中環博客 - 禤中怡 分股何時 2013年10月28日
1 :
GS(14)@2013-10-29 00:56:56http://www.am730.com.hk/column-178446
免費電視牌照風波沒完沒了，政府不斷欠解釋，禤中怡始終相信，牌照是申請，而非競投，理應不存在選擇和數目的問題，就如申請開辦藥房的話，面對大街小巷充斥藥房，政府會否考慮因過度競爭，影響市場秩序而暫停有關申請呢？
至於政府搬出甚麼申請最終決定權在特首手上云云，更加似洗衣店那些「免責條款」一樣，洗壞衣服只賠些少，但是否合理？
未知喜愛參與六合彩的讀者，有否憂慮過中獎無彩派呢？其實，根據香港馬會獎券有限公司的《獎券規例》內，也列出類似條款，按照第二章一般規例「2.12獎券彩票——無效」一項中指：「即使有關注項已納入彩池內，又即使已宣佈派發獎金，營辦者可無需提出任何理由，隨時宣佈任何獎券彩票無效」。
上述條款看似讓馬會享絕對權力，但這條款也不能隨便運用，可知道中巨獎的人士在毫無理由解釋下不獲發獎金，心情會如何？而更重要的是，日後參與該活動的人士心裡會怎樣想？若果沒有信心可獲分派獎金，試問大家還有興趣參與嗎？政府的申請文件設保障自己的條款無可厚非，惟若果真的要動真章，又真的無理由的決定，便要有應付信心危機的準備。
言歸正傳，談談股市。近日見豐臨集團(1152)建議將每股一拆二，再將每手股份數目從4,000股減至2,000股，以上週五收市報3.22元計，即每股拆細後為1.61元，每手2,000股入場費為3,220元，較未拆細前每手4,000股的12,880元低約75%。
這間一上市便發盈警的針織產品生產商正計劃變身為焦煤股，拆細股份或想增加流通量，方便當細價股炒作吧！
不過，見到騰訊(700)在港股的科技股類別中一枝獨秀，相信很多人關注這隻入場費，以上週五收市報426.2元計，每手100股涉逾42,620元的藍籌何時拆細。
但望望標普500指數中的龍頭科技股谷歌(Google)和李超人「走漏眼」的網上旅遊服務商priceline.com Inc股價，均已突破1,000美元，上週五分別收報1,015.2美元和1,070.85美元，似乎市場對大價股熱捧程度有增無減，兼且愈升愈有。由於美國股市可容許一股一股買賣，故價高非壞事，分分鐘減省投資成本。
今年以來，美股有41隻股價經已超越傳統會拆細的125美元水平，惟只有11隻拆細股份而已。
面對科網股你追我逐，例如投資界朋友拋出百度市盈率高，騰訊便更抵，大家關注騰訊會否見500元，甚至見其編號700？或許不拆細股份，只把每手股份拆細，才可將入場費減少。逢週一刊出
政經密碼 - 周顯 阿基諾的家世 2013年10月28日
1 :
GS(14)@2013-10-29 00:57:29http://www.am730.com.hk/column-178452
我對於菲律賓總統阿基諾三世這個人，最有興趣的是他的性取向。他今年53歲，從來沒有結過婚。
據說，他在18歲初戀之後，最少拍過18次拖，在當選了總統之後，也有過不下於6次的緋聞，其中一段最有名的緋聞，是他和一個在內政部工作的律師談戀愛，但她卻公開否認了。也有傳過他和一名南韓女主播的緋聞，但也是沒有證實。他的家人也偶有暗示他的戀情……但這些戀情從來沒有被真正的證實過。
以上的種種蛛絲馬跡，我只能夠得出一個答案，就是這些都是煙幕。而照我的人生經驗去推斷，阿基諾三世有80%以上的可能性，是一個同性戀者。
Aquino是一個西班牙姓氏，因為菲律賓人的文化關係，在西班牙人到來侵略之前，並沒有姓氏，所以是由西班牙人「賜予」他們姓氏的。
其實阿基諾家族的崛起，是由他曾祖父開始的，他作為「阿基諾」，也不是「三世」。其實他是Benigno Aquino III，因為他的父親和祖父，都是叫作「Benigno」。
所以，嚴格來說，把他叫作「阿基諾三世」是錯的，因為他是Benigno III，而不是Aquino III。
一百多年前，Emilio Aguinaldo成立了反西班牙統治和反美國入侵的革命軍，阿基諾三世的曾祖父是Servillano就是其將軍。
Servillano的兒子就是Benigno Aquino Sr.，是日治時期的議會議長，也即是一個「菲奸」，在戰後給抓了坐牢，後來才釋放了。
至於Benigno Aquino Jr.，22歲便加入政壇，是著名的反對派領袖，和當時的總統馬可斯是對頭人，逃到了美國，在美國政府的支持下，馬可斯保證了其人身安全，高調返回菲律賓，結果在機場已給槍手射殺了，這位槍手也馬上遭殺。
馬可斯不守信諾，是明剃美國的眼眉，但他忘記了，菲律賓是美國的附庸國這一個事實。
結果，在由阿基諾夫人科拉桑領導的反政府示威中，國防部長Arturo Enrile和副參謀長拉莫斯倒戈，沒有人去負責武力鎮壓示威群眾，馬可斯只有倒台，逃跑到美國去了。
而後來倒戈的拉莫斯也獲得了他的「報酬」，就是繼科拉桑之後，當上了菲律賓總統。
作者為小說作家、報社主筆、股票投資者，吃喝活樂的專家/逢週一、三、四刊出
[am偵查]公院醫生挺身轟 醫管局如判上判 2013年10月28日
1 :
GS(14)@2013-10-29 01:00:39http://www.am730.com.hk/article-178525
以醫院管理局為龍頭的本港公共醫療系統近年常被形容為「白色超級巨塔」，為人詬病的「山頭主義」更猶如聯網的毒瘤，損害病人的福祉。一批在前線日夜為病人付出心力的公立醫院醫生，對目前的情況已忍無可忍，並感到憤怒，要「踢爆」醫管局的種種不公情況，更有醫生挺身直指政府與醫管局的關係猶如外判商，「判咗出去，就判上判上判都得」。
文：簡淑敏、圖：林振東
今年獲政府撥款約400億元的醫管局，管理7個醫院聯網，包括全港所有公立醫院及醫療機構，但資源分配不均，就連提供藥物、基本手術輪候時間及治療方法，不同的醫院便存在明顯的差異，病人入院接受治療的成效自然受影響。
「自以為控制成本有功」
醫管局雖有中央的藥物名冊，但並非每間醫院均有相同的藥物可提供。有知情人士指，除了港島西聯網外，其餘六大聯網用在藥物方面的資源均有餘額，「總部每年根據人口去批錢俾各聯網，如果照住指引去開藥，啱條件就開咩藥，根本就無可能會有錢剩，咁係因為醫院嘅管理層勒緊褲頭，唔准前線醫生隨便開藥，覺得有錢剩，即係控制成本有功，自己覺得好光榮。」
有任職二線醫院、不願公開姓名的心臟科醫生承認，此情況確實存在，有部分心臟科、療效較好的藥物，如抗凝血藥等，需要病人自費，或建議病人自行到社區藥房購買，否則就繼續用傳統藥物。不過，他亦承認，可能因為二線醫院需要這些藥物的病人較少，「喺咩都講成本效益嘅情況下，咪唔入呢啲藥囉！」對此他感到無奈，更有點憤怒：「病人唔應該有唔同等級嘅治療，因為二線醫院、聯網唔同，就有唔同嘅治療藥物咩？」
除了藥物分配不均外，連手術輪候時間亦有高低之分。有離開公立醫院不久的醫生直指，以前各聯網引入新儀器需由中央統籌委員會負責，但其後委員會的職能逐漸被削弱，由各聯網自行決定以巨額購入新儀器；同時亦不惜將大部分手術室時間及人手，投放於提供新技術的手術團隊，不過，就同時犧牲了那批佔大部分、等待接受毋須使用新儀器、最基本非緊急手術的病人的輪候時間，「小腸氣等兩年、割包皮咪等6年囉！」
專注發展新技術忽略基本需要
本身是腸胃肝臟科專科醫生的香港公共醫療醫生協會副會長陳沛然直言，公立醫院確實存在這些情況，部分聯網或醫院專注發展先進科技的手術，以致最基本、最簡單的手術的輪候時間相對延長，幾乎每個專科都有這個現象，例如泌尿科、心臟科、眼科、腸胃科等。
他舉例近年引入的各式內窺鏡與最簡單的照胃鏡服務情況，每個照胃鏡個案只需一名醫生的10至15分鐘功夫，推算一小時可做4至6位病人，一個早上便可服務12至16位病人；不過小腸鏡則需要2名醫生進行，每宗個案需時3小時，「可想而之，服務時間明顯長咗，輪候時間咪一樣延長咗囉！因為呢啲唔係緊急手術嘛！」他更透露，即使明知某聯網有醫院引入了某種新儀器，但其他聯網的醫生申請跨醫院接受培訓亦不獲批准，「只係想跟住學都唔得，咪只可以再批另一嚿錢，派人去外國學囉！」，可見香港的醫療技術頗為「獨食」。
「外判商」監管不了
對於以上種種情況，陳沛然憤慨地表示，醫管局現時的情況猶如外判商，「政府係大判、醫管局係二判、聯網係三判、醫院係四判，仲要再落去部門主管、每個專科，根本就係五、六、七判。政府判咗出去，俾咗錢就咩都唔理，或根本理唔到，完全係監管問題。」
為更深入瞭解目前醫療系統的實況，本報曾向醫管局查詢各聯網過去3年的藥物撥款金額及盈餘及多種非緊急手術的輪候時間與服務宗數，結果醫管局只回覆，過去3年的用藥總開支，並強調醫管局藥物名冊涵蓋逾1,200種藥物，聯網會根據服務發展及運作需要，庫存所需藥物，醫生亦會根據病人的臨床情況，處方合適的藥物。至於非緊急手術的查詢，則只回覆一句「主診醫生亦會根據臨床需要而為病人安排最適當的時間進行手術」。
對於醫管局的回覆，陳沛然直言：「我哋前線都想知」，他亦質疑，「政府大判每年加咁多錢俾二判，究竟錢係點花？二判扣起一啲行政費後，分給7個三判，錢又花咗去邊？點解政府同納稅人無權過問？」
電視一代男 - 鮑偉聰 我的自首and絕唱 2013年11月28日
1 :
GS(14)@2013-11-30 13:34:53http://www.am730.com.hk/column-183635
日前看了港台《星期六主場》周旭明的專訪，他說：「其實每個曾在無綫工作的台前幕後人員，包括我，我曾說過，確有一定責任。不管當初是很順從、樂意、雀躍地做，還是無奈、妥協、委曲求存地處理，其實也是其中一分子，我們有份製造這種文化......」我和旭明是同代人，這幾句說話也是我心聲，亦是我們不能迴避的歷史，如果女人一生人總會遇上幾個人渣，編劇也一定曾經寫過幾齣爛劇。
是的，今天來自首，向觀眾謝罪。最近因為工作需要，整理一下創作過的劇集清單，不期然嚇了一跳！What the hell？當年竟然寫過這些戲？真是不敢抬起頭，多得互聯網，從入行時到近年的工作，通通有紀錄，我望著電腦屏幕，令我陌生的名字叫《Q表姐》。
這部劇集是屬於亞洲電視作品，沒錯，當年曾經効力周梁淑怡領導的亞視，我們新人跟隨前輩跳槽，劇集創作風格仿效無綫風格，主打喜劇小品，而《Q表姐》正是其中之一。此劇女主角是何美婷，相信很多人也遺忘了她，其實她是健美小姐出身，外表清純，形象乾淨，像剛出道時的鍾嘉欣，當然，如果用今天的審美標準，她是豐滿版。關於這齣劇集的內容，我已失憶，但肯定不是甚麼佳作，因為沒有捧紅了何美婷，後來她移民結婚，離開了娛樂圈，跟劇集一齊湮沒在過去之中。
後來回到無綫，升任編審，亦有滄海遺「蜆」。那時侯，頗沉迷美劇《X檔案》，追看Agent Mulder和Scully每集處理的案件，不能自拔，於是鬼迷心竅下，起了仿效之心，那就是由羅嘉良和張可頤擔綱的《迷離檔案》。相信他們兩位都忘記了曾經演出此劇，或者不願提起，今天重溫，實在有太多抄襲和模仿，雖然我們已經盡力避免，去創作不同的奇幻案件，但斧鑿痕跡太多，製作方面亦未如理想，白白浪費兩位出色演員，十分抱歉。
算來算去，還有一部《命轉情真》，主角是梅小惠、陳妙瑛、張達明，大橋是說兩個心地至善和至惡女人，掉換了外表的故事。回想起來，我頗喜歡此劇探討人外表和內心的主旨，奈何我眼高手低，想輕鬆惹笑，又想言之有物，結果差強人意，現在沒多少人記得這齣劇。猶記得那年是我事業低潮，多得監製梅小青願意合作，處處包容，雖然表現未盡如人意，但那段日子，無形中都給予我時間恢復回氣，為下一站處境喜劇《皆大歡喜》準備，人生起落，便是如此，高高低低，不是當時人能料到。
還有，不能不提，在無綫最後一部八十集長劇《珠光寶氣》，我負責原創意念和故事，及賣橋給高層，還包括洽談鑽石和遊艇贊助商，我對此劇期望很高，設計之格局亦頗大，可是執行起來，卻未如理想。首先，拍檔周旭明原來是想創作一個人吃人的故事(即是後來的《天與地》原型)，可惜賣橋不成功，後來加入我，變成了《珠光寶氣》三個姊妹恩怨的故事，未必是他口味，但一切就位下，時間有限，劇本就不能遲，他的另類風格可能未能發揮，相互遷就配合下，反而不美，致令前四十集和後四十集風格不統一，這是事實，責無旁貸。
有時候，我會想，如果一切重來，會怎樣？但人生怎會有如果？《珠光寶氣》的戲碼和卡士，亦已經成為絕唱。
青春殘酷物語 - 郭子健 當下 2013年11月28日
1 :
GS(14)@2013-11-30 13:40:35http://www.am730.com.hk/column-183602
活著就是痛苦，只要還有一口氣，就無法離開痛苦，失敗固然痛不欲生，就算成功了，亦很怕失去，會更痛苦，快樂過後會失落，熱鬧過後會寂寞，愛過後會被背叛，珍惜過會被遺棄，美麗過會變醜陋，甜美過會變腐臭，這是兩元對立，是定律，但我們想留住，把美好的留住在腦裡，變成回憶。除了回憶，還把現在的失落寄望將來，現在失去的，希望以後會再找回，現在沒有的，希望以後會得到，這讓我們還有期待。
然而我們終將還要回到現實，時間過去了，隨著記憶開始退色，失去的永遠也無法追回，隨著年紀開始長大，發現未來可實現夢想的機會愈來愈少，一切都是毒品，愛情是毒品，快樂是毒品，回憶，幻想，能帶來甜美感受的，想貪戀地一再追慕的，就是上癮，是上了毒品的癮，當毒癮的興奮過後，身心的煎熬有如被萬隻螞蟻在體內爬行，是隔膚之癢，永遠搔之不著，就是額上流一滴汗也會令你全身發抖，就算想睡，想一死了之，也擺脫不了這些比切膚還痛的感受。
我們天生有超越時空的能力，能活在過去，能活在未來，但……從來沒有活於現在！現在是甚麼，現在的我，在呼吸，在活著，現在的我甚麼也沒有，就只站著，存在著，但其實，只要我從過去和未來間醒過來，承認著我是一個活於現在的人，承認其實我甚麼都沒有，甚麼都不需要，我們需要的不是輕狂虛浮的愛情，我們需要的是超越關係的真愛，真愛沒有得到和失去之分，真愛是無止盡的付出。我們不需要朝夕成敗的快樂，我們需要的是喜悅，喜悅是欣賞美好的事物，喜悅是無限的創造，喜悅是不需要回報。抓緊著現在所有的，活著才有力量，才沒有那麼痛苦！
郭子健~《打擋台》、《西遊．降魔篇》及《救火英雄》導演，曾奪《香港電影金像獎》新晉導演獎。
搞亂檔灘 - 鄒凱光 垃圾中尋瑰寶 2013年11月28日
1 :
GS(14)@2013-11-30 13:41:09http://www.am730.com.hk/column-183603
依家先講阿叻，我係咪慢咗一世紀？但無法！因為事發時，我對嗰件事毫無感覺，可能是因為炒作得太熱，令人會卻步不敢走近，但當事情過去了，我先醒起我其實係識阿叻，早於97年的時候，我同佢已經有電影合作，不過都只係嗰次，而更醒起原來我早個零月係遇到過阿叻……
早前有朋友家人的愛駒出賽，適逢當天是朋友家人的生日，所以一家連同全公司，就在跑馬地馬場設宴搞埋個生日派對，咁當然梗係想拉埋頭馬雙喜臨門啦！我一方面開心被邀請出席，另一方面又有點緊張，因為我的紀錄是逢入場捧朋友的馬出賽，最後馬匹都會贏出，咁當然我知這紀錄總有一天會被打破，但我真係唔想係嗰次囉！
終於到開賽前，我們與朋友一大班人在「烽火台」一起觀賞賽事，差不多到開賽時，我心情極為忐忑，而呢個時候我就碰到手持專業望遠鏡，一身淺色西裝打扮的阿叻：
「你跑馬嘅咩？」
「賀朋友生日兼捧佢隻馬『xx花梨』！」
阿叻一笑，然後以一貫肯定的語氣跟我說：
「有第三都當賀壽啦！」
阿叻講完我口中就「哦！」咗一聲，但心裡面就極其有信心地說了聲「Yes！！」，我那刻好有信心，我的長勝紀錄不會在那一次打破，而最後「xx花梨」亦確實一放到底勝出！我想講嘅唔係阿叻係一盞「明燈」，但唔知點解由細到大，只要係阿叻講嘅嘢，我都會自然相反去諗，而我一直都唔似大家咁憎佢，係因為佢每次只要有發表，我就一定有得益，簡直係良師益友，何來恨意？
其實人家無論講甚麼，講得有多差，只要我們識點去Take，污泥中都有純情，垃圾中都有瑰寶！
2 :
mannishmark(26310)@2013-11-30 14:03:28海南花梨
http://www.hkjc.com/chinese/raci ... rseNo=M378&search=1
3 :
GS(14)@2013-11-30 14:04:56mannishmark在2樓提及
海南花梨
http://www.hkjc.com/chinese/raci ... rseNo=M378&search=1
下次試下加tag?
4 :
mannishmark(26310)@2013-11-30 14:10:12點TAG?
5 :
GS(14)@2013-11-30 14:11:44topic有堆facebok的圖，下低有個空位，你打d keyword入去即可
6 :
mannishmark(26310)@2013-11-30 14:15:52都是唔識..同埋有咩KEYWORD= =
7 :
GS(14)@2013-11-30 14:22:17mannishmark在6樓提及
都是唔識..同埋有咩KEYWORD= =
沒所謂啦，我在圖書館，hehe
8 :
mannishmark(26310)@2013-11-30 14:23:01頂.....次次都係咁...
9 :
GS(14)@2013-11-30 14:24:01mannishmark在8樓提及
頂.....次次都係咁...
有緣會再見的
阮兆祥 我係由唱歌開始㗎 2013年11月28日
1 :
GS(14)@2013-11-30 13:41:45http://www.am730.com.hk/article-183524
或者大家差啲忘記，阮兆祥(祥仔)係參加「新秀」入行，推出過個人大碟，唱片封套係一個低頭彈結他，醉心音樂嘅少男，派台歌之一《我心深處》feature彭羚，MV入面擺出標準失意三七面，靠牆、倚窗、坐地甫士，既憂鬱亦純情，不過……事隔已經25年。問佢，點解拎起支咪唔係做主持或者搞笑，而係正正經經唱歌？佢答：「我嘅演藝事業係由唱歌開始。」明晒！
文：賀路斯 圖：莊振邦
Hair：[email]eddykwong@salon[/email] square
Make-up：Zita Chan
場地：Hong Kong Blues Rock Guitar Shop
兩次夢想落空
自從祥仔宣布12月中將會喺伊館開個人騷，唔少人都詫異佢賣嘅，唔係觀眾較為熟識嘅搞笑技能，而係賣唱，正經唱歌，仲開夠3場，問佢覺唔覺得冒險，佢直認今次簡直係食咗豹子膽，但係為咗紀念自己快將入行30年，既然自己係由唱歌開始，今次理所當然，以唱歌嚟做個小總結。係喎，祥仔出過兩張碟㗎喎。
am=am77 祥仔=阮兆祥
am：1984年失意「新秀」，不過喺「全港十九區業餘歌唱大賽」奪得季軍，攞到香港電台電視部藝員及歌手合約，唔係名正言順做歌手咩？
祥仔：我都以為係，諗住可以唱歌啦，但當時工作量好少，太多空閒時間，我希望自己做主動嘅一個，去表態，去爭取，我就走去自薦由電視部去電台部學嘢，做DJ，做咗幾年，知名度開始高，就有唱片公司問我有冇興趣出碟，梗係好啦！咁就出咗兩隻碟。
am：出過兩隻碟，已經好過好多人，但後來發生咩事而冇唱歌？
祥仔：我做DJ，又係行內人，好清楚一隻成功唱片賣幾多隻，人人都賣緊5萬隻，我賣得5千隻，只係做到人哋十分一嘅銷量，同期係林志穎、吳奇隆，我同佢哋梗係冇得比啦，當時就諗係咪要轉型呢？例如入TVB，有慣性收視，觀眾日日睇住我，就算今日睇我唔順眼，睇10日都會睇慣，就係咁入咗TVB做主持人。
am：聽聞之後又有唱片公司搵你出碟，你仲特登為咗出碟而離開TVB，點解後來冇咗件事？
祥仔：幾次都係咁，好似距離唱歌好遠咩？突然又有機會，當時成個Project有晒Idea，聯絡晒音樂人，開始收歌，但唱片公司高層變動，高層取向唔同咗，冇辦法，唯有擱置。
am：嘩，離開咗TVB，又冇得唱歌，好大打擊啫！
祥仔：唔開心都係短時間，我覺得有問題唔放低係冇意思，要諗出路先啱，我要做主動嘅一個，克服咗就唔會有唔開心嘅回憶。
發掘搞笑天分
正當祥仔躊躇之際，多得電視台劇集監製梅小青搵佢回巢拍《娛樂插班生》，雖然只係配角，但搞笑天分就得到賞識，開始有監製搵祥仔專做丑角，但係唔講唔知，祥仔原本都唔認為自己識扮嘢，亦自覺唔識演喜劇，但事實上，觀眾受落，及後更令祥仔喺綜藝節目大展拳腳，例如近年少有搞笑搞到開騷嘅組合「福祿壽」。
am：起初睇《娛樂插班生》，覺得你演喜劇自然到不得了，反而你自己唔覺得？
祥仔：拍呢套劇之前，我曾經自薦去做體育節目主持，總監覺得我得，俾我做奧運直播，嗰日做完直播，見到粉絲，我問有冇睇我做直播呀？佢哋反應好熱烈話「有呀，有呀，你做得好好笑呀。」點解會好好笑嘅？我先至知我好認真嘅時候，觀眾都係覺得我好好笑。
am：令我諗起Bee Gees嘅《I started a Joke》……想做歌手做唔到，想正經又正經唔到，係咪好氣餒？
祥仔：冇，喜劇唔簡單，例如觀眾睇一個藝人喊，就算睇幾次都唔會話「睇過你喊啦！」但一個笑話你講超過一次，觀眾就會話「講過啦！」要求係較高，其實搞笑有好大學問，我要演好佢。
am：2007年你戲路上有好大轉變，就係《溏心風暴》入面嘅奸角舅父波，仲攞埋當年最佳男配角獎，點解會有咁大改變？
祥仔：《溏》係偶然嘅機會，係頂替黎耀祥做呢個角色，當日監製問我有冇興趣，套劇個個都係老戲骨，有夏雨、李司棋、關菊英喎，我梗係有興趣啦，監製亦俾咗好多功課我做，例如邊個場口要注意，要設計一下，套劇出咗嚟好睇，係因為大家合作得好，起到化學作用。
am：台慶你赤住上身，俾人當鼓打到紅晒，犧牲好大喎。
祥仔：個表演係成班人一齊傾，雖然得分幾鐘，但我喺個身度黐咗4個咪，調校埋大細聲要做到效果，我堅持要嚟真，堅打，打到啪啪聲，等觀眾睇到唔係配音，雖然有傳媒話我哋唔知想點，但現場觀眾反應好好，夠娛樂性，有驚喜，咁就足夠。
唱歌死心不息
首次開個人演唱會，祥仔喺上年年尾開始構思，仲自掏荷包，自組班底，孭上最大風險，但冇諗過會輸定贏，因為祥仔喺娛樂圈打滾近卅年，識落圈中好友一大籮，個個一知道佢開騷，紛紛主動支援，撐場做嘉賓不在話下，送歌送詞，令祥仔感到溫暖，深受感動，所以將演唱會主題定命為《一祥朋友》，在佢而言，經已冇輸呢回事。
am：30年後都係返上舞台唱歌，係咪一直對歌手身份念念不忘？
祥仔：我相信殊途同歸，有啲人覺得唱歌嘅，一開始到尾就只係唱歌，我就覺得唱唔到歌就搵第二條路，有機會就再返嚟唱歌，有機會就唱，我唔視唱歌為終身職業，但會視唱歌為終身興趣。
am：你落咗咁多心血，一定搏到盡，搵晒所有朋友嚟玩啦！
祥仔：唔會太多嘉賓，有田蕊妮、陳敏之等等，仲有個神秘嘉賓，7、8個左右，多數係女性，仲會喺台度擺張床，一齊傾下偈，唱下歌，唔會一次過晒冷友情，我希望下年可以搬去大啲嘅場，到時再叫多啲朋友一齊玩。
am：你喺演唱會除咗唱歌，仲會做啲咩？
祥仔：我要挑戰舞台皇者郭富城，要做番歌手本份，會唱，會跳，想唱歌感動到人，亦非常落力排舞，我依家學緊Breaking、Knocking，每日做GYM、跑步收身，我要做人哋未見過我做嘅新嘢，想人哋睇到我嘅進步。
am：你真係唔會喺演唱會入面搞笑？
祥仔：搞笑嗰部分等我啲徒子徒孫——黃子華同張達明做啦！
am：之後會唔會正式以歌手身份再戰樂壇？
祥仔：依家心態係想大家睇一睇，正經唱歌嘅祥仔係點，少少試水溫，我想首先做好演唱會，當大家喜歡祥仔唱歌先至再諗其他嘢，若果都係覺得祥仔麻麻哋，咁我就可能要再裝備自己，希望下次再有機會，再說服各位，祥仔可以係歌手。
後記：
差點忘記，在手機中的音樂清單中，有一首祥仔25年前的作品《In your eyes》，他一聽到前奏，不到兩秒已彈起身，自己的主打歌，怎會忘記？
「聽番自己舊時嘅歌，感覺又愛又恨，恨係當時太幼嫩，冇經驗，有首歌，有詞，就照住唱，唔識把握首歌，唔識搵方法去演繹；愛嘅係，好愛惜當年把聲，呢把聲我唱唔番。」
祥仔當年個人大碟《我心深處》只有黑膠唱片及錄音帶，如今，已成滄海遺珠。
「早前突然收到以前唱片公司老闆電話，佢話大概兩個禮拜後，我以前隻碟就會推出復刻版CD，我可以好好咁收藏。」
祥仔回贈他的一首新歌，訪問前一晚才錄起，這個星期將會派台，一聽，是首慢歌，唱腔改變了，若非早知道是他，必定會脫口問「邊個唱㗎？」
「為咗演唱會，早前接受黃柏高Paco訪問，佢問我準備成點，啲歌齊未？我話差隻慢歌仲揀緊，Paco叫我唔使揀，佢幫我揀，第二日朝早就打電話俾我，問我收到首歌未？我聽咗覺得好聽喎，15分鐘後Paco再打俾我，話呢隻歌唔使我出錢，佢全力幫我製作，搵埋填詞人火火，包喺佢身上，呢啲就係一場朋友，好感動，首歌叫《二把》。」
2 :
GS(14)@2013-11-30 13:43:19http://www.am730.com.hk/article-183532
唱歌唔使愁入行靠行頭
自從香港減少公開及大型嘅歌唱比賽之後，
睇落好似少咗個門路，
其實入行方法反而多咗，不過問題係唱片公司捧新人，
係一項巨大投資，宣傳一向係最大開支，
拍MV又可能要請Models或者Dancers，加上市場萎縮，
賣碟真係未必番到本，
不過，若然歌手有啲家底去幫補一下，
就好大機會成事，呢度大把例子。
文：77合作社
亞太區 林峯~外間一直有傳林峯爸爸有「廈門李嘉誠」之稱，入行係靠人事關係，不過佢喺電視台都做過侍應、士兵呢啲閒角，只係過程超短，好快就拍住吳啟華、古天樂做第二男主角，冇幾耐就坐正一線，2007年正式簽約英皇娛樂成為歌手，最為人津津樂道，當然係取代Eason連奪三屆「亞太區最受歡迎男歌手」，2011年憑《Chok》一曲仲奪得「金曲金獎」添。
粉絲強大 麥浚龍~18歲就出道嘅Juno，由於父親係中建電訊主席麥紹棠，加上短時間內經已有一班粉絲追隨，一直有傳靠父親嘅銀彈策略，聘用職業粉絲、出錢買碟、購買播放歌曲時間及各類宣傳，無論外間有咩揣測，Juno繼續我行我素，堅持理想，及至今年憑自編自導自演嘅電影《殭屍》，終於得到演藝上嘅成果及掌聲。
歌舞動人 吳雨霏~有錢與否，當然視乎同邊個比較，之不過住喺比華利山，讀得國際學校，應該屋企日日有飯開，唔會捱餓，當年Cookies 9個女仔，走下一個，走下幾個，前後11年，今日Kary仲可以站立喺樂壇，除咗靠佢本身嘅歌藝同舞藝，屋企支援相信一定唔少得，事關好多成員都為咗搵食，一早轉投其他行業發展。
注定音樂人 王梓軒~父親王英偉係港區全國人大代表，亦係香港藝術發展局主席，背景咁顯赫，王梓軒當然受到悉心栽培，佢6歲就開始學小提琴同鋼琴，亦喺大學修讀現代舞，作曲、編曲、監製及填詞嘅工作早經耳熟能詳，出隻碟可以一手包辦咁滯，返到香港唔獻身音樂事業就嘥啦！
宣傳充足 梁佑嘉~自Abella出道至今，一直有強大宣傳，例如電視廣告，個人特輯主持嘅旅遊節目，邀請台灣歌手柯有倫特意飛嚟香港同佢合唱等。佢仲專程飛去韓國學跳舞，出入有司機接送等各種超然安排，早前就有傳媒指佢其實家底豐厚，入行都係多得喺經營內地房地產富商老竇貼錢支持。
太子女 朱紫嬈~作為太子珠寶鐘錶行執行董事朱繼陶嘅女兒，Khloe當然可以稱為太子女啦，至於佢入行經過就有兩個講法，第一個係家人同金牌經理人Paco係世交，第二個係因為佢唱功不俗獲Paco睇中，不過由於佢家境富裕，令佢曾經表示，記者經常問係咪老竇出錢做宣傳，以致外界甚少留意佢嘅音樂。
唔撈歌手仲有出路
樂壇每年有咁多新人出道，點記得你邊個打邊個，
即使你唱歌有幾好聽，如果因為你恃紅生驕，
或者同負面新聞扯上關係，
又甚至只不過係你公司唔夠budget捧你，
你都未必有得撈！
其實撈唔掂歌手唔代表你唔掂，只可能時不你與，
既然係咁就無謂勉強，
因為唔撈歌手仲有出路！
Oscar 做生煎皇~Oscar喺2004年同古馳組成Bliss出道，可惜事業一直未見起色，合約完咗之後，一米九嘅佢去咗上海做模特兒。期間，佢日日食生煎包都食極唔厭，於是決定將呢種口味帶返香港，同朋友一齊開咗間正宗上海生煎皇，仲搵埋上海師傅教佢整正宗上海口味嘅生煎包。嚟緊佢仲諗住再開分店，其實做下自己鍾意又有興趣嘅嘢，咪仲好。
肥媽 做主持好過唱歌~肥媽(Maria Cordero)把聲夠晒嘹亮，後生時就已經出嚟唱lounge，之後被泰迪羅賓發掘，為電影唱主題曲而為人認識。不過佢唱嘅歌唔係太大路，外形又太有份量，以致《友誼之光》及《Ma Ma I Love You》之後，再冇大熱之作。及後佢開始喺電視台做下主持，由於煮得一手好餸，於是當上烹飪節目主持人，教大家點樣揀靚菜煮好餸。同樣係靠把口，結果做主持仲受歡迎過做歌手！
Alan@E-kids 自強拒做曱甴~E-kids入面大家可能淨係記得Tommy(因為佢聲稱同G-Dragon好熟，同埋經常俾人影到過大海賭錢，所以成日見報)，另一成員Alan自從組合拆夥後，好似唔多想同Tommy扯上關係，早前同另一成員Tim開咗場騷都冇預Tommy。Alan自從冇唱歌之後，去咗教跳舞，都叫做有份收入穩定嘅工作，總好過喺樂壇浮浮沉沉，俾人當係曱甴，就唔好啦。
陳冠希 賣潮服仲好搵~Edison嘅演藝生涯係點，毋須多講，分分鐘你仲熟過我，值得一提嘅係，佢當年一首《香港地》的確曾帶起過一陣rap熱潮。自從淫照事件宣布退出娛樂圈，及後又反口復出，接拍《蝙蝠俠—黑夜之神》，點知得一句對白咁多，引來網民取笑，就知道佢現身幕前已經冇人睇好，唯獨係佢嘅潮牌服飾，好似同佢嘅人氣成反比例咁，佢愈俾人噓，啲衫就愈賣得。
趙梓淇 組織家庭享天倫~趙梓淇Yu(趙頌茹)，當初憑住翻版鄭秀文個朵出道，好快就為人認識，加上模特兒身材，工作量都唔錯，但有傳佢工作態度欠佳，加上男友周永恆多次出事(涉嫌藏毒、毀壞公物、刑事恐嚇及毆打案等)，以致兩人形象插水！好在佢哋因為宗教信仰嘅改變而慢慢洗底，Yu後來曾做過記者，依家就專心喺屋企湊兩個可愛嘅小朋友。
梁洛施 生仔做少奶~15歲就加入英皇，出碟拍戲拍廣告，曝光率極高，仲做埋葡萄牙影后，點知突然選擇淡出娛樂圈，因為當時佢懷有李澤楷嘅骨肉。雖然最後佢同李澤楷分咗手，不過就一直過住唔使點做，齋湊仔嘅少奶奶生活。直至早前，佢喺張艾嘉執導新作《念念》嘅記者會上出現，並正式宣布復出。
杜麗莎 自己唔唱教人唱~出生自音樂世家嘅杜麗莎，六十年代就已經活躍於樂壇，但喺佢最紅嘅時候，竟毅然為愛情放棄事業，移居美國結婚生女。後來回流、移民再回流返香港，就好少推出新歌，反而一心教人唱歌，天后級嘅林憶蓮同鄭秀文，薛凱琪、傅穎同鄭融都係佢學生。
3 :
GS(14)@2013-11-30 13:43:59http://www.am730.com.hk/article-183556
香港有大把藝人歌、影兩棲，
例如天王劉德華同郭富城，又好似天后鄭秀文同楊千嬅。
不過唔係個個藝人都好似佢哋咁，可以瓣瓣撈得掂，
例如有啲人本身以歌手身份入行，但搵食艱難，
突然間轉去拍戲，有啲人明明係演員出身，
但突然爆紅，咁就走咗去出碟做歌手。
係撈
呢班人原本身份唔係歌手，不過屬於演藝界一員，由於近水樓台，當人氣夠旺，或者等到適當時機，就自動有唱片公司向佢哋招手，而佢哋大多數嘅特徵係靚仔靚女，但歌藝未必特別出色，或者真係禾稈冚珍珠，有把靚聲一直冇機會俾人知。
藝員變歌手 古巨基~1990年加入TVB，參加藝員訓練班做藝員，畢業後主要做主持同喺劇集做二打六，較令人深刻有《娛樂新聞眼》，經常訪問歌手藝人，不過呢段期間，佢喺圈中結識咗唔少朋友，亦不知不覺透露咗自己唱歌嘅天份，後來終於得到賞識，被唱片公司簽為歌手，加上一堆好歌而紅咗，終於輪到佢俾人訪問番。
新秀轉拍劇 鄭伊健~好多人以為佢係拍檸檬茶廣告入行，錯！佢係參加「新秀歌唱比賽」而簽約TVB，不過幾年間由配角成為小生，九十年代偶像派歌手抬頭，伊健亦喺1991年加盟BMG推出多隻大碟，成為多個品牌代言人，《古惑仔》系列亦爆紅，正當佢事業如日方中，突然發生「奪麵雙琪」，令其人氣一度插水，近年已甚少推出新歌，但每年梗會開演唱會見下樂迷。
玉女掌門 周慧敏~有玉女掌門人之稱嘅Vivian，1985年參加過「新秀歌唱大賽」，不過落選，後來參加香港電台嘅「業餘DJ大賽」正式投入演藝事業，佢開頭係擔任DJ，但清純嘅面孔，溫柔嘅聲線，好快就俾唱片公司睇中簽為歌手，旋即爆紅，後來加盟寶麗金唱片成為力捧女歌手，紅透九十年代初，兜兜轉轉都係做歌手，都唔知當初係TVB走漏眼，定係Vivian突然識唱歌。
模特兒入行 周柏豪~好多人都知周柏豪做歌手前係模特兒，為唔少潮流品牌行騷，不過再準確啲，其實佢應該係錄音室嘅工程師，幫歌手做Demo、唱廣告Background歌之類，加上佢識得彈結他同鋼琴，順理成章成為唱作歌手，雖然聽眾對佢啲歌冇咩大反應，不過就對佢喺社交網上嘅留言反應大好多，例如「水杯論」咁。
永不放棄 鄭俊弘~Fred係一個年輕人追逐夢想嘅完美典範，2001年參加「全球華人新秀歌唱大賽」，獲得「現場最具風采獎」、「突破新秀巨星演繹獎」、「網上完美之聲大獎」兼攞埋亞軍，卻因華星唱片業務改變，Fred成為歌手美夢落空，惟有撈演員，不過今年憑住《星夢傳奇》摘冠之餘，仲得到廣大觀眾認同，事隔12年，應該好快正式以歌手身份見大家。
網民力撐 官恩娜~大溪地靚女Ella最初喺Roadshow當主持，由於佢樣子甜美，性格爽朗，獲唱片公司賞識成為歌手，作品《地平線》亦備受好評，可惜經常捲入是非，令佢事業停滯不前，2009年雖然佢喺《超級巨聲》表現令人刮目相看，但仍未見起色，愛惜佢嘅網民決定喺FB主動成立「力捧官恩娜上位團」，希望佢可以喺樂壇再放異彩。
唔係撈
唱得歌入行，歌藝都有番咁上下，不過呢條路唔易行，首先要有唱片公司簽做歌手，之後要有唔止一首嘅好歌，一下子接唔住個勢，好易俾人遺忘，仲要夠運氣，同期唔可以有太多競爭，形象要夠突出，否則半年錄一次音真係飯都冇得開，所以轉做藝人或者幕後嘅例子都唔少。
搞笑天份高 江欣燕~1985年得18歲青春活潑嘅江欣燕，參加「新秀歌唱大賽」入行，雖然三甲不入，但被華星唱片睇中簽為歌手，早期作品有日文改編歌《夜半驚魂》，亦唱過日劇《偶像媽咪》主題曲及兒歌，可惜未能正式喺樂壇發展，相反觀眾就喜歡佢扮Maria，早年佢同吳積遜結束12年婚姻，因此又多咗見佢參演電視劇。
內地拍劇更紅 李彩樺~Rain以歌手身份加入娛樂圈，推出不下5張唱片，最令人深刻嘅歌相信係「唸口簧」唱嘅《你唔愛我啦》，不過出道時有唔少同佢風格相近嘅女歌手，形象始終唔夠鮮明亦冇突破，一直被界定為妹妹仔，最後亦要轉拍劇集，但反而令人受落，近年更主攻內地市場，比唱歌紅得多。
浪子回頭 鄭中基~唱片公司太子爺，自小受音樂薰陶，天生又有把靚聲，唔做歌手真係嘥，1996年同張學友合唱《左右為難》，令佢成為當時炙手可熱嘅新人，不過接連在飛機上醉酒鬧事，令佢事業同形象大插水，近年暫冇新歌推出，不過佢嘅喜劇細胞就令人非常受落，加上結婚生女，一洗壞孩子形象，真係浪子回頭囉。
拍劇翻身 蕭正楠~拍優之良品廣告被人發掘成為歌手，同期力壓有強大實力支持嘅麥浚龍，獲得「男新人金獎」，點知衰多口講咗句「邪不能勝正」，結果被樂壇全面封殺，搞到避走內地，2008年回港專心拍劇，幾年間得到多個演藝獎項，今年終於走到一線位置，仲被視為視帝大熱之一，之前受過咁大教訓，希望佢真係學識慎言嘅道理。
重投電視懷抱 陳展鵬~本身係TVB藝員，多數做茄喱啡，1996年得寶麗金唱片公司賞識成為歌手，曾經推出《快快》、《拉拉扯扯》等歌曲，但當時未能兼顧歌手及演員工作，決定同TVB解約，點知唱片公司被收購，連首張個人專輯都未推出就失業，後來加入ATV重新嚟過，2008年再重返TVB，今次乖乖哋拍劇，終獲力捧，真係唔知當日解約係福定係禍。
曾經滄海 羅嘉良~佢都係參加「新秀歌唱大賽」入行，不過加盟咗ATV，為當年大製作《秦始皇》唱主題曲，1987年轉投TVB為長劇《季節》又演又唱主題曲，但都係唔紅，反而九十年代演反派就彈起，從此成一線小生，1998年憑住《天地豪情》推出大碟，仲喺紅館開咗4場演唱會，但始終欠缺承接力，加上同宣萱緋聞不絕，千禧年開始轉戰內地，近年甚少拍港劇。
不是定理 - 何民傑 政治介入幼稚園 2014年04月28日
1 :
GS(14)@2014-06-09 00:14:59http://www.am730.com.hk/column-204460
德寶教育機構在天水圍營辦的德怡中英文幼稚園，因租約到期，在談判期間不及另一辦學團體出價高，業主與英藝幼稚園簽新約，德怡需於8月底遷出停辦。
受影響家長到長江中心和政總抗議，但該舖是由置富產業信託(778)擁有，管理人為新加坡上市的ARA。除仇商情緒外，校方要求政府介入租務爭執，若教育局連幼稚園租務都予干涉，以後幼稚園續租都不用與業主協商，將問題說成地產商欺壓，要政府介入，那以後業主會否為懼怕政治風險而拒絕租舖予幼稚園，使理想舖更難覓？ 107動力召集人、恆生管理學院通識兼任講師
免費早餐 - 徐家健 不著邊際的港鐵擠迫論 2014年05月28日
1 :
GS(14)@2014-06-09 00:16:37http://www.am730.com.hk/column-209130
一國兩制研究中心總裁兼行政會議成員張志剛，最近就自由行發表了一些意見：「很多人最近幾個月爭吵，自由行搞到我們的交通很忙，基本上很多都有一個錯誤判斷，最主要就是現在就業人數，在過去兩年多了十幾萬。多了十幾萬，每個人都要上班，所以上班的人多，我們的交通上亦有很多人堵在地鐵上。」意見出街後，市民反應如何可想而之。之後，張志剛為他幾句「隨口講」說話向公眾致歉，並澄清港鐵擠迫論原意是指自由行非唯一理由。據他指，港鐵擠迫3大原因除就業人口和自由行旅客上升，還有巴士乘客續下跌。但當被問及哪個原因比重最大，張志剛表示手頭上沒有充足資料作出判斷。
以事論事，我認為3大原因都有其理據。然而，「哪個原因比重最大」卻只是「婆仔數」的會計問題。試想你搭港鐵，總站開車時剩下一排凳5個空位。第二個站多了兩個新上班的年輕人上車，第三個站又多了兩個棄巴士改乘港鐵的港人上車，然後一個內地自由行旅客在第四個站上車，一排凳5個位剛好坐滿。輪到第五個站你上車，冇位坐企足全程，你可以怪誰？5個位，平均八成是香港人坐的。但在有位坐與冇位坐之間的邊際(margin)，那個只佔二成座位的自由行客一坐，你便從此企足全程。當然，你會問經濟學者，為甚麼總是如此蠱惑，假如那個自由行旅客最先上車，有位與冇位坐之間的邊際，不就是取決於後來上車的那幾位新上班一族，或轉乘港鐵的港人嗎？為甚麼硬要玩弄數字針對自由行旅客呢？
問得好！「婆仔數」問題，只會得出「婆仔數」答案。四成新增就業人口、四成巴士轉乘港鐵、二成自由行新旅客，都是一堆「不著邊際」的會計數字。要找到解決資源分配的經濟答案，首先要懂得問資源分配的經濟問題何在。經濟學上「平均」與「邊際」兩個概念之分，是後者強調問題究竟是個怎樣的選擇。關於自由行政策，我們要問的政策相關問題(policy-relevant question)是：收緊自由行政策(如開徵入境稅)能否減輕港鐵擠迫問題？我們當然亦不應忽視，收緊自由行又會對香港經濟造成甚麼衝擊？至於張志剛提出港鐵擠迫的其餘兩大原因，其政策相關問題是否唔俾港人返工，或迫港人搭巴士就能減輕港鐵擠迫問題？相信只有張議員才有答案。
作者為克林信大學經濟系副教授/香港科技大學經濟系客座副教授
http://www.facebook.com/economics3.0
華懋楊光﹕28億重建港島3商廈
1 :
GS(14)@2014-08-26 10:39:41http://www.mpfinance.com/htm/finance/20140826/news/ea_eab1.htm\r\n\r\n【明報專訊】華懋近年來積極發展綠色建築，上任將近一年的行政總裁楊光，昨日首度接受傳媒訪問，公布將斥逾28億元重建港島區三幢商廈，估計可在未來2至3年內落成。公司亦將為系內項目進行普查，優化提升物業質素，或會研究售出非核心物業。\r\n \r\n\r\n王龔跳舞舊址拆卸重建\r\n \r\n楊氏稱，即將重建的商廈為中環華懋中心I期及II期，以及灣仔熙信大廈，總建築面積達64萬方呎。當中位於中環德輔道中的中環華懋中心I期及II期，分別26及28層另加1層地庫，標準樓層面積逾3000方呎，總樓面為8.2萬及約9萬方呎，預計投資額分別為4億及逾5億元，料可於2016年底落成，料適合中型公司全層租用。\r\n \r\n而曾經是王德輝夫婦拍檔跳舞的灣仔熙信大廈，集團計劃年底拆卸，以重建1幢樓高31層的商廈，標準樓層面積逾1.2萬方呎，總樓面31.4萬方呎，預計投資金額達19億元，料可於2017年底落成。雖然近年有指核心區租金已放緩，但楊氏認為，企業選擇物業首重地點，中區商廈未來絕少新供應，公司看好中區商廈前景。他透露，華懋中心I期早前接獲企業全幢預租意向，而II期的4層商舖亦獲銀行洽商預租，不過由於發展需時，故未有接受預租。\r\n \r\n下半年推九龍塘兩豪宅盤\r\n \r\n目前3個商廈重建項目均已獲頒發綠色建築體系的前期認証(LEED) ，而集團新發展多個住宅項目，亦取得BEAM Plus環保認証，包括計畫今年下半年以樓花形式推出的九龍塘延文禮士道項目，而同擬於本年內推出的九龍塘雲門亦以該認証為目標。\r\n \r\n他又指出，由集團主辦的第三屆可持續發展雙年研討會將於10日10日舉行，期望透過探討當前建築環境及保育問題，進一步如何實踐可持續發展。而集團執行董事兼市場部總監龔中心指，公司以香港為根為家，期望做好企業公民的責任。\r\n \r\n楊光期望，由他到任起推出的物業質量將盡量做好，並願意「以利換質」，即減少部分盈利以換取質量，他亦透露將聘請顧問就系內150幢核心物業進行普查，為具潛力物業透過優化以提升質素或轉變發展用途，非核心項目或會出售，期望可於明年完成。\r\n \r\n明報記者 劉詠怡
Next Page