【add】紅人主場：梁詠琪 幸福20年
1 :
GS(14)@2016-08-07 01:48:23Burberry藍色連身短裙藍色軍褸
梁詠琪（GiGi)出道時曾是少男心目中的女神，今天已變為人妻兼人母，今年是她入娛樂圈20周年，過去曾經歷高低起伏，人生的下半段她希望將焦點放在家庭上，希望工作隨心而行，不再需要討好人，做最真實的自己。統籌：林妙萍撰文：顏英儀攝影：周樂恒攝錄：林德雄化妝：Circle Cheung of ndnco.co髮型：Nick Lam of Pi4.com.hk
GiGi去年升呢做人母，有女萬事足，訪問時話題總是離不開愛女Sofia，「囡囡出世後責任感重咗，而家做任何事都會以囡囡嘅福利行先，令我最開心嘅係家庭生活嘅融洽，同囡囡游水已經好開心，知足令我幸福，亦都係呢份幸福令我知足，物質對我嚟講已經冇乜意義。」GiGi現正與丈夫和囡囡身處西班牙，一家三口到巴塞隆拿探祖父母，享受家庭樂。
Paula Ka淡粉紅恤衫Dior黑色釘珠半截裙Jimmy Choo水晶涼鞋
Lanvin金線喱士裙
巡唱慶祝20年
回港後GiGi將要籌備「梁詠琪2016好時辰演唱會」，第一站將於深圳揭幕，香港站因紅館未排到期，要等到明年才舉行，「演唱會主要同歌迷分享入行20年，重溫好多舊歌，會先自彈自唱，仲要減肥，唔會減到好似以前未生咁瘦，有少少肉地會好睇啲。」生女後GiGi甚少離開囡囡，已跟家人傾好湊女安排，「同屋企人傾好晒湊女安排，一個城市最多去3、4日，唔會離開香港太耐。」
■新歌《B面第一首》代表了新階段的開始。
回憶教人回味
GiGi入行20年，最難忘入行時工作排得密麻麻非人生活，「諗番起以前嘅工作量都幾誇張，以前趕完通告嘅日子，拍完通宵戲第二日要飛去台灣錄音，之後又再飛去拍戲，喺飛機上先可以瞓覺，呢啲非人生活只能夠回憶，將來唔會畀自己忙成咁。」下月開演唱會又plug新歌，新歌會以卡式帶面世，復古當時興，「《B面第一首》係代表新階段嘅開始，之前搵Wyman填詞，我同佢講而家人生過咗一半，好多事情嘅睇法都唔同，好想寫一首歌講吓而家嘅心情，以前行過嘅路係值得嘅，不過未來係咪可以多啲跟自己嘅心去做嘢，唔需要再討好其他人，或者唔使睇住個市場做音樂，每一步都跟住自己個心去行。」
培養女兒德行
贏在起跑線已out，贏在射精前讓社會議論紛紛，身為港媽的GiGi又是如何安排囡囡的將來？「Sofia已開始上playgroup，屋企全部大人，想佢接觸其他小朋友，學識分享，其實我冇諗得太遠，將來可能返西班牙讀書，呢幾年想佢學呢好中文，學術上唔使太心急，反而我覺得囡囡嘅德行更緊要。」
GiGi在陀Sofia時曾說過想生三個，囡囡下月便歲半，現因巡唱要將追B大計押後，「之前都有諗過等囡囡歲幾就會追第二個，不過下半年要做巡唱，坊間話隔兩年半到三年先生第二個都OK，所以要等下年先考慮追B。」
■令GiGi最開心的是家庭生活融洽。
■GiGi去到巴塞隆拿都與囡囡穿母女裝。
囡囡趣事多籮籮
做母親後GiGi話題離不開囡囡，她更用手機拍下女兒的開心時刻，親手剪輯成短片，「囡囡嘅趣事日日都有，有一日我畀紙巾佢抹嘴，點知佢用嚟抹地，我同佢講唔係用嚟抹地，係用嚟抹嘴嘅，之後佢又用嚟抹嘴，真係畀佢激死！有時佢會發明手語，要估好耐先知佢想講乜，有次佢企喺門前，拉自己嘅手指，原來佢想我開門畀佢，日日同佢玩做動作估戲名，先估到佢想講乜嘢。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160804/19721636
梁詠琪幫奶奶揼骨
1 :
GS(14)@2016-08-13 14:50:24梁詠琪（GiGi）早前與老公和囡囡返回西班牙兩星期探望老爺奶奶等家人，GiGi指機程接近14小時力盡艱辛，昨日她到商台宣傳新歌《B面第一首》時說：「囡囡全程冇瞓，當然我哋都冇得瞓，所有嘢親力親為，24小時對住佢其實好開心，只係攰啲。」GiGi指每年只能與老爺奶奶見面1至2次，未能盡新抱責任：「佢哋望住個孫已經好開心，奶奶平時都辛苦，要照顧老爺同湊孫，我都幫佢揼吓膊頭。」對於好姊妹李心潔榮升人母，GiGi說：「佢不時有傳相畀我睇，佢老公係導演，成日拍片。」採訪、攝影：張俊銘
來源:
http://hk.apple.nextmedia.com/entertainment/art/20160812/19732574
梁詠琪一把年紀盡快生
1 :
GS(14)@2016-09-07 21:46:20梁詠琪（GiGi）昨日在梅夫人婦女會出席百周年歷史圖片展，她表示很喜歡這個充滿浪漫感的英國殖民地色彩地方：「我住半山，每日經過衛城道都諗起《阿飛正傳》，同劉德華行咇嗰幕。」香港的急變可會喘不過氣？她說：「好似皇后碼頭拆都好可惜，歷史建築物值得保留，唔好只向錢看，錢買唔到一啲情懷。」
GiGi早前在台灣開騷，向歌迷表示生育後會再回來唱歌，她解釋：「完咗巡迴計劃生多個，都一把年紀，仔女冇所謂，主要係陪囡囡。」此外，GiGi在Instagram上載了一段老公教囡囡Sofia講英語的片段。採訪：王連連攝影：沈健程
來源:
http://hk.apple.nextmedia.com/entertainment/art/20160907/19762432
甩開媽咪四圍逛梁詠琪囡囡 超市當樂園
1 :
GS(14)@2016-09-13 00:19:17【金鐘 店內亂跑】■Sofia無王管四圍亂跑。DV圖片
梁詠琪（GiGi）去年為西班牙籍老公Sergio誕下愛女Sofia，一眨眼Sofia已經歲半大，GiGi可以放心再投入工作，監製電影又開演唱會，不過忙裏也要偷閒。
GiGi從後睇實
前日下午3時許，GiGi一家三口去金鐘一家超級市場shopping。入到超市，Sergio獨自行開購買日用品，GiGi則抱住Sofia買花，之後人流減少，GiGi便將Sofia放落地自由行。束住兩條孖辮的Sofia，難得有機會四圍走當然開心，對所有事件都覺得好奇，不時行去不同貨架見識，而GiGi一直在身邊貼身保護。當Sergio推住日用品前來會合，Sofia仍不願走，要GiGi邊氹邊抱，才可以順利排隊付錢。一家三口買完所需用品便直接去停車場，Sergio由湊女、摺BB車一腳踢，極有風度讓GiGi先上車休息，真是一位好老公！此外，東亞銀行主席李國寶太太潘金翠前日下午4時多亦於太子大廈行超市，李太穿上一身粉紅色套裝顯得精神奕奕，她推住購物車在超市內先行一圈，之後主攻蔬菜和水果，似乎對牛油果特別感興趣，吃得如此清淡，相信是她的健康之道。
【金鐘 老公湊女】■GiGi老公Sergio右手拎袋，左手抱囡囡，好man。DV圖片
■靚媽梁詠琪昨晚擔任港姐評判，盡顯修長身形。
潘金翠買Chanel
李太不消五分鐘，便到收銀處埋單，店員拿了某牌子的代糖叫李太買，但她研究一會都沒有購買，付款後便由司機拿走食物，而她返回東亞銀行總行。當李太經過Chanel門口時，忍不住入內與店員打招呼，好快又買多一個手袋。採訪、攝影：羅德光、黃曉程、朱志聰
【中環 健康食材】■李國寶太太細心揀選牛油果。DV圖片
【中環 順便買袋】■李國寶太太途經名店，順手買了個手袋。DV圖片
來源:
http://hk.apple.nextmedia.com/entertainment/art/20160912/19767803
梁詠琪新片入圍澳門影展
1 :
GS(14)@2016-11-16 04:54:30梁詠琪（GiGi）、廖子妤（Fish）及余香凝主演、新晉導演徐欣羨執導的電影《骨妹》，入圍下月在澳門舉行的「第一屆澳門國際影展暨頒獎典禮」。對於產後復出首部電影作品能入圍影展，GiGi表示開心之餘，更希望《骨》片能繼續入圍其他地方的影展。GiGi又特意點名稱讚導演徐欣羨，她說：「好難得遇到一個咁誠意嘅劇本，咁有發揮嘅角色，希望大家都同我一樣鍾意《骨妹》。」徐欣羨對於電影入圍感到感恩，她說：「電影會喺澳門呢個我成長嘅地方首映，真係好期待。」撰文：李森
來源:
http://hk.apple.nextmedia.com/entertainment/art/20161115/19833581
【異地戀成功】梁詠琪閃嫁西班牙老公
1 :
GS(14)@2016-11-23 07:53:21異地戀難維持，但圈中亦有不少成功個案，由拍拖到結婚，與另一半手牽手踏入人生另一階段。
梁詠琪
2011年2月完成香港演唱會後到西班牙旅行，認識西班牙籍的Sergio，其間有傳Sergio來港三次拜訪GiGi母親，同年10月閃婚，現育有一女。
小雪
兩度失婚的小雪，去年下嫁細她四年的韓國男友Robin Cheung。本來在韓國生活的Robin，為了小雪離開成長地，搬到澳洲居住及工作。
鍾嘉欣
去年認識無綫集團前主席梁乃鵬的醫生姪仔Jeremy，發展異地戀，拍拖10個月後，今年2月擺酒，8月更榮升媽媽生了囡囡。
石天欣
今年7月公開婚紗相，宣佈與拍拖四年的圈外男友Jacob拉埋天窗。Jacob長居美國，石天欣仍未決定會繼續分隔兩地，還是搬去當地。
來源:
http://hk.apple.nextmedia.com/entertainment/art/20161123/19842338
梁詠琪飛撲回港賀弟結婚
1 :
GS(14)@2016-12-04 17:34:15梁詠琪（GiGi）、張孝全及金燕玲等前晚在中環出席活動，GiGi日前在西安完成巡唱即趕返港出席胞弟婚禮，她說：「人生重要時刻，得一個細佬，因為冇時間去買裙，所以婚宴前一刻至喺網上買。」稍後她會到內地及台灣拍戲，拍攝期長達五個月，每月可定時回港見家人。至於張孝全透露每次來港也會探望居港的堂姐，問到堂姐有否介紹香港女子給他認識？他說：「沒有介紹，我也沒時間去認識。」金燕玲則帶同憑《一念無明》奪得金馬獎最佳女配角的獎座到場，她說：「好大驚喜，部戲拍咗一日，志偉叫我幫手，我收咗封利是，都冇上心，估唔到有提名。」採訪：曹家誠攝影：仇志德
來源:
http://hk.apple.nextmedia.com/entertainment/art/20161204/19854142
Next Page