設6條件麥嘉軒：對事不對人
1 :
GS(14)@2016-12-03 05:03:10誠信正直廉潔奉公、具領導能力、有民意支持、維護香港核心價值、有良好班底，以及能與公務員合作，V18會計專業聯盟提出的6大特首條件，副召集人陳錦榮坦言以上條件並非為梁特度身訂做，「呢啲只係好基本特首要嘅條件。」
「而家個特首有落差」
由劉麥嘉軒領軍、包括四大會計師行要員的「V18」團隊，未有高呼ABC，卻在設定特首條件時疑似向梁振英落閘。上屆提名唐英年選特首的劉麥嘉軒指宣佈參選後，業界意見非常清晰：「求變、求新、求和諧，大家都希望多啲和諧、多啲包容，唔同政治立場人士都可以合作。」她強調6條件不包括政綱，「要睇手法，例如有冇親和力？有冇團隊？我哋針對嘅係做事方式」。若按上述要求，梁振英幾可肯定不符資格，團隊另一副召集人何超平直認，「睇番而家個特首，喺好多地方都係（與6大條件）有落差」。6大條件是否為DQ梁振英度身訂做？陳錦榮否認並指，6大條件只是擔任特首的「好基本條件」。處處向CY落閘，何不將立場說得更白？陳錦榮強調，「就咁叫一個口號，譬如ABC係好容易，但唔adopt（採用）ABC唔等於唔求變」；劉麥嘉軒直認沒主張ABC「冇咁易吸票」，但堅稱不能空喊口號：「如果忽跳咗個人出嚟，仲差過原有嗰個，唔通咁都要變呀？」若最終只有CY出選又如何？陳錦榮稱會向對方指明與相關條件有落差，不排除投白票。■記者許偉賢
來源:
http://hk.apple.nextmedia.com/news/art/20161202/19852598