📖 ZKIZ Archives

洗米仔搞體育app二百英鎊起家成功唔使靠父幹

2016-08-25  NM

《Start up擂台》自上年開辦後，追訪過大大小小不同的年輕人，當中有白手興家，亦有靠強大父蔭。今次的主角，可說是集最年輕及最強家底於一身──洗米仔（周柏豪 Pak H. Chau）。 剛過了二十歲生日的洗米仔，中三由澳門轉到英國升學，中七時因與老師鬥氣，決定開始第一盤生意，竟被他賺取第一桶金。之後愈做愈上癮，決定放棄升讀大學，回港搞體育app《WOW Sports》，發掘新一代球星。 香港體育界出名長期被忽視，有業界指在港搞體育app「死路一條」，洗米仔坦言被不少世叔伯「睇小」、「好想我衰」。連老豆洗米華都不看好，講明「唔會開水喉」。 今次擂台請來香港體育app奇葩，app界「籃」神林基偉（Keith）做評判。訪問前他大讚洗米仔夠膽識，印象分大增，但甫開始已經叫洗米仔「快啲走」，到底點解？ 我點sell？ 二百英鎊起家 相信不少讀者對洗米仔做Start up第一個印象都是「都係靠屋企啫！」他亦向記者透露「好多人想我盤生意死」，「唔通我仲要投訴？我依家可以做我自己鍾意做嘅嘢，我無嘢要唔開心！」同為澳門賭業猛人後代，另一邊廂何家公子升讀名牌大學，準備打理家族生意。而洗米仔卻認為升讀大學「冇乜用」，寧願早點投身社會另起爐灶。令他有此想法，全因好勝的他跟老師「鬥嘴」，「中七嗰年，有個教商科老師就話一直有個idea，向啲鋪頭拎優惠，之後整一張優惠卡賣俾啲學生，我就覺得個idea幾好，就即刻去做，之後佢同我講自己講呢樣嘢都好多年，根本無學生理佢！」由於「洗濕咗個頭」，洗米仔惟有硬着頭皮繼續，一開始只用了二百英鎊（當時匯價約二千五百港元）起家，卻給他愈做愈順利，「之後連Pizza Hut都有用到，發展埋出app。當時顧住做，A Level考得唔太好，我就覺得兩頭唔到岸，決定唔讀書。」 嫌老豆入股「阻住晒」 洗米仔指出，當時積分卡賺了約二百萬港元資金，曾希望父親可以資助，卻換來一句：「係你自己話創業，你聽我講就繼續讀書啦。」他亦深感有道理，「因為咁我學到好多嘢，講真我都要感激佢冇阻住晒，佢都唔係呢個industry，要搵投資者有其他選擇啦！」本身熱愛籃球的洗米仔，就決定向相關行業出發，整個app的目標亦十分清晰：「就係想搵一批志同道合嘅人，好似鍾意玩籃球、網球，我就鼓勵佢哋一齊將叻嗰面影低放上網。」App內會將片段隨機與其他用家比較，最厲害的就會登陸在排名榜內，「我就做一個connection，搵一啲贊助商去搞比賽，將佢哋嘅才能發掘出嚟。」 回港與繼母「解決」家事 沒有工作經驗的他曾以為做過大公司的人資歷就較好，他就指曾重金禮聘大公司的經理，不久就辭退該員工，「一開始可能期望太高，俾三樣嘢佢做，佢做得一樣，之後問係唔係方法唔啱，都係改唔到。第三次都唔得就拜拜，無得唔炒。」性格與父親一樣我行我素的洗米仔，表示回港發展後彼此關係改善不少，問到會否與後母Heidi合力「擊退外敵」，他霸氣回應：「對於我嚟講，要解決嘅就叫佢哋去解決！」 專家點評：點解喺香港搞？ 今次《擂台》請來app界「籃」神林基偉。他做過中學籃球隊教練，之後設立的《Coach's Clipboard》，因蘋果將程式放在App store首頁而一夜爆紅，之後更獲美國職業籃球聯賽（NBA）的球隊使用，可謂香港體育app界神話。他直言《WOW Sports》理念在歐美十分流行，能吸引年輕人使用，雖然質疑在亞洲區的可行性，但一聽到記者邀約更建議「先打波、再討論」。但訪問開始時，因洗米仔出現突發情況，令球賽被迫取消！ 林：林基偉W：WOW Sports林：你怎樣吸引用家再次使用？W：加入這個app之後，用家就會與其他人去比較，他們就會想知道其他人的記錄、到底排名是多少，我們會設一些獎牌，鼓勵他們繼續。以及他們可以找其他人挑戰，朋友與朋友去比較。但長遠來說，我就是想令他們可以接受真正的專業培訓。 林：那如果名次較後的，他們未必會再想去與強的人比較。W：我們暫時想到兩個方法，第一個是如果有進步的話，可能會有一個特別的獎牌，給自己的朋友看。下一步會是只在他們的朋友圈去比較，或者只在特定區域去比較。 林：為什麼要在香港發展？W：我都覺得有一點點選錯了，（如果選錯可以重新發展）但是現在地點及員工都設立了，很難再改，而香港最大的困難就是請人，其他都可以。但我覺得如果市場是全世界的人，我又覺得在哪裡開都一樣。 林：我覺得以之前經驗，叩門都可以成功找到partner，例如在美國，只要你經常到他們出席的地方碰頭，想找Stephen Curry（籃球明星）做代言人都不是難事，但香港幾乎沒有機會。W：我反而覺得在香港，做Start up風氣不算太強，我都會有興趣知道到底是不是。 林：公司發展到一定程度，就會打算上市，或者被收購。上市門檻當然更高，美國大多數公司都會選擇收購，但哪個財團會選擇收購一間體育公司？就算有興趣他們都會有很多考慮。 終極判決：最好搬去美國 成個business model我都覺得幾好。十分我會給八分，我始終覺得如果你目標的贊助商不在香港，而你在香港開公司，就要經常離開香港。另一個扣分位是經驗方面略嫌不足，但我相信未來一、兩年他可以成功籌集到資金。但重要的，守時是十分重要，尤其是有關體育的公司。 中學生：唔識洗米華！ 記者找到中學籃球校隊成員Anson及Jimmy試玩「洗米app」，他們都認為介面不錯，但就質疑：「香港人三分鐘熱度，用一陣就唔用！」當告知創辦人為洗米華的兒子時，Anson反問：「係乜水？」看來洗米華在中學界知名度頗為薄弱，訪問時更指Mandy Lieu比洗米嫂美麗！ 撰文：梁延宇攝影：關永浩、廖健昌攝錄：廖健昌、關永浩[email protected]

唔使讀好書可以考好試？　補習已成「必修科」 學生信貼士月進貢 2.6億

1 : GS(14)@2010-09-12 12:49:48

http://hk.apple.nextmedia.com/te ... 731&art_id=14441845

【本報訊】「見自己唔得就補一補，盡咗力都好過啲」。學生缺乏學習信心，加上大型補習社鋪天蓋地式宣傳，令補習漸成學生考取好成績的必要手段。一項調查發現， 10個中學生 8個曾經補習，平均每人補 2.4科，估計全港 46萬中學生每月的補習費用高達 2.6億元。有教育界人士憂慮，學生過份依賴補習社提供的考試貼士，令「唔需要讀好書都可以考好試」的功利心態成風，長遠影響整體學生質素。
記者：王智君、麥志榮

明愛九龍社區中心於今年 1至 7月訪問 898名中學生，發現八成受訪中學生曾經補習，他們主要希望藉此改善成績，近三成人更直言是衝着考試貼士而補習。六成現時仍有補習的中學生中，部份的補習生涯早於小學已開始，熱門補習科目依次為英文、數學、物理及中文。他們平均每人補 2.4科，每周補習 3.06小時，每月補習支出約 953元；若以全港 46萬名中學生計算，他們每月投放在補習的金錢高達 2.6億元。
年級越高補得越狠

調查又發現，隨着公開考試壓力逼近，學生會由小型補習社或私人補習模式轉投標榜幫助學生「補底」、「奪 A升 Grade」的大型補習社。學生年級越高，補習情況越狠，中五至中七學生平均每周補習 3.35小時，比初中生多 30%；其平均每月補習支出約 1,000元，較初中生多 200元。
每月花費不菲，補習的成效究竟有多少？調查就補習對提升成績的成效評分，學生平均給予 6.94分（滿分為 10分），顯示學生普遍認為補習能令成績有所起色。不過，針對通識科補習班的成效而言，學生平均評分只有 4.42分。
嚴重削弱自學能力

教協教育研究主任葉建源表示，日校老師除教學外，還要兼顧學校的行政工作，難以照顧每一個學生，故一些能力稍遜的學生要補習也是無可厚非。不過，他認為現時學生過份依賴補習，缺乏學習的信心，「以前名校學生都唔會補習，就算老師唔掂，自己都會搞掂」。
此外，補習社過份誇大貼題及考試技巧的重要性，也導致學生一窩蜂去補習。他擔心長此下去，會形成「唔需要讀好書都可以考好試」的社會風氣，令整體學生質素下降。
油尖旺家教會聯會會長劉李偲嫣指，現時學生「由細（補習）補到大，一有唔識就話問補習老師」，嚴重削弱學生自學能力。她認為家長切忌有「人補我又補」的心態，反而應多鼓勵子女自學，「畀多啲時間佢哋，鼓勵佢哋自己搵資料睇吓」。
本港中學生補習實況

• 8成學生曾經補習
• 4成補習學生小學時已補習
• 6成補習學生惠顧大型補習社
•熱門補習英文、數學、物理
•平均補習 2.4科
•平均每周補習 3.06小時
•平均每月補習支出 953元

資料來源：明愛九龍社區中心
狂谷政策
補習生：做多啲練習好啲

受羊群心理影響，家長和學生紛紛將金錢、時間投向補習社。有父親為賺取更多金錢支付子女的補習費，不惜犧牲休息時間，下班後任職晚間的士司機；亦有學生考試前被迫地獄式補習數小時，以致身心俱疲。
「唔明嘅聽多次會記得」

就讀中五的陳同學表示，早於小五時父母已為她安排補習，現時補英文和數學兩科，每月補習費逾 2,000元。她說全班 30人只有兩個同學沒有補習，覺得「做多啲練習梗係好啲」。同是中五的盧同學每月補習費約 1,000元，共報讀物理、生物及地理三科。她表示，補習有助加強記憶，「唔明嘅聽多次，會記得好啲」。
油尖旺家教會聯會會長劉李偲嫣表示，很多家長在子女小學時已為他們安排補習，「由小三開始補，一條龍補到中七」。她說有父親為支付一對子女每月 4,000元的補習費，傍晚下班後還任職晚間的士司機，欠缺休息之餘，亦賠上與子女溝通的親子時間。
此外，有家長過份緊張子女成績，每當考試前夕便實施「狂谷」政策，要求他們地獄式補習數小時，令子女叫苦連天。
本報記者

---

2 : oneirocriticism(809)@2010-09-12 12:59:00

>令「唔需要讀好書都可以考好試」的功利心態成風，長遠影響整體學生質素
真正補習的理由應該包括以下
．學校唔肯喪印past paper，練習唔夠齊，要十年十年咁做一定要去補習社，補習的話佢送埋比你
．學校教得太hea，自修又睇極都唔明，搵唔到相熟既人教，一係私補一係大型補習社，補習社夠就手
．有好多野唔可以靠自學，一味鬧啲學生唔識自學根本毫無幫助，自學就一定識架啦咩

---

3 : 龍生(798)@2010-09-12 22:15:36

同股票世界一樣....內幕無處不在
只看你肯不肯花心機時間建立.....

---

4 : 鱷不群(1248)@2010-09-12 22:45:09

我當年無去補習又唔見我會考fail

---

5 : byuwraindmaizwei(6)@2010-09-12 23:15:03

2樓提及

---

．學校唔肯喪印past paper，練習唔夠齊，要十年十年咁做一定要去補習社，補習的話佢送埋比你

不肯印我覺得仍屬可直接範圍，連相關的database都沒才是問題所在

2樓提及

---

．學校教得太hea，自修又睇極都唔明，搵唔到相熟既人教，一係私補一係大型補習社，補習社夠就手
．有好多野唔可以靠自學，一味鬧啲學生唔識自學根本毫無幫助，自學就一定識架啦咩

+1

---

6 : oneirocriticism(809)@2010-09-13 00:05:44

4樓提及

---

我當年無去補習又唔見我會考fail

會考30分的好像沒一個沒補習

---

周日名牌 奇華舵手黃錫祥：錢唔使　生意唔嚟

1 : GS(14)@2011-02-13 13:41:11


黃錫祥笑言，當年也嫌奇華老土，沒有拿來送禮。

奇華餅家──香港人熟悉的名字， 1938年只是座落於油麻地上海街的一家傳統中式餅舖。面對同業在時代巨輪下一家一家被淘汰，從事金融業的第二代黃錫祥接手改革，大灑金錢，更換包裝、聘代言人、大賣廣告，結果將「老餅品牌」，提升至「香港名牌」。奇華董事總經理黃錫祥說：「有心就有得做！」
記者：陳皓怡　攝影：梁鑑章

提起奇華，很多人會即時想到藝人曾志偉，反而知道創辦人姓黃的人不多，甚至有市民以為，曾志偉是奇華的股東之一，「當初搵曾志偉做代言人，係因為志偉形象鍾意食好嘢，同奇華品牌形象夾。不過，佢就冇喺奇華有任何股份。」
不要以為深懂宣傳推廣伎倆的黃錫祥來自廣告界，他來自「缸」湖。黃錫祥中學畢業後不久已自組公司，在金融業打滾 20年，「財經行業唔係一個 happy business，日日有人輸亦有人贏，今日阿甲笑、阿乙喊，聽日見到阿乙笑、阿甲喊。」
經過 87年一場股災，他將公司股份賣給拍檔，準備退休，但一次與父親黃業榮食飯，談到傳統餅舖能否做下去？「我話如果有心繼承，係有得做，係應該賣得，只不過係欠啲嘢。」就是這一句話，黃錫祥開展第二份事業，「奇華好運囉，又或者我好運囉。」

12345678910
太子爺送禮寧揀半島


六、七十年代，香港過百家中式餅舖關了逾九十間，黃錫祥形容奇華是「死剩種」。當時西式餅店幾乎壟斷糕點市場，究其原因，是由於中式餅店抹不掉的「老餅」感覺。即使是奇華太子爺，但黃錫祥送禮亦不會選擇奇華，「嗰時半島啲朱古力日本仔好嚮往，買半島朱古力，即係代表好尊敬佢。」除了是投其所好，更大原因是「失禮」，「奇華係『正』，但拎出嚟失禮人，個包裝唔名貴，你叫個阿太拎去行 Landmark都覺得好冇面，老實講，你嗰時叫我拎，我都覺得幾老土。」
知道病因，自能對症下藥。除了產品包裝要改，店舖裝修亦要改，「嗰陣餅舖做嘢好是但，裝修佬就係餅舖嘅 designer，間舖可以有幾靚？印刷商就係我哋嘅 graphic designer，靚得去邊度？」為了一洗「老餅」風，黃錫祥與當時設計師孫小華合作，「由 logo、 trademark開始改，就連 letterhead、信封所有嘅嘢都要改，改到現代化。」無論包裝、廣告、電視劇集贊助，黃錫祥從不吝嗇，「錢唔使生意唔嚟。」
「包裝只可呃個客一次」

慣於金融戰場埋身肉搏，黃錫祥深明「虛有其表」，難打持久戰，品質同樣重要，「包裝只可以呃到個客一次，我爸爸唔識包裝，但係識品質。」重外表、有內涵，奇華成功轉型，將本地小食打造成遊客必買手信之一，「最大滿足感係人哋讚我啲嘢，好似我入醫院，啲姑娘知道我係奇華，同我講奇華乜乜乜好食，你哋啲包裝好靚，嗰日我買乜嘢買唔到……止痛藥都唔使食。」
今天會唔會拿奇華送禮？「自從（奇華）改咗之後，我都冇買半島 o架喇！」黃錫祥自豪地說。
奇華餅家發展史

1938年
創辦人黃業榮於油麻地開設小型糖果雜貨店，加入傳統中式嫁喜禮餅、月餅及 麪包

1944年
於旺角上海街 478號開設第一間分店

1982-1985年
開拓海外市場，於台灣及美國發展分銷網絡

1988年
於長沙灣自設製造工場，引入現代化機器提升生產質素及效率

1994年
第二代黃錫祥接手奇華並銳意改革，重新設計商標及全線產品包裝，革新門市裝潢及員工制服

2004年
邀請本地著名畫家阿虫(嚴以敬)為奇華禮品包裝畫上手繪設計

2005年
於深圳開設國內首間分店

2009年
新廠房興建計劃於香港大埔工業邨正式動工
嫦娥變皇帝　驚老父唔批

奇華是由黃錫祥父親黃業榮於 1938年創辦，在兒子眼中，黃業榮是商業奇才。打仗時人心惶惶，爸爸逆市擴充。 70年代流行供月餅會，有一次雞蛋商遲了送貨，阻礙了奇華的月餅供應，「好多人走嚟排隊，好似銀行擠提咁，啲人驚冇餅拎。爸爸向每位客人派利是，畀佢哋飲茶，疏導人龍避免製造恐慌。」

不滿雞皮紙包蛋卷

黃業榮 13歲打工， 18歲當老闆，養活一家。黃錫祥坦言父親對其影響最大，「諗番起當年佢講啲嘢九成都啱。」奇華月餅「主角」由嫦娥變成皇帝，黃錫祥不怕市場接受不了，卻怕是老父不接受，豈料父親只淡淡一句，「你丟咗我個靚女，換咗個伯爺公。」
黃錫祥以為改革過關，冷不防以紙盒包裝的蛋卷，父親反而不滿意，「喺佢個年代，雞皮紙係最 cheap嘅紙，佢話『你拎張雞皮紙包住個盒，送俾人都唔要。』」不過老人家非常開明，「過幾個禮拜，佢聽到朋友讚，就叫我搵夥計送幾箱雞蛋卷返去派，咁即係佢 accept喇！」
兄弟不和　祖業必敗

黃錫祥 90年代在哥哥手上接過接力棒，「哥哥將奇華改變好多，以前阿叔拎啲乜畀你，你都要買，哥哥改做自助式，女員工開始有制服，嗰時我哋係香港首批用機器做蛋卷。」黃錫祥指，當年面對西餅店衝擊，哥哥努力改革，「如果冇哥哥管理，可能奇華早已冚埋咗，去唔到我手上。」
直至哥哥退休，黃錫祥與三弟接棒，沒有近年炒得熱烘烘的家族爭拗，「從來未試過拗撬，一間公司、一個祖業，一定要和氣，我哋都知道，如果我哋兩個打交實死。」
拍照錄音　改善經營

傳統生意得以延續並發揚光大，源自兄弟同心，還有事事上心，「我部手電有兩個功能，一係影相，影落嚟睇吓人哋點做。第二樣就係錄音，喺車諗到啲乜，錄低佢返到嚟開會睇吓有乜要改。」由父親到哥哥，再由哥哥到自己，奇華世代相傳，問到他會否「再次」退休，交棒第三代？「我唔會退休，冇可能自己生咗個仔出嚟唔睇住佢？不過會畀啲機會後生仔去 make decisions。」

---

洗洗手　使唔使咁？

1 : GS(14)@2012-04-28 23:21:38

http://hk.apple.nextmedia.com/te ... 307&art_id=16288857
在裝修行業三十多年，經手的住宅多不勝數，當中有不少名人、富豪。這行見盡名人百態，好多人表裏不一，當然亦不乏有情有義，例如劉德華，行善低調，在報章睇見的善舉不及百分一。
我裝修過的富豪大宅，見盡行為古怪的人，其中一次經歷，不能話佢有錯，只能說「好激」。話說那天如常工作到傍晚，準備洗手收工，老闆一早講過不可以用主人房洗手間，只可用工人廁所梳洗，但當日有十幾人開工，其中一個師傅趕時間，入咗主人房廁所，開浴缸水喉洗手，咁啱個客上來，撞到正，佢企喺師傅後面，但無出聲，從手袋拎出相機，卡嚓一聲，師傅俾閃光燈驚醒，連忙道歉，而個客不發一聲就離開。
老闆知道今次大件事，但收工時間，聽日先算。第二朝返到地盤無耐，老闆同測師、客人一齊入屋，直入主人房廁所，老闆拎起個大鐵鎚，狠狠將全新的按摩浴缸打碎，客人仲好有禮貌咁，向住班師傅講辛苦晒，之後離開。老闆就同我哋講：唔使換衫，收工啦，冇得做啦，全部炒晒！
後來老闆話，客人要測師睇住，證明浴缸係老闆自己打爛，一定要佢賠。個肇事師傅仲差十幾日糧，都唔夠膽叫老闆出。
裝修佬華哥

本欄園地公開，歡迎各界來信，以 450字為限，請電郵至 [email protected]，註明《家》樓民講場，請留聯絡電話。編輯保留文章的刪減權。

---

2 : 肥B(18468)@2012-04-29 00:40:18

the "customer" should be a female.....

---

3 : Sunny^_^(11601)@2012-04-29 09:32:33

"客人要測師睇住，證明浴缸係老闆自己打爛，一定要佢賠。"點解自己打爛要人賠?

---

4 : 龍生(798)@2012-04-29 18:33:07

你唔明架啦...有錢佬裝修搵既係積樓....唔係裝修佬....

咁情況, 擺明要積樓硬食

---

5 : Sunny^_^(11601)@2012-04-29 20:09:34

4樓提及

---

你唔明架啦...有錢佬裝修搵既係積樓....唔係裝修佬....

咁情況, 擺明要積樓硬食

你可唔可以解釋下...畢留自己整lan既野自己賠+馬,點解要人賠

---

6 : 亞力士(1473)@2012-04-29 22:58:20

2樓提及

---

the "customer" should be a female.....

佢企喺師傅後面，但無出聲，從手袋拎出相機，

中

---

7 : 亞力士(1473)@2012-04-29 23:01:18

塊處女地比人用左 嬲都唔奇

---

8 : 肥B(18468)@2012-04-30 10:51:31

3樓提及

---

"客人要測師睇住，證明浴缸係老闆自己打爛，一定要佢賠。"點解自己打爛要人賠?

筆者係「裝修師傅」
佢「老闆」係裝修公司東主
個「客」先係間屋的主人

個客帶同積師及裝修公司東主到現場, 要個裝修公司東主自己用個鐵鎚打爛個浴缸, 有積師在場, 咁就明正言順, 可以唔用呢間裝修公司.....

---

9 : Sunny^_^(11601)@2012-04-30 10:56:43

8樓提及

---

3樓提及

---

"客人要測師睇住，證明浴缸係老闆自己打爛，一定要佢賠。"點解自己打爛要人賠?

筆者係「裝修師傅」
佢「老闆」係裝修公司東主
個「客」先係間屋的主人

個客帶同積師及裝修公司東主到現場, 要個裝修公司東主自己用個鐵鎚打爛個浴缸, 有積師在場, 咁就明正言順, 可以唔用呢間裝修公司.....

OIC你真係好喇^_^

---

10 : 肥B(18468)@2012-04-30 10:59:07

9樓提及

---

OIC你真係好喇^_^

唔駛咁客氣, 係咪呢排溫書溫到好Q攰呀?

---

11 : Sunny^_^(11601)@2012-04-30 11:02:13

10樓提及

---

9樓提及

---

OIC你真係好喇^_^

唔駛咁客氣, 係咪呢排溫書溫到好Q攰呀?

都係...仲有2日炸!!!

我5月2考埋BA就考完喇!(唔計oral)

---

12 : 肥B(18468)@2012-04-30 11:03:14

11樓提及

---

10樓提及

---

9樓提及

---

OIC你真係好喇^_^

唔駛咁客氣, 係咪呢排溫書溫到好Q攰呀?

都係...仲有2日炸!!!

我5月2考埋BA就考完喇!(唔計oral)

加油~

---

13 : martin845(1570)@2012-04-30 11:50:28

雖然個客係有d激
但坦白講係人之常情
我當日買而家住個層樓
都將主人房的潔具換哂
亦同師傅講明如廁及洗野請到客廁
(已盡將裝潔具排到最尾先做)
結果唔知邊條c fu唔識性
夠膽死係浴缸洗野
整到個新龍頭一點點灰黐住
真係激鬼死我!!!

---

14 : 肥B(18468)@2012-04-30 12:04:38

其實呢D「個人護理」觀念真係好個人...唔同人的標準可以有好大的差異.

---

15 : Sunny^_^(11601)@2012-04-30 12:31:09

呢D裝修佬都係D lan仔...同佢地理論一般情況都會被罵

---

16 : 肥B(18468)@2012-04-30 14:00:56

15樓提及

---

呢D裝修佬都係D lan仔...同佢地理論一般情況都會被罵

又唔好講得咁難聽, 只係大部份都係學術知識水平低一點, 講野大聲D,粗魯D, 粗枝大葉一點而已.

其實, 只要有什麼問題, 同佢地老細講得架啦, 得閒就3點3 買盒餅同汽水上去探下班, 睇下有無D野做得唔對路, 有就同佢老細炸型就得架啦~~ 此之以為, 雞脾打人牙胶軟 及 以夷制夷也~~

---

17 : calvinx(8907)@2012-04-30 15:09:43

用返上邊個例子, 如果你係個工人, 又會吾會犯同樣既錯?

客人有要求, 合約好可能講明吾可以用個toilet, 有人用過, 就已經係犯規. 而做老細除左"叫"人做之外又有無"做"過乜野等人吾好用?

個工人一定有吾岩, 不過我吾排除個管理層無做過任何野(除左"提左人吾好用")去避免呢件事發生.

至於點解叫個老細自已去打爛佢? 因為個客吾想比人告佢破壞物件, 喇喇喇, 而家係的裝修工人吾小心整爛左架, 咁你就要換個新既比我喇.

---

18 : 肥B(18468)@2012-04-30 15:26:07

唔生性的伙記, 行行都有, 做工程而要賠錢真係時有發生, 有心做的人(指落手落腳開工的人), 點會唔金晴火眼睇到實? 係D得過且過的就會做野好唔小心....

無辦法架啦.....讀到書, 唔會做這行, 而家D 80/90後就算讀唔到書, 都唔肯做呢行.....得返D無得選擇的老SEAFOOD, 轉唔到行的阿叔, 找唔到寫字工的巴仔印仔肯做....唔係自己生意, 邊個同你着緊.....唉....

---

19 : 龍生(798)@2012-04-30 18:26:00

係咁架啦, 呢行就係咁

如果唔係的有錢佬都唔駛俾積樓賺

同一單job, 裝修佬收你100萬, 落到積樓手, 最起低消費都300萬起....

---

20 : 草帽(1253)@2012-04-30 19:33:24

個客有潔辟. 我諗佢可能連街外廁都唔會用.

---

21 : GS(14)@2012-04-30 21:31:50

20樓提及

---

個客有潔辟. 我諗佢可能連街外廁都唔會用.

我父親話他做野去過特首府「幫襯」過，唔知特首用了幾年二手廁有無詐型呢?

---

22 : 龍生(798)@2012-05-01 01:52:30

二手跑步機都無問題, 廁所又算係的乜呢?

---

23 : 亞力士(1473)@2012-05-01 02:17:48

其實我都唔太鍾意人用我厠所 尤其眼界差個d

---

24 : GS(14)@2012-05-01 10:03:25

23樓提及

---

其實我都唔太鍾意人用我厠所 尤其眼界差個d

洗下佢啦，其實你日日去商場個廁所咪是咁

---

得罪人唔使本 邁克

1 : GS(14)@2013-06-20 23:36:51

http://hk.apple.nextmedia.com/su ... t/20130618/18301540
楊凡翻了兩翻《100毛》，不假思索衝口而出：「有啲似早期《號外》。」這是迄今為止我在超齡讀者群中聽過最中肯的評語，生得晚的你沒機會見識那份早已商業化到暈的雜誌初生時多麼威猛，大概不會明白「唯美導演」的慧眼。曾幾何時，如今上了岸的編輯們既反斗又百厭，快人快語一針見血，雖然由第一天開始就自視為精英，瀟灑地超越了草根疾苦，其勢利有時頗令人手腳冰冷，倒也忠實呈現出某階層在某年代的面貌。那種得罪人唔使本的英勇，《100毛》不但獲得隔代遺傳而且更上層樓，不避粗俗甚至刻意反good taste的定位，讓它肆無忌憚爛撻撻，將低處未為低的藝術發揮到淋漓盡致，過癮痛快的程度，遠非無時無刻不忘保持優雅的前輩能及。
像這個「醜男生存法」特輯，便極盡挖苦之能事，其中「醜得只剩錢」一條，從彭浩翔說的「努力賺錢最實際，如果你知道自己唔靚仔，你就要叠埋心水賺錢」引申開去，推舉中外四大富豪人肉示範，教我笑到彎不直腰之餘，不禁為眾編輯的花容月貌提心吊膽，誠懇祈禱腐蝕性化學藥品不要天外飛來替他們免費洗面。「導亦有道」一條，杜汶澤認為溝女妙法是「做導演」，「有條肥仔佢好醜樣……但係，佢做咗導演就開始溝到女，仲有女溝佢」，因為強調並非指老友鬼鬼的彭先生，好心的編輯於是圖文並茂列了「香港肥（或少少肥）導演」共七人，協助迷惘的讀者猜測。看着那些疑似有美女投懷送抱的掌舵人，我真為勤練瑜珈多年兼且天天打太極的楊導鬆了一口氣：人過中年尚未發福，肯定沒有借意親近女色嫌疑！

---

居屋真人Show　買樓唔使租

1 : GS(14)@2015-04-21 01:58:47

恭喜晒你啊!超過十萬人抽新居屋2160伙，咁都畀你抽中兼等5月揀樓，好過中六合彩。但要成功上車有個安樂窩，抽中只係第一步，當你以為計掂晒數，坐定「粒六」安心上會等收樓入伙，咁你就錯喇!首期預算幾多？揀咩嘢單位？壓力測試過唔過到？供款入息水平符唔符合？等等…我哋誠邀抽中讀者上嚟《蘋果動新聞》居屋真人show，我哋有齊各方面專家幫你，包括按揭上會、契約文件、驗樓等等諮詢。
Send個email嚟以下網址：mailto:[email protected]，我哋等緊你。





來源: http://hk.apple.nextmedia.com/financeestate/art/20150420/19119018

---

賣保險 教做戲 53歲江華再現：睇我唔使睇張家輝

1 : GS(14)@2015-06-18 14:31:39

2015-06-18 NM

○九年開始消失幕前的江華，一度因為受腰傷困擾而患上抑鬱症，要老婆麥潔文教唱歌孭起頭家；停工五年，已完全康復的他除了轉投保險業，更收生開班教人做戲。週日（十四日），身形起格的江華膠手套配波褲，chok住洗車，劉華mix張家輝，唔到你唔服！被迫搬屋

幾乎絕跡娛樂圈的江華，近年偶然被傳媒撞到，鏡頭下的他總是游手好閒行街飲茶，在沙頭角凹下村隱居五年，最近被業主逼遷，好頭痛。「條村唔大，江華成家住咗呢度五年，八千蚊租住地下嗰層，聽講兩個月前業主話要收番層樓嚟賣，唔知點解只係收佢嗰層，二、三樓租客可以繼續住。」有村民透露。住開有感情，江華雖然唔想搬，但業主態度強硬，唯有在村內另覓租盤。「呢度租盤其實唔多，江華睇中棟新起嘅，周圍問緊人租唔租幾錢租，不過未有答覆，但就算租都唔慌平。」村民說。上星期三（六月十日），本刊在尖沙咀海港城見到已經復工做保險的江華，對於被逼遷，他表現勞氣，「問業主囉，唔好問我！」

自比張家輝

星期日（十四日）上午九時，本刊到凹下村搵江華，只見他戴住膠手套、波褲人字拖襯頭箍，洗車洗到大汗疊細汗，白tee濕透，現出一嚿嚿肌肉！五十三有此狀態，fit！壹：壹週刊江：江華壹：好劉德華呀！江：嘩，舊唔舊啲呀呢句？真係失望！其實有啲渲染，呢個話似嗰個話似，耳濡目染，加咗印象分落去。壹：咁係劉德華似你囉！江：嗱，呢句說話啱聽喇，哈哈哈！壹：點樣keep到咁fit？騷個body睇吓！江：傻o架咩？要俾廣告費o架大佬，幾十歲人唔能夠隨隨便便，留番喺電影度啦，睇我唔使睇張家輝，哈哈哈！

兩車共用車牌

江華洗車期間，記者留意到他兩部私家車竟然共用同一個車牌。壹：你好鍾意呢個車牌？江：因為呢個牌太耐喇，嗰陣年少無知，無知嚟自呢個係我生日號碼，而家有乜所謂，咩都一樣，但係用開咪繼續用囉，係咁解。壹：不過你兩部車用同一個車牌喎！江：其實銀色架Jaguar我冇郁o架，因為冇俾牌費，未換番個牌啫！

收生睇緣分

過去五年，江華停工養病，生活只能食老本，只靠老婆麥潔文教唱歌、登台、開演唱會賺錢撐起頭家。復工後，江華表現積極，轉行做保險經紀外，還會開班收生教演技。「啱嘅就會教，好隨緣嗰種，我唔係話好似學校咁招生，覺得佢係可以嘅先會收，要睇時間。」投身保險業已經三個月，對於工作，江華聲言順其自然。「我唔會刻意叫人買保險，我只會做朋友，買唔買係其次。啲人以為搵到錢先叫成功，我人生觀唔係咁，食得幾多著得幾多？俾晒啲錢你又點？」江華說。

走下坡

有「翻版劉華」之稱的江華，86年參加亞洲電視藝員訓練班入行，曾是亞視台柱，拍劇外，89年亦憑電影《但願人長久》奪得香港電影金像獎「最佳新演員」獎。96年，江華轉投無綫開始為人注意，第一部大台劇《西遊記》創44點高收視，03年再憑《九五至尊》和《楚漢驕雄》攀上事業高峰後，便離開大台返內地拍劇，可惜發展不如理想，04至09年間，只拍過《新聊齋——畫皮》、《風塵三俠之紅拂女》及《跟紅頂白大三元》三套劇集，其間更因腰患困擾和事業走下坡而患上抑鬱，自此全面停工，消失幕前。

中佬熱

男人易keep！53歲江華有型有款外，唔少娛圈半百中佬都冇乜走樣，有條件繼續撈！

邵仲衡51歲95年離開大台外闖，01年與圈外女友Wendy結婚後，正式退出幕前，專心經營車房和內地賽車中介人生意。今年4月無綫重播神劇《大時代》，「大佬孝」邵仲衡人氣忽然爆升，商演活動一個接一個，令他快賺過百萬。曾在美國柏克萊大學讀政治策略的他，因夠膽識，被網民熱捧：「『袋住先』我唔鍾意，篩選咗先俾我揀，我有得揀一定唔係咁揀。」

林俊賢54歲曾是80年代當紅小生之一，96年退出幕前從商，兩度因炒股輸身家仍成功翻身，現時是證券行及製作公司老闆。去年復出拍電影《最佳嫌疑人》，今年再為應采兒做監製的網劇《天才在左瘋子在右》客串一角過戲癮，除了一頭銀髮的他，並無走樣。

吳岱融55歲87年加入大台後，憑《絕代雙驕》、《邊城浪子》等大熱劇迅速上位。90年代初，吳岱融因在亞視宣傳個人唱片被無綫雪藏及解約，之後拍過三級片，其後轉戰內地拍劇，並任職國內民企顧問。最近被無綫邀回巢救亡的他，自信爆燈：「好多外國劇都唔用年輕小生，反而用四、五十歲演員做男主角，因為佢哋有人生閱歷，演戲會更有味道。」

---

【飲食籽】暑假注意　唔使$600任食凍龍蝦鮑魚

1 : GS(14)@2015-07-23 01:21:26

無錯！又是buffet，自問是個buffet癡，凡哪裏有新自助餐或放題推出，總愛找機會試試。最近九龍香格里拉大酒店的Café Kool也搞搞新意思，為迎合炎炎夏日推出「海鮮放題」。



原隻上凍花蟹

鮑魚及新西蘭青口



甫來到海鮮吧，已被大堆頭的凍食海鮮吸引住，包括龍蝦、鮑魚、阿拉斯加蟹腳、新西蘭青口、原隻帶子、鮑魚及海螺等，款款新鮮且味道鮮甜，還有多款醬汁配搭，大廚建議簡單配上辣豉油便可，不會搶去海鮮的鮮味。熱葷也出色，芝士焗龍蝦、豉汁花蛤、新加坡辣椒蟹、龍蝦喇沙及冬蔭功等。自助餐分為中菜、點心、粥粉麵、燒味，印度、即叫即燒的西式燒烤，以及同樣是即叫即製的意大利粉區，種類繁多，令人心癢癢。最後還有甜品區，超過三十款的精美甜點，單是噴泉已有朱古力及抹茶兩款味道，連Häagen-Dazs雪糕也有12款口味選擇。雖然食物的味道或賣相也是穩陣派，不花巧也沒甚麼fusion、創新口味，但就以豐富及多樣取勝，埋單也不過六百元，最適合有老有嫩的一家大細。



噴泉除有朱古力味外，還有抹茶味。

甜品超過三十款，當然要每樣試一件。



九龍香格里拉大酒店Café Kool海鮮放題日期︰即日起至7月23日（逢星期一至星期四晚市）價錢︰成人$548（逢星期一至三）、$578（星期四）記者、攝影︰黃依情





來源: http://hk.apple.nextmedia.com/su ... t/20150717/19222205

---

陳慧嫻加場唔使食

1 : GS(14)@2016-01-18 19:01:33

陳慧嫻原定於3月5及6日於紅館舉行演唱會，現宣佈加開多一場3月4日，慧嫻表示對加場消息感到振奮，要努力答謝大家的支持。她笑說：「我一投入工作就唔使食飯，可以順便keep fit，今次演唱會有好多唔同形象，為咗駕馭到啲骨感嘅衫，而家好努力跟健身教練操fit，加埋控制飲食，只食蛋白同菜，好有成績，不過距離目標仲差3磅，所以農曆新年要戒口，唔可以大吃大喝。」慧嫻透露現正忙於背歌詞，因為會唱一些自己很久沒唱的side track歌曲，為了照顧不同粉絲，又會唱其他歌手的經典歌曲。因為開騷時仍然是正月，慧嫻笑言想仿效譚詠麟去年開演唱會落台開開心心

---

木村聽話唔使罰SMAP被道歉　處分四子入雪櫃

1 : GS(14)@2016-01-20 17:49:08

【網民惡搞】■SMAP前晚在節目開腔談解散，但被網民形容似被道歉，更惡搞四子遭擺上枱。


日本國民級組合SMAP日前鬧出解散風波，前晚五子透過節目《SMAP X SMAP》表明會以SMAP姿態繼續發展，兼向大眾鞠躬謝罪，事情似已告一段落，但有外界形容SMAP似被道歉，更有報道指除木村拓哉以外，當初欲拉隊走的其餘四位成員，可能於今年10月面臨雪藏處分。日前爆出因一手捧紅SMAP的經理人飯島三智與公司副社長喜多川Mary勢成水火，令飯島決意出走，更拉攏中居正廣、香取慎吾、草彅剛跟稻垣吾郎離開尊尼事務所，只得木村拓哉留低。事件擾攘數日，SMAP前晚首度開腔，昔日當組合代表的隊長中居只能靠邊站，反而木村企中間做主導先發言，當中草彅剛說：「木村製造了這個機會，讓我們向喜多川社長道歉。」更讓外界覺得SMAP似被道歉，紛紛改圖惡搞。雖然一度有傳木村是背棄隊友的二五仔，但亦有指事務所其實一直只想木村留低，只是木村不想SMAP解散，努力游說。木村大前日結束京都的拍攝工作返回東京，便立即帶四名隊友向社長與副社長請罪，他才是SMAP不解散的重要人物。SMAP暫時仍以五人姿態活動，但有行內人士認為除木村外的四名成員，無可避免要受到處分，最快10月要停工反省。同時有傳媒估計即使日後SMAP繼續活動，亦不會再像現時般有特權，能夠缺席事務所的大型活動。



■大批記者前晚於電視台門口等SMAP。

【原版】■中居（左一）前晚道歉只能靠邊站，改由木村（中）做代表。



直播收視勁

SMAP前晚透過直播宣佈不會解散，引起全日本觀眾關心，刺激當晚《SMAP X SMAP》於關西地區收視高達31.2%，一度更升至37.2%，誇張得癱瘓了日本雅虎網。前AV女優蒼井空亦身在日本睇直播，她表現緊張，在twitter留言指不想SMAP繼續決裂下去。日本首相安倍晉三昨早於國會上也有回應，表示：「可以滿足這麽多粉絲的希望，SMAP能夠繼續存在實在太好了。」撰文：程芬



■蒼井空緊張睇直播，指不希望SMAP解散。

■日揆安倍晉三回應指很高興SMAP能繼續存在。



來源: http://hk.apple.nextmedia.com/entertainment/art/20160120/19458519

---