📖 ZKIZ Archives

功夫講堂：應肚即飛

1 : GS(14)@2012-07-24 12:41:23

http://www.sharpdaily.hk/article/sup/20120724/114647
在搏鬥過程中，總會拳來腳往，不可能只有你打人而不被人打，所以要求身體有一定的抗打能力才是現實和積極的練法。
有抗打能力的定義並非要去到「金鐘罩刀槍不入」的極端，硬氣功護體是可行，但非良策，試問在戰鬥中如何能閉住一口氣任打唔嬲？又捱得幾耐？二千年時在大陸的一場中泰拳賽中，大陸拳手便不時「運氣」以抗打，護體雖然成功，但卻只有捱打份兒，敗固當然。
偶見有人電視中表演「應肚即飛絕技」，笑到噴飯，更估不到今時今日竟然有人演繹沈殿霞當年在電影《笑太極》中彈開子丹九丈遠的棉花肚神功！「應棍即仆」就合理，我遇高人不少，偏未聽過、亦不信此等「神乎其技」！
天下間最笨的功夫，莫過於叫人打自己而借此演嘢，就當你練成鐵布衫能捱拳打腳踢，充其量也只是個可憐的人肉沙包，再者，此類表演者從來只能限定自己身體上某個部位能承受打擊，更要規定對方如何出招，跟心口碎大石的江湖賣藥伎倆沒兩樣。
有賣藥郎中繼續嘩眾取寵，中國武術就越是深不可測，總之勝在夠神化，越加以神秘色彩作包裝，就越多人追捧。我看到的畫面，與百幾年前義和拳在慈禧面前表演神功護體簡直異曲同工。

歐錦棠
逢星期一、二

---

2 : drbull(3010)@2012-07-24 13:15:52

應棍即扑,佢真搞鬼

---

3 : 肥B(18468)@2012-07-24 13:34:10

真係幾好野, 大肚黃除左「應肚即飛」的神功外, 他那唔駛搽「面懵膏」都可以抵受得住眾人指指點點的幾丈厚面皮, 才是佢的獨特資產!

---

4 : GS(14)@2012-07-24 17:37:48

我一直覺得他好好笑

---

5 : GS(14)@2012-07-24 17:41:21



我唔知點講，好低能，勁搞笑

---

6 : drbull(3010)@2012-07-24 18:57:57

股票,企業,太極,三為一體

---

7 : GS(14)@2012-07-24 19:01:28

他唔講董事長好少少，講左就...

---

8 : drbull(3010)@2012-07-24 19:03:25

股壇紅綠燈有限公司都好正點!

---

黃生的應肚即飛 short 左唔見效

1 : GS(14)@2012-08-12 12:22:54

http://hk.apple.nextmedia.com/entertainment/art/20120812/16596146

黃錦康自稱股壇紅綠燈，卻笑言並非點紅點綠。

《頭盔男飛唔起》頭盔男向黃錦康肚皮出拳，可是卻沒有應肚即飛。

肥師弟出直拳打向黃錦康（右）肚皮，示範應肚即飛。

《肥師弟出力飛》黃錦康強調丹田氣在肚皮發功，即把肥師弟彈走。

黃錦康斥資500萬打造的洗腦式廣告，相信人人都欣賞過應肚即飛奇招。

黃錦康和前港姐袁嘉敏曾合作拍廣告（圖），令現任黃太呷醋。

由菲傭升呢變黃太的 Amy，全程為老公貼心打點，既抹汗又梳頭。
有備而來
記者為見識黃錦康的絕招，前日力邀他親臨本報籃球場即席示範，黃錦康不但帶同重磅師弟 Jack同行，還有菲籍太太 Amy和女助手 Ivy，更自備軟墊、木櫈和木板作道具。黃錦康甫到場即換上黃色唐裝戰衣，肥師弟醒目鋪軟墊擺陣，兩人準備在鏡頭前重演應肚即飛，肥師弟照黃錦康指示直拳打向他的肚皮，隨即被彈開飛墮軟墊上。
黃錦康緊接又示範運氣到右手手指，插爆由師弟伸直雙手拿着的木板，他們一再強調木板邊緣印上驗證紅印，力證並非「道具」。玩得興起，黃錦康改為坐到圓櫈上，僅用腳尖支撐下身，然後由師弟從側面作勢出力狠狠一推，不過失重心的又是肥師弟，再次向後彈四腳朝天。
黃錦康「廣告」的奇技着實太令人難以置信，為了測試他的真功夫，記者即場邀請了戴了頭盔作保護的男同事「頭盔男」向黃錦康出拳挑機，不過，眼前所見，頭盔男並未如肥師弟應勢向後倒，反而頑石般站穩在黃錦康面前，黃錦康邊用手隔開邊解畫說：「佢打落我度手唔夠直，手臂一彎卸晒啲力，所以彈唔起。」
屢試屢敗
頭盔男屢試屢敗，轉向挑戰爆板絕技，當黃錦康與肥師弟拿板示範時，頭盔男亦拿黃錦康帶來的木板在旁有樣學樣，頭盔男輕輕一劈即把木板一開二，黃錦康非常意外，他檢視爆板的裂痕後回應：「佢爆板係順直紋裂開，我嘅係呈 S形，爆炸力勁好多。」黃錦康事後再補充指懷疑木板是曾做手腳用作表演的「道具」，不過木板統統由黃錦康帶來，他續說：「可能噚日去買時，有人畀錯咗過嘅，我哋唔知混咗入去。」
黃錦康為顯示丹田氣功勁力無比，曾在無綫節目《千奇百趣省港澳》中示範隔山打牛，由師弟作人鏈陣，待黃錦康一運氣，人鏈最後一人會被彈走。記者要求男同事作鎖鏈陣測試，黃錦康說：「佢哋唔係我嘅師兄弟，唔識配合。」最後由肥師弟作頭關捉緊黃錦康，頭盔男排第二，第三關由另一男同事加入一推，肥師弟隨即倒下，未能順利表演隔山打牛。繼續要求測試黃錦康網上示範過的驚人動作，他會用太太作擋葥牌婉拒說：「太太話太危險，佢唔准我再做。」
氣功強身
黃錦康曾是美聯集團副主席，現任職的公司專為上巿公司做顧問，黃錦康表示有見妻兒受癌魔折騰，他學太極練氣功希望減輕他們的病痛，無奈妻兒病逝，他發現太極可練出一股丹田氣，全身走勻強勁無比，特別自創了應肚即飛，希望宣揚太極，並把它列入奧運項目。應肚即飛近月來鋪天蓋地的廣告攻勢花費不少，黃錦康透露：「單係電視宣傳同港鐵燈箱，大約使咗500萬，我覺得可推介呢項國粹，非常值得。」
頭盔男破解黃錦康的應肚即飛，可擔心被指造假？他說：「有啲人好陰濕，同樣係太極師門，但佢哋特登用咗第二啲勁力，同我嘅相反，於是就冇呢個效果，其實丹田勁力為咗安全計，唔可以真使出嚟同外人鬥，必要有師傅監督住，況且我宣揚太極唔係鼓吹人哋打交，主要希望大家學咗可以強身健體，好似我咁 keep住練，白髮變黑髮，腦筋都靈活啲。」

黃錦康指運氣到手指插爆板，全程手指伸直。

黃錦康看到頭盔男爆板為之一呆。
解碼：頭盔男一篤爆板
頭盔男為求證應肚即飛神奇功夫，卻屢遭黃錦康以勁力不對為由，點到即止，以致未能達成黃錦康跟師兄弟們造出的「廣告」效果。頭盔男事後大談跟黃錦康切磋的情況，可有感受到黃錦康的氣場，他說：「咁又冇乜，可能我卸咗佢道力，我同佢對打時，佢都企得好穩，應有武功底。不過，其實我推佢時都只係用咗七、八成力，未發盡全力。」
頭盔男表示黃錦康不時手震且表現緊張，至於黃錦康強調指功劈木板的一招，從未學過空手道的頭盔男卻成功一劈破板，他說：「我都係一嘢篤埋去，估唔到可以爆板。」應肚即飛的勁力孰真孰假，見仁見智。

---

2 : Ar Yan(11362)@2012-08-12 12:37:00

唔好咁快踢爆啦，等大家笑耐的先嘛

見肚即飛，啊...唔係，係應肚即飛

---

3 : wilsonchui(9055)@2012-08-12 12:49:57

中出即飛

---

4 : GS(14)@2012-08-12 12:56:50

3樓提及

---

中出即飛

老細點飛法

---

5 : idsdown(1658)@2012-08-12 13:28:17

佢可以搶某廣告的對白, "送你一對翼"

---

6 : hh0610(1603)@2012-08-12 13:41:07

果d板，只要順紋劈落去，三歲小孩都可能搞定

---

7 : Ar Yan(11362)@2012-08-12 13:43:52

6樓提及

---

果d板，只要順紋劈落去，三歲小孩都可能搞定

有一幕係叫「徒手碎大石」，但個塊好明顯係木板來，正確的講係木板渣來

---

金手指：搞應肚即飛後果

1 : GS(14)@2012-08-15 18:45:41

http://hk.apple.nextmedia.com/financeestate/art/20120814/16602421
見呢排係業績期，會有好多管理層見分析員嘅業績發佈會，我想同大家分享一個故事。好多年前，孫柏文仲係喺股票行做證券分析員，有次去咗個業績發佈會。
當日，嗰間公司喺晏晝食飯時間公佈嘅業績遜預期，咁我就預咗喺收市後嘅發佈會上，同啲行家齊齊打鑊甘個管理層。原因當然係我哋都建議咗「強力買入」，家份業績麻麻，股價晏晝已跌超過五個百份點，如無意外，我哋唔係俾老細照肺，就係俾啲 Sale屎同客抦。
分析員扮問假到暈
到業績發佈會，管理層開波講話，係咁為份業績耍太極，話有啲「一次性」因素，先搞到咁樣。管理層睇落成個太極高手，無知嘅人聽落，真係會落疊。不過我諗，到我哋分析員發問時，你仲唔露底死梗？
到發問時間，負責指揮問問題嘅交通燈公關姐姐，就揀咗個歐資大行分析員問先。佢一揀，我已覺得怪，因為平時一定揀嗰間隻手遮天嘅美資行。但個行家一開口我就知點解。佢用咗個好似好嬲又好似好失望、但又好假嘅語氣，問咗一條完全接受管理層假設嘅問題。
如果你接受管理層嘅假設，唔使問，管理層自然答得完全有理。正正好似個後生仔，一拳打落個阿叔嘅肚，拳頭啱啱感應到個肚，後生仔已即向後飛，簡稱為「應肚即飛」。
不過對於啲有常識嘅人，就會覺得問嗰個、答嗰個同揀邊個問先嗰個，全部都係想呃人。而喺財經金融業中，差不多最令人反感的，就係俾人感覺你想呃人，僅次於人哋覺得你當佢係白痴。
我心諗除非你只係接嗰條問題，之後問嘅人，冇個會留手。結果真係，個個打到佢瞓低，之後嗰日，除問第一條問題嘅嗰間行外，我哋全部都唔畀面咁降級或調低目標價。
故事教訓大家，有冇料喺呢行最終都會浮面。用啲畀人覺得你侮辱人智慧或擺到明假嘅手法，最終只會害到自己。
孫柏文
獨立股評人

---

無懼沽空機構　強勢股應肚即飛

1 : GS(14)@2017-06-10 13:25:42

周三沽空機構大戰過後，周三晚油股急挫，令油股下跌，航空股高開，手機設備股、汽車股及賭股接力。恒指反覆倒升，昨收報26,063點，升88點，為23個月以來首次收高於26,000點，主板成交793億元；H指升38點，報10,649點。恒指扭跌為升，得以重越26,000點，全靠吉利（175）同賭股爆上推動。吉利昨日除息愈升愈有，全日急飆9.4%，報15.14元。銀娛（027）升3.3%，報47.45元；金沙（1928）亦升2.7%，報36元。油價急挫半成，拖累中石化（386）跌0.5%，報6.45元；中石油（857）跌0.4%，報5.1元；中海油（883）下滑0.6%，報8.69元。航空股方面，受惠油價下跌、昨日傳第二輪裁員的國泰（293），急升6.3%，至12.54元；國航（753）升1.5%，報7.97元。周三復牌的瑞聲（2018）再漲4%，報96.25元；舜宇（2382）抽升7.8%，報66元；比亞迪電子（285）升6.7%，報16.62元。股王騰訊（700）跌轉升0.2%，報273.4元。



97年主權移交至今，香港前進還是倒退？「蘋果」與你細數廿載風雨。【回歸二十年】專頁：http://hksar20.appledaily.com.hk




來源: http://hk.apple.nextmedia.com/financeestate/art/20170609/20049897

---