財經CAREFREE - 順叔 中信之本(下) (2012年08月28日)
1 :
GS(14)@2012-08-28 14:24:10http://www.am730.com.hk/article.php?article=118895&d=1830
上回講到，A股近兩年悶到出汁，中信證券(6030)「生財之本」的投資銀行部門仲有約743人，但平均每人在去年只係賺約260萬元(人民幣，下同)，如果在歐美投行，已經豪派大信封。
或者中信證券據「專業結構」分類的743名投資銀行部門職員，大部分可能只係掃地阿伯，或者是茶水部阿嬸，除開條數唔係咁公道，不過呢，淡市炒人唔手軟呢個投資銀行的慣例，相信在中信證券唔係咁行得通。
北京基金界有個傳說，話如果以「政治結構」分類，呢間全國最大投資銀行的高級賓架當中，有百幾、二百個省部級的「官二代」，唔可以立亂得罪，所以請得入嚟，唔係咁易送得走。
老實講，歐美的投資大行以及金融機構，做刁咪一樣靠關係，都係咁做生意，打住官二代或富二代的招牌，特別搶手易搵工，加入投資銀行，打正牌物盡其用，靠自己「關係」幫公司攞刁搵生意，加入中信證券呢類國控投資銀行，賺咗係阿公的，大條道理，更加唔使怕被人話群帶關係幫外國人搵錢。所以中信證券請埋一堆內地官二代、富二代的傳說，可信程度應該好高。
搵個太子黨人物出嚟講嚇的話，不得不提中信證券董事局裡面，最後生嗰個，叫做劉樂飛，今年只有38歲，聽講就係中共政治局委員兼中共中央宣傳部部長劉雲山的公子，中央宣傳部又幾猛？唔使講咁多，劉樂飛在中信證券只係非執行董事一名，不過呢，呢位40歲未到的年輕金融才俊，同時貴為中信產業投資基金管理(中信產業基金)的董事長兼首席執行官。中信產業基金下面幾隻做戰略投資的基金，最大嗰隻約100億元左右，唔算超大，不過夠威，聽講中信產業基金落咗注的公司申請上市，中國證監會好少托手踭(最近好似話唔係咁講)。
劉公子在2008年加入中信證券之前，仲威，在中國人壽(2628)，官至首席投資執行官，講緊在A股最旺的兩年，睇住幾千億人仔的資產，劉公子走咗之後，國壽已經再冇咗「首席投資執行官」呢個位，對國壽有興趣，可能要留意嚇第二時，呢個筍位會唔會再開番，又請咗邊位猛人坐落去。
當然啦，金融世界，得就得，唔得就食「XX」，冇理由嚇嚇用年紀論資排輩，至於劉樂飛在國壽做咗兩年，亦做咗幾單刁，包括入股南方電網、廣東發展銀行及中信證券等，仲有投資VISA，講緊當年大市暢旺，股改期間好多蛤乸隨街跳，當市況唔係好掂，中信產業基金呢兩年就唔係做得特別好，部門員工約145人，於2011年，純利啱啱1億銀，平均每人幫公司賺幾廿萬左右，表現分分鐘仲差過二線證券經紀。
好似劉樂飛呢類「官二代」，既係中信證券「生財之本」，在旺市的時候，可以因為他和各種的人脈關係，帶來大量生意，不過，在市況逆轉證明神仙難求的時候，競爭力甚至可以差過海通證券(6837)等行家。
同時因為唔可以立亂炒人，未必能夠隨市場環境而調整成本，裙帶關係做得太出，分分鐘可以影響國際化步伐，例如啱啱收購回來的里昂(CLSA)，如果夾硬搞整合，里昂啲員工可能雞飛狗走。
中信證券可以話係一間充分反映到國情的投資銀行，即係複雜到無倫，由真正的競爭力，到隱藏的政治風險，局外人好難睇得清楚，例如今年已經60歲的中信證券董事長王東明，在退休之後將會搞邊科、係咪安全著陸、跟住邊個頂上，可能都會帶來不明朗因素。
但少數可以肯定的基本因素，就係投資銀行監管較銀行更嚴厲，中信證券炒燶貨爆煲的機會相信唔會好大，可以當隻A股代用品咁買，依家A股好多人話平，只係相對2007年時不切實際的估值，好似中信證券咁，當年試過見約60倍市盈率，今日計埋A股在內，市值仍然過千億元。
即係話，該股2012年預期市盈率超過20倍，如果用2010年的純利238億元計算，市盈率大約有4倍至5倍，抵唔抵？好睇閣下認為最具「中國特色」的投資銀行，相對於其他嘅國際投資銀行，應該係有溢價定係折讓了。
而中信證券於本週四公佈中期業績，該股昨收報13.26港元，挫3.3%，而上週日公佈業績的海通證券，中期賺20.2億元，跌約9%，該股昨收市瀉4.4%，報8.91港元。
STARMAN'S COLUMN - 江小魚 兩大「殼王」同時愛上聯太？ (2012年08月28日)
1 :
GS(14)@2012-08-28 14:29:07又叫人買老千
http://www.am730.com.hk/article.php?article=118902&d=1830
手機已成為人類不能離手的東西。任何相關生意，「錢」景都不能小覷。最近第一視頻(082)都幾「爆」，因該股早前宣佈分拆旗下中國手遊於美國納斯達克上市，公司原持有64%手遊股權，現分派6.7%股份以美國預託股份(ADS)形式上市，每持第一視頻2,000股將可獲發1股ADS，相當於14股手遊股份，不取股票的股東亦可選擇於上市後3個月套現。
第一視頻仍持中國手遊逾一半股份，現只向股東分派6.7%股權，反映甚惜貨！
按管理層所言，中國手遊暫沒有集資需要，上市只為反映其被低估的股價，但長遠仍會以集資為目標。分拆上市後將可提升公司透明度，從而體現公司真實價值，對股東有好處。
但講多無謂，要對股東有好處，活在當下，端視第一視頻股價有無表現，因手游尚未收到手，要股東享受分拆好處，無疑係該股要爆升！
若然，是次分拆係參照今年初太古地產(1972)模式，即使股份流通量不高，惟股價仍升，因貨源歸邊。上市數月後可作配股，以活絡流動量；以這款套路推測，手遊股價上市初期似乎「好難跌」？
手遊去年淨利潤2,600萬美元，其智能手機單機遊戲業務主要以遊戲包的形式與電訊商五五分成收入，在去年，該業務付費用戶總數已達960萬名；手機網遊業務去年付費用戶總數80萬名，單付費用戶平均收入(ARPU)去年24元人民幣，在今年首3個月已升至約50元人民幣。
分拆後，第一視頻仍持有手遊57.2%股權，不影響其大股東地位；之後將集中發展其傳統業務，包括網上新聞平台及網上福彩業務，去年廣告收入及售票分成毛利率分別約30%及50%。第一視頻日內將除淨，料惹來追捧，不妨按個人風險承受度設止蝕買入，股價只要突破0.91元，可上試1.2元。
聯太工業(176)本月中曾錄得2.61億股非自動對盤交易上板，聯交所資料披露，原來是有「殼後」之稱的金利豐(1031)行政總裁朱李月華於場內掃貨。朱太每股買貨平均價0.35元，涉資約9,100萬元，持股量達26.32%，已直逼大股東詹培忠的27.32%持股比例。
詹培忠曾向媒體透露，該筆大手成交，是公司第二、三大股東BRIAN CYRIL BEAZER、SKP CAPITAL減持。聯交所資料顯示，兩股東之前分別持聯太20.63%及6.26%。朱太今次出手，惹來市傳聯太控股權隨時易手。
聯太早前公佈半年溢利大升82%，刺激股價爆發急升，原來係朱太又睇中！一隻股票同時獲「殼王」及「殼後」覬覦，情況鮮見。聯太或可乘勢大炒一轉？
作者為DBC數碼「大錢台」、及高清翡翠台《小魚大茶飯》炒股節目主持
談財經 - 胡孟青 科技霸權是金融霸權延伸 (2012年08月28日)
1 :
GS(14)@2012-08-28 14:31:22http://www.am730.com.hk/article.php?article=118907&d=1830
蘋果(Apple)教主喬布斯(Steve Jobs)生前對Google開發的Android手機作業系統恨之入骨，勢估不到Google未死，就先令到南韓三星電子(Samsung Electronics Co.)面臨重大難題。
蘋果控告三星產品侵權，獲美國法院判決勝訴，三星要賠10億美元(約78億港元)，賠償金額事小，稍後三星部分產品面臨被禁止在美國繼續銷售，就事關重大。蘋果是次向美國法院提交高達600項對三星的指控，法院僅用上3日時間就有裁決，不少評論更認為，是次反映三星侵權情況明顯。
明顯地，無論蘋果、三星及HTC這三個品牌的各種智能手機，他們的介面及功能都大同小異，三星被敗走，下一間肯定就輪到台灣HTC，更大打擊固然就是Google的Android作業系統，大贏家肯定是蘋果，其次還可能令積極擴展智能手機系統的微軟連帶受惠。
或許，正如三星所指，其實受影響最大的是消費者；但從另一角度看，既然目前智能手機在外形及功能上都相差無幾，蘋果雖勝，只要對手加強研發，在產品定位及功能上更加創新，又未必一定是三星之敗。
有國家撐腰，三星一定上訴到底，但對其股價走勢以至每半年一次有新款推出市場的策略，肯定有影響。
目前仍然未知最後結果，但如果稍為將問題放大，由於三星貢獻南韓經濟大約15%，南韓出口表現會否進一步受影響，很值得關注。
目前南韓股市市盈率大約10倍，今明兩年盈利增長預測分別是20%及18%，三星股價走勢就等於南韓股市表現，一間公司的不明朗因素，是否影響整個股市表現及國家經濟？
中環人戲言，蘋果先後在南韓、澳洲、美國及歐洲等地控告三星侵權，偏偏中國不在主場之列，三星莫非可以反過來，在中國大搞控告蘋果，如果中國又願意賣一個順水人情，多一個南韓朋友，整個戰局還有好戲在後頭。
肯定的是，蘋果對三星，已經不再侷限於兩間公司的對碰而已，而是影響整個科技界，以至行業短期於部分亞太區市場表現。
蘋果Tim Cook接掌帥印後，產品研發暫時一事無成，但他之前決定恢復派息，現在又贏了官司，在股東眼中算是一世夠運的CEO。
蘋果專利權勝訴後，短期市場關注的另一個焦點，肯定是究竟將會有多少間公司將要向其繳交專利稅。換言之，美國在向金融機構因洗黑錢而徵收買路錢之後，又可以向全球徵收蘋果稅了！
電視風雲 - 王奇雲 竟然怕對方執笠？ (2013年01月28日)
1 :
GS(14)@2013-01-30 22:59:35http://www.am730.com.hk/article.php?article=140406
【am730專欄】Carol前幾日見到佢老闆又上電視爭取發牌，呢次仲係響立法會添，佢嗰組幾個同事即刻放低工作，響電視前面睇直播打氣支持，反而我哋呢邊就乜都唔知，如果唔係Carol WhatsApp俾我，叫我睇電視，我都唔知單嘢，但係我哋呢邊反應就好唔同，一於懶理，仲無睇，你哋唔好以為大家唔關心，只係編劇開會房唔係每間房都有電視機，做電視竟然無電視睇，有陣時都覺得幾諷刺。
我睇到自己公司有人發言，扯晒火咁嘅樣，話政府唔理市場容納到幾多個電視台，就立亂話發牌，好似好有道理，但我又依稀記得，呢條友上個禮拜響個論壇又話，競爭之下要執笠一定唔係大台，而係新加入嘅投資者，咦？咁就離奇嘞！佢竟然擔心埋人哋嗰份，怕對方執笠？乜做生意會有咁好嘅人咩？好心佢後面啲智囊幫手度條好少少嘅橋至上立法會啦，我身為低佢十幾級嘅員工都有少少滴汗呀。果然對家投資嗰個一句：「你由得我蝕啦！」有人就駁唔到上去，咁又係，唔通佢話：「哎喲！我入咗十幾廿球貴公司嘅股票吖嘛，你蝕咪等於我蝕！」
問心嗰句，公司上上下下除咗大老闆級數，邊一個唔想快啲有新牌？我可以坦白話俾大家知，家陣啲手足表面上有工夫照做，心裡面就另一套，邊一套？講到白就唔係幾好啦，係咪？如果你哋有睇《一代宗師》，裡面有一句：「刀最厲害是鞘，因為在於藏」，你就會明，一日未有好消息，大家照樣三呼萬歲，繼續寫師奶戲娛樂大家，橫掂無記又唔介意抄，你哋又照睇，我劇本又可以出少啲力寫，幾好！
王奇雲 (逢周一至五刊載)
電視風雲 - 王奇雲 賣電烤鍋哥仔 (2013年02月28日)
1 :
GS(14)@2013-03-01 01:24:38http://www.am730.com.hk/article.php?article=144257&d=1983
【am730專欄】講開「賣橋」呢個過程，對於做我哋編劇嚟講，係非常之重要，成功與否，是喜是悲，都係因「賣橋」而起。有啲行家，「賣」得掂，但寫唔叻，一樣可以撈得唔錯；相反，「賣」都賣唔掂嘅，就要辛苦啲嘞，賣多幾次，咪講到老細滿意收貨囉，不過個人認為「賣橋」時，我哋編劇就如同Sales一樣，響大小百貨公司俾人推銷電烤鍋無咩分別，不同之處只係技巧問題，無heart嘅咪硬銷囉，係師奶都叫你過主啦，高手嘅咪用說話迷魂你囉，早幾日我喺某商場就遇過一位靚仔promoter，莫講話佢氹到班先生太太，排住隊拎幾千蚊出嚟同佢買隻鑊，連我呢個麻甩仔都俾佢嘅話述吸引到停低腳步，睇佢show off同做presentation，心諗，呢個果然係人才！如果佢都寫到吓嘢，又有興趣入行，我做佢介紹人又點話。
做我哋呢行要賣橋成功，唔單止要將個故事包裝得好，要有條理，要有吸引精彩之處，自己本身嘅outlook都唔可以掉以輕心，好似上述嗰位promoter，行出嚟乾乾淨淨，精神飽滿，起碼唔乞人憎先啦，一take過當然係意料之事，所以成功非偶然，事前功夫準備得好，好過你扭盡六壬去度啲細橋。老實講，我都好耐無喺無記見過好似位哥仔咁落力去賣橋，包括我自己，可能大家喺呢度撈咁多年，都習慣嗰種懶有系統嘅模式，同埋懶散型嘅工作態度，賣橋都變得好似家常便飯，公司又唔會唔開廠，心態最多斬多隻雞加料，等賣相好睇啲咁，有時我都心癢，想有人同我過吓招，始終刀唔用，就會生女 嘛。
電視風雲 - 王奇雲 話之你香港人 (2013年03月28日)
1 :
GS(14)@2013-03-30 23:23:29http://www.am730.com.hk/article.php?article=148400&d=2008
【am730專欄】當新免費電視牌照仲未有著落，江湖依然多事，早排就謠傳「魔童」係「泊車仔」，某傳媒大亨幕後揼錢俾佢玩電視，搞到佢要出聲明澄清咁滯，喺自己個專欄義正辭嚴否認，叫人咪亂咁噏。以佢嘅為人，向來千山我獨行，笑罵由人，搞到要親自解畫，事情都幾嚴重，程度可能去到影響發牌，先要走出嚟抗辯嘅啫！
不過最令人覺得騎呢嘅係，「不死鳥」台失驚無神話有意申請免費電視牌，擺到明係要玩埋一份，甚至係做媒，無論政府發唔發牌，佢都可以出聲，明係申請，暗就搞局，係人都睇得出，其心可疑，而且佢同大陸關係比「A記」更緊密，香港人日夜期待下，無可能最後係一個「不死鳥」化身嘅「中央十台」吖？
Carol話呢招好毒，一定背後有高人指點，只要佢一申請，以後有關事無大小都可以插咀，例如：遲發牌佢就話唔急住，叫大家慢慢等下；萬一唔發，佢又可以扮埋受害者，令政府無厚此薄彼嘅嫌疑，諗下諗下，呢個消息都幾凶險，擺明有後著。我再睇埋噚日生果報左丁山，佢話政府又拋出3G電話頻譜出嚟拍賣，明係益庫房收入，暗就俾機會中移動不惜代價投到，擴大市場佔有率，令其他電訊商牙痛咁聲。
兩條看似無關事嘅新聞，一夾之下，我個心都寒一寒，再加埋姓喬嗰個官員，疾言厲色叫我哋預咗2017選特首有預選，我深深感到上面對傳媒同選舉嘅操控，愈嚟愈明顯，更話之你香港人反應，真係好鬼火滾！
(逢周一至五刊載)
2 :
GS(14)@2013-03-30 23:26:04http://realforum.zkiz.com/thread.php?tid=50191
活力先生評王維基『實為「肥佬 L」個「泊車仔」』
經濟人看世界 - 林本利 伯格的十條簡易投資規則(下) (2013年06月28日)
1 :
GS(14)@2013-07-09 09:09:29http://www.am730.com.hk/article.php?article=161276
【am730專欄】先鋒基金創辦人伯格提出十點理由支持認購指數基金。上文談到其中5點理由，今次再談餘下5點。
(一)減少中間剝削。倘基金收費相差2%，同樣的投資回報(如10%)扣除收費後，20至30年總回報可以相差數倍。故此，小投資者應盡量減少中間剝削，認購收費較低的指數基金。
(二)世上沒有免費午餐。投資必涉及風險，高風險高回報。若過分擔心風險，只持有現金，購買力肯定被侵蝕，難以累積財富退休。
(三)不要搭錯尾班車。投資者喜愛跟風，容易搭錯資產泡沫尾班車，在高位時入市。結果當泡沫爆破，資產價格急瀉，招致巨大損失。
(四)刺猬勝狐狸。狐狸代表金融市場上的投資專家，對市場十分認識，懂得複雜的投資工具和策略。刺猬對市場認識不多，但知道長線投資的成功之道，就是簡單勝複雜，買大市勝過在市場上左揀右揀，買買賣賣。
(五)繼續持有。最簡單投資方法就是在股票市場上購買指數基金，並且長期持有。另再按自己風險承擔能力，選擇合適股票和債券組合，不理會大市波動，仍續持有。長遠而言投資回報將理想，足夠退休之用。
作者曾任教理大，現為活道教育中心校監(最新課程：暑期中學通識班，小學興趣班及託管，請電2512 0699查詢。)
電視風雲 - 王奇雲 沒有更無恥，只有…… 2013年10月28日
1 :
GS(14)@2013-10-29 00:54:54http://www.am730.com.hk/column-178509
時窮節乃現，係編劇度橋時常用嘅方法，大意係，將一個角色放響一個好盡好盡嘅境地，於是佢真正性格就自然呈現出嚟。如果唔多明白嘅話，日前就有個好好例子，就係響立法會內會裡面，議員就動用權力及特權法投票，要求行政會議公開不發牌予香港電視嘅理由時，自由黨五票投反對票，事後田少竟然厚顏咁話：「投錯咗喎！因為嗰時行出行入，唔係太清楚莫乃光有關修訂喎！」
就係因為咁，議案就被否決，自由黨呢五票本來可以左右大局，之不過有人要向上面表忠，所以反對。本來唔緊要，我哋預咗，自由黨慣曬看風駛，不過你都唔好講出咁低B嘅理由吖，當市民係無記師奶觀眾咩？穿曬崩啦！田少！仲夾硬演落去？哈！原來我哋班編劇度唔到嘅橋，佢仲有得出賣，就係再一次厚顏，話響11月6日立法會討論呢件事時，自由黨決定撥亂反正，投番贊成票喎！係人都估到，當日立法會要通過議案，係要響分組點票情況下，同時有多數票至會成功，而功能組別大家都知道，係無機會有多數票，換句說話，即使自由黨投咗贊成票，都無力挽回大局。講到呢度，畫公仔都畫曬出腸，田少兩面逢源，想食盡著數，一方面搶佔發電視牌道德高地，另一方面又力保政府利益，可以話比起民建聯、工聯會、經民聯，更加虛偽！
Carol同一班留守嘅同事經歷7日6夜抗爭都無事無幹，反而聽見自由黨咁嘅彈弓手行為，激氣到即刻病咗，田少！你好嘢！
(逢週一至五刊載)
光影人文館 - 金巴利 《情迷藍茉莉》—姬蒂白蘭芝光芒四射之作 2013年10月28日
1 :
GS(14)@2013-10-29 00:55:47http://www.am730.com.hk/column-178549
澳洲女星姬蒂白蘭芝(Cate Blanchett)自08年返老家出任Sydney Theatre Company的藝術總監後，因專注於藝術行政和舞台演出而減少亮相大銀幕。她主演的活地亞倫新作《情迷藍茉莉》(Blue Jasmine)絕對是其強勢回歸之作，相信奧斯卡影后之路亦不遠矣。
姬蒂白蘭芝於《情迷藍茉莉》中飾演落難的紐約闊太Jasmine，人財兩失的她不得不投靠住在三藩市、於超市打工的妹妹Ginger。一無所有的Jasmine被迫腳踏實地打工，但她始終放不低上等人的身份，其「重新做人」的過程因此相當痛苦兼困難重重。故事講述她重整生活時的內心掙扎、跟藍領階層在相處上的衝突、尋覓第二春的過程，以及最終自作自受的悲劇結局。
姬蒂白蘭芝氣質非凡
活地亞倫說，撰寫劇本時已認定姬蒂白蘭芝是飾演Jasmine的首選，說的也是，試問當今荷李活一線女星中還有誰比她更適合？先說外形和氣質，她的美從來都不是來自濃妝艷抹或性感衣著，其高挑身形、雪白肌膚、亮麗金髮以及雍容儀態，已讓她擁有脫俗的懾人魅力，難怪她可以在《魔戒》內展現精靈女王的非凡氣質和靈氣。而《情》片內的Jasmine，儘管是一個跌落凡塵的貴婦，但仍不失知性美和魅力，足以令身邊的男士為之傾倒。這種角色倘若找個相貌和氣質皆平庸的女星來演，又怎能具說服力呢？
魅力四射的演繹
姬蒂白蘭芝是飾演Jasmine的最佳人選，當然還因為她爐火純青的演技。Jasmine的角色絕不討好：即使寄人籬下，依舊尖酸刻薄、諸多挑剔和不可一世，她看不起勞動階層，認為Ginger的朋友低等和無出息。她同時是勢利的機會主義者，當年Ginger跟前夫如大鄉里出城般到紐約探望她時，她就相當嫌棄這對寒酸夫婦。要凸顯Jasmine令人憎惡的面向不難，困難卻在於同時演活她自負、勢利和謊話連篇背後的脆弱、不安和焦慮，這樣才能令Jasmine成為叫人又愛又恨的角色，而非單向的負面形象。姬蒂白蘭芝無疑準確拿捏了角色的複雜性和內心矛盾，看見Jasmine最終瀕臨崩潰，獨自坐在長椅上自言自語時，即使深知一切是她自作孽，但觀眾還是不禁同情她、替她唏噓，這除了是因為活地亞倫對Jasmine一角豐富的建構外，還因為Cate Blanchett具層次地演繹了Jasmine說謊猶如天性、終日緬懷過去、神經質的複雜個性，其深邃的演出可媲美《慾望號街車》(A Streetcar Named Desire，1951)的 Vivien Leigh或《日落大道》(Sunset Blvd.，1950)的Gloria Swanson。
戲路縱橫的專業演員
姬蒂白蘭芝一向可塑性高、戲路廣，她擅演不同角色，當中苦練口音扮演的角色更彰顯了她一貫的專業態度：《哭泣的戀人》(The Man Who Cried，2000)內美艷的俄羅斯舞蹈員、《柏林暗戰》(The Good German，2006)內顛倒眾生、惹人憐憫的德國女子以及《奪寶奇兵之水晶骷髏國》(Indiana Jones and the Kingdom of the Crystal Skull，2008)內的奸角－蘇聯特務等。其實姬蒂白蘭芝早於06年已演過內心脆弱、瀕臨崩潰的角色，她在《醜聞筆記》(Notes on a Scandal，2006)中演藝術科老師，因為跟學生搞師生戀而受盡千夫所指，角色的複雜性不比《情迷藍茉莉》的Jasmine低，因為當中涉及同性戀、老夫少妻以及教師道德等層面，而姬蒂白蘭芝在兩大老戲骨Judi Dench和Bill Nigh面前仍能表現突出，可惜她當年未能憑它贏得奧斯卡最佳女配角，不然其豐碩的獎項上便能再多一尊小金人。
姬蒂白蘭芝總給人淡薄名利之感，看她已躋身荷李活一線女星之列，還選擇回澳洲演舞台劇便略知一二。已為三子之母的她，更覺家庭生活比電影事業更為重要，而她下一個挑戰將會是當導演，執導由小說改編的《The Dinner》。願她如Meryl Streep般縱橫影壇四十年，為影迷留下一次又一次難忘的演出。
C觀點 - 施永青 民意常為短痛不理長痛 2013年10月28日
1 :
GS(14)@2013-10-29 00:56:19http://www.am730.com.hk/column-178559
奧巴馬把政府被迫局部關門的責任歸咎於共和黨，指共和黨刁難他的醫療改革方案，以至他的預算案沒法在國會通過。現實是共和黨曾多次提出妥協方案，只是他堅持寸步不讓，才導致政府關門，真正不惜以政府關門去逼使對方讓步的人是奧巴馬自己。
奧巴馬之所以能成功這樣做，就是因為善於討好民意，遷就了一般人只顧眼前利益，不理將來後果的短視。
金融海嘯後，奧巴馬為美國開出的藥方，是凱恩斯式的—以量化寬鬆刺激私人投資與消費；以向高收入者加稅令政府可以提供更多的社會福利，增加基建，與援助困難行業。
這套方案只宜用來急救，因為裡面有太多的嗎啡與類固醇，只能止一時之痛，長服可能上癮，並對身體造成無法修復的損害。然而，奧巴馬在連任後，事隔五年依然用救急藥。
國家設債務上限，目的就在於限制政府不要再胡亂開支，但奧巴馬卻成功引導輿論，令不許政府亂花錢的人變成了美國的罪人。為了令政府可以繼續花錢，他告訴美國人，政府如果花少一點錢，經濟就會下滑，失業率就會上升。所以大家一定要支持放寬國債上限，好讓政府借住先，花住先。至於將來怎麼還，打富人主意，收他們重一點稅就是了。
民意對這一套很容易受落，有錢人那麼富有，過著那麼窮奢極侈的生活，活該向他們抽重稅，以劫富濟貧。然而，有錢人之所以有錢，是因為他們善於創造財富，他們是經濟發展的主要動力；增加向他們徵稅，不但會破壞他們創造財富的積極性，而且還會破壞他們再投資的能力，對推動經濟發展沒有好處。
政府在打擊有本事的人的同時，更在各方面資助沒有本事的人，這一樣有民意支持。經營有困難，面臨破產的企業，政府會加以資助，以讓他們可以用高消耗低產出的方式，繼續生存下去，並搶佔做得好的企業的市場份額。這實際上只會令整個社會的生產力沒法提升。
近年美國經濟發展緩慢，很重要的一個原因，是政府順從民意去花錢。這些錢大都用得不夠聰明，不夠有效，而且搶走了私人企業的機會(crowding out effect)。
經濟發展緩慢，政府提供福利的承擔能力自然難以提升，但奧巴馬卻在這個時候提出全民醫療保障，要政府增加承擔。現實是政府早已債台高築，原有承擔也應減少，何來能力作新的承擔？難道真可以長借長有，不會有後遺症？
其實，日本自九十年代卻已開始量寬，希望透過政府增加開支來帶動經濟，但效果不彰，反令日本經濟長期沒法復甦。美國的有識之士很擔心美國會落入日本一樣的困局，可惜民意都只顧眼前，而現有的政制卻鼓勵政客順從民意。代議政制的原意是選有識之士為民代議公共事務，但選舉制度卻令政客傾向遷就民意。結果可能是要全民共嘗苦果後，才願意對現有的選舉制度進行檢討。
Next Page