【飲食籽】雲吞麵新搞作 炒香櫻花蝦乾做餡
1 :
GS(14)@2017-05-07 15:31:29櫻花蝦雲吞撈麵表面看無甚特別，咬一口雲吞，原來內有乾坤，櫻花蝦乾鮮味爆發。 $38
【飲食籽：邊走邊吃】太子某街角有間麵舖，賣麵也賣小食，裝潢普通，比一般舊式麵店乾淨企理。店內有款櫻花蝦雲吞麵，表面看與坊間「細蓉」無異，一咬，原來內有乾坤。老闆蘇湛全（全哥）豪氣地剪開一大包全新的櫻花蝦乾包裝，手抓一把，着我聞聞其香氣，又抓一把放於水中，「假的多數會甩色，染上去嘛。」一看，水果真沒有「染紅」。
全哥本是海產批發商，於行頭已有幾十年經驗。現時他主力為小店入貨，樓面及廚房就交由兒子及其朋友負責。小店位於太子橫街的轉角位，位置隔涉，全哥說開店兩個多月，人流不算多，「因為人流少，惟有一步步向前行，若於旺區開店的話，則負擔不起租金，這裏稍偏僻，相對租金負擔沒那麼辛苦。」店內的菜式以麵食、小食為主，「大多都是後生的想出來。」他指着兒子與另一後生仔說，他就主力負責食材及提供意見。此時，廚房傳來炒蝦乾的鹹香味，「每粒櫻花蝦雲吞內都有預先炒過的櫻花蝦乾。」他着我嚐嚐主打的櫻花蝦雲吞，平日吃開的「細蓉」大多以豬肉、蝦膠為主，眼前這碗麵的雲吞餡則混入櫻花蝦乾，鹹香味更濃郁，亦多了一重口感。湯底用蝦頭熬製，「牡丹蝦頭很多膏，用來熬湯，出來的效果香得多。」每日的湯底都是早一晚準備，當日再添少許雞粉調味。我撈了幾吓，蝦頭的份量不算多，再嚐一口，味道未有想像中濃烈，反帶淡淡蝦香，伴麵與雲吞同吃，味道倒是剛剛好。
全哥用台灣的櫻花蝦乾，預先炒過才用來包雲吞。
湯底以牡丹蝦頭熬煮，味道未有想像般濃烈，帶淡淡蝦香，伴麵與雲吞同吃，剛剛好。
海參撈麵夠噱頭
小店另一主打為海參撈麵，不怕奇怪？「有時不要只用老化（傳統）的方法去做，如燜海參（撈麵）我就用了平民化的方法。」全哥所指的是海參撈麵，選用越南「烏元球參」，大多於數天前開始發參，以簡單的方法烹調，「發大至六倍左右便可食了。」上枱前，師傅會先以薑葱、蠔油略炒，待其入味。球參並非燜得軟腍，反而彈牙爽口，而且大大份，每碟約有六、七條球參，十分足料。除了麵食，「香口嘢」又豈少得？好像酥炸紫心香芋丸，全哥就大量入貨，「這個於酒樓挺『銷』得」他笑說。炸時滋滋聲作響，不消數分鐘，金黃芋丸即現眼前。一咬開，除湧出香芋味道，當中亦夾雜番薯，原來是雙併口味。
櫻花蝦雲吞麵一碗有6粒雲吞，很足料。 $30
海參撈麵所用的是越南烏元球參，彈牙爽口。 $46
酥炸紫心香芋丸炸得金黃香脆。$20
老闆蘇湛全（全哥）本是海產批發商，於行頭已有幾十年經驗。
麵舖 太子白楊街6號
記者：湯珮然攝影：劉永發編輯：英穎欣美術：利英豪
來源:
http://hk.apple.nextmedia.com/su ... t/20170507/20011890
【動搞作街頭調查】如果有得揀你想女朋友做咩職業
1 :
GS(14)@2017-08-04 06:11:38黃先生指最希望女友的工作不用接觸到異性，因為這樣可以減低自己戴帽的機會。
講親女朋友職業，世人都會覺得，男士們一定係想搵個空姐、護士做女友，但其實男士們又係咪真係咁諗先？不如一齊出去問下啦！
TOM：「理想職業啊？教師啦！因為感覺偏向斯文少少。」
Kelvin：「女朋友職業，獸醫、護士啦，嗰啲職業感覺上溫柔啲！」阿風：「護士，因為俾人白衣天使嘅感覺。」
Lam：「社工啦，因為幫到人嘛！」
Billy：「我想個女朋友嘅職業係我嘅家庭主婦囉！」
Marco：「個職業咪就係我老婆囉！」
Billy：「其實我唔係幾鍾意女朋友做嘢，因為梗係想霸住個女朋友啦，如果女朋友出去做野，就梗會接觸到好多唔同嘅人，所以最好係可以令佢唔駛做嘢。」
Nelson：「護士囉，好似溫柔啲咁。」黎先生：「可能做下藝術，作下曲呀、玩音樂呀、畫下畫呀咁樣，搵啲同自己興趣相近嘅人。」粱先生：「空姐丫，空姐好吸引，因為見親啲空姐都好靚。」黃先生：「女朋友做咩職業？其實做唔緊要，但個職業要少接觸男性嘅，因為咁唔會出軌，最緊要唔好俾自己有帽戴！」郭先生：「同藝術有關，因為自己本身都係玩藝術，所以想第時女朋友性格相近啲。自己都會怕藝術家搵唔到錢，但係有時你鍾意一樣嘢，錢唔係最緊要。」
Billy（左）跟 Marco均表示最希望女朋友做的工作，就是自己的老婆。
同叫Billy的他，亦霸氣表示希望能讓女友不用工作，這便可獨佔對方。
梁先生指最希望有個空姐女友。
最多男士表示希望有個護士女友，因為貪佢夠溫柔。
來源:
http://hk.apple.nextmedia.com/entertainment/art/20170803/20110557
【動搞作街頭調查】如果有得揀你想男朋友做咩職業
1 :
GS(14)@2017-08-04 06:11:51何小姐笑指自己是名拜金女，信奉「錢就是萬能」這理論，故她希望男友是位金融才俊。
問完啲男仔希望女朋友做咩工作之後，就梗係要問埋女仔想個男朋友打咩工啦！須知道一份好嘅職業，追起女仔上嚟，點都有正面嘅幫助嘅（好似係）！馮小姐：「佢想做咩就做咩，最好係大家嘅放工時間都差唔多，咁會有多啲機會見面。搵錢方面最好多過我少少，因為自己能力都唔係好高，所以如果佢高過我嘅話，我哋相處起嚟，財政方面會無咁吃力。總之佢專注做佢鍾意嘅嘢就好吸引！」陳小姐：「最希望佢同我做返同一樣Creative嘅工作，咁樣大家諗嘢會差唔多，因為我唔鍾意太悶嘅人，唔會介意佢搵得多定少，鍾意就得。」
Charis：「時裝設計師，因為佢會有自己嘅諗法，唔會隨波逐流。」
Tracy：「長工囉，醫生嗰啲。」麥小姐：「公務員啦，夠穩定！」陳小姐：「工程師！因為有錢囉！」何小姐：「會計師，因為數口精，佢幫我計埋就仲好！」王小姐：「律師，因為我都想做律師。」梁小姐：「救護丫，因為好有使命感。」何小姐：「梗係金融才俊啦！錢就是萬能！」
Yuki：「我覺得無得話想人哋做咩職業，自己條路係自己揀去行，唔可以由人哋決定你條路。」
Charis希望男友是名時裝設計師，因為她覺得時裝設計師是有自己的想法，不會隨波逐流。
馮小姐指希望男友的放工時間跟自己相近，這樣二人便有多點機會見面。
陳小姐坦言不介意男友的收入是多或少，只要是自己喜歡的男生便可。
來源:
http://hk.apple.nextmedia.com/entertainment/art/20170803/20110559
Next Page