千嬅、甘比湊仔掟波
1 :
GS(14)@2015-04-10 09:18:17■楊千嬅大前日帶Torres去玩，偶遇甘比同囝囝。
楊千嬅演出的電影《五個小孩的校長》票房大收，一直忙於為電影四出宣傳兼謝票的千嬅，在復活節學校假期當然不會忽略囝囝Torres，大前日千嬅和老公丁子高就帶囝囝Torres齊齊親子樂，他們嘆完午飯後，齊齊去了九龍灣展貿的Peppa Pig玩，後來又見到大劉（劉鑾雄）女友甘比（陳凱韻）帶同一對囝囝囡囡到場，兩家人的小朋友很自然一起玩，Torres與大劉一個餅印的細仔Joseph Junior相處不俗，兩個人主動走在一起掟波波。
■秀樺攬住細佬Joseph Junior同Torres（右）玩得好開心。
■在《五》片中分別飾演小雪（左）、嘉嘉（中）和珠女的三位小童星都有到Peppa Pig玩。
■三位小童星感情要好，邊玩邊傾。
小孩接力玩
甘比大女秀樺和小表哥見狀，亦忍不住要一起玩，在旁的甘比與千嬅夫婦，看到小朋友玩得開心，加上掟中獎品，表現似乎比小朋友更加興奮，最後他們更齊齊和公仔影大合照！大約過了兩小時左右，甘比和千嬅一家盡興而回，過了不久，在《五個小孩的校長》片中飾演珠女、嘉嘉同小雪的小童星，在父母陪同下相約齊齊到場玩，她們戲內戲外的感情甚佳，其間有講有笑，經常手拖住手一齊玩，相處非常融洽。採訪：鍾國仁
來源:
http://hk.apple.nextmedia.com/entertainment/art/20150410/19106664
千嬅率五小孩頒獎 開心揀禮服
1 :
GS(14)@2015-04-13 09:00:50楊千嬅主演的《五個小孩的校長》近日爆人氣，影片上映25天，截至昨日票房約有3,850萬，票房走勢強勁，將於周日（19日）舉行的香港電影金像獎也打片中5位小演員主意，打算邀請她們與千嬅一起擔任頒獎嘉賓，其他嘉賓還有張家輝、舒淇、梁朝偉、彭于晏和成龍等。首次參加大型頒獎禮的5位小童星都感興奮，已緊張得請父母為她們挑選禮服出席。現時5位小演員珠女（王詩雅飾）、小雪（何涴瀠飾）、嘉嘉（傅舜盈飾）、Jennie（陳麗兒飾）與Kitty（李詠珊飾）十分受歡迎，甚至有網民為她們組成Fans Club，電影公司昨日特別在圓方戲院舉行見面會，導演關信輝、編劇張佩瓊、演員劉玉翠、姜皓文（黑仔）和吳浣儀亦有出席。他們獲安排打手印，其中Jennie和Kitty還要印掌於黑仔面上，黑仔表示：「結咗婚15年，一直冇諗過生小朋友，但拍完呢部戲時會有失落感，突然有衝動想生女。」問他是否準備造人？他笑言：「籌備吓！」
■Jennie和Kitty把「油掌印」印在小黑面上。
求放過囝囝
昨日有報道指千嬅向電影公司主動要求開拍《五》續集，還「賣仔」要求與兒子Torres一起演出，母子兵上陣片酬加碼到一千萬元，昨日她回應說：「嘩！好耐冇做呢本雜誌封面，好多謝佢哋咁幫手做宣傳，但我想講呢部戲係呂校長嘅真人故事，係冇續集可拍嘅，同埋我個仔係非賣品，我只係想佢健健康康，喺一個好簡單、普通環境下成長，所以希望啲雜誌搞我好啦！唔好搞個仔。」採訪、攝影：黃曉妍
來源:
http://hk.apple.nextmedia.com/entertainment/art/20150413/19110031
千嬅做金像司儀預甩稿
1 :
GS(14)@2015-04-17 09:03:05楊千嬅、陳小春、林家棟昨日在尖沙嘴出席香港電影金像獎頒獎典禮的拜神儀式，他們三人將會擔任司儀，聲沙沙的千嬅笑指做司儀驚過提名：「我生完冇乜記性，只得三成，陳嘉上話交畀家棟記，我同小春和應同開心就得，不過我都唔敢叫老公、囝囝嚟，仲驚，而家我打定底先，到時有咩得罪長輩，細路仔唔識世界。」小春平日說話已口齒不清，他笑稱有自己風格，有傳他再做爸爸，他表示：「有一定通知你。」此外，大會會有環節向黃霑致敬及悼念年初病逝的何家駒環節，昨日電影公司發放他生前為《壹獄壹世界》接受最後一個訪問，他說：「今次遺憾啦，我自己本身身體有問題，如果好啲嘅話，拍多啲，幾過癮呀，唔緊要，下一次。」採訪：溫敏芝攝影：陳順禎
來源:
http://hk.apple.nextmedia.com/entertainment/art/20150417/19115064
千嬅女人四十有火
1 :
GS(14)@2015-04-22 22:38:14楊千嬅日前與逾300位歌迷在香港仔珍寶海鮮舫茶敍，有感今年是千嬅入行20周年紀念，於是將主題定為「雙十年『嬅』群英聚」，千嬅見到眾多粉絲多年來的支持，感動地說：「過去一年遇到新夥伴，又有舊拍檔，身邊有好多團火，舊年接拍咗《五個小孩的校長》，冇諗過咁大迴響，原來我除咗娛樂方面，有啲嘢仲可以做得更有意義。」除了粉絲，千嬅亦有感謝家人：「我好感恩我有個咁好嘅屋企，大家明白我而家工作都以家庭行先，做媽媽、太太同女，過咗40歲後發覺人生路程縮短咗，我選擇呢條路就要負責任。任性瘋狂每個人都試過，但早啲睇清楚自己方向係福氣。」撰文：張曦彤
來源:
http://hk.apple.nextmedia.com/entertainment/art/20150422/19120681
楊千嬅奪獎：唔敢當
1 :
GS(14)@2015-05-10 23:42:59楊千嬅昨日在圓方獲意大利駐港總領事Antonello De Riu頒發「Salento Cinema Actress Award」，是繼劉德華和葉德嫻後第三位香港藝人獲獎，千嬅接受訪問時說：「好開心，不過唔敢當，自己仲有好多進步空間，對我係好大鼓勵。演戲有好多可能性，畀我好大滿足感。」千嬅又笑說：「我同老公都支持香港電影，就話去睇《赤道》啦，佢就買咗數碼港飛，點知去到碌卡都冇飛出嚟，我就竧竧哋，我老公仲話我白癡，碌卡都碌唔到，點知佢埋去counter，職員就話『丁生，你兩張飛係買咗鑽石山嘅。』」丁生認真大頭蝦！至於母親節如何慶祝時，千嬅說：「阿仔送咗禮物，不過都係老師幫佢整，穿咗串膠珠鏈畀我，不過已經好冧喇，唔帶出嚟費事你哋又話我憶子成狂。」採訪：藍文浩攝影：仇志德
來源:
http://hk.apple.nextmedia.com/entertainment/art/20150510/19141997
千嬅醫好氣管再追女
1 :
GS(14)@2015-05-12 23:19:32楊千嬅演出的真人真事電影《五個小孩的校長》大受歡迎、昨日千嬅與呂麗紅校長在大埔教育學院出席「教育夢飛行」講座，千嬅表示平日會問呂校長育兒心得，現時兒子Torres喜歡聽故事，會說大獅子是爸爸，長頸鹿較瘦是媽媽，問千嬅被囝囝指似動物會否生氣？她笑說：「唔會，佢講乜都甜。」
■千嬅昨與呂校長到教育學院參加講座，獲大批學生支持。
千嬅指兒子不喜歡她化妝，因每次化妝都是出外工作，她說：「好似今朝佢發高燒冇返學，見我化妝師嚟咗都唔願瞓。」問到何時再追小孩？千嬅表示要先調理好身體，因氣管未好，但問過囝囝，他說喜歡妹妹，不過千嬅指囝囝亦遺傳了其氣管不好，所以想他踢波多做運動。採訪：溫敏芝攝影：陳慧安
來源:
http://hk.apple.nextmedia.com/entertainment/art/20150512/19143933
夥周嘉儀撐老友千嬅照顧發燒Torres 徹夜難眠
1 :
GS(14)@2015-05-14 08:20:10■千嬅昨日透露要照顧Torres（小圖）搞到失眠，卻被丁子高叫食藥。
楊千嬅、何超儀、何超蕸、上山詩鈉與前新聞主播周嘉儀等，昨日於銅鑼灣出席黎芷珊的自家太陽眼鏡品牌發佈會，芷珊花了7位數字投資品牌，得到衆多老友支持感到興奮，尤其是千嬅排除萬難、向公司爭取時間到場，而劉德華、黃秋生及鄭伊健更特別錄製短片祝賀芷珊。
■黎芷珊（右）送上由插畫家替何超儀所畫的人像畫作，相當有心思。
■何超蕸戴上芷珊設計的太陽眼鏡支持，認真畀面。
■劉德華錄片撐芷珊推出的自家品牌。
問到千嬅有沒有興趣成立個人品牌？她說：「自己已經係個人品牌，用好多精力做唔同演出，個仔（Torres）已經係經營緊嘅生意，不求回報，只想佢健康。近日囝囝發燒，搞到我夜晚瞓唔到，老公（丁子高）頂我唔順，問應該係咪我要去睇醫生，家庭就係我一生經營嘅生意。」千嬅自從拍完電影《五個小孩的校長》後，表示有意跟老公一同修讀有關幼兒課程，她更大爆老公床事說：「佢近日玩運動同上佛學，上完佛學會返到屋企，會喺臨瞓前同我上一課講佛偈，之後佢自己就瞓覺，我就入晒腦諗。我同佢講千祈唔好咁快化，好囉嗦，我一
千嬅貪方便逼港鐵
1 :
GS(14)@2015-05-17 14:42:21繼發哥周潤發頻頻在港鐵被市民野生捕獲後，楊千嬅亦加入行列，昨日她在instagram貼了一張在港鐵車廂內做低頭族的相片，她留言說：「被friend啲friend發現，趕時間塔（搭）港鐵好方便！」有網民笑稱竟然沒有人和她合照而感出奇！
楊千嬅
另外，千嬅將於下月13日在廣州體育館舉行「Let's Begin世界巡迴演唱會2015」，門票上周五開售不久即售罄，今次是千嬅首次在廣州開騷，加上亦是巡唱第一站，所以她知道此事後，興奮地說：「廣州朋友，我終於來了！」目前千嬅已經投入綵排。撰文：張曦彤
來源:
http://hk.apple.nextmedia.com/entertainment/art/20150515/19147590
千嬅高燒入院 全面停工
1 :
GS(14)@2015-05-21 09:03:44■楊千嬅感染流感，高燒入院，要全面停工，接受治療。資料圖片
楊千嬅昨日在網上貼了一張在醫院吊鹽水照片出來，然後留言：「最後還是打敗仗！高燒不退，重遊舊地（醫院），醫生建議留院詳細檢查，才知這次真的受傷了。現要全面關機，接受治療，工作稍有延誤，萬分抱歉！每天躺着，掛念着家，擔憂着工作，連丁生也病了！但不用擔心，考驗常在，病菌肆虐，大家要注意身體健康。」
■楊千嬅在網上貼了一張在醫院吊鹽水照片透露自己病情。
■楊千嬅要服用特敏福治病。互聯網圖片
■一直陪伴千嬅的好老公丁子高都病埋，住了一晚醫院。互聯網圖片
老公都病埋
楊千嬅因為患上呼吸系統感染流感，下呼吸系統支氣管感染，以至發高燒不退，日前進了醫院接受治療，失蹤了幾天的千嬅向大家報平安，她說：「好多謝大家關心及問候，其實唔使太擔心，我而家退晒燒，最主要係要休息，惟有等身體康復，好抱歉失蹤幾日，大家好擔心，其實係休息緊啦！」而一直陪伴千嬅在病床，加以照顧的好老公丁子高說：「千嬅前兩日就發高燒所以入咗醫院，醫生有講如果遲一日入院就會肺炎，咁而家好轉好多，多謝大家關心。」據悉千嬅因為每早堅持7時起床送囝囝上學致睡眠不足，因抵抗力減弱經常患感冒，身邊朋友和家人都勸千嬅有工作在身時，不要堅持天天送囝囝上學，累壞自己身子，她老公也被傳染了。
服用特敏福
昨日千嬅經理人林姍姍表示：「千嬅仲留緊院，其實佢喺上個禮拜已經入咗醫院，不過唔想大家擔心所以冇同大家講，而且佢老公都病埋，所以都一齊入埋醫院，不過佢老公強壯啲，住咗一晚就出咗院，千嬅就一直未退燒，所以醫生唔肯俾佢出院，不過病情已有好轉啦！」問到千嬅的工作安排是否受到影響？姍姍說：「醫生話佢係流感，要服特敏福，最重要係要有足夠休息，所以佢一定係要全面停工，佢手頭上原本有好多工作，而家都幾頭痛，但佢咁嘅狀況都冇計，等佢身體狀況好轉再算。」採訪：鍾國仁
來源:
http://hk.apple.nextmedia.com/entertainment/art/20150521/19154521
Next Page