婚事告吹 潛心學佛 朱慧敏想出家
1 :
GS(14)@2016-08-08 00:17:11■朱慧敏盛裝出席慈善餐舞會擔任司儀，她揚言有意出家。
朱慧敏及鄧麗欣（Stephy）前日現身灣仔君悅酒店出席「海外學生仁濟夜」慈善餐舞會，同場還有「馬神」馬德鐘夫婦、王賢誌的堂弟王賢訊、羅氏針織後人羅穎怡（Wendy）及王曼喜等。
■朱慧敏同Eddie的感情瓜葛，她認為順其自然最好，聲稱目前只是生意拍檔。資料圖片
失戀近半年的朱慧敏，最近被指與前EO2成員彭懷安（Eddie）藕斷絲連，被問會否突然閃婚？她笑說：「唔會，現階段受唔到咁嘅刺激，雖然我年紀仲細，哈哈，真係唔知醜。」之後她突然收起笑容，認真地說：「近年咁多港姐出嫁都恭喜佢哋，但人生係咪一定要做呢樣嘢呢？冇嘅，咪做其他先囉，近年自己誠心向佛，有出家念頭，但好多嘢仍未放得下，好似朋友、工作，但即使將來見我出家，大家都唔使驚訝。」
Stephy搵贊助
Stephy表示今趟是以商界人身份出席，她解釋：「幾得意，好少接觸ball場，幾enjoy。因為我嘅時裝品牌Loey，同排球隊名一樣，嚟睇吓有冇乜嘢合作商機。」與方力申分手已有一段時間，Stephy被問到會否趁機在現場認識富二代？她笑笑口說﹕「係喎，提醒咗我，但呢啲嘢隨緣啦！」如果有人問她取電話號碼？Stephy想了一會說：「而家工作行先，冇諗感情事。」
■Stephy獲提醒後，笑言ball場認識富二代要隨緣。
■馬德鐘偕太太張筱蘭（右）出席慈善活動，被大批女總理包圍。
■羅穎怡閒時同老公去旅行。
馬德鐘回巢
另外，馬德鐘一到場，即被大班女總理包圍，爭相找他影相，非常受歡迎。對於最近無綫召舊將回巢救亡，他表示有傾過：「之前時間唔啱，但而家就算返去都係簽一部，啱劇本就會拍。」羅穎怡與老公林知譽婚後不停旅行，問是否積極造人？她說：「過吓二人世界先，明年再研究。」採訪：卓寶花攝影：陳俊強
來源:
http://hk.apple.nextmedia.com/entertainment/art/20160807/19726007
朱慧敏被批難撇舊愛
1 :
GS(14)@2016-08-21 08:11:10朱慧敏日前亮相有線節目《猴年點算》，堪輿學家楊天命為她預測姻緣運勢，直指她今明兩年桃花暢旺，並且和舊愛難捨難離，他說：「就算想同對方分手，都唔能夠徹底分開，對方喺佢心入面仲有一定地位。佢份人好硬朗，重義氣，積極工作達成目標，但往往就係呢種太強嘅性格嚇走好多追求者。其實佢嘅真命天子已出現！」朱慧敏則說：「我事業心好重，有時間我寧願進修，研究做生意，呢個階段我將愛情放得好後。」楊師傅又指朱慧敏的子女運不俗，應該在三、四年後最有機會懷孕，朱慧敏坦言喜歡小朋友：「時間配合得好好，未來幾年可以享受工作，到時希望生四個以上小朋友。」撰文：陳以晴
來源:
http://hk.apple.nextmedia.com/entertainment/art/20160821/19744307
盧慧敏數仙氣禮教「唔係靠鏡頭」
1 :
GS(14)@2016-10-16 08:20:08【ViuTV專訪】盧慧敏（Amy）近日成為ViuTV新一代仙氣女神，日前在石硤尾接受本報專訪，這位身高177厘米的墨西哥、香港混血兒，高䠷得來儍氣可愛。她於大學修讀食物及環境健康系期間擔任4年模特兒，回想入行經過，她說：「我同朋友去睇波，咁啱撞到而家嘅老闆，佢話我有潛質做model，初初驚俾人呃金錢或身體嗰啲，後來了解咗，覺得幾有挑戰就試吓。」
■盧慧敏笑言自己不是仙氣女神，因性格好男仔頭。
■現時單身的盧慧敏希望拍拖順其自然，由做朋友開始。
■在ViuTV劇《Kai Pop》中，盧慧敏有自彈自唱鏡頭。電視圖片
拍劇唱歌
計劃轉做藝人的盧慧敏，坦言對事業有期望：「而家上緊演技班，啱啱開始學了解自己。之前喺ViuTV拍《Kai Pop》，劇入面我有唱歌，平時我都鍾意自彈自唱，結他係前男朋友教我。」盧慧敏笑談何謂仙氣：「我覺得要做到好仙氣、好文青，唔係靠鏡頭，而係靠禮貌、本身性格，夠真就好。我心目中嘅仙氣女神係林嘉欣，好鍾意佢，佢好似天使又好好人。」她笑謂自己不是仙氣女神，而是仙氣男神：「我個人講嘢幾直，平日打扮又hea，性格好男仔頭，而家要見人先執番好啲手手腳腳咋。」
男女通殺
有女神自然有兵，作為貼地的仙氣女神是否閱兵無數？盧慧敏說：「我返學嗰陣好頹，啲男同學好快就會friend zone咗我，反而好多女仔朋友會依靠我、當我係男仔咁，可能佢哋當係拍拖。收兵，我唔識，乜二等兵、三等兵，鍾意就鍾意，我唔會收兵。」盧慧敏現時單身，不敢隨便拍拖，希望順其自然：「刻意追我唔得，要由朋友開始了解，好怕自大又多是非嘅男仔，我唔識點handle。不過就算拍拖，我都唔鍾意放閃，影相都係收埋自己睇，始終拍拖係兩個人嘅事，好同唔好都唔應該公開。」採訪：盧妹髮型：Lobo of chingG服裝提供：Novelty Lane
來源:
http://hk.apple.nextmedia.com/entertainment/art/20161016/19802011
Eddie撐朱慧敏非小三
1 :
GS(14)@2017-03-26 15:38:23彭懷安（Eddie）、賈曉晨等昨日於九龍灣出席開幕活動，Eddie被問到前度朱慧敏緋聞纏身，被指是賭王女兒何超鳳跟前夫何志堅的第三者，Eddie力撐說：「佢澄清咗啦，我信佢講嘅嘢，人哋講嘢令自己唔開心係好容易嘅事，最緊要知自己做緊乜，唔使太計較。」問可覺得朱慧敏會做小三？他說：「唔會，佢唔係咁嘅人。」對於有網民指朱慧敏專做第三者，Eddie說：「網絡世界發達，好多網民為咗宣洩，每個人都有過去，向前看先最重要，其他人點睇冇辦法。」此外，華星冰室決定放棄美食車項目，昨日老闆簡文滌透露損手約30萬。採訪：羅慧敏攝影：陳慧安
來源:
http://hk.apple.nextmedia.com/entertainment/art/20170326/19970016
酒店密會 朱慧敏酒店冧爆猛料男
1 :
GS(14)@2017-06-26 02:53:042017-06-14 EW
自一五年跟拍拖三年的彭懷安（Eddie）分手後，朱慧敏緋聞不斷，繼被拍得跟「小鮮肉」新歡同遊銅鑼灣，及後又傳出她是賭王女兒何超鳳與前夫何志堅的第三者；不過，她就澄清前者是表弟，後者則只是朋友。
回復單身的朱慧敏，生活不愁寂寞，日前，她出席活動後，便單獨到酒店約會一名四眼熟男，對方原來是猛料的名牌大學教授；席間，二人言談甚歡，歎完下午茶仍意猶未盡，再一起趕下場，見多幾面。
手機任睇
自去年離開無綫後，朱慧敏主力搞生意及從事司儀工作，不時中港兩地走。日前，她到上環出席友人的新店開張後，便跟助手及女粉絲一同離開。近年篤信佛教的她，途中行經文武廟時，也入內參拜。跟着，一行三人便步行到中環的「陸羽茶室」飲茶。
朱慧敏跟兩女道別後，自行單獨前往四季酒店；而她沿途不斷睇手機，心急似箭。當她抵達大堂時，原來有一名四眼的成熟男士已在守候，他倆打過招呼後，便轉到餐廳密密斟。現場所見，二人言談甚歡，邊食邊傾；當傾到興起時，朱慧敏不僅手舞足蹈，更拎出自己的手機跟男方分享點滴，毫無保留任睇，明顯對男方十分信任。而話題不絕的他們，意猶未盡，再孖住一起趕下場食晚飯，對足大半日。
未夠勇氣
事後，本刊記者致電朱慧敏，問及她是否有新歡？她馬上否認︰「 家我係單身冇拍拖。嗰個係大學教授，佢搞咗個慈善活動，我哋嗰日都係傾呢樣嘢，我可能會幫手宣傳。另外，個教授學歷好勁，我稍後都可能會上佢啲課程。」
感情未有着落的朱慧敏，近年改吃素食、又潛心修佛，更不時打坐禪修；不過，她坦言並非因為與Eddie臨結婚才撻Q的打擊有關。雖然至今尚未看破紅塵，但她不諱言將來有機會出家，「唔排除㗎，我真係有呢個心。不過，出家勇氣要好大，我現階段未做到，因為我仲貪靚，眼線都要劃過先出街，又鍾意着靚衫。若果將來結婚生仔後，到咗一定年紀，對佛法有更多認識，或者到時候先係時機。至於我同Eddie， 家好似朋友咁互相關心，都幾好吖。」
撰文、採訪☆娛樂組 攝影☆娛樂突發組 設計☆蘇文傑
Next Page