| ||||||
| 日 前I.T（999）公佈執行董事、副主席、董事總經理兼首席財務官盧永仁（圖），決定辭晒所有職務後，華華感到幾愕然，因為佢上任後雖然業績同股價表現唔 係咁好，但外面風大雨大，做得好好哋點解唔續約呢？Dr.盧冇講去邊，只係話大家遲啲再見，鬼咁神秘。 華華聽講，盧永仁喺前日嘅投資者會議上，粗略咁講咗 任內三大偉績，分別係向旭日企業（393）買番中國合營公司餘下權益、提高咗I.T嘅公司管治水平，同埋請咗佢o依家個副手咁囉。佢仲點名多謝大行分析員 嘅支持。聽講話，在場嘅投資者仲報以熱烈嘅掌聲。 說來奇怪，I.T上市以來每次都有搞業績記者會，同傳媒關係甚佳嘅盧永仁，亦好鍾意同傳媒講嘢，但係今次 辭職咁大件事居然唔見記者，唔通係接受唔到分離嘅傷痛？抑或有難言之隱？佢又會唔會返當年率先跳船嘅香港資源（2882，前稱海域化工）幫手呢？ | ||||||