百億郭太認慳家熊黛林：辛苦錢唔會浪費
1 :
GS(14)@2016-11-20 23:52:06■百億新抱熊黛林想盡快生仔，已在努力中。
熊黛林（Lynn）上月27日低調嫁家族坐擁百億資產的郭可頌，之後二人各有各忙，但她不時在微博放閃晒恩愛，昨日新婚人妻Lynn應邀出席Giorgio Armani Beauty新聞發佈會，同場還有樂基兒、蔡卓妍及衛詩雅等。
Lynn現身即被叫「郭太」，她笑說：「之前唔適應，以為叫我奶奶。」百億新抱好勤力，問為何不做少奶奶？她說：「唔會，一路會做嘢，未有小朋友前會做嘢，搏命搵錢。要珍惜機會，以後有小朋友就可以少啲，而家享受工作。」
「最緊要快生仔」
早前Lynn被拍到日本城等平民家品店買物品被指慳家，她說：「日用品冇需要買名牌，最緊要好用，我哋大家辛苦搵錢，冇需要浪費。」Lynn婚後曾揚言不設防造人，她笑說：「暫時未有好消息，努力中，希望可以快啲。」她直認開始調理身體，身邊好多朋友都提供生B秘方，她說：「自己會注意，例如唔好食咁多海鮮、凍嘢，我都好聽話。」問想生仔或生女？她表示：「呢個唔緊要，最緊要快，仔女冇所謂，老公身體不嬲好，我自己做呢行食冇定時，身體差啲。」Lynn又表示會學廚，她笑說：「因為管男人最緊要管住佢嘅胃，雖然佢而家已經好黐家。」
■早前熊黛林被影到慳家到日本城買日用品。資料圖片
■阿Sa想買樓，可惜政府辣招令她卻步。
■樂基兒在網上學煮中餐，並已買定新年禮物冧男友。
■蔡穎恩（中）等女模出席Giorgio Armani Beauty的發佈會。
學中餐氹男友
樂基兒下月21日返美國過新年，並已準備禮物，她說：「買化妝品畀妹妹，媽媽就買首飾，而男友就買件衫，佢鍾意運動。」最近她在網上學煮中餐，獲男友大讚。另外，蔡卓妍（阿Sa）下星期到澳門做巡迴演唱會，之後到美加，被指賺了不少，問有否買樓投資？阿Sa說：「呢排冇，有辣招嘛，我唔係炒，攞啲唔等使嘅錢投資買吓嘢，好難賺到錢，睇吓畫，自己鍾意嗰幅成幢樓咁貴，而家咁樣打擊樓市，希望可以畀啲優惠本地人。」採訪：羅慧敏攝影：仇志德
來源:
http://hk.apple.nextmedia.com/entertainment/art/20161119/19838451
圈中駙馬靠自己 布志綸慳家 吳家樂打工廿年
1 :
GS(14)@2017-01-24 03:00:17黎諾懿前年同富家女友拉埋天窗，成為「五億駙馬」，不過知慳識儉，開飯都係食平民餐，前日仲雙雙去咗睇BB用品o添。而夫憑妻貴嘅娛圈例子，都仲有唔少㗎。
布志綸@Mr.
Alan喺14年同玩具公司太子女陳雪瑩結婚，成為咗「十億駙馬」！不過唔代表佢好食懶做，其實佢依然係落力工作，自己養自己，佢喺專訪中就講過，唔會貪圖物質，最開心嘅事係有得繼續玩音樂就夠。
劉威煌
劉威煌係第一屆《超級巨聲》嘅參賽者，之後喺大台發展，直到前年先加入唱片公司，仲同拍拖7年嘅女友Sandy結婚。而女友家族就喺大陸有礦業生意，劉威煌太太仲持有多個物業、公司。
陳子聰
上年底因病入院激瘦嘅子聰，康復之後積極做運動，成個人精神番晒！全賴有你咋何超儀！陳子聰老婆超儀，即係賭王何鴻燊個女，喺丈夫入院期間，轉過醫院，出院之後又物識過兩個地方俾丈夫休養，有指總共花咗逾千萬。
吳家樂
喺大台工作超過20年，吳家樂都算係資深藝人同主持人。佢2006年同其士集團太子女周蕙蕙結婚，同年尾大月Naida就出埋世，不過咁多年嚟吳家樂都係努力工作，就知佢為咗頭家付出好多啦。
來源:
http://hk.apple.nextmedia.com/entertainment/art/20170123/19906247
屋邨妹升呢港姐實錄 楊思琦慳家買豪宅
1 :
GS(14)@2017-01-31 03:13:28屋邨以往畀人嘅印象，大多係低收入家庭住嘅地方，但係，英雄莫問出處，好多時喺屋邨都出過唔少名人明星，其中「屋邨港姐」人數唔少，仲有好多都入到三甲，一啲都唔失禮。
楊思琦
01年港姐冠軍楊思琦，係著名嘅「屋邨港姐」，小時候居於石硤尾大坑西邨，楊思琦係圈中出名嘅慳妹，佢平日賺埋賺埋，儲錢置業，現時手上已有數個物業揸手，當中包括至少3個千萬單位，有傳合共市值半億。
林莉
05年港姐季軍林莉，於青衣邨出身，佢當選後喺大台發展平平，做吓主持同綜藝節目咁，直至10年，佢挾住「港版林志玲」之名，喺模界大展拳腳，出寫真集同拍廣告，又去台灣同韓國發展，更喺唔聲唔聲之下，原來已行天橋行到去巴黎，升呢國際名模，佢舊年更走上巴黎高訂時裝周天橋，展示法國名師Julien Fournié嘅新裝。
陳庭欣
10年港姐冠軍陳庭欣早年被揭自其任職公務員嘅爸爸退休後，一家人被安排入住九龍灣啟晴邨，由於佢始終係港姐冠軍，所以佢出入上址時，都顯得十分低調，而佢亦不時放聲氣打算「上車」做業主。
張秀文
同陳庭欣同屆選港姐、並獲得亞軍名銜嘅張秀文，同樣係公屋出身，佢曾經向傳媒表示過唔會為住公屋而感到自卑，亦唔覺得會輸蝕畀其他人，而佢亦坦言想盡快搵到錢買樓。
來源:
http://hk.apple.nextmedia.com/entertainment/art/20170130/19913072
8億闊太陳少霞掃街邊貨勁慳家
1 :
GS(14)@2017-02-05 10:55:42Kate Spade手袋約3,000多元■陳少霞日前到中環濕平，打扮樸素的她更放棄行名店。DV圖片
【利源東街】曾受劉德華公司力捧的陳少霞，08年婚姻失敗後獨力搵錢養家照顧兩女兒，豈料三年後她患上甲狀腺亢奮令性情大變，加上前夫突然病逝，大女患上一型糖尿病，一連串不幸事全都衝着她而來。幸好坎坷過後有艇搭，一直靠信仰支持度過難關的陳少霞，去年7月閃嫁有「中港法拉利之父」之稱、身家逾8億元的富商李文輝，從此過着幸福少奶奶生活。不過，現年40歲的陳少霞未有因為嫁個有錢人而變身闊太豪買豪使，反而繼續過着一般家庭主婦生活，日前本報記者便目擊陳少霞放棄名店，到街邊檔買衫，十分慳家。
【買絲襪】■陳少霞並不介意幫襯街邊檔，買了幾對絲襪。
【睇平衫】■雙眼掃射檔口的時候，陳少霞特別留意小鳳仙裝。
僅花500元
當日陳少霞穿着一件中國風的連身裙現中環皇后大道中，起初她漫無目的周圍行，之後走到利源東街睇衫，先到專賣中國風衣服的街邊檔，左揀右揀後最終揀了一件小鳳仙裝。買完小鳳仙裝後，陳少霞再走到隔籬檔口買了幾對絲襪便離開，前後15分鐘只花費500元。而她手挽的黑白蝴蝶結手袋，是美國中價品牌Kate Spade，約值3,000多元。未知是否因為老公鍾情中國風服飾，去年陳少霞與李文輝結婚行禮時，已見她穿上富中國風的白色婚紗，之後陳少霞多次現身，也不時穿着旗袍示人，估計她為投老公喜好，所以在新年時特地選購小鳳仙裝應節。
■坎坷過後有艇搭的陳少霞，去年和富商李文輝再婚。微博圖片
■同樣曾演韋小寶老婆的陳少霞等人，前晚到紅館撐做嘉賓的劉玉翠。互聯網圖片
眾老婆敍舊
此外，陳少霞於陳小春主演的無綫劇《鹿鼎記》中飾演雙兒，跟韋小寶一班老婆老友鬼鬼，月前一班老婆相約敍舊之外，前晚建寧公主劉玉翠為朱咪咪紅館個唱擔任表演嘉賓，陳少霞特地相約「阿珂」梁小冰和「神龍教教主夫人」馮曉文到紅館捧場，眾人更到後台送花，認真老友。採訪、攝影：羅德光
來源:
http://hk.apple.nextmedia.com/entertainment/art/20170205/19918091
凱蒂超慳家手製長靴着足13年
1 :
GS(14)@2017-05-07 15:29:04凱蒂王妃（Kate Middleton）日前去英國格洛斯特郡（Gloucestershire）的兒童農場探訪，與來自城市的孩童一起餵羊奶、幫豬磅重，體驗農場生活。為了方便活動，凱蒂穿上Troy London連帽jacket，內襯J.Crew藍色毛衣、GAP格紋恤衫，下身穿Zara軍綠色緊身褲，戴上Kiki McDonough耳環，休閒又不失優雅。
Troy London連帽jacket不是凱蒂首次穿着，曾多次穿上出席戶外活動，不過論長情度，始終不及腳上的Penelope Chilvers長靴。這對索價約$4,800的手製皮靴，首次亮相追溯至2004年，凱蒂當時出席布倫海姆宮的活動，去年問不丹及加拿大時也穿過，穿足13年，夠晒環保及慳家。長靴是女鞋匠Penelope Chilvers於2004年成立品牌的首批設計，款式經典，兼且超耐用，即使索價約$4,800，穿足13年，除開每年都只是約$370，實在抵着。更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20170507/20013658
【食品安全】發霉水果宜抛掉 慳家怕因小失大
1 :
GS(14)@2017-06-10 12:23:26近日有無印良品的日本進口預先包裝蘋果提子果汁冰棒因有有問題，在多個地區包括新加坡、台灣及香港都已被回收，原因是該批產品可能含有霉菌。果汁產品有霉菌，人們會當機立斷抛棄不飲用，不過如果是水果發了霉，很多人卻會有點掉以輕心，覺得削了爛的部份便可以吃，但其實不然。因為水果水份多，一旦生了霉菌，整個水果很多便會感染，不只是肉眼看到有霉菌的部份才有問題。
橙糖份高，水份高，也是易發霉的水果，食幾多買幾多最好。
早前有問題的無印果汁棒，現已回收及下架。
其中蘋果如果爛的話，是從芯開始變成棕黑色，這時便表示蘋果已產生真菌毒素，食用會不安全。所以吃蘋果保險些便最好切開削件才吃。夏天氣溫高，糖份水份高的水果易發霉，所以最好還是不要一次買太多，食幾多買幾多便較安全。記者：謝翠玲
來源:
http://hk.apple.nextmedia.com/su ... t/20170605/20044480
慳家仔9年儲200萬首期買晉海「要與拍拖11年女友結婚」
1 :
GS(14)@2017-10-15 18:27:13符合首置上車盤的資格梁先生，昨日購買晉海1伙兩房戶，樓價大約700萬。他表示與女朋友拍拖11年，幾年前已經開始睇樓同抽新樓，用作婚後居所之用，「港九各區都睇晒，好似將軍澳藍塘傲同錦田北Park Yoho都試過，到今日終於得償所願。」被問到何解不等首置上車盤，梁先生指自己無考慮咁多，「最主要喺自己都29歲，拍咁耐拖都要負責任結婚。」按揭方面打算做五成，「自己21歲出嚟做野到依家儲咗200幾萬做首期，淨返100幾萬由屋企人幫手。」梁先指，百幾萬當問屋企人借，等有能力果時會還，好過畀銀行賺息。被問到儲錢要訣，梁先生話「最緊要慳，長年累月咁儲，例如我都喺兩年先去一次旅行。」
來源:
http://hk.apple.nextmedia.com/news/art/20171015/20183547
Next Page