梁詠琪新加坡親賀準媽媽42歲楊采妮懷孕5個月
1 :
GS(14)@2017-01-05 08:01:09■（左起）楊采妮、李心潔及梁詠琪在新加坡跨年，采妮刻意用枕頭遮肚。互聯網圖片
楊采妮（Charlie）與老公邱韶智於2013年11月2日在新加坡結婚，兩個月前兩人撐枱腳慶祝結婚3周年，事後Charlie還在微博上載與老公享受燭光晚餐的恩愛合照，想不到原來當時她已有身孕3個月，只不過當時還未見肚，所以外界也不察覺。昨日其經理人向記者證實，Charlie確實懷孕5個月，現時乖乖在新加坡待產。好姊妹梁詠琪和李心潔知道這喜訊，趁元旦假期，專程飛到新加坡陪Charlie跨年倒數，之後又晒出用枕頭遮肚的照片，當時粉絲已好奇Charlie是否懷孕？昨日記者向其經理人求證，就得到證實懷孕5個月，至於寶寶是男是女？Charlie則透過經理人表示希望先保留。年屆42歲的Charlie，已屬高齡產婦，所以她和老公特別緊張，即使滿了3個月也不敢對外報喜，直至醫生指胎兒穩定，兩人才跟大家分享這份喜悅。
■楊采妮和邱韶智結婚3年，昨日終於報喜懷孕5個月。資料圖片
■許茹芸作為楊采妮好友，表示與老公會找時間去探對方。資料圖片
姊妹替她開心
梁詠琪昨日被問到好姊妹Charlie有喜一事？她笑說：「今年非常開心能和好姊妹一起跨年，Charlie狀態很好，是個快樂的準媽媽。」至於另一姊妹許茹芸就表示：「當然超替她開心的呀，再度榮升乾媽也是肯定必然的！」還說從知道的那一刻起，就是充滿了興奮，由於韓籍老公Big年底工作比較忙碌，才沒有參加這次跨年之旅，但她稍後會找時間去看Charlie，也會去馬來西亞探望心潔和她的寶貝們。採訪：鍾國仁
來源:
http://hk.apple.nextmedia.com/entertainment/art/20170103/19884440
人品好牌品好 梁詠琪：每年都見到自己打牌
1 :
GS(14)@2017-01-31 03:13:31拜年指定台詞當然係恭喜發財！！！年初二就俾黃翠如實現咗喇！！！翠如BB喺大年初二，趁住假期打麻將大發新年財，佢啱啱擺咗張舉晒V嘅相上Instagram同微博，留咗個tag話「#贏咗都唔知咩事」、「#打第三次麻雀」、「#奇怪先生我軍師」咁究竟係咩事呢？睇一睇，嘩！原來翠如BB食出一鋪十三么呀！呢啲奇牌唔係話食就食，要時來運到先食得一次，年初二就有彩運，唔怪之得要影相賀一賀佢啦。據知翠如BB平時唔打牌，佢一開始以為係大爛牌，好彩有男友蕭正楠喺身邊教佢，先食到呢鋪十三么，仲贏咗$64。講到新年打麻將，仲有呢位靚媽－－梁詠琪（GiGi）！事關GiGi喺02年同劉德華拍咗套賀歲片《嚦咕嚦咕新年財》，之後每年都會俾電視台拎出嚟不斷重播，應節嘛！不過咁，原來GiGi一早已經戒咗打牌，佢啱啱就喺facebook話又見到自己：「每年都見到自己係電視打麻將，其實我戒咗打牌好耐啦！」
來源:
http://hk.apple.nextmedia.com/entertainment/art/20170130/19913064
梁詠琪：骨場幾有Feel
1 :
GS(14)@2017-02-05 10:39:44梁詠琪（GiGi）、廖子妤和余香凝主演電影《骨妹》，早前劇組帶GiGi到真正的骨場影海報，GiGi說：「我之前未嚟過呢類地方，我都會去按摩，但同呢個地方唔同。呢個按摩場較舊，但其實幾有feel，貼近戲中懷舊感覺。」
GiGi表示穿上骨妹制服感覺好特別：「其實我喺戲內冇着過制服，剛才我拎住18號碼牌，都覺得自己仍投入戲中嘅感覺，依然記掛住靈靈。戲內我冇見過靈靈，只有腦海回憶。所以之前喺澳門首映時衝擊好大，好似好多回憶真係發生過。」撰文：非非
來源:
http://hk.apple.nextmedia.com/entertainment/art/20170203/19915949
【add】紅人主場：梁詠琪 一起成長
1 :
GS(14)@2017-02-09 23:44:24Valentino上衣及短裙
育有近兩歲囡囡的梁詠琪(GiGi)絕不是虎媽，但求女兒有快樂童年，比起狂操學業成績，更注重身教，「教佢要多啲講對唔住，我都會成日同佢講。」早前因工作而離家幾日，忽略女兒，GiGi也會報以一聲對不起。的確，在職媽咪不易做，對工作不定時的藝人而言更難，不過多得家庭作強大後盾，才讓GiGi無後顧之憂，盡情拍攝產後首部電影、大膽談同性情誼的《骨妹》。撰文：林嘉慈造型：趙潔恆、林嘉慈攝影：郭賢興化妝：Andy Leung of ndnco髮型：Nick Lam of Pi4.com.hk
TSA換湯不換藥重臨，求學就是求分數的本地教育生態，衍生一言堂訓導性家庭教育。相比起來，梁詠琪與女兒Sofia的相處模式較為平起平坐，「當我要求佢做呢件事嘅時候，我自己都必定要做到呢件事。」小至飯後收拾碗碟、在家遠離手機的習慣，GiGi都一邊教女，一邊反省自己的不足，「我哋唔希望佢睇手機，變咗我返到屋企都唔可以成日望住部手機。」她續說：「要點樣做到身教，呢樣有時自己都會疏忽咗。」
Simone Rocha透視裙
Christian Louboutin高踭鞋
■GiGi盡力抽空陪囡囡成長，兩母女感情要好。
對唔住囡囡
認錯，不一定是子女單方面做，「我哋成日教佢要多啲講對唔住，有啲乜疏忽咗，就即刻同人講對唔住，變咗有時我對住佢都會。」大半年前GiGi向女兒說的一句「對不起」，令她留下深刻印象，「做完嘢過咗幾日先返屋企，幾日冇見佢，返到去佢已經瞓咗覺，佢半夜突然間扎醒咗，我見佢擘大眼，我好掛住佢，咁我就乘機抱起佢，點知佢唔要我抱，要爸爸抱。雖然嗰一刻係佢令到我好傷心，我忍唔住鼻酸，但諗深一層係我要同佢講對唔住，問佢：『離開咗幾日，係咪唔認得我？』講完之後佢又俾番我抱。好得意，有時有結果出咗嚟，會令我諗自己係咪做得唔夠好。」
GiGi落力在工作及家庭中取平衡，去內地、台灣工作寧願辛苦自己速去速回，試過要遠赴歐洲工作，她就順道與西班牙老公計劃一趟家庭旅行，盡可能不想錯過陪女兒成長的時光。
家人撐拍戲
早前去澳門拍攝產後復出的首部電影《骨妹》，是離家較長時間的一次，幸得家人支持，她才勇於挑戰被同性情結所困的角色，「我個角色詩詩嘅痛苦係一路好深愛靈靈呢個女仔，但冇靈靈咁清楚佢哋之間嘅愛意去到乜嘢程度。詩詩同先生去咗台灣生活，佢有種莫名嘅空虛同痛苦一直喺度，佢酗酒，冇辦法投入婚姻。」角色至最後才恍然大悟，知道女性密友視自己為伴侶，惜對方早已離世。為全情投入拍攝爆喊戲，GiGi有幾日逼不得已「自閉」起來，「呢套戲比較沉重啲，好多時就算我唔使拍，都自己喺房度休息、沉澱吓，又唔想將呢啲情緒帶返屋企。好投入嗰時，可能連電話都唔傾，費事佢影響到我，我又影響到佢哋。」
■飾年輕版自己的廖子妤(左)，和余香凝(右)，梁詠琪現都看好能奪金像獎。
■GiGi在新片《骨妹》中飾演情緒低落的酗酒婦人詩詩。
情人節開工
由全職湊女的媽咪，霎時轉換至苦情片演員mode，GiGi覺得有好有壞，「有時有樣嘢你成日做，會磨滑咗，?家新一個自己，生活上去咗另一個層次，再去接一個咁好嘅角色，體會又唔同咗。」最辛苦是一場向老公交代內心鬱結並道別的戲，耗盡體力，「嗰場戲好傷心，睇住一個咁愛你嘅男人，而你冇辦法接受佢，然後委屈咗咁多年，你同佢開口講道別，嗰吓好心痛，諗起如果有一日要同好心愛嘅人道別，因為內心某一啲原因而冇辦法一齊，好慘。」產後復出的GiGi戲接戲，下星期的情人節，也在片場度過，「暫時知道會身在無錫拍電影，可能冇時間慶祝情人節。不過冇關係，今年唔慶祝就留番下年慶祝。」
睇好同片後輩拎金像獎
金像獎前日公佈提名名單，在《骨妹》飾演年輕版梁詠琪的廖子妤入圍最佳女配角，飾靈靈的余香凝則角逐最佳新演員，對於兩位後輩雙雙入圍，GiGi說：「好戥佢哋高興！佢哋喺戲入面嘅演出真係很好很自然，兩個得獎嘅機會好高。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170209/19922118
【add時尚】梁詠琪曉治積漫Montblanc文字行間
1 :
GS(14)@2017-04-05 23:57:05【紐約直擊】UNICEF香港區大使梁詠琪（GiGi）於香港時間昨早在紐約出席Montblanc與UNICEF推出限量系列的展覽和慈善晚宴，同場還有Montblanc代言人、狼人曉治積曼（Hugh Jackman），GiGi表示見到偶像十分興奮，兩人見面時更大談湊女經。採訪：陳蔚渝 攝影：周樂恒
為慶祝Montblanc與聯合國兒童基金會（UNICEF）合作推出限量系列，UNICEF香港區大使梁詠琪應邀遠赴紐約出席於香港時間昨早舉行的盛會，GiGi與曉治積曼碰面，她表示相當期待與興奮，她說：「我一路都好鍾意佢，鍾意佢嘅作品，形象好正面，感覺到佢係個好正氣嘅演員。」
■Montblanc選址美國紐約公共圖書館舉行晚宴活動。
■書法家即場為與會者在卡上寫上名字。
大談湊女經
活動期間，GiGi和狼人合照並大談湊女經，「曉治話佢有個11歲囡囡，呢個階段真係好擔心、好擔心囡囡。」GiGi又大讚他為人友善，曉治積曼則回敬表示很欣賞是UNICEF大使的GiGi。
GiGi表示最近好忙，剛剛完成電影《西遊記之女兒國》的拍攝，預計明年新年上映，之後就忙演唱會，她說：「二十周年演唱會會繼續做，上次開Part1，今年會繼續開，主要係內地同美加。」問到經常飛會否掛住囡囡，她說：「都掛㗎，不過冇辦法，要攞個平衡，如果你問我梗係想二十四小時黐住就最開心，好彩屋企幫我湊。」
■GiGi在場內的大型黑板寫上「教育就是未來！」記者周樂恒紐約傳真
■如同半個主人家的曉治積曼，與來賓之一戴安古嘉合照。
■紐約第一名媛Olivia Palermo大力支持這個帶慈善意義的活動。
讀書真意義
身為人母的GiGi亦希望能夠與囡囡Sofia分享理念，「要鼓勵佢讀書，話畀佢知點解要讀書，讀書唔一定求分數，係令到人更有自信，可以表達自己，同人溝通去建立關係。」GiGi覺得今次Montblanc與UNICEF的PassItOn計劃非常有意義：「將文字同知識好似禮物代代相傳，我加入咗UNICEF已經十幾年，去過好多地方做慈善探訪，睇到好多小朋友嘅教育機會被剝奪，缺乏教育係令佢哋貧窮嘅主要原因之一，所以文字同知識真係一份好寶貴禮物，係我哋祖先、父母留畀我哋，等我哋可以接受教育追隨夢想，又或者對社會作出貢獻。」
Montblanc除書寫工具，至今發展出一系列腕錶、珠寶首飾以至皮具等精品，更不停做慈善，為了改善貧窮國家兒童的教育情況，早在2004年開始與UNICEF合作，多年更籌集超過1,000萬美元（約7,800萬港元）善款。
Elsa Hosk
摩納哥公主
Charlotte Casiraghi
星光一夜
Montblanc這個晚宴，出席的紅星名人還有也是代言人的摩納哥公主Charlotte Casiraghi、女星戴安古嘉（Diane Kruger）、紐約第一名媛Olivia Palermo、瑞典名模Elsa Hosk、The Sartorialist博客及攝影師Scott Schumann等，星光熠熠。
限量加藍
同場展出了Montblanc與UNICEF合作的限量系列，又有皮革工匠及書法家即場示範品牌的細膩工藝。這系列設計特別用上UNICEF的藍色，Writing is a Gift系列採用最具代表性的書寫工具Meisterstuck，除飾上藍寶石，為表示世界語言的多樣性，筆上集合了六種不同語言，刻了羅馬、中國、阿拉伯、日本、韓國及印度兒童所學習的第一個字，還包括Augmented Paper智能筆記本套裝。兩款腕錶Heritage Spirit Orbis Terrarum，限量500枚，特別採用藍色錶帶，錶面以拉丁字母及漢字呈現24個時區。還有一系列皮具、男裝袖口鈕、女裝手鐲。由現在至明年3月31日，每件售出的系列產品，Montblanc也會捐款予UNICEF，幫助兒童教育。
Heritage Spirit Orbis Terrarum限量腕錶各$46,500
Meisterstuck
Writing is a Gift
Skeleton149 Edition墨水筆$79,100
■男士袖口鈕用上藍色及鑄刻了六種語言。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170405/19980042
【add時尚】梁詠琪開心媽咪
1 :
GS(14)@2017-05-19 05:28:06Alice+ Olivia藍色長裙
轉眼梁詠琪（GiGi）囡囡Sofia已兩歲，去年GiGi全面復工，繼產後首部電影《骨妹》後，早前拍攝了另一部電影《西遊記：女兒國》，之後會繼續20周年巡迴演唱會，縱然工作忙碌，GiGi也不會忽略家庭，早前因為工作關係飛往紐約，老公與囡囡溫馨陪住飛，來了一趟家庭旅行，實行寓家庭樂於工作。撰文：陳蔚渝攝影：周樂恒化妝：Andy Leung of ndnco髮型：Ziv Yeung of Pi4 Limited梁詠琪工作關係，經常周圍飛，有些時候配合電影拍攝，更需要離家整整一個月，GiGi慶幸這個年代科技發達，即使與囡囡分隔兩地，都可以即時見到面，「一日幾次視像通話，見吓佢就滿足。」
■GiGi母親和孫女在紐約街頭漫步。
■其間GiGi一家去了Brooklyn Bridge。
■GiGi不時在Ig上載溫馨家庭照。
講故事?瞓覺
GiGi早前以聯合國兒童基金香港委員會大使身份，出席Montblanc於紐約舉行的活動，特別攜同老公與囡囡同行，順道來一趟家庭旅行，但由於時差關係，GiGi接受訪問時笑說，要把握囡囡的睡眠時間來休息，「去旅行佢算容易凑，出trip必備幾本圖書，瞓覺前一定要講故事佢先瞓。」與小朋友旅行，當然要照顧他們需要，給予他們空間走走跳跳，「今次發掘咗唔少紐約嘅兒童playroom，地方當然都比香港大好多，另外又帶咗囡囡去MoMA博物館同Central Park。」問GiGi將來最期待與囡囡去哪裏外遊，「我想同佢去睇北極光，因為我都未睇過，我想第一次睇嘅經驗留畀同個女一齊睇。」教導囡囡，GiGi沒有刻意催谷，反而注重家庭教育，灌輸正確觀念，「係要話畀佢知點解要讀書，有時讀書唔一定係為咗目的，或者求學求分數，係要話畀佢知，知識可以改變命運，知識係有力量可以令你做人更加有自信心，識得表達自己，可以用正確方式同人溝通，建立良好關係，係要話畀佢知點解要學習。」
囡囡唱歌跳舞
GiGi身為UNICEF大使超過十年，曾多次去貧窮地方作慈善探訪，所以都希望能與囡囡一齊參與探訪活動，「等佢大啲想帶佢一齊去探訪，等佢知道自己身在福中要惜福。」所謂有其母必有其女，GiGi分享囡囡平日最愛與她一起唱歌，「佢鍾意手舞足蹈咁喺屋企大聲唱歌，將來有機會想帶佢去學跳舞，等佢可以建立自信心。」問到可會鼓勵囡囡追尋夢想，「會，如果佢有嘅話，我諗佢應該有啩，不過佢年紀仲咁細個，夢想不外乎都係睇吓電視，媽咪幫佢沖涼，呢啲係佢嘅夢想，好易實現啫。」說罷GiGi忍不住哈哈大笑。
■GiGi出Trip原來沒特定要帶甚麼。
■GiGi一講到囡囡，就停不了口。
成日黐住最好
GiGi今年會在內地和美國繼續巡迴演唱會，另外又會投入新的電影拍攝工作，看來又要離家一段時間，難怪大呻掛住囡囡，「都冇辦法，又唔可以話好掛住佢就乜都唔做，要攞個平衡，如果你問我，我梗係覺得二十四小時黐住佢就最開心。」所以GiGi都慶幸家人幫忙照顧囡囡，讓她可以安心工作，「拍戲最辛苦，一走就走一個星期，惟有視像通話，我哋呢一代已經好幸福，有視像通話唔使驚話好耐冇見，個女會唔認得你。」
跟GiGi上飛機
a：add g：GiGi
a：曾經最難忘的外遊經歷？
g：都係去啲埃及、越南，平日唔係好去嘅地方。
a：每次外遊必帶的隨身物？
g：冇，我係去邊度都OK，冇話一定要帶啲乜。
a：長途機必備的三項護膚品？
g：潤唇膏、眼藥水、潤手霜。
a：搭飛機最愛嘅穿搭？
g：我以前會專登帶睡衣上飛機換，但有幾次發現帶咗都唔會換，因為會唔小心瞓着。
a：外遊必備三項fashion items？
g：我出trip時唔太注重fashion，會實際啲，不過一定要有小手袋，最好係有鏈帶，如果突然要隆重啲都OK；短靴舒服又保暖，仲有一樣係太陽眼鏡，通常有時差嘅話，個樣都會好嚇人。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170518/20024727
Next Page