中環在線：股神入股比亞迪賺76億 李華華
|
|
去年9月，金融海嘯爆發後無幾耐，美國股神畢菲特立即出擊，對中國公司虎視眈眈，9月尾，股神旗下中美能源就透過配股，入股比亞迪H股（1211），股神威力沒法擋，消息公佈後，比亞迪股價節節上升。
股價升4.2倍
不 過，亦都因為金融海嘯，中央審批外資入股內資企業交易時，打醒十二分精神，金睛火眼睇到實，市場一直擔心，交易存在變數，比亞迪股份隨時插水。直至噚日， 比亞迪終於公佈，中證監批准比亞迪向中美能源發行2.25億股新H股嘅交易；當日股神入股價只係8蚊，今時今日連一個麥當當魚柳包都買唔到，睇番比亞迪噚 日收市價，真係不得了，已經飆升至41.65蚊，屈指一算，單係一隻比亞迪，股神賬面勁賺75.71億元，升值高達4.2倍。股神嘅封號，果然唔係浪得虛 名。
|
| |
Next Page