智取大市：長期負利率點玩
1 :
GS(14)@2016-09-09 05:05:33今次升浪，好多人話係由放水帶動，之但係由2009年到而家，其實已經不停放水，咁近排同之前又有乜分別？呢兩日值得留意嘅新聞，其中一單，係歐洲有兩間企業以低於零息發債，發債呢家嘢，同IPO一樣，事先一定要圍到飛先至定價，既然兩至三年期歐元企業債，能夠以負息定價，五年期債都可以玩到零息，都仲有大把人買，咁即係代表，市場認為，歐洲負利率將會長期維持落去。放水預期，一直都存在，不過，負利率將會維持若干年嘅預期，似乎未認真喺股市上反映晒，或許，今次升浪正在反映呢件事。如果市場當正負利率會有排延續落去，股價會演變去乜嘢程度？少啲想像力都唔得，而有幻想空間嘅話，自然能形成升市藉口，玩到癲一癲都有人信，到時就自然貴一貴都有人接貨有人搶。策略係點？睇圖睇動力見機行事，因為圖表最老實。晉佳
http://fb.com/advanceguy1
來源:
http://hk.apple.nextmedia.com/financeestate/art/20160908/19763509
智取大市：負唔負利率得起
1 :
GS(14)@2016-09-13 00:17:36上周五日頭港股急升，夜晚美股急插，恒指黑期跌538點，突然由極度亢奮去到恐慌，星期一大幅裂口低開之後，唔排除人踩人。恒指周線圖RSI嚴重超買，上周五9周RSI升到81，同舊年4月12日、即係大時代最juicy升勢過後嘅嚴重超買狀況差唔多，呢種超買水平反映最強升勢已過。至於係玩完？定只係超買調整，仲有下一轉急升？個人感覺偏向會再升，不過，唔使太快下定論，至少睇吓星期一裂口低開後收陽燭定陰燭，同埋留意吓跌市期間嘅重點消息。坊間分析今次跌市因美國聯儲局官員齊呼加息，同樣值得留意債息抽升，當然兩者有直接關係。10年期美債孳息率創3個月高，德國10年期國債孳息率亦重返正數，債息長期負數預期一旦被打破，股市跌到反艇都正常。之前市場覺得歐洲負利率能夠持續，又睇死美國唔加息，但聯儲局官員對於息口睇法急轉，似乎打擊通脹同時，想設法防止負利率預期蔓延。你睇尚譽劏房賣二萬幾蚊一呎就知，只要勉強計到年回報3厘，都俾投資者搶到飛起。如果負利率預期發酵？會唔會兩厘回報都當係寶？係就可以非常可怕，咁嘅情況下港股會點？未必冇份癲。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20160912/19767823
智取大市：股票輸家人生贏家
1 :
GS(14)@2016-09-14 05:46:55喺股票市場，當然係贏家少、輸家多，你能夠投機股票有正回報，固然要恭喜閣下。如果你係輸家，唔使氣餒，可能你只係喺股票戶口嘅銀碼出現虧損，你喺股票市場學盡呢個世界醜惡嘅一面，有可能畢生受用，回報遠超你喺股市所蝕。普通市民嘅錢一定係放喺層樓，以倍數計咁多過放喺股票，因為講緊一層樓閒閒哋幾百萬，可能係大半生儲蓄。而喺股票市場上面學到嘅老土傳統智慧，或者能夠應用喺買樓之上。股神畢菲特一句「別人貪婪時我恐懼，別人恐懼時我貪婪」。套用喺樓市嘅話，萬人空巷排隊買樓，連劣評如潮嘅發展商新盤都爭崩頭，係咪別人貪婪時、上車客唔好狗衝新盤？呢啲或者係智慧。別人恐懼時貪婪，當然而家講沙士買樓太離地，至少年初人人睇淡樓市嘅時候選擇上車，你有得壓價，點都好過近排個個覺得會升嘅時候，等業主反價先去高追。長沙灣青薈嗰位慘慘業主，話想試新嘅發展商，所以中伏慘慘豬。或者有炒開股票嘅話，就會深諳不明物體通常便宜莫貪嘅道理。一生一個上車盤，買錯就恨錯難返，或許股票嘅小智慧，一直幫你趨吉避凶而不自知。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20160914/19769850
智取大市：睇Trend好過睇新聞
1 :
GS(14)@2016-09-27 08:01:16德銀被美國司法部罰款1,092億港幣，德國總理默克爾講到明唔幫手。究竟呢個係咪重創港股嘅原因？如果美國司法部強行追罰款而令德銀執笠，引發新金融危機，然後燒着埋美國金融體系，事情真係咁發展就出奇咯。最大可能性，係美國容許德銀分期付款，拖字訣，總之唔搞死德銀住，因為搞死佢，冇人有着數，默克爾就係睇穿呢點，咪唔出手幫咯。雖然德銀情況差，確係值得憂慮，但已唔係新聞，所以充其量係借勢跌市嘅藉口，談不上係好堅實嘅理由。至於本港時間星期二特朗普同希拉莉進行首場電視辯論，大家驚特朗普民調反先，最終做咗美國總統，搞亂市場，反而更講得過去。市場最怕嘅畫面已經出現，連騰訊（700）都要跑輸大市，唔少之前炒上嘅強股，都跌到破晒升軌。如果星期一大市急跌，純屬震倉，理應差唔多見底，因為要嚇嘅都嚇到瀨晒尿、謝晒皮，大把人震得走。唔爭在，睇埋星期二，能夠回穩就見步行步，之後再以明顯跌破周一低位為止蝕。動力就係一切，冇動力升，話知乜消息都好，都應該要沽。重點，不是新聞，而是動力。晉佳
http://fb.com/advanceguy1
來源:
http://hk.apple.nextmedia.com/financeestate/art/20160927/19782703
智取大市：但求一隻易hold的股
1 :
GS(14)@2016-09-29 08:03:16恒指星期三低開完，又跌成200點，然後收市倒升，突然即時轉強係好兆頭？No，因為只能話係chok，即市博轉勢入市確係容易左一巴、右一巴。點解恒指咁chok，因為藍籌股變做主戰場，原本炒開二、三線股嘅炒友，都變咗揸藍籌，咁邊有咁着數買藍籌個個有錢贏，梗係要低位嚇鬼chok走部份人，然後爆上又博有班友興奮過籠，唔覺意高追就揩嘢。如果以較高注碼持有藍籌股作短線進攻，真係要配備驚風散，技巧在於邊個set目標價同止蝕價set得靚，邊個就贏。呢個解釋咗點解騰訊（700）咁好揸，市場共識下嘅基本因素好不在話下，另一個重點係冇蟹貨，而冇貨、未買過騰訊嘅人又唔敢入市，有貨又唔敢沽，變咗市場上面主要係lead住好多嘅人，加注掃高佢，等自己賬面贏完再贏，至起碼基金可以憑佢輕易補番其他輸錢股條數，所以，毫無疑問，可見將來騰訊只會一直跑贏大市落去。晉佳
http://fb.com/advanceguy1
來源:
http://hk.apple.nextmedia.com/financeestate/art/20160929/19784996
智取大市：四叔增持有玄機
1 :
GS(14)@2016-09-30 08:07:13睇圖唔睇新聞嘅話，周線圖同日線圖去睇恒指形勢都係好，暫時策略不變，設定跌穿本周低位止蝕，升就且戰且走等超買訊號先沽。玩法變得咁簡單嘅話，要搵股份主力唔難揀，都係騰訊（700）、煤炭股同濠賭股，靚圖藍籌股有國壽（2628）同港交所（388），呢兩隻股價一路守住保歷加通道中軸，呈一浪高於一浪，只要市升，好大機會跑得贏恒指，埋位後就聽天由命，但預咗中途會chok吓。美麗華（071）周四升半成破晒頂，挑戰近十年高位，睇圖好似升到好高，但由今年低位計起，只係升三成鬆啲，交投亦旺番，成交有成683萬蚊已經算好活躍。點解咁犀利，市場上面睇唔到乜嘢消息，只見到近期四叔不斷每日兩三萬股咁增持，慢升一輪，周四忍唔住爆上，憧憬私有化？賣資產？估唔到，總之有勢。衝得十年高位，但估值絕對仍低，市賬率0.6倍，淨現金18.3億銀，資產又豐厚，主力揸住美麗華酒店同商場，以及一大批分散嘅中港商用及住宅物業，淨係放售美麗華酒店商場固然非常和味，但要取其易，連環沽售分散嘅物業一樣能夠體現價值，四叔日日咁買當然有玄機，不妨小注上車。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20160930/19786013
智取大市：淡市專搵長線強股
1 :
GS(14)@2016-10-05 11:27:50港股方向十分唔明確，論恒指小時圖呈下跌三角形，波幅逐步收窄之際，日線圖又連日出現陰燭，成交又減少，如果冇利好消息刺激，牌面向下機會大啲。不過，喺呢個時候，中資股高位出現派發迹象，資金再度流入舜宇（2382）為首嘅手機設備股，一個行業成為當頭起，想佢跑輸都難。互聯網世界明顯係贏家全取，硬件企業走嘅路明顯唔同。舜宇明顯受惠手機雙鏡頭帶動產業升級，至於競爭劇烈嘅界別，產品差異化就係一條血路，例如NVIDIA專做高端至打機、設計用嘅電腦圖像處理器，一樣做到龍頭。華虹半導體（1347）係8英寸晶圓代工廠，過往唔算行業強者，但產品差異化的確令佢佔有市場位置，未來點樣迎接電子行業發展趨勢係重點，本來主攻智能卡晶片，而功率半導體發展方向直指智能家居、智能汽車範疇，會否學似NVIDIA咁，憑差異化去殺出血路，當然要睇過先知。華虹半導體年度化市盈率大約10倍左右，股價走勢靚，證明市場buy buy哋其concept，半導體行業步入產業升級階段，華虹應該都係唔錯選擇。晉佳
http://fb.com/advanceguy1
來源:
http://hk.apple.nextmedia.com/financeestate/art/20161004/19790092
智取大市：樓市明年黑天鵝
1 :
GS(14)@2016-10-19 05:23:06過往高通脹出現，央行會加息應對，今次唔同嘅係息都未加，環球樓價已升到高水平。中港樓泡沫夠大，其實美國樓都唔弱，標普Case Shiller20大城市樓價指數見190.91，只較2006年高位206.52低7%。或者世人享受得太耐超低息，令到呢個世界嘅併購、資產買賣，都係建基於超低息。如果加息到肉的話，資產喺現價就賣唔出，因為扣除利息後嘅回報率不再吸引，再次進入現金為王嘅世界。美國不停製造加息預期，但盡量拖延加息，令接近零息一直存在，呢個係重要原因。結論係，除非通脹預期高到失控水平，唔迫埋牆角，都唔會作出具意義嘅加息。能夠製造出兩難局面，最老套地都係通脹。不過，高通脹初期或會形成經濟好轉嘅錯覺，短暫刺激股市。呢一輪資產泡沫爆破，有兩種可能性觸發，第一，大到不能倒嘅金融機構倒下來，引發去槓桿資產拋售潮；第二，通脹預期加速資金流入樓市，同時令未來樓市購買力急凍，缺乏承接力從而令樓市見頂。按現況睇，大到不能倒嘅機構出事，央行必定印銀紙解決，反而第二種可能性正醞釀出現，十年一閏真危機，莫非成真？晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20161019/19805067
智取大市：I.T越執笠越興奮
1 :
GS(14)@2016-10-26 08:01:33香港地唔少人當沈嘉偉神咁拜，佢間I.T（999）自然有神奇之處。你睇香港間間I.T門市都拍烏蠅，香港業務越蝕越多絕對唔令人意外，內地業務平平穩穩之餘，令人驚喜係5年前用2,000幾萬買落嘅A Bathing Ape，帶動日本業務啱啱呢半年賺成億幾返嚟，業績報告暗示遊日港人去到日本買A Bathing Ape，成為日本業務增長動力，條橋同沈生早年帶Dr. Martens水貨嚟香港賣、然後發達嘅方程式有異曲同工之妙，真係唔寫個服字都唔得。香港I.T門市開始廢武功之下，你應該見佢越執多幾間，就越興奮，因為香港呢頭蝕少咗，沈生嗰頭一定有條新橋幫你賺錢，一定唔會死錯人。I.T股價由低位1.7元升到3.12元，現價去博，就係信沈生會帶埋你一齊翻生。另外，通達（698）剛剛公佈第三季營業額按年增長49%，遠超之前20%左右嘅增長速度，消息刺激股價周二升半成，預測市盈率低過15倍實在吸引。不過龍頭瑞聲（2018）啱啱先畀大摩downgrade，股價弱勢話唔定波及一眾手機設備股，睇吓通達稍後會唔會有低吸機會。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20161026/19812134
智取大市：以股神智慧等撈貨
1 :
GS(14)@2016-10-27 06:01:17之前港股輕微反彈，炒股不炒市造就唔少二、三線股同細價股一齊爆上，但去到噚日就有過千隻股份跌，近期好炒嘅汽車股、油服股，強勢股幾乎全線陣亡，只有濠賭股有銀娛（027）靚業績頂住仲有得升。上述現象反映，炒股不炒市嗰扇門已經越收越窄，直頭剩番細價股可以揀，你唔吼細嘢就注定要休息一吓，事關買二、三線股能夠命中嘅或然率實在太低，無謂去做炮灰，靜靜去等低吸機會仲好。上期提過嘅I.T（999），虧轉盈但表現冇預期咁驚喜，股價跌咗4%。本欄噚日講過I.T香港業務摺得越快就越好，至於內地、日本只要按原有軌道繼續行，成間公司就可以重拾增長，今次真係馬騮仔都識得幫I.T改善未來業績，唔使阿媽教。套用番股神畢菲特講過「我喜歡買連猴子都能經營的公司」，既然I.T重拾增長易如反掌，以股神智慧就應該可以要落注買，藉住今次中期業績加上港股跌市拖累股價，睇吓呢轉調整去到乜位，企穩後就上車。晉佳
http://fb.com/advanceguy1
來源:
http://hk.apple.nextmedia.com/financeestate/art/20161027/19813172
Next Page