Stephy避小方 擬簽向展邦
1 :
GS(14)@2016-08-13 14:50:21■有指Stephy不想跟方力申同公司，所以決定他投。
鄧麗欣（Stephy）跟方力申相戀10年，最終在今年宣佈分手，確實令人欷歔。分手初期每當提起對方，他們都曾公開喊爆，據知方力申一直想跟Stephy重修舊好，可惜Stephy不想復合。昨日有周刊報道，與太陽娛樂還有半年合約的Stephy，為了避開和方力申在同一間經理人公司，因此決心向外闖，有傳她上周曾與向華光兒子向展邦和向展威會面，商談加盟兩人打理的中國兄弟電影有限公司。Stephy回覆周刊表示上半年工作太忙，未有同公司傾過續約，但意願是主力在電影方面發展。
■Stephy早前跟fans合力泡製甜品，慶祝歌迷會成立9周年。
■向展邦的公司準備在影圈展拳腳，他亦承認跟Stephy有接觸過。資料圖片
方力申 資料圖片
小方撐費斯被圍攻
據知Stephy確有離意，而向展邦昨日接受電話訪問時，承認雙方的確有聯絡：「暫時冇嘢公佈，有進一步消息會通知大家。」目前Stephy忙於為杜汶澤執導的新片《空手道》進行特訓，電影將於日內開工。早前，Stephy為慶祝歌迷會成立9周年，與70名fans在一間甜品製作室舉行見面活動，合力炮製Pekkle Duck造型馬卡龍、Cupcake及芝心紫薯球等甜品。另外，曾是港泳隊代表的方力申，在微博讚賞美國泳壇名將「水神」費斯（Michael Phelps）連奪兩金，令累積奧運金牌去到第21面。但就打碎了內地人的玻璃心，有網民留言還拉Stephy落水，表示「看來你們香港人的確是不把大陸當回事……太失望了！方力申人都不會做！難怪最後人家離開了你！」更補留言「我相信你的粉絲都會像她一樣，離你而去！不是我小題大做！Alex方力申國家面前無偶像！取關！拜拜！」採訪：鍾國仁
來源:
http://hk.apple.nextmedia.com/entertainment/art/20160812/19732526
超蓮請教小方操肌
1 :
GS(14)@2016-09-28 05:04:33賭王何鴻燊女兒超蓮昨天以Emotion Club大使身份，出席於金鐘舉行的「電動方程式賽車錦標賽香港站」記者會，超蓮穿上黑色貼身T恤展露弗爆身段，透出白色bra，原來超蓮正在努力練馬甲線，她說：「而家練緊肌肉，已經有腹肌喇，有私人教練教，踩單車同weight training，今日着呢件衫，全日都唔敢食嘢，一陣要擦番餐。」身為大使，問超蓮會邀請哪位好友參加？她說：「鍾意賽車嘅，家姐、細佬、超盈、猷亨都請。」問到方力申力追她的傳聞，她說：「唔覺，而家畀心機做嘢先，佢對所有人都好好，唔係對我特別好。」問會否請教小方游泳技術？她指自己的頭髮漂染過，不可游泳，她說：「請教佢練肌肉就得。」採訪：羅慧敏攝影：陳順禎
來源:
http://hk.apple.nextmedia.com/entertainment/art/20160928/19783743
傳撻着3個月 齊去尼泊爾做義工小方做兵 超蓮嗌攰：佢幫我按頸
1 :
GS(14)@2016-10-20 08:05:32■小方在李蘊囡囡的百日宴上，已對超蓮獻殷勤。資料圖片
賭王三房千金何超蓮去年底甩拖，傳失戀半年的方力申加入觀音兵大軍，日前傳出二人暗撻三個月，上星期更去尼泊爾做義工兼拍拖，其間被影到一支水兩份飲，小方更在機場為超蓮掃背摸頸調情。超蓮昨日受訪時，對此表示她當時好攰：「所以佢幫我按一按個頸」，之後否認二人相戀，但又讚小方好可靠。
賭王三房最索千金、25歲的何超蓮去年12月與台灣歌手吳克羣淚斬四年情，單身後追求者眾，先後有「富三代」霍啟山和台灣男星柯震東等。與星特別有緣的超蓮，近月被指與鄧麗欣分手半年的方力申撻着，有指超蓮的閨蜜鄧紫棋（G.E.M.）及李蘊大力做媒人撮合，本報亦直擊李蘊8月尾為女兒搞百日宴時，與超蓮齊齊坐的小方大獻殷勤，不過當時二人否認緋聞。
■方力申半年前才喊住與拍拖十年的鄧麗欣分手，想不到已視超蓮為對象。
■超蓮去年底甩拖後桃花旺盛，短短一年已有不少追求者。資料圖片
「佢好照顧我」
有指超蓮與小方的「超力戀」已三個月，二人日前藉着去做慈善兼拍拖。事緣小方一向有幫「點滴是生命」做探訪，過往亦帶過當時的女友鄧麗欣情侶檔出力，今次他邀請了香港泳隊師妹歐鎧淳及超蓮去尼泊爾探訪災區，昨日有報道拍到二人在當地機場與大隊返港途中，安檢時小方當眾與超蓮一支水兩份飲，又幫她掃背摸頸，一時又離隊睇相調情。超蓮昨日回覆本報否認與小方拍拖：「其實真係唔係真，唔係拍緊拖，係朋友，一支水兩份飲都唔係，其實喺山區都係各自一支水，臨入閘大家想飲埋最後一啖水，佢只係遞我支水畀我，唔係一支水一齊飲。」問到小方當眾為她按頸，她解釋：「我哋喺山區做義工係體驗人哋生活，由朝早5點，做到夜晚7、8點，真係好攰，我都唔係同佢講緊嘢，只係同一堆人講，話好攰，一陣仲要坐凌晨機返香港，所以佢幫我按一按個頸，唔係男女朋友。」問到對小方感覺，超蓮大讚他好可靠，但只承認二人是朋友關係，沒有戀情：「佢好照顧我，但唔係男女朋友，我都講過好多次我係單身，希望可以專注事業同讀書，唔諗咁多呢啲嘢，唔係真㗎。大家都係朋友，去尼泊爾並唔係拍拖，真係做慈善去探望，如果我阿媽覺得我係去拍拖，佢都唔會畀我去！」小方也透過經理人公司代回覆：「今次他們二人都是以大使身份為『點滴是生命』到尼泊爾探訪，他們只是朋友關係。」
■超蓮上星期去了尼泊爾，有在Ig貼上在當地的探訪相。
■李蘊是超蓮的閨蜜，指老友與小方未有發生戀情。資料圖片
李蘊唔係媒人
閨蜜李蘊昨否認做媒人：「超蓮而家真係冇拍拖，上個禮拜佢返香港，我問佢，佢都話冇，佢一定唔會呃我。小方出席囡囡百日宴係恭喜我，佢本身鍾意細路仔，唔係追女仔先去百日宴。」提到超蓮與小方在相中有親暱動作，她繼續解畫：「咁佢哋都係單身，普通朋友都有機會做呢啲動作，所以唔覺得奇怪，唔會覺得過份親熱，人哋做義工，唔好將個焦點扭咗去男女感情上，同埋佢同小方係冇可能，我知超蓮鍾意邊一type嘅男仔，所以係冇可能。」採訪：唐如、小米、皓騫
來源:
http://hk.apple.nextmedia.com/entertainment/art/20161020/19806004
G.E.M.講小方：共同朋友
1 :
GS(14)@2016-10-20 08:05:32■G.E.M.昨日出席活動時，與好姊妹超蓮口供一致，指超蓮是單身。
鄧紫棋（G.E.M.）昨日到港台出席發佈會，對於好姊妹超蓮到尼泊爾做義工與方力申傳緋聞，她表示超蓮交帶向大家澄清並沒有拍拖，談到小方為超蓮按頸態度親密，G.E.M.指不評論此動作，因為未看過該報道，至於兩人共飲一支水，G.E.M.說：「唔係同一支，係兩支，只係同一款水，小方係我哋一堆朋友中共同朋友。」並再次強調超蓮現時單身。
■歐鎧淳都有份去尼泊爾做探訪，但與超蓮前後腳出發。
同場的歐鎧淳也有份到尼泊爾做義工，問她小方與超蓮是否拍拖，她指不知道，在尼泊爾也沒見到超蓮，她說：「大會安排係我返嚟香港後，超蓮就接住去當地。」採訪：馬建華攝影：陳俊強
來源:
http://hk.apple.nextmedia.com/entertainment/art/20161020/19806012
超蓮傳帶閨蜜掩護 孖小方做義工
1 :
GS(14)@2016-10-24 04:20:55■超蓮與方力申因G.E.M.介紹而相識，近日傳出二人拍拖三個月。資料圖片
賭王三房千金何超蓮近日因到尼泊爾做慈善探訪，因而被傳與方力申拍拖三個月，昨日又有報道再指鄧紫棋（G.E.M.）認為小方條件好，才撮合他與超蓮，更指小方曾帶超蓮去朋友聚會，二人全程都表現甜蜜。當中更提到超蓮今次探訪帶了閨蜜同行作掩人耳目，但對方不知道有小方同行，最後知道自己做了「電燈膽」嬲爆走先。
■超蓮（右）一心去做義工，近日因緋聞蓋過做慈善探訪而心煩。資料圖片
本報昨日聯絡超蓮，她截稿前未有回覆。不過據悉超蓮同行友人提早回程皆因她寄失行李，因有重要藥物在行李中，惟有急急離開。據知，超蓮本認為做慈善是難得經驗，故不介意行程辛苦，更因此犧牲了近日應付考會計專業課程的時間，但最後焦點卻落在她與小方的緋聞上，令她覺得很苦惱。撰文：唐如
來源:
http://hk.apple.nextmedia.com/entertainment/art/20161023/19809527
春風滿面 自爆繼續約會小方讚超蓮 好女仔有愛心
1 :
GS(14)@2016-10-24 06:12:16■問到跟超蓮有否發展機會，小方滿面風騷表示遲些再講。
方力申跟賭王至索千金何超蓮驚爆秘戀3個月，昨日小方到中環出席港鐵競步賽2016，鄭文雅見到他即相擁道賀：「恭喜你呀又拍拖！」小方尷尬說：「嚇死我呀！」鄭文雅笑笑說：「拍拖係好事。」小方雖然死口不認蜜運中，但被春風滿面的笑容出賣：「哎吔，真係唔係呀，我都話好朋友嚟，之前一齊去尼泊爾探訪，呢個係好認真嘅慈善機構探訪節目。」
收歛Open性格
對於被影到與超蓮一支水兩份飲，又摸頸又摸頭，小方解釋：「係兩支水，唔覺舉動好親密，我假假地都係去過美國留學一年，可能鬼仔性格open得滯，要收斂吓。」問到返港後有否跟超蓮聯絡？小方風騷自爆：「我哋噚日（前日）都有見面，仲一班人去飲嘢，大家真係朋友，唔會避忌唔見面。」是否地下情？他堅稱：「都話係朋友囉。」至於有報道指小方帶超蓮出席朋友聚會，肯定女友地位？他說：「唔係呀，不過佢份人真係好有心，佢知道我去探訪，都主動話想跟我哋去，我事前都同佢講呢個探訪好辛苦，住類似鐵皮屋又冇得洗頭沖涼，仲要喺郊外解決，但佢都肯做，話辛苦先有體驗。」問到是否對超蓮加分？小方勁讚：「覺得佢係一個好女仔，好有愛心好上進，又準備緊考碩士，交朋結友要搵好人結交。」問到有否發展機會？他說：「而家冇，遲啲再講啦。」
■鄭文雅見到小方即恭喜他拍拖，令小方招架不來。
■小方爆超蓮主動去尼泊爾探訪，勁讚她是一個好女仔。
■本月15日是鄧麗欣生日，小方坦言有發短訊給舊愛真誠祝賀。
短訊賀舊愛生日
如果真的拍拖，超蓮背景會否造成壓力？他說：「冇如果喎呢啲。」會否擔心舊愛鄧麗欣（Stephy）睇報道後亂諗？小方表示：「吓，呢啲你哋應該問佢，冇得假設。」至於早前Stephy生日，小方表示有傳短訊給她，問到是否好簡單講happy birthday？小方即大反應：「乜嘢好簡單呀？好真誠地同佢say happy birthday，一啲都唔簡單。」採訪、攝影：卓寶花
來源:
http://hk.apple.nextmedia.com/entertainment/art/20161024/19810074
鄧麗欣撐小方唔花心
1 :
GS(14)@2016-10-30 14:36:00鄧麗欣昨日在銅鑼灣出席漂書啟動禮，對於有傳舊愛方力申（小方）先後與張沛樂（沙律）、何超蓮及翻版甘比傳緋聞，她聞言後一臉愕然地說：「係咩？我冇乜點睇，你哋自己問佢。」覺得他花心？她說：「應該有啲唔係真嘅。」她指小方為人專一，問到覺得小方和超蓮襯嗎？她說：「靚仔靚女一定襯，佢同我都襯㗎！」並直言心底裏很想跟小方做回朋友。
方力申資料圖片
鄧麗欣表示現時沒有新戀情，又稱跟同性好友小牛只是朋友。會否考慮與同性拍拖？她說：「冇諗過，我身邊有呢類朋友，我都接受呢件事，但暫時未接觸，好難答你哋。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20161030/19816697
Stephy突與小方爆分手Miki修成正果快做媽媽
1 :
GS(14)@2016-11-06 15:49:11今年30歲嘅吳雨霏(Kary)，2002年同鄧麗欣、楊愛瑾及傅穎等8位女仔組成Cookies出道，3年後獨立發展，去年同有「網球王子」之稱的初戀情人洪立熙結婚，日前Kary公開承認不幸小產，目前經已走出陰霾，重新出發，然而昔日的隊友狀況各異。楊愛瑾( Miki)今年4月同相戀8年嘅永安太子郭永淳修成正果，剛剛仲宣佈已經成功懷孕，好快就會榮升做媽媽喇！鄧麗欣( Stephy)同方力申被公認為金童玉女，但今年3月，Stephy同小方突然發聲明宣佈分手，消息震驚全港。何綺玲（Elaine）離隊後便淡出娛圈返番澳門生活同完成學業，o依家係位白領麗人，14年3月結婚。傅穎(Theresa)11年開始轉戰大陸，今年7月曾返港宣傳新書，期間接受《蘋果》專訪，自爆有個蒙古男友，細佢三歲。區文詩（Angela）跟唱片公司解約轉型到港台做DJ，12年推出唱片。最近向電台請假一年，達成周遊列國的心願，先後到美國、意大利、韓國、紐西蘭等地享受人生。陳素瑩（Gloria）離開Cookies後，到英國修讀金融和會計課程，以及到曼徹斯特大學讀碩士，14年更考獲會計師牌。馬思恆（Helena）曾到美國修讀藝術治療課程，10年回港跟餅碎合體演出，當時話佢有意拍電影同從事Model工作。蒲茜兒（Serena）曾擔任DJ，現已退出娛圈。11年跟男友結婚，翌年因在加拿大安胎，而錯過擔任Shine演唱會嘅嘉賓。
來源:
http://hk.apple.nextmedia.com/entertainment/art/20161106/19824495
Next Page