若希拖男友示威
1 :
GS(14)@2016-08-03 02:44:062016-07-28 NM
吳若希（Jinny）被拍得同30歲澳門有米商人何兆鴻（Alex）同遊泰國後，當時人「放閃」公開戀情，不過隨即引爆男友Alex拍拖期間同前度Toby仍保持肉體關係，吳若希反變小三！戀事變成是非，但二人繼續愛得高調，密密出埠，甚至大方於公眾地方十指緊扣。拍拖睇《寒戰2》
因為長駐澳門，揚言只想與吳若希牽手到白頭的Alex，惟有密密赴港，向女友交人。早個星期六（七月十六日）晚十點，著上白色連身裙加一件粉紅色外套的吳若希做柴可夫，車男友去數碼港拍拖睇《寒戰2》；入場前，先到小食部排隊買嘢食，其間吳若希挨住男友，旁若無人，無論Alex講乜，她都心心眼，交足反應，甚至將扣住的兩手，齊放到小食部櫃位上，十分寃氣！
歎完糖水返屋企
月初被踢爆拖手遊泰國後，拍拖只有五個月的吳若希大方承認戀情，公開宣示正印身份。上個星期，二人又飛到峇里島同陽光玩遊戲，Alex更在IG貼二人拖手仔相，大晒恩愛預支蜜月。上週六（二十三日），「蜜月之旅」結束，明顯叉足電的吳若希同男友十指緊扣行出閘口，之後直落去元朗B仔涼粉食埋糖水，才雙雙返回吳若希香閨。「Alex喺澳門的確有唔少生意，以前乜都自己落手落腳搞，但同Jinny（吳若希）拍拖後，佢先肯放手俾其他人幫，自己就幾乎晚晚人肉速遞過香港瘟女，而家只要Jinny唔使開工，Alex就會陪佢出埠，話要等女友多啲機會relax喎！」身邊人說。
去年，Alex購入無綫藝員莫家淦的太陽眼鏡品牌「Hachill」澳門經銷權，一早睇中吳若希的他，周圍託朋友搭路，指定要搵女神吳若希做眼鏡店剪綵嘉賓。第一次見面，Alex已表現進取，把握機會同他的女神交換埋電話。「Alex一心想溝Jinny，但當時他同Toby啲手尾未搞清楚，所以Jinny對Alex嘅追求都有啲十五十六，後來打聽過知道對方家底唔錯，加上又真係啱傾，所以最後都開晒綠燈！」
唔會點蝕底俾人
可以短短幾年間成為圈中小富婆，二十四歲的吳若希一度盛傳被地產猛人林棣權（十哥）照顧，才可以住豪宅，揸靚車，但當事人堅持否認，直至遇到新歡Alex，才罕有認愛。「Jinny一向都多人追，追佢嘅都係年紀比較大，做得佢老豆嘅！雖然講出嚟未必有人信，但佢就係有咁嘅本事，只有佢着數人哋，自己冇乜蝕底。「係女仔都想搵個養得起自己，外形又襯嘅男朋友啦！Alex合晒佢條件，Jinny搵過相士夾時辰八字，又真係批佢兩個好大機會結婚，咁Jinny真係想做多兩年，等滿約就疊埋心水嫁人，所以佢都好緊張，mark實Alex。」吳若希身邊人說。
女殺手
入行六年，吳若希收過不少觀音兵，甚至有年紀大到可以做佢老豆的有米uncle，都唔放過。
溫家偉去年初，與溫家偉（大隻仔）於旺角拍拖，當街親熱又攬又摸，其後吳母遇車禍，男方更陪伴左右。
鄭俊弘合作《星夢傳奇》期間，二人朝夕相對撻着，更被斷正甜蜜放狗，對此，當時名草有主的鄭俊弘竟大方表示：「Yeah！開心！」
周志文14年，搭上巨聲幫大孖周志文，但二人好快分手，去年初又一度翻撻，孖住去環球嘉年華，其間態度親暱。
十哥（林棣權）盛傳搭上有米地產商十哥（林棣權），得金主特別照顧，即時由屋邨進駐何文田豪宅，出入揸百萬波子，生活十級跳。
黃子恒去年合作無綫劇《實習天使》一撻即着，吳若希主動做司機接男方收工到赤柱撐枱腳，漫步碼頭吹風談心。
撰文、攝影、攝錄：娛樂組
男友派閃光彈 吳若希呻最憎人呃我
1 :
GS(14)@2016-08-11 06:08:33吳若希（Jinny）自從同澳門闊少男友何兆鴻（Alex）拍拖後，事業、愛情……連個人都變得好得意，昨日佢喺Instagram貼咗張圖，見白色上身中袖衫襯黑長裙嘅佢喺個相信係錄音室嘅地方，chok晒咁手掂咪高峰、半耷頭，再留言話「歌，係要咁錄」，最令人在意嘅係佢後面落嘅tag，包括「我真的很想放棄」、「但無奈尚在乎你」、「誠實好過你又再三演戲」、「最憎人呃我」同「講大話嘅人一世都會講大話」。當然有唔少人留言關心問發生乜嘢事，亦有網民指應該係歌詞。
Jinny個真命天子Alex又點呢？Alex前日貼相上Ig，話自己為咗愛可以去做「笨豬」——跳笨豬跳，佢留言：「我係一個嚴重畏高嘅人，但有天你會為咗你愛嘅人去做一些你從來都覺得自己永遠做唔到嘅事～never say impossible to love#foryou」，真係好「晒」呀。
來源:
http://hk.apple.nextmedia.com/entertainment/art/20160811/19731457
【寫真功臣】雪雪背後男人得罪吳若希
1 :
GS(14)@2016-08-14 14:29:1633C宅男女神孫慧雪紀念入行十周年，今年推出處女寫真集《Once》，邀得YouTuber司徒夾帶操刀替她影相，阿雪更半裸誘宅男（圖）。問到司徒夾帶怎看阿雪男友Edwin？司徒夾帶昨短訊回覆：「無限祝福阿雪，佢開心幸福就好。會一起吉野家，應該不是奢侈揮霍的人吧。」司徒夾帶擅於玩抽水，今年6月拍有關諷刺娛樂圈潛規短片，疑惹來吳若希以真身facebook賬戶「Siu Bac Ng」鬧爆：「我唔係想躁，但就係呢啲咁嘅仆街將呢啲嘢合理化，我先會被人寫衰！唔覺得好笑！好X侮辱！」事後司徒夾帶在fb留言：「Sorry，有冇朋友理解發生咩事？言者無心，有怪莫怪。」
來源:
http://hk.apple.nextmedia.com/entertainment/art/20160814/19735363
拉隊遊台瞇眼狂笑 吳若希任闊少掃背
1 :
GS(14)@2016-08-17 08:01:27■吳若希昨日在Ig貼出與男友Alex及友人在台灣乘車出遊照片。互聯網圖片
【爆相爆片】吳若希（Jinny）上月蜜遊曼谷，與澳門闊少何兆鴻（Alex）拍拖斷正，兩人索性公開戀情，熱戀情侶密密出遊預支蜜月，繼早前拍拖到峇里潛水曬太陽，大前日又被讀者陳小姐透過本報「爆相爆片」，踢爆他們到了台灣遊玩，但這次行程並非二人世界，還有Jinny中學老友、唱作歌手KellyJackie與兩男一女，三對情侶齊齊出發。
■Alex昨貼出孭着吳若希上樓梯照片，大晒恩愛。互聯網圖片
未出發先興奮，陳小姐當日直擊了Jinny等一行六人在台灣機場辦簽證情況，穿上牛仔裝的Jinny，表現活潑，男友Alex全程黐到實。Jinny不時瞇眼露大牙肉狂笑，驟眼睇竟有點像姚子羚。陳小姐大前日接受電話訪問時說：「吳若希同佢男友成日細聲講大聲笑，笑到我排隊尾都聽到，之後就聽到佢哋講Pokémon GO，見佢哋傾得好開心。」
情侶Tee放閃
Alex全程做貼身膏藥，還對女友Jinny肉緊攬腰兼掃背，當Jinny叫口渴，Alex就服侍周到，秒速轉身，讓女友打開他的背囊攞飲品解渴，體貼又細心，視Jinny公主般看待。
【掃背】■吳若希與闊少Alex遊台灣，男方全程貼身護花，更伸手掃背。讀者提供圖片
【貼心】■吳若希叫口渴，男友Alex即轉身，讓女友可從背囊內取飲品。
【笑晒】■有愛情滋潤的吳若希，全程笑到露出大牙肉。
Jinny和Alex既然公開戀情，兩人當然也樂得把愉快旅程貼相分享，Jinny昨日及前日都在Instagram貼出與中學同學台灣遊照片，其中有她與Alex穿上搶眼情侶tee，也有六人同車出遊，但不及Alex放閃光彈，他除貼上靚靚女友單人相，還有他孭着Jinny上樓梯照片，Alex留言：「你再背住我拖住KJ（KellyJackie）隻手，我就即刻掉你落樓梯。」言語間暗示Alex呷醋，KellyJackie在Ig貼出兩女拖手相，Jinny不時暱稱KellyJackie為正印。採訪：王梓嫚
來源:
http://hk.apple.nextmedia.com/entertainment/art/20160817/19738955
Next Page