📖 ZKIZ Archives

中環行蠱惑：內地「富豪」瀕爆煲急出貨

1 : GS(14)@2011-07-25 22:02:50

http://hk.apple.nextmedia.com/te ... 104&art_id=15461509
點解「富豪」咁急借錢？原來佢以天價買咗件南區貨返嚟，當日畀咗過千萬細定，就快要畀大定，唔想被殺定更加唔想「露底」，所以急需撲水，劈價沽出九龍件貨套現原因在此。我個經紀爆多句，指大定筆尾數唔係小數目，劈一件半件幫唔到幾多，隨時劈完再劈，否則都幾頭痕。我同經紀講：「呢個世界好多順得人業主，可能有數講呢！」經紀轉數快：「係喎，哈哈哈！」
逢周一刊出
2 : GS(14)@2011-07-25 22:03:54

http://realforum.zkiz.com/thread.php?tid=23109
應該是呢個
3 : 龍生(798)@2011-07-26 19:36:26

多行不義必自斃!!大快人心!!
4 : GS(14)@2011-07-26 22:27:09

有甚麼壞事做過?
5 : 龍生(798)@2011-07-26 22:33:58

炒高我們80後未來的物業!!

罪大當誅!!
6 : GS(14)@2011-07-26 22:35:15

打倒安先生
PermaLink: https://articles.zkiz.com/?id=275535

股東大會蠱惑招

1 : GS(14)@2011-08-23 19:21:49

2011-8-16 HJ
2011-8-23 :
最後，高仁要跟進讀者來信。在「揭露股東大會蠱惑招數」一文中，高仁引用了過去上市公司的例子，關於大股東利用「人頭」員工，務求決議案可以獲得順利通過。港交所（388）已於2009 年1 月1日修訂上市規則，堵塞「數人頭」投票機制的漏洞，AGM 需要按股數方式投票。
......
關於AGM，本文將揭露以舉手方式投票的弊端，大股東可以利用的蠱惑招數，包括安排「人頭」員工出席會議，以及「偷天換日」交換資產等。

對於小股東而言，上市公司的股價升跌起落，基本上是無法控制。他們要參與公司的運作，更加是難過登天，唯一機會是出席股東大會。

若果公司股價長期低迷，小股東可以化悲憤為食量，出席AGM 「擦餐飽」。因為，部分公司會選擇在酒店召開AGM， 並且備有點心、茶點、飲品等供應，以答謝小股東的支持。

雖然AGM 列出之普通決議案，大多數均是例行公事，大股東亦要預先作出安排，把「人頭」員工混入AGM 內，務求每一項議案都「東方不敗」。

股東會劇本與對白

（先旨聲明：以下是小部分上市公司的不良做法，其他大部分上市公司是循規蹈矩。）在AGM 之前，上市公司A 的大股東（身兼公司主席）召集了CFO兼公司秘書、多名員工，為AGM 的情況作出綵排，以編排當日的劇本，並且為各人度身設計對白。

大股東：公司的AGM 將於下星期一舉行，有7 項普通決議案須要表決，我們能否做到十拿九穩呢？

CFO：老闆，我做事，你放心。

由於AGM 的決議案是以舉手「數人頭」（show of hands）方式表決，只要有大多數（50%以上）同意便可通過。我早已安排將股票過戶到各員工戶口，到時只要一唱一和，便可以通過決議案。大家明不明白？

員工：（眾人齊聲回答）明白。

CFO： OK， 這就簡介當日的議程。第一至第四項決議案分別是省覽及採納全年財務報表、重選董事、授權董事會釐定董事酬金、續聘核數師。員工A，到時由你負責，有沒有問題？

員工A：無問題！即管包在我身上，讓我來舉手和議，其他同事則表示贊成。

大股東：好！之後，我會動議第五項決議案，授予董事一般授權以配發不多於20%的股份。

CFO：員工B，輪到你出場表演的時間，到時記得舉手話： 「主席先生， 我很高興對決議案作出和議。」，其他人就跟住舉手贊成。

員工B：係，係。

CFO：接下來，主席會再動議第六項決議案，授予董事購回股份之權力。

員工C：為免其他股東懷疑，這一項等我來出馬，由我負責和議。

CFO：最後，主席會動議第七項決議案，透過加入購回的股份，擴大配發公司股份的一般授權。

員工D：最後一項就讓我粉墨登場啦。

在召開AGM 的當日， 雖然各「人頭」員工僅分別持有數股公司股票，但經過上市公司大股東、CFO的悉心安排下， 「人頭」員工在會場上人多勢眾，會場上「贊成」及「和議」之聲此起彼落。

再者，上市公司A 對提呈的所有決議案，選擇以「數人頭」的方式來表決，即以與會股東人數作準。因此，7 項決議案均能以大比數「人頭」順利獲得通過。

除了上述股東周年大會之外，有時候上市公司亦會召開EGM（Extraordinary GeneralMeeting），就一些特別決議案徵求股東的同意。這些特別決議案包括收購建議、建議供股、股份合併及拆細、削減股本、更改公司章程等，並須由股東大會上最少75%的股東通過。

偷天換日交換資產

大股東與上市公司進行關連交易，大股東須要在EGM 中放棄投票權，公司又要委任獨立財務顧問，就交易向獨立非執行董事提供意見。

俗語有云「受人錢財， 替人消災」，獨立財務顧問收得公司錢，大股東當然可以運用影響力，要求獨立財務顧問撰寫一份對自己有利的意見函件，好讓獨立非執行董事可以向股東推薦交易。

此外，在「數人頭」的投票機制下，大股東只要安排好足夠數目「獨立」的「人頭」，成事機會相當之高。

譬如，大股東覬覦上市公司B 的本港物業資產，建議以非洲「山旮旯」（旮旯意解角落，正音：哥囉，廣東俗音：卡啦）物業，再加一批非上市公司股票來交換，可以被視為「偷天換日」的交換資產交易。

因為，本港物業市場交投暢旺，物業的流轉性極高，所以資產也較為流通（li quid）。

相反，非洲「山旮旯」物業地點偏僻，成交欠奉，加上非上市公司股票根本無法套現，尤如牆紙得物無所用， 兩項資產顯然是不流通（illiquid）。

按持股量計票較可取在EGM 之中，該項特別決案議竟然大比數獲得通過，原因是大股東積極協調「獨立」的「人頭」，務求以舉手勝出。

針對股東大會投票方式的漏洞，高仁建議以按股數投票方式作表決，即是取決於每名投票股東的持股量，而非以「數人頭」方式計票，相信是較為可取的方法。

本欄逢周二刊出
2 : 清風詩人(3217)@2011-08-23 19:27:58

其實我都想問下..D報告入面的vote......條條反對的通常都系一樣%......系米即系都系好假?
3 : 游浪潮(3792)@2011-08-23 19:33:39

一般黎講係代表了某幾個大持份集團或個體的意見

可以看看 493 的內鬥會

但也不能完全反映所有人意見，小投資者一般也很少出席投票呀﹗
4 : GS(14)@2011-08-23 21:39:38

2樓提及
其實我都想問下..D報告入面的vote......條條反對的通常都系一樣%......系米即系都系好假?


幾個大股東去，方向定了，票數又點會唔係一樣?
5 : GS(14)@2011-08-23 21:40:03

小股東最大著數都是去股東會食野
6 : Sunny^_^(11601)@2011-08-23 22:13:00

有D冇咩人買既,如果AGM得1-2個小股東出現就真係...樣衰D所以都要D人頭既
7 : GS(14)@2011-08-23 22:13:32

下次去玩下股東會
8 : 游浪潮(3792)@2011-08-23 23:22:25

邊間公司既股東會在好的酒店舉行？等小弟買返d…提倉…然後年年食一次免費 buffet?smiley
9 : GS(14)@2011-08-24 08:05:02

大藍籌或者垃鴨公司
10 : Sunny^_^(11601)@2011-08-24 08:15:01

我知英皇系未期都係酒店呢.163同296係同一日同一地點.咁就可能耐少少喇.唔使一去到就要走呁
PermaLink: https://articles.zkiz.com/?id=275824

蠱惑驗鈔機放生假人仔

1 : GS(14)@2011-09-14 22:52:13

http://hk.apple.nextmedia.com/te ... 104&art_id=15612014
【本報訊】偽鈔難防，蠱惑驗鈔機更加防不勝防。有市民北上深圳過節，疑在羅湖口岸的找換店，換來三張假一百元人民幣。有本港找換店稱，內地有找換店甚至部份銀行的職員，故意關掉驗鈔機的防偽功能，然後夾雜真假「人仔」，在港客面前經驗鈔機點算，令港客不虞有詐而中招。記者：林社炳、張文傑、馬志剛
2 : Ar Yan(11362)@2011-09-15 09:51:56

1樓提及
http://hk.apple.nextmedia.com/te ... 104&art_id=15612014 【本報訊】偽鈔難防，蠱惑驗鈔機更加防不勝防。有市民北上深圳過節，疑在羅湖口岸的找換店，換來三張假一百元人民幣。有本港找換店稱，內地有找換店甚至部份銀行的職員，故意關掉驗鈔機的防偽功能，然後夾雜真假「人仔」，在港客面前經驗鈔機點算，令港客不虞有詐而中招。記者：林社炳、張文傑、馬志剛


所以，我好怕番大陸

一來我唔識過個度的馬路，二來假野太多
3 : GS(14)@2011-09-15 19:20:49

食野...
PermaLink: https://articles.zkiz.com/?id=275966

中環行蠱惑：「富豪」好易一鋪清袋

1 : GS(14)@2011-09-19 22:57:13

http://hk.apple.nextmedia.com/template/apple/art_main.php?iss_id=20110919&sec_id=4104&art_id=15625390

安晉辰...

細莊上星期同地產代理朋友飯敍，碰啱內地炒樓「富豪」又有動作，我哋嘅話題當然又係圍繞住「富豪」。
話說「富豪」天價買嗰件南區貨，係喺順德人業主嘅幫忙下搵到一間財仔首按貸款兩億半港銀完成咗交易。不過，「富豪」仍然處於財困狀態，所以好快又叫身邊擦鞋仔同律師再次四出搵人做二按。其實金融圈嘅行規，呢類豪宅盤頂多只係做到六成按揭；以呢件貨五億估值計，頂盡可以借三億。家首按已經借咗二億半，「富豪」可以再貸款嘅空間唔多，偏偏佢又想借多億半，結果擦鞋仔同律師們又幫佢搵到幾間財仔夾份借足畀佢。
只可惜「富豪」改唔到壞習慣，收咗 quote又喺度扭扭擰擰。結果，繼之前得罪咗一堆銀行之後，家陣又得罪埋一堆財仔，經紀朋友就好擔心佢隨時爆煲。個市已經好明顯回緊，「富豪」就得罪晒所有「水源」，將來如有需要周轉，好大機會冇人願意出手。以「富豪」手上嘅貨按得咁盡，是旦一件俾人 Call Loan就會嚟個骨牌效應，一鋪清袋。
細莊唔係好明「富豪」點解成日會咁？經紀朋友就同我講，「富豪」好聽身邊擦鞋仔同律師嘅讒言。其實呢班友只係想收多啲佣金，老點「富豪」拖 quote，等佢壓力變大時再說佢借貴錢。講真，細莊對呢啲內地「富豪」並無好感，又睇佢點死。
2 : GS(14)@2011-09-19 22:57:55

http://hk.apple.nextmedia.com/te ... 307&art_id=15544292
一路跟緊
3 : GS(14)@2011-09-19 22:58:16

[realblog]http://realblog.zkiz.com/greatsoup38/26601[/realblog]
4 : 龍生(798)@2011-09-19 23:50:07

呢個人好似都幾厚底, 無咁易死既

但我又幾想睇佢俾人追時個狼狽樣, 真有趣
5 : GS(14)@2011-09-20 07:55:54

咪一哭二鬧三...
PermaLink: https://articles.zkiz.com/?id=275997

中環行蠱惑：大陸做生意　潮唱 Noon K

1 : GS(14)@2011-09-26 20:25:32

http://hk.apple.nextmedia.com/te ... 104&art_id=15647134

...
廠佬張同細莊講，家陣喺大陸做生意，首要係有一個好嘅肝，因為基本上唔飲唔使旨意做到生意。我哋一般港人以為同大陸人飲大陸嘅白酒已經好難頂，但朋友話咁唔算大鑊，如果應酬飯局中有官員或者行業前輩，一般飲酒規格起碼都要「三中全會」，即係啤酒、紅酒同大陸白酒都要飲。

早玩早交人

咁嘅飲法並唔係好多香港人習慣，所以近年越嚟越多港商請大陸女員工做陪客。飲酒飲到要搵女人頂，朋友都覺得好羞家，但家形勢比人強就冇辦法。
廠佬張話佢上星期又見識到新嘢。話說客仔約佢朝早上公司傾嘢，佢心諗咁早唔使點應酬。喺公司傾到 11點左右，個客忽然同佢講要快啲走，唔係遲咗冇酒飲又冇靚女陪！朋友心諗個客係唔係講笑，一朝早點會搞啲咁嘅嘢？點知個客帶咗佢去一間 KTV，現場已經爆滿唱 Noon K嘅客，返工嘅女仔仲多過夜晚……。
PermaLink: https://articles.zkiz.com/?id=276057

中環行蠱惑：女 AO擇偶難　多剩女

1 : GS(14)@2011-10-03 21:47:39

http://hk.apple.nextmedia.com/te ... 104&art_id=15668373

不過，呢堆女官本身好有「主見」，加上讀得書自然靚女極有限。

多以經濟作考慮

另外，男 AO自己亦有條件，自然唔一定屈就，加上萬一女方升職快過自己亦好尷尬，因此可以唔揀女 AO就盡量唔揀；會刻意同 AO同事配對嘅，好多都係以雙方嘅經濟作考慮，十分唔單純！
細莊忍唔住又問，私人機構都有唔少叻人，啲女 AO揀圈外人唔得咩？朋友咁樣回應：「我年薪過百萬的話，我媾女明星啦！」明晒！所以，呢班女 AO只好寄情工作，而一無所用嘅感情，有時就會投射到上司身上囉！
細莊對此有啲唔服氣，朋友話，其實都有例外。年前負責賭博政策女高官屬少有靚女 AO，有唔少前度都係男 AO，包括自認「橋」多嘅處長。佢最終情定有大少之稱嘅圈中靚仔。大少目前已離開政府去咗公營部門，不過增添佬味嘅大少，據說越嚟越受女士歡迎，太太都十分頭痕。
2 : abbychau(1)@2011-10-03 21:58:17

最唔仲意AO d 咁ge 人, 總以為自己見識廣博, 但工作職能一d 都唔關鍵, 其實只係咩都識d 就目中無人。
3 : GS(14)@2011-10-03 22:19:49

咁我認為佢地幾重要，第時有機制定一些整死你的政策啊
4 : abbychau(1)@2011-10-03 22:28:03

重要同關鍵個理念有出入
5 : GS(14)@2011-10-03 22:29:11

都是收料，成個公關，的確唔關鍵
6 : 亞力士(1473)@2011-10-03 22:44:27

2樓提及
最唔仲意AO d 咁ge 人, 總以為自己見識廣博, 但工作職能一d 都唔關鍵, 其實只係咩都識d 就目中無人。


可惜高人工 同可以定你生死
7 : GS(14)@2011-10-03 22:53:08

同可以定你生死

絕
8 : abbychau(1)@2011-10-03 22:53:41

6樓提及
2樓提及
最唔仲意AO d 咁ge 人, 總以為自己見識廣博, 但工作職能一d 都唔關鍵, 其實只係咩都識d 就目中無人。


可惜高人工 同可以定你生死

有權係佢地目中無人ge 另一個原因
9 : 龍生(798)@2011-10-03 22:57:50

人工高唔係問題, 唔同出面世界脫節就好了
10 : wilyty(1376)@2011-10-03 23:10:49

2樓提及
最唔仲意AO d 咁ge 人, 總以為自己見識廣博, 但工作職能一d 都唔關鍵, 其實只係咩都識d 就目中無人。


it's very obvious that AO's are " jack of all trades, master of none".
PermaLink: https://articles.zkiz.com/?id=276156

杜 Sir×青雲奪命習作　蠱惑仔都玩股

1 : GS(14)@2011-10-05 19:15:57

http://hk.apple.nextmedia.com/te ... 379&art_id=15671062

蘋：據聞杜 Sir這戲叫《奪命金》，多少是因為入行 30周年，戲名回應你首部執導電影《碧水寒山奪命金》？

杜：當年拍《復仇》時因為歐洲人很喜歡《放逐》，他們說要投資一部一樣的，叫我盡量不要改變內容風格，但拍到一半我就覺得是不是太多呢？是時候想想我的電影日後該怎樣。《奪命金》本來另有戲名。適逢 08年是我入行 30年，這是不是該在此片中反思呢？電影我拍過很多，商業的也不少，有些是習作，但再下來必須要有個 Solution……意思是有些電影只是習作而已，練習過後，我要弄點甚麼出來？當時我想首先要離開槍戰及動作，我不想再拍槍戰場面──這種非真實世界。而《奪命金》就是我以後決定要做的，它實淨一點，真實一點，但它也讓大家看不到杜琪峯電影的痕迹。我相信這電影未上畫之前，若沒有人知道導演是誰的話，沒有人會猜到導演是杜琪峯！

劉：哈哈哈，是（杜琪峯）的話剪咗啦！

杜：杜琪峯電影，無理由在銀行裏拍這麼多，空間咁細，鏡頭又是靜止的。電影其實是一種轉化來的。

蘋：你意思是要拋下一切，再尋找一點新意思？

杜：未必要拋下固有想法，但必須有新的想法。

蘋：青雲有沒有覺得這次很不同？

劉：我在首映看了 15分鐘，都沒辦法相信這是杜琪峯拍的。這個好難！你要放下固有想法，好難！開首阿詩（何韻詩）的戲，連軌都沒有用，好神奇！直至看到我自己出場，我才相信這可能是阿杜拍的。若是從前，好多都剪走了。相反，他就是不剪，讓你看到這個人在那個空間裏面。
賭博城市

蘋：杜 Sir為甚麼找青雲演蠱惑仔？

杜：我想要找一個人鎮得住整部戲。劇本這樣寫，演員本身好重要，因為好「責界」，如果大家鬥誇張就死得！我只是要一個性格，若不找一個有份量的演員，不行！其他演員都較新，得花時間在其他演員身上。而青雲是個很實淨的演員，我便找他壓陣。這次，我想寫連蠱惑仔都去玩股票，黑社會都不務正業時，還有誰會正經做事？

蘋：青雲，杜 Sir怎向你解釋這戲這角色？

劉：他會講劇情，但更多是他怎看這世界，他的經濟理念等，反而不是主力去講故事。他意思是好多人去投資，但又不知自己買了些甚麼。我的看法是，整個世界都如此，你無得揀！你必須在投資世界去做一些抉擇。

蘋：我看了電影，覺得它社會性好強，電影十分憤怒，杜 Sir是有話想說吧！

杜：（笑）問題也不只是發生在這次金融海嘯上。香港一直被說是櫃員機，任意被人提款。我們是重要金融城市，但香港人適應這種遊戲，適應得好慘，到了某個時刻，已忘記了我們原本是誰。戲名英文叫《 Life Without Principle》，我看到兩個問題，一是我們原本是貪婪的，二是政府在樓價上、港元掛鈎問題上，令這城市變得充滿賭博性。但為何沒有人 Alert（提警示）？是否要待它爆了，再回到 03年的痛苦？每個人原本都堅守到，但最後都淪陷！就算黑社會這個協調人物（劉飾的阿豹），好好哋做黑社會咪算囉，做乜要搞上股票？他買的方法就是「莊定閒」，好像去麻雀館，根本市民就是當股票是麻雀館，而忘了股票本來的意義──在好的股票上增值，到需要時取出來用，這本意是好的。
香港有兩個炸彈

蘋：電影談的又不只是股票。

杜：另一個是樓價。地產商不斷谷樓價，它原本是 50年後才到這個水位的，你要十年內到，係咪想佢快啲死？問題是好多人追唔到樓價，那政府是不是該多建點公屋、居屋？當大家追不上，就會驚，當一個人無信心時就會亂來，例如戲中胡杏兒（瘋狂想着買樓）。點解咁多人罵政府呢？總離不開跟經濟，香港人好少人鬧政府服務的，講廉潔，港府稱霸全球，但那兩個問題它就是搞不好！你怎可以容許地產商一路迫下去，他們已經好有錢，十世都使唔晒，但他們今天買塊地，翌日就賺錢了！政府說六大支柱，講出來無得頂，但有無做過先？靠晒地產，我們沒辦法不被它拖着走。如果建立醫療、檢測與認證，很好，大陸人來港產子，為何不好？好！多建醫院囉！這就證明香港醫生一流，一旦這些產業發展起來，那兩個炸彈（地產/金融）才不會越拖越大。如今我們被「染色」了，那還有甚麼 Principle（原則）可言？

蘋：你指的 Principle是指人性守不住原則？

杜：戲內有兩種 Principle，一是個人原則，二是指你的「本金」。戲中蘇杏璇兩者都守不住，就是因為這體系。

蘋：杜 Sir找青雲談時，是否都會談這些？青雲又是否如杜 Sir一樣咁社會性？

劉：他會談，但不是一次過談這麼多囉，哈哈。我這人沒這麼社會性，看世界也沒有這麼清晰，某程度上我是阿豹（戲中角色），看事物單純一點。我看，這世界無論如何也不會有甚麼大改變，若有一天這世界不再屈你去投資，那一定是出現了一些事情。
電影最大的影響力

蘋：很巧合，青雲你近期的兩部電影，《奪命金》與《竊聽風雲 2》都談股票，也很有社會訊息……

杜：其實當你讀報，不同文章都在罵香港金融市場變成了賭場。當人人都在講，這一定是個問題了。例如當年電影拍《橫財三千萬》，社會上的氣氛，就是人人都在幻想這些東西。

蘋：杜 Sir，我讀到你在另一訪問中，談到未來一段時間作品會走向「文學性」一點？

杜：七、八年前，我在思考電影最大的影響力是怎樣。我思考的是留下來的電影，一直有人看的是甚麼電影，答案是文學性的作品比較多，它們比較容易成為經典。作為一個導演，就是要邁向這歷程，你不會追求科技或票房。《奪命金》算是習作裏面，較成熟一點的作品，談真實社會的感受，非 Dramatic（戲劇性）的東西，在正常生活裏面找到一點值得感動的地方。

蘋：投資幾千萬去拍一個嶄新的東西，可感覺冒險？

杜：我跟老闆說，你畀我拍，就不要管我拍甚麼。這部戲是商業還是非商業片？我會說它不是純商業。但我的習作，蝕錢的機會好低，雖然這一套我還未知。隨着成本一直上升時，當然會出現很多問題，但這不是我最考慮的，我關心的是有人畀機會我去拍，我就去拍好它。但大家要清楚講明，大家要些甚麼。

蘋：青雲，這部戲拍了兩年半，算長吧？

劉：算呀，我沒有這個經驗，現下總算有了。一般我拍的戲兩三個月。杜生的戲，最長《十萬火急》時拍過九個月。

杜：不，那拍了六個月吧。《暗戰》也拍得比較久。

蘋：這齣戲為何拍得較長時間？

杜：中間我未諗到囉。

蘋：會不會覺得當時開拍是想回應金融風暴，現在放得久了一點？

杜：金融風暴未完的。我預計最差的情況在 2013甚至 15年，因為它還未爆落去嘛。現在透支了這麼多錢，而美國每年赤字咁犀利，錢從何來？你以為印銀紙能解決問題嗎？如果能，國民黨時代就不用人人托住麻包袋的銀紙去買嘢啦。而美國的失業率還未見底，歐債危機又未解決。叫希臘去還錢？這輩子都還不清。美國欠債十幾萬億，怎翻身呢？除非打仗啦，可以洗牌再來。我看現下要迷失十年左右囉，日本迷失了二十年。仲未有耐。
2 : GS(14)@2011-10-05 19:16:14

http://columns.etnet.com.hk/colu ... pecialfeatures/6544
老馬有火 杜琪峯
3 : 龍生(798)@2011-10-05 23:38:06

睇完先評論

好似就黎有得睇
PermaLink: https://articles.zkiz.com/?id=276181

中環行蠱惑：做咗官要暫停「課外活動」

1 : GS(14)@2011-10-24 23:29:59

http://hk.apple.nextmedia.com/te ... 104&art_id=15733461

香港近年流行潮語，一般都係經年輕人創作繼而喺互聯網上流傳變到街知巷聞。上星期至爆潮語肯定非胡應湘一句「課外活動」莫屬。細莊認為，胡應湘固然係想指出，呢個喺「上流」嘅風流。例如早年某某高官嘅風流事係幾咁平常之外，亦暗指出某個上等人政團嘅「活動」習慣。細莊早幾日喺中環同一個揸老細車嘅朋友吹水，就講起呢班上等政客嘅趣聞。

日式三溫暖係「課室」

話說佢哋嘅常規成員，成日都會約埋講生意經同政壇大計，但當中某退休人士同「大佬」玩心頗重，喺會議室傾嘢佢哋根本冇興趣，但有頭有面又唔可以四圍去，所以多數會約埋一齊去出吓骨火，地點就係銅鑼灣一間只招呼達官貴人嘅日式三溫暖。
細莊問朋友佢哋仲有乜趣聞？朋友就話做司機最多咪同其他司機喺樓下等嘅時候八卦吹水，內容不外乎佢哋買緊乜股票同近來又去邊間「二廠」飲湯之類。但朋友話喺退休人士真正退休前（落選前），呢班政治盟友開始前後腳走，而唔係好似以前咁一齊走，唔知係咪因為退休人士年紀越嚟越大，反應越嚟越慢，大家決定唔再花時間等咪各有各走囉！
朋友因為老細用車而趕住走，但開車前就同細莊講某人做官後，呢一「項」課外話動就暫停，至於有冇第二啲課外活動「項目」就要等機會再講。
逢周一刊出
PermaLink: https://articles.zkiz.com/?id=276373

蠱惑賊奇技偷酒

1 : GS(14)@2011-10-26 00:05:10

http://hk.apple.nextmedia.com/te ... 335&art_id=15735772
江蘇省蘇州市一間超級市場，近日發現放在貨架上的高級白酒， 10日內竟有五瓶無故變成空樽，包裝卻是完好無缺。超市職員看得儍眼，派人調查，發現一名中年男子在中午非繁忙時間將白酒搬到角落，不一會拿回來、放回原處（圖），而他的手上卻多了一個杯，超市職員發現他的杯子裏，剛好裝了一瓶白酒，即時將他截住。
超市職員在搜查他手提袋，發現他除偷走白酒，手提袋內還有烤雞、包裝食物。不過，超市未有透露男子以甚麼手法將酒倒出來。
2 : idsdown(1658)@2011-10-26 00:26:58

融空取酒?
3 : GS(14)@2011-10-26 21:55:46

有無想過第二種用途?
PermaLink: https://articles.zkiz.com/?id=276388

中環行蠱惑：放蛇警呃嫖妓費差價

1 : GS(14)@2011-10-31 21:03:26

http://hk.apple.nextmedia.com/te ... 104&art_id=15756100

哈囉喂係中環全年最好玩嘅日子，細莊當然唔錯過癲番晚嘅機會。由於人多，現場自然有唔少警察維持秩序，細莊因此撞番幾年冇見嘅警察同學。細莊記得同學之前喺油尖旺出「 Y屎」（即負責黃、賭、毒 Vice Establishment嘅俗稱），自然問佢所見所聞。

覺得好折墮　快快調環頭

唔問由自可，一問之下朋友道出一個令人髮指嘅故事。話說出「 Y屎」其中一瓣最主要工作就係掃黃。基於所謂平衡地下秩序同埋區議員都唔敢點投訴嘅集團式經營黃色事業，「一樓一」啲姐仔因此成為主要打擊對象。由於法例要證明姐仔有提供性服務同有收錢，嫖客一般又唔會願意做證人，所以警察多數會以「放蛇」方式蒐證。
警隊對放蛇警員內部指引容許警員作「有限度」嘅身體接觸，不過為求一定入罪，放蛇警一般都會同姐仔「肉帛相見」兼被觸摸敏感部位先表露身份。當然，好多長期出「 Y屎」嘅有牌爛仔睇準姐仔唔敢得罪警察而「一氣呵成」接受全套服務，同袍間更以此作為玩新仔遊戲。
朋友最睇唔過眼嘅係慣性呃錢嘅問題。嫖妓費用處處不同，但口供紙上永遠係 500同 1,000蚊嘅倍數。理由好簡單，佢哋放蛇時會抄低銀紙號碼，拘捕之後就收番啲錢做證物，姐仔去到差館根本唔敢講找過錢俾放蛇警。就係咁，又袋袋平安囉！
朋友覺得做呢瓣真係好折墮，所以好快就申請調環頭。細莊就覺得 ICAC應該主動睇番法庭同類案件紀錄，捉一、兩件賤警祭旗，當係幫姐仔呢班弱勢社群啦！
逢周一刊出
2 : Sunny^_^(11601)@2011-10-31 21:42:04

...幾百蚊一次??
3 : GS(14)@2011-10-31 22:32:43

三百幾啦
4 : honey(6546)@2011-10-31 22:37:42

3樓提及
三百幾啦


包唔包小費？
5 : GS(14)@2011-10-31 22:38:10

4樓提及
3樓提及
三百幾啦


包唔包小費？


唔知呢，食盡D應該唔畀啦
6 : 龍生(798)@2011-10-31 22:53:31

真係好慘...
7 : Sunny^_^(11601)@2011-11-01 10:11:28

3樓提及
三百幾啦


有冇咁平呀...咁D女仔都幾慘喎.我之前仲以為成千蚊tim
8 : 亞力士(1473)@2011-11-01 19:25:43

7樓提及
3樓提及
三百幾啦


有冇咁平呀...咁D女仔都幾慘喎.我之前仲以為成千蚊tim


成千蚊食得韓妹
9 : GS(14)@2011-11-01 20:51:59

7樓提及
3樓提及
三百幾啦


有冇咁平呀...咁D女仔都幾慘喎.我之前仲以為成千蚊tim


無話食好野bor
10 : Sunny^_^(11601)@2011-11-01 21:01:12

9樓提及
7樓提及
3樓提及
三百幾啦


有冇咁平呀...咁D女仔都幾慘喎.我之前仲以為成千蚊tim


無話食好野bor


相差好遠嫁??成50都做雞?唔會掛=.=.=.=.=
11 : GS(14)@2011-11-01 21:01:38

30銀都手做啦，上次單野睇到
12 : Sunny^_^(11601)@2011-11-01 21:02:05

11樓提及
30銀都手做啦，上次單野睇到


咁老!!!我先唔要
13 : GS(14)@2011-11-01 21:02:38

人地想食野，要享受咩?
14 : Sunny^_^(11601)@2011-11-01 21:07:26

13樓提及
人地想食野，要享受咩?


...咁我都唔知有咩講喇.不過我會揾個樣令D既雞囉
15 : GS(14)@2011-11-01 21:21:13

咁就幾千啦
16 : Sunny^_^(11601)@2011-11-01 21:27:18

15樓提及
咁就幾千啦


嘩!!!個價差咁多??
17 : GS(14)@2011-11-01 21:38:34

年紀細好貴的，食個飯都幾百啦
18 : honey(6546)@2011-11-01 23:10:57

17樓提及
年紀細好貴的，食個飯都幾百啦


一般草根，好難承擔得黎
19 : 龍生(798)@2011-11-02 03:15:53

sunny....你呢的心態...早在廿年前己有人將其以五言絕詩形容之...

是之謂: 又要二百蚊, 又要李嘉欣...
20 : 亞力士(1473)@2011-11-02 13:32:34

19樓提及
sunny....你呢的心態...早在廿年前己有人將其以五言絕詩形容之...

是之謂: 又要二百蚊, 又要李嘉欣...


早十年版本係 又要二百蚊, 又要林嘉欣
21 : GS(14)@2011-11-02 20:52:41

林嘉欣唔貴啊
22 : 龍生(798)@2011-11-03 00:57:37

今日的版本

又要二百蚊, 又要鐘嘉欣....
23 : GS(14)@2011-11-03 20:21:02

鍾嘉欣，兩舊嫌貴
PermaLink: https://articles.zkiz.com/?id=276418
Next Page
ZKIZ Archives @ 2019