📖 ZKIZ Archives

講膠所手記：我撐你

1 : GS(14)@2012-03-28 23:41:13

http://www.sharpdaily.hk/article/index/15307/20120328/72590
有理，無理，死撐到尾，我會睇你台戲；我撐你，我撐你，我唔撐你，有邊個會撐你……
好多人認為千樺嘅《狼來了》最貼近日香港嘅狀況，但YY就覺得林狗嘅《我撐你》仲正！首富李嘉誠嗰朝投票，明知唐唐氣數已盡，佢仲企硬話明投畀唐唐，已經極度型仔，但更型係，振英跑出個個走去登恭賀廣告，得佢夠膽唔登，真係無面畀！
唐唐得此知己，輸咗間廠，都贏番好多粒糖喇！
佢兩條友嘅《友情歲月》因選舉而暴露於全世界面前，家陣，投資者最憂心嘅係，李生有腰骨到咁，佢嘅公司仲有無運行呢？
利益行先　冇永遠敵人

查實唔使擔心咁多，第一，佢老人家要反嘅，應該係振英嘅後台，唔會放低身段去反一隻棋；第二，商家佬最現實，錢同利益一定行先，所以唔會有永遠嘅敵人，話唔定，好快就會有個別傳媒「咁啱」響長江中心樓下影到李生握手送別振英呢！

YY

---

講膠所手記：喺貝璐道起公屋吖笨！

1 : GS(14)@2012-04-03 21:40:09

http://www.sharpdaily.hk/article/index/15307/20120403/75092
「八萬五先生」七月一日坐正，未上台先熱身，環迴落區出巡，親民之餘仲話明會用心聆聽大家嘅訴求。焦點所在，已經唔係佢是否黨員（因為我哋呢刻無權改變呢個結局），而係大家想知佢點搞香港嘅樓市。
連日路演　叫港人犧牲

連日「路演」，「八萬五先生」講嚟講去都係嗰啲咁啦，但YY覺得至「硬膠」嘅，係佢同天台屋居民嘅對話，sorry，應該係對全港市民嘅呼籲。
佢大致係咁講嘅，香港n咁多樣問題，講到尾都係土地問題，咁佢應承坐正後會制定長遠房居政策，但同時，佢要求香港每一個人都要作出少少犧牲，無分彼此咁支持政府，配合政府嘅政策……
即係咁，若然佢話我第一個犧牲，先喺我山頂貝璐道屋企附近劃啲地出嚟起公屋/居屋/甲屋、唔介意喺我屋企附近有屏風樓，咁香港人就服你嘞！
官字，雖則係兩個口，但講嘢，令人服先得㗎，知無？

YY

---

講膠所手記：老王，加油！

1 : GS(14)@2012-04-12 22:20:45

http://www.sharpdaily.hk/article/index/15307/20120412/77293
失驚無神，電訊魔童王維基將佢嘅一生心血，50億港紙賣斷畀蕃薯梁嘅CVC，市場嘩然。之不過，跟過老王嘅記者，其實冇乜反應，因為豪傑也許本瘋子，成功嘅人，都係「你估我唔到」架喇，而老王，的確堅係成功香港仔嘅典範嘛！
淨係搞電話嘥咗佢

YY都跟咗老王一段日子，最初睇佢打對手，招招怪勁但又招招有力，已經有啲感覺——淨係搞電話嘥咗條友喇，咁鬼多橋，終於喺好多年之後嘅依家，老王毅然扑鎚勇闖視壇向殼王、李二少、海哥哥挑機，除咗財力之外，YY絕對唔懷疑老王嘅能力，呢次套現袋住咁大筆去創業，YY會買定花生等睇好戲！
By the way，當大家係咁話個個仆去做傳媒大亨嘅時候，點解冇人提當年買唔成電訊盈科嘅蕃薯梁捲土重來做電訊大亨嘅又？
附註：老王，你仲未同《爽報》做訪問，閱報後識do喇？YY字

YY

---

講膠所手記：金牌媽媽生

1 : GS(14)@2012-04-18 22:20:21

http://www.sharpdaily.hk/article/fin/20120418/79807
又係爆料嘅時間！有謂笑貧千祈唔好笑娼，唔知係咪世人覺得呢句說話堅啱，所以，好多女人都唔會畀自己窮，生得唔靚嘅，就賣賢良淑德、賣專業知識；生得靚嘅，最理所當然，應該係賣自己嘅肉體，唔止自己，仲可以賣埋自己個親生女嘅肉體！
財金圈老友話，近日圈內流傳一單笑料，話說除咗大肥婆、大塊田呢啲老字號，班財俊都幾鐘意幫襯凸奶奶，因為，凸奶奶夠低調，而且，佢嘅貨源得一個，就係佢個親生女、個樣唔靚嘅細檸檬。
由於凸奶奶口才了得，將個女嘅身價抬得幾高，咁班有錢人又真係信佢粒女係客串性質夠乾淨，於是細檸檬客似雲來。但紙永遠包唔住火，後來呢班恩客喺幾個上市公司飯局聚首分享戰績時，竟然不約而同話自己食咗乾淨檸檬，先至揭發半枱都係「襟兄弟」，於是就唔再幫襯……
所以，當你見到啲女人，唔使做但又可以成日去置地high tea，唔好恨，凡事係有代價架！

YY

---

2 : GS(14)@2012-04-18 22:20:36

可欣姐?

---

3 : GS(14)@2012-04-18 22:22:27

大肥婆、大塊田? 是邊個?

---

4 : GS(14)@2012-04-18 22:23:13

http://zh.wikipedia.org/wiki/%E5%AE%98%E6%B0%B8%E7%BE%A9
唔知點解我聯想到他

官永義
维基百科，自由的百科全书
跳转到： 导航, 搜索

官永義，香港商人，上市公司永義國際集團（港交所：1218）前主席，曾擔任香港足球總會董事，星島及愉園足球部主任，目前是香港乙組足球聯賽球會永義足球隊的班主。官永義亦是馬主，擁有擁有「馬中之王」及「馬中神駒」。
目錄
[隐藏]

  1 熱愛足球
  2 個人事業
  3 官司纏身
  4 參考資料

[编辑] 熱愛足球

官永義熱愛足球運動，1994年夏天加入香港甲組足球聯賽老牌球會星島擔任足球部主任。1997年夏天離開星島，與前流浪班主林大輝，一同入主另一老牌球會愉園。其後林大輝退出，官永義獨力支持愉園，至2008年5月宣布離開[1]。

官永義亦曾擔任香港足球代表隊領隊，香港足球總會董事，於2009年大選放棄連任。
[编辑] 個人事業

官永義於1981年創辦永義國際，1984年獲頒「青年企業家」大獎，1995年於香港聯合交易所上市[2]。永義國際因多次供股集資，遭受股民及傳媒批評，官永義因而被稱為「股壇吸水王」，並引起香港聯合交易所關注，於2005年對官永義操守展開紀律聆訊[3]。

官永義是一位馬主，擁有擁有「馬中之王」及「馬中神駒」。
[编辑] 官司纏身

官永義近年官司纏身，2005年12月，被法庭裁定內幕交易永義及永富建設股份，判罰款4,826萬元，並取消其董事資格5年，他不服判決多次提出上訴[4]。2009年，官永義與吳志強、黃展億、陳桂南一同被控串謀勒索，以恫嚇方式，不當地要求受害人提供1億股香港上市公司的股票[5]，並且遭法庭頒令結旗下1.35億港元資產[6]。2009年11月12日，官永義因涉嫌洗黑錢，被香港警務處商業罪案調查科拘捕[7]。

---

5 : GS(14)@2012-04-18 22:23:45

http://news.sina.com.hk/news/51/1/1/2511499/1.html


可能我錯

---

6 : CHAUCHAU(1254)@2012-04-18 23:41:29

3樓提及

---

大肥婆、大塊田? 是邊個?

大肥婆係肥媽

---

7 : CHAUCHAU(1254)@2012-04-18 23:42:50

阿澤個老婆花名大塊田

---

8 : GS(14)@2012-04-18 23:43:39

凸奶奶= 欣e個媽媽?

---

9 : 龍生(798)@2012-04-19 00:26:23

梗唔會係欣兒....佢大把啦

但我估唔到係邊個....

---

10 : GS(14)@2012-04-19 21:30:42

9樓提及

---

梗唔會係欣兒....佢大把啦

但我估唔到係邊個....

我都估唔到先請教大家

---

11 : CHAUCHAU(1254)@2012-04-19 21:48:55

凸奶奶唔會係大奶奶諧音掛?

---

12 : GS(14)@2012-04-19 21:50:23

11樓提及

---

凸奶奶唔會係大奶奶諧音掛?

即是邊個?

---

13 : CHAUCHAU(1254)@2012-04-19 22:02:14

人生有幾多個十年套劇

---

14 : GS(14)@2012-04-19 22:03:02

13樓提及

---

人生有幾多個十年套劇

他有女?

---

15 : CHAUCHAU(1254)@2012-04-19 22:03:47

估錯唔好打頭

---

16 : GS(14)@2012-04-19 22:04:15

他唔是信了教?

---

17 : 龍生(798)@2012-04-19 22:06:26

邊個係?? 完全猜不到啊

請再俾多少少貼士

---

18 : GS(14)@2012-04-19 22:10:13

唔是燉水魚咩

---

19 : CHAUCHAU(1254)@2012-04-19 22:12:17

14樓提及

---

13樓提及

---

人生有幾多個十年套劇

他有女?

大奶奶XX心係得一個女

---

20 : GS(14)@2012-04-19 22:15:46

19樓提及

---

14樓提及

---

13樓提及

---

人生有幾多個十年套劇

他有女?

大奶奶XX心係得一個女

哦鄭嘉穎，有無搞錯

---

21 : CHAUCHAU(1254)@2012-04-19 22:15:55

18樓提及

---

唔是燉水魚咩

佢係三奶奶

---

22 : GS(14)@2012-04-19 22:18:27

21樓提及

---

18樓提及

---

唔是燉水魚咩

佢係三奶奶

真是唔記得

---

23 : Gbr(26655)@2012-04-19 23:10:19

湯兄同大家好,

做左CD-rom兩個月到,股票方面怕出文因才疏學淺,但d八卦嘢都可以吹下!

我估"凸奶奶"應是 "狄波X " 有一對仔女的. 估下炸!

借機會謝謝湯兄同幾位朋友的文章分享,我學到好多嘢!

---

24 : GS(14)@2012-04-19 23:11:28

23樓提及

---

湯兄同大家好,

做左CD-rom兩個月到,股票方面怕出文因才疏學淺,但d八卦嘢都可以吹下!

我估"凸奶奶"應是 "狄波X " 有一對仔女的. 估下炸!

借機會謝謝湯兄同幾位朋友的文章分享,我學到好多嘢!

我地估鄭家穎啊

---

25 : Gbr(26655)@2012-04-19 23:25:02

haha , 狄波X 同佢ex-husband 咪日日去置地high-tea, 佢個大仔花名咪 "0檬"(一線大明星),細"0檬"咪細女(做吓Model咁)

---

26 : Gbr(26655)@2012-04-19 23:29:12

想問下,有單一股票問題是否在那只股票的位置出post 就OK呢? 不用開新POST...
thx

---

27 : GS(14)@2012-04-19 23:29:47

26樓提及

---

想問下,有單一股票問題是否在那只股票的位置出post 就OK呢? 不用開新POST...
thx

一隻股票在港股專區只能得一post，有問題直接在那貼問就得，找不到用tag search

---

28 : Gbr(26655)@2012-04-19 23:32:20

明白...thx

---

29 : CHAUCHAU(1254)@2012-04-19 23:43:39

女行母舊路

---

講膠所手記：睇嘢，唔係睇一日咁膚淺！

1 : GS(14)@2012-04-19 22:20:57

http://www.sharpdaily.hk/article/fin/20120419/80355
昨日見報，《爽報》財經版嘅頭條，我哋揀咗「歐文龍案翻舊賬 濠賭股危危乎」呢隻故仔，而昨日，濠賭股係靚升嘅，隨即，有條「神級茂莉」話：「唓，啲賭股唔跌喎……」作為有份扑鎚頭條故仔嘅一員，YY都係時候講吓我哋「度」頭條嘅理念！
每一日嘅頭條，我哋都會以mark to market為大前題，希望做到話畀大家知嚟緊應該避開啲乜嘢股、有咩可以炒、有咩股要留意，而我哋考慮嘅時間性，唔係「聽日」，而係「呢一排」，因為，無論係案件、國策，都唔會係「一日」就算，正如前日嘅頭條「薄熙來拖跨重慶板塊 恐秋後算賬 重農行首當其衝」，都係話呢一排。
或者，你會話YY，你死雞撐飯蓋啫！即係咁，昨日新鮮出爐嘅《壹周刊》，都做隻《歐文龍貪污案 香港富豪大鑊》嘅故仔！
YY絕對唔夠膽認叻，只係想講一句，每日諗頭條嗰陣，YY同拍檔都過到人過到自己，因為，我哋真係有帶埋個腦返工！

YY

---

講膠所手記：Beatles精神

1 : GS(14)@2012-04-20 22:23:42

http://www.sharpdaily.hk/article/fin/20120420/80968

昨日講到，YY同拍檔每日係點定頭條嘅；今日，想講吓團隊精神，因為定頭條嘅過程，其實有編輯、美術部嘅手足參與，啲graphic畫得咁靚，啲題起得咁精準，呢啲係跨部們團隊精神，讚！
古語有云，三個臭皮匠勝過一個諸葛亮，而洋人就有已故蘋果教主Steve Jobs話「Beatles」！無錯，即係披頭四！
教主一個未曝過光嘅訪問，話Beatles就係佢嘅管治理念，意思係披頭四裡面有四個成員，每一個人都有好重要嘅化學作用——就係令其他三個伙伴擺脫佢哋嘅壞習慣，做到互補不足，四個人加埋嘅威力，一定大過四個人個別嘅威力……好明顯，佢成功咗。
呢一套絕對係啱，但緊記，世事點會盡如人意，當你一廂情願做到群策群力嗰陣，只要你嘅團隊裡面有一個夢遊病患者，咁另外嗰三個曉飛都冇用，只能帶埋降血壓丸返工，埋頭苦幹，盡力將件事做好。

YY

---

講膠所手記：一錯再錯

1 : GS(14)@2012-04-25 23:35:23

http://www.sharpdaily.hk/article/fin/20120425/82719
昨日，周松崗喺「盲都知道係佢啦！」嘅情況下，「獲選」為港交所（388）新一任主席，行內人唔會好衷心咁講句恭喜，因為，同6年前一樣，政府欽點咗一個行外人、律師夏佳理去坐呢個位，家陣，繼續係外行人領導內行人。
行頭裏面咁多有經驗嘅重量級人馬，點解政府一直都唔搵佢哋去做呢個位呢？好多人話，政治因素係最大嘅考慮（呢個係無答案之中最好嘅答案）。
其實，唔使諗得咁深奧，好簡單，呢個主席位一而再、再而三可以由一個外行人去坐，即係話，呢個位其實無嘢做，係一個橡皮圖章之嘛！
不過，政府又係咁搵個人空降落去，對行內人其實係幾Hurt㗎。
其實，一間健康嘅機構，高級、有領導性嘅職位，必定係有能者居之，而且，仲應該要係喺個機構或行頭裏面搵出嚟，咁先可以服眾，以港交所主席呢單Case嚟講，唔可以話搵周生係錯，因為，不斷罔顧呢個行業嘅感受，先至係最錯！

YY

---

講膠所手記：1940萬？死開啦！

1 : GS(14)@2012-04-26 22:37:30

http://www.sharpdaily.hk/article/fin/20120426/83365
YY一向都覺得路透社一向都好權威，但噚日有單嘢，令YY覺得，有無搞錯呀？
路透社爆料，話ICAC消息透露，肥龍喺新地嗰單嘢裏面，一共貪污咗250萬美金，折番港紙大概係1940萬左右！
即係咁，第一，YY唔知肥龍有無貪污，第二，正常嚟講，1940萬佢自己都搵到啦，以佢嘅「Quali」、名氣、社會地位，係貪，都要億億聲啦，若然貪得少，影衰自己之餘，仲影衰埋畀錢佢嗰個！
咁到底肥龍貪咗幾多呢？其實江湖盛傳，係過億嘅。有高人話，根據貪污方程式，貪方同賄方得益金額係配對嘅，即係話，賄方喺某個項目得益兩個億，就要分一個億畀貪方，而路透社講嘅，只係查到嘅一小部份，因為淨係賄方畀一個無限透支嘅戶口，都已經過億喇！
咁又係呀，學劉華N年前拍嗰套《五億探長雷洛傳》話齋，「一係唔貪，一貪就要貪夠1億！」1940萬港紙，如果YY係肥龍，會同畀錢嗰條友講：「死開啦！」

YY

---

講膠所手記：入職紀念日（一）

1 : GS(14)@2012-05-03 23:05:20

http://www.sharpdaily.hk/article/fin/20120503/85572
N年前的昨日，YY第一日到壹傳媒返工，幾老土都要講一句，時光飛逝！
當年，想入《蘋果日報》，其實只係考慮一個原因——呢份報紙型到爆，掃勻全香港，冇其他報紙好似《蘋果》咁敢言，自己好希望可以成為其中一員。
結果，咁多年落嚟，雖然YY唔屬於港聞靜態又或者突發，但時有機會參與做A1，而每次有份入201會議室開A1會，都會幾hyper同埋覺得自己好有型，幾十萬讀者睇自己嘅大作喎，唔型咩？
最深刻嘅係2006年中，YY最高紀錄喺一個星期裏面，連續做4日A1，第5日因為俾施丹個世紀頭鎚霸咗，所以YY做緊嘅古仔先變成A2咋！而呢段日子，勁辛苦，但好值得回味，尤其係順便減肥唔見咗廿幾磅！

YY

---

講膠所手記：入職紀念日（二）

1 : GS(14)@2012-05-04 23:38:54

http://www.sharpdaily.hk/article/fin/20120504/86347
除咗嗰隻世紀A1，咁多年嚟仲有兩件嘢係將YY訓練到幾硬淨嘅，第一，係前幾年被選中參加老闆搞嗰個Innovation Exchange比賽，贏咗一個獎座同埋3個好朋友，嗰陣4條友好鬼認真對待呢件事，成日放工留喺公司傾到凌晨兩點幾，放假又約出去傾，完全唔知乜嘢叫攰！
而最最最難忘嘅，梗係舊年被召喚幫《爽報》開檔！當初拍住「堆填區首席分析員兼建行（939）第十一大股東」嘅寅球，兩條友揼4版財經出嚟，每日凌晨「飛的」返屋企，幾個鐘後又「飛的」返公司，到家陣6、7版內容也算豐富，都叫做對自己有個交代……版位有限，老友繁衍，未能逐個多謝，心照喇各位！再為呢N年嚟個總結：「外貌早改變，坐個位改變，情懷未變！」

YY

---