千嬅做校長收買學生
1 :
GS(14)@2015-03-15 14:41:59
楊千嬅在電影《五個小孩的校長》中，飾演的呂校長觸動不少人心，日前她帶同戲中的五位學生小雪、Jennie、Kitty、珠女及嘉嘉，接受有線高清娛樂台《電影蒙太奇》訪問，坦言第一次看到劇本，已經被呂校長的無私精神感動，覺得非常有意義，毫不猶豫就接拍電影。問到演繹真人故事可有難度，千嬅直言：「最難係要表達到校長嗰份精神同信念，因為唔係三言兩語可以講出嚟，要觀眾慢慢去感受。」五位小朋友則指拍攝時開心收到校長送的禮物，逗得千嬅開懷大笑，大讚她們乖巧伶俐。撰文：楠楠
來源:
http://hk.apple.nextmedia.com/entertainment/art/20150314/19075171
甘比睇《五個小孩》喊到尾千嬅教仔：郁手唔好
1 :
GS(14)@2015-03-15 15:19:21
■眼濕濕的甘比昨日抱住囝囝離開，大讚電影有誠意。
電影《五個小孩的校長》昨日在圓方舉行優先場，主演的楊千嬅帶埋父母及兒子Torres捧場，還有甘比一家、森美、周柏豪、方力申等。散場時，甘比眼濕濕抱住兒子離開，問是否很感動？她說：「係呀，套戲好有誠意，我由頭喊到尾，連我個女都睇到喊。」千嬅父母亦流下眼淚。
■一家人全神貫注，甘比爆女兒亦有喊。
■千嬅和校長呂麗紅率領幕前幕後睇優先場。
■千嬅父母和囝囝Torres一齊撐千嬅，原來Torres是首次入戲院睇戲。
Torres睇到攰瞓着
千嬅表示兒子是第一次去戲院睇戲，但由於太攰，所以睡着了，她笑說：「佢知有街去，今朝七點就起身，但見我同工人姐姐都睇到喊，佢就呆咗。」對吳綺莉涉虐兒及藏毒，千嬅一臉驚訝：「吓？唔清楚，唔方便評論。」如果小朋友扭計會否發脾氣？她說：「阿仔得兩歲，未太頑皮同反叛；但就算你打佢手仔，佢都以為同你玩十五二十。其實父母一生都有責任教育子女，所以要有耐性，郁手都無用，係唔好嘅。」她直言小朋友成長速度快，認為講道理及身教更重要，她說：「唔捨得嬲㗎，BB似小情人，好似談情咁，講嘢盡量唔好大聲。」森美有一子一女，看完電影亦有反思自己是否怪獸家長，他還大讚戲中小演員嘉嘉好戲，建議提名新演員及女配角。對吳事件，他表示無留意，只說：「我曾經幫過防止虐待兒童會拍紀錄片，原來一打（小朋友）已經叫虐兒，嘩！我當時驚一驚想去備案，因為我阿媽以前身邊有乜，攞起手就當武器，
千嬅：試吓追個B
1 :
GS(14)@2015-03-16 08:52:00
楊千嬅、導演關信輝和五位小演員昨日在葵芳出席電影《五個小孩的校長》宣傳活動，關信輝在台上讚千嬅似電影《洛奇》：「佢拍一場暈低戲都唔使用墊，好快企番起身，好勁！」千嬅就開玩笑說：「我係咪好適合拍打戲呢，我練過功夫㗎。」千嬅還大讚戲中五位小演員演技出色，如果早些上映，便有機會提名電影獎項。古天樂透露想過跟戲中小妹妹上契，千嬅笑說：「咁不如叫佢快啲生，我生完成個人開心晒。」問千嬅會否考慮上契？她說：「不如試吓追多個，但都係要睇緣份。」《五》片有好多感人場面，可會叫人帶定紙巾入場？她說：「唔好誤導人，呢部係溫情一級片，唔好搞到災難片咁啦。」採訪、攝影：文國駿
來源:
http://hk.apple.nextmedia.com/entertainment/art/20150316/19077518
千嬅接收臉譜正能量
1 :
GS(14)@2015-03-19 09:02:02
楊千嬅在內地宣傳新戲《五個小孩的校長》，昨日與導演到成都宣傳，有三位來自偏遠地區的小孩，特地到現場為她打氣，即場唱出《友誼萬歲》，又各自畫了熊貓、臉譜、火鍋三幅代表四川的畫送給千嬅，千嬅感動地說：「佢哋都有一顆純真嘅心，好正能量，雖然年紀細，但好懂事，我哋傾過偈，知道佢哋鍾意畫畫，都鼓勵佢哋唔好放棄，應該追尋自己夢想。」連續宣傳要和囝囝Torres分開，但千嬅自覺有得着：「收到好多正能量訊息，好實在。」千嬅明天會到廣州作宣傳，屆時會和古天樂及五位小朋友重聚。撰文：炎炯炯
來源:
http://hk.apple.nextmedia.com/entertainment/art/20150319/19081333
有話兒：楊千嬅VS真校長 呂俠對談
1 :
GS(14)@2015-03-22 21:14:19
■楊千嬅（左）日前與「四千五蚊」校長呂麗紅互訴心聲，祝願對方繼續以生命影響生命。攝影：仇志德
在功利主義掛帥的年頭，教學生應付考試的補習社應運而生，擁有純真教學理念的學校，卻面臨被殺風險，夠荒謬了吧？電影《五個小孩的校長》就是講述楊千嬅飾演的呂校長，如何以一己之力拯救面臨被殺的學校。日前千嬅與其角色原型呂麗紅校長在元岡幼稚園聚首，兩位「校長」通過真摯對談，讓我們重新認識「教育」的真正意義。撰文：馮國康
楊：楊千嬅 呂：呂麗紅校長
演活歡笑
■千嬅在戲中重演到盧強家訪一幕，更幫手清理泥頭，現實中呂校長凡事亦親力親為。
千嬅以平實方式，將校長對教育理念的堅持和熱誠演活出來，坊間一致好評。那呂校長對千嬅的演技又有何評價？
楊：拍完套戲對我好大影響，包括諗嘢，同小孩相處嘅層次都唔一樣。我明白你想透過電影畀啲訊息社會，所以好想知你睇完套戲，覺得傳唔傳達到個訊息？呂：我睇完覺得好震撼，一時間思想好混亂，同埋好多掙扎。其實你將我內在深層次演出嚟。楊：係呀？好彩你咁講。可能係有個藍本，同埋之前同你傾過好多次偈。但最主要係監製同導演都好有心，畀好多你嘅資料我。我覺得演得立體係因為大家對你嘅付出，有一份欣賞同尊重。呂：多謝。楊：辦教育真係唔容易，唔好話要喺咁困難、咁挑戰嘅環境，就算普通環境下，要做到純真教育理念都唔易。尤其喺今時今日嘅香港。呂：你畀我驚喜係，明明好鍾意笑，但戲裏面我見到另外一個千嬅。其實唔係咁多人知，我表面上好喜歡笑，但因為認真做事帶畀我好多憂慮。我冇放喺面上，但你幫我做咗！楊：因為你嘅故事、你嘅經歷，老套啲講係一種教材。套教材唔係淨係用喺小朋友，係教育你身邊嘅人，或者係對教育制度嘅反省。
人後辛酸
戲中千嬅獨力拯救學校，又勇敢對抗頑疾，是當代神奇「呂」俠。現實的呂校長縱然外表堅強，但背人垂淚時又有幾多人知？
楊：你作為老師咁多年，會唔會有啲場面令你流眼淚？呂：初初教書時會，畢業禮已經唔捨得啲細路。後尾知道呢個係生命教育，學生係會成長，會去另一階段，我慢慢接受咗。但嚟到呢度（元岡幼稚園），我就喊多啲，因為遇到好唔同嘅家庭。好似戲入面，校長要爬過啲泥先做到家訪都係真實。其實啲泥仲高啲！楊：因為監製驚我搞唔掂！佢同我講話呢個小事，真嗰個好大鑊，成座山咁！呂：啲泥真係到我膊頭！嗰時我可以爬過呢個牆，我係開心，因為要得到好大信任，家長先願意畀我去。我爬嘅時候係辛苦，有流汗，都驚跌落嚟，但個心好安慰。楊：好有使命感。呂：所以嚟到呢度，開頭唔敢喊，亦冇時間喊。要處理問題好多，譬如話教育方面、校舍不足、仲有制度。我以前喺中產學校教，甚至乎達官貴人學校，唔會用學券，但我
有話兒：小孩舉手考千嬅 我有嘢問
1 :
GS(14)@2015-03-22 22:42:19
■《五個小孩的校長》的五位小演員日前化身小主持，齊齊訪問戲中的校長楊千嬅。攝影：仇志德
「Hello，大家好，我哋今日請到校長做訪問。」為訪問揭開序幕的，竟是只有七歲的嘉嘉，她日前聯同《五個小孩的校長》其餘小演員，一同訪問戲中的校長楊千嬅，分享拍攝趣事。在「校長」眼中，五位小孩都是精英，口齒伶俐、記憶力強，更笑言新一代主持可以執包袱返屋企。撰文：馮國康
嘉嘉真名：傅舜盈 年齡：七歲
「校長，我哋邊個演得最好呀？」從嘉嘉說話時的語氣和自信，就知她為電影付出了很多。「其實，五個都真係做得好好，不過偶爾你哋會輪住心散，好彩休息完都投入到。其實你哋五個都好叻女，都拍得好快，好好記性。你又覺得自己做成點？」千嬅真賴皮，沒答問題之餘還反問對方。「好！」嘉嘉還是一臉自信，跟千嬅性格頗似。「正呀，童言無忌。咁又真係做得幾好。」戲中嘉嘉飾演姜皓文和劉玉翠的女兒，戲份是五個小孩中最重。其中有兩幕催淚戲，包括在家中守護雙親，以及片末的畢業感言，都是嘉嘉的個人表演。現實中，由於嘉嘉較年長，順理成章扮演大家姐角色，尤當她們向古仔「爭寵」時，她便負責緩和氣氛。嘉嘉表演慾旺盛，剛升上小學的她，又參加了拉丁舞興趣班，還即場當眾表演。千嬅笑說：「咁勁嘅，學咗幾個月就比賽！你知唔知邊個係Aaron哥哥（郭富城），佢跳舞好叻，叫佢帶你走埠啦！」
■人細鬼大的小孩爭住舉手向千嬅發問。
千嬅評價
令我印象最深刻就係嘉嘉。嘉嘉比較成熟啲，我同佢比較多對手戲，一啲感情戲比較長篇啲。我覺得佢好有才華同好有天份，因為好多對白，佢唔單止記晒，佢講對白時候，你feel到佢係明白自己講緊乜，同埋好投入。所以有時話大人要帶動小朋友入戲，但我發現咗呢個係互相帶動，因為佢嘅真實、佢嘅純真，嗰種真心係好觸動到我。
珠女真名：王詩雅 年齡：五歲
珠女問千嬅IQ題：「跌咗身份證應該點做？」千嬅答：「報失囉！唔係應該點做呀，執番呀？」珠女甜笑：「係。」只得五歲的珠女，是五個小孩中年紀最細的一個，受訪當日說話不多，但永遠保持住最甜美笑容，閒時輕撥秀髮，閒時裝出楚楚可憐相，自然成為劇組最多人愛錫的一個，尤其是古天樂。「最鍾意邊個呀？東東哥哥吖嘛？好勁呀古天樂，三歲到八十歲都迷佢。你睇吓佢，迷晒成個人！」千嬅指着珠女，沒好氣的說。珠女在戲中是一名孤女，與吳浣儀飾演的嫻姨相依為命。雙親在雷雨夜遇車禍慘死，故一直害怕「行雷怪獸」。其中一幕，講述她在雨中得悉雙親已死，要大哭一場，絕對是考驗。千嬅說：「對佢嚟講，其實有好多嘢係唔明。其中有場講行雷閃電，佢點解可以做到個畫面出嚟，我相信係幕後副導演帶領佢哋好耐，有感情，所以珠女對佢哋好信任。」千嬅續說：「所以一講話佢媽媽俾人捉走，跟住佢即刻喊！記唔記得嗰次你喊得好淒涼？係咪大師兄（副導演）整蠱你？」珠女害羞答：「唔係，係俾達哥哥（場務）捉咗！」千嬅說：「你跟住嬲咗達哥哥好耐喎，冇畀好日子佢過！」珠女又是不停儍笑。
千嬅評價
珠女講嘢好細聲、好斯文，但當開拍之前，畀佢同其他小朋友一齊玩，warm up咗之後，就可以做番珠女。
小雪真名：何涴瀠 年齡：六歲
看過電影的讀者，都會被小雪的懂性所感動。她在戲中飾演一對中港家庭的女兒，母親和弟弟在內地居住，她則要照顧年邁的父親（吳耀漢飾），除了要推木頭車變賣銅鐵，又要在家洗衫煮飯。見她踩着鐵罐舉步維艱一幕，實在令人動容。千嬅問小雪：「有冇同你媽咪講你學踩住個罐度學咗幾耐？」「有。」「有冇跌親過？」「冇。」「咁叻呀，咁你可以玩跳水喎！」「因為綁住呀嘛。」別以為現實的小雪沉默寡言，其實是「冇電」之故，在跟千嬅對談之前，她儼如開籠雀似的滿場飛，自言最愛《魔雪奇緣》Elsa的她，還當眾獻唱洗腦歌《Let It Go》，英文歌詞無一遺漏，且咬字精準無誤，令人驚喜。其間，她又問千嬅：「校長，如果我開演唱會，你會唔會做我嘉賓呀？」千嬅笑說：「會唔會好快就開？如果校長仲方便就一定會嚟做嘉賓。如果退咗休就嚟睇，同埋幫你聯絡其他人做嘉賓！」又乘機取笑古仔：「不如叫東東哥哥做嘉賓啦，佢好襟唱，又識跳舞！」
千嬅評價
小雪比較活潑，但係佢自己都好有性格，譬如佢真係好攰，真係冇電嘅時候，佢唔講就唔講，比較容易心散。但當佢知道其他小朋友都做緊同一件事，好有心機嘅時候，佢就會齊心番，因為要合作。
Kitty真名：李詠珊 年齡：六歲Jennie真名：陳麗兒 年齡：五歲
巴基斯坦裔的Kitty和Jennie，戲份跟其他小孩一樣重，兩人不時鬥氣，活像一對歡喜冤家，合拍非常。不過，兩人其實並無血緣關係，就連千嬅起初也誤會了她們是親生姊妹。「所以佢哋好投入，當Kitty被人恐嚇，話你媽唔要你時，最高境界係，通常Jennie都會安慰佢。小朋友對環境好單純同直接，喺任何環境裏面都可以假戲真做，好多時候都係真眼淚、真感情，所以都俾佢哋感動到。」訪問當日，Kitty和Jennie比較文靜，但其實是眾人的「Mr. Bean」，甚懂得在片場搗蛋搞氣氛。Kitty相當喜愛唱歌，首本名曲當然是滾瓜爛熟的《小太陽》，還膽粗粗的問千嬅：「校長，你可唔可以教我唱歌？」千嬅笑說：「冇問題，但你唱歌已經好叻喎。唱《小太陽》？你仲熟過我！教埋我個仔唱好嘛？」
千嬅評價
南亞裔嘅小朋友Kitty同Jennie，佢哋好容易投入，雖然大家之前唔認識，但經過排戲之後，真係做咗真實姊妹嗰種默契出嚟。雖然偶爾會心散，但都會互相幫助。
來源:
http://hk.apple.nextmedia.com/entertainment/art/20150322/19085085
千嬅氹扭計Torres買鞋仔
1 :
GS(14)@2015-03-29 12:27:27
■有讀者前日拍到千嬅一家人到金鐘買鞋，似是想湊齊家庭裝運動鞋。讀者提供圖片
【爆相爆片】向來鍾意闔家歡的楊千嬅，前日有讀者Vicky透過本報「爆相爆片」分享千嬅一家的買鞋照片，當日該讀者見到楊千嬅一家數口包括丈夫丁子高、囝囝Torres、親友及家傭，去到金鐘太古廣場濕平，可能跟足傳統，過了農曆一月後才適宜買鞋有關，一家人在鞋店試鞋，不過Torres似乎有點不耐煩，要同行的親友連哄帶抱才成功試完鞋，該讀者表示千嬅一家買鞋後就到廣場內的咖啡店high tea。
■《五個小孩的校長》票房大收旺場。劇照
《五》片勢破千萬票房
近日忙於為有份主演電影《五個小孩的校長》宣傳的千嬅，前日家庭樂可算是忙裏偷閒。至於《五》片的口碑不俗，票房截至前日累計約有900萬，相信今日可以衝破1,000萬大關，對一部溫情片來說非常標青。不過劉德華主演的電影《失孤》前日首日在港上映，單日票房只有23萬，有點令人失望，但《失》片上星期已在內地上映，票房累計超過1.6億元人民幣。撰文：李森
來源:
http://hk.apple.nextmedia.com/entertainment/art/20150328/19092546
《五個小孩》重燃老師鬥志千嬅謝票：幸福唔係必然
1 :
GS(14)@2015-03-31 08:23:55
■千嬅聽到有善心人捐錢給元岡幼稚園擴建，感到很欣慰。
楊千嬅、古天樂與五位可愛女童星主演、陳木勝監製和關信輝執導的電影《五個小孩的校長》越映越旺，票房節節上升，前日單日票房收了263萬，上映十天票房累積約1,300萬，成績驕人，昨日寰宇電影公司特別安排台前幕後代表，包括導演、監製、千嬅和片中三位可愛小演員去到奧海城戲院謝票。
■小朋友也被戲中的小演員打動，不停落淚。
觀眾睇到喊
昨日戲院所見，不少家長帶同小朋友入場，部份人完場後感動落淚，千嬅在現場感受到觀眾對這部電影有很高評價，心情好激動，她表示：「其實要感謝佢哋（觀眾），因為有好多老師帶學生入場睇，佢哋嘅感想都好令人感動。有位老師話自己已經滑晒牙，打工好辛苦，不過睇完部戲就記起自己點解要讀師範，其實呢位老師已經60幾歲。」問到有否想過電影會帶來如此影響，千嬅說：「冇諗過，證明香港人仲係好有愛心，好關心自己嘅地方。」
■千嬅昨日與三位女童星去戲院謝票，不少家長爭着跟幾位童星合照。
如願助元岡
對於呂麗紅校長透露透過電影，令到更多人關注元岡幼稚園存亡，不少善心人捐錢給學校，元岡終於有經費擴建和增加學額，千嬅昨日得知後，十分高興說：「知道有人捐款係最開心，咁可以幫更多小朋友返學，我更高興係做到一件事令更多人關心，呢個係導演、監製同每個工作人員都想做到嘅。」千嬅續說：「據我所知，
Next Page