冰說聰明：CDR最強受惠股
1 :
GS(14)@2018-03-19 04:45:122018年本身已是A股的重要年份，因為MSCI將於6月正式納入A股，但似乎阿爺嫌唔夠熱鬧，H股全流通及放寬外資持股金融機構，都諗住今年開波，近日更加為CDR開綠燈，中證監昨天表示，已成立專家委員會，推進獨角獸上市，目標似乎係百度、阿里、騰訊（700）及京東（BATJ）等，以極速的姿態回國上市。富士康A股在短短36天，就由申請走到中證監通過審核，創A股IPO最快記錄，睇嚟在長官意志之下，A股IPO將非常熱鬧，而富士康的保薦人中金（3908），相信會繼續受惠，接刁接唔停。數國內頂級投行，都是中信證券（6030）及中金最具國際級水準，前者收購了里昂，後者則由大摩有份創立及湊大，而中金更可取之處，就是去年引入了重量級投資者作股東，騰訊認購了12%的H股，即全部已發行股本約5%，作價13.80元。騰訊近年最喜歡就係入股各行業具潛力的公司，買投行股份卻是首次，舉動值得尊重，大家的合作有冇協同效應，可能要遲啲先知，不過騰訊旗下有唔少分拆項目，要搞上市，相熟的投行肯定佔優吧。劵商股近年可算是相當難玩，有炒作都係較短癮，有戰友更戲言，炒到劵商股就要準備沽貨散水喇。睇番中金的股價，自去年騰訊入股後，都未穿過配股價，即使上個月發生環球小股災，最低只係見13.82元，非常硬凈。兩會閉幕之後，可能會有落實獨角獸CDR的消息，屆時劵商股應有提振，只要中金將富士康上市搞得有聲有色，獨角獸再搵你的機會更大，別忘了BATJ中，騰訊及京東都屬同一陣營，而最近京東金融的130億人仔融資，中金都有份領投，的確有三分親喎，所以除非CDR難產，否則中金將是最強的受惠股。青冰
http://fb.com/chingbing888本欄逢周四刊出
來源:
https://hk.finance.appledaily.co ... e/20180315/20332516