ZKIZ Archives


夜蒲賣啫喱 姊妹賺十萬

2013-07-25  NM
 
 

 

一粒粒色彩繽紛的啫喱,別以為是零食,其實「兒童不宜」!它是產自台灣的Jellybird,以伏特加溝果汁調製,每粒酒精濃度達到百分之十二,等閒人不勝酒力,二、三粒就足以醉倒。

在加拿大長大的兩姊妹盧可欣(Karen)和盧可君(Kellie),最愛蒲吧,跟貼夜蒲文化。年多前,得悉這款酒精啫喱在台灣酒吧大行其道;又發現香港無人賣,遂代理並引入香港。最初,她們要夜夜蒲吧搵客,其後贊助電影《喜愛夜蒲2》,提高產品知名度。到現在打入馬會、APITA及一田等大公司。開業年半,每月賺十萬,她們已全情投入生意,反而無時間夜夜笙歌。

這兩姊妹,身形高『身兆』纖瘦,穿上深色衫、窄腳褲,腳踏三、四吋的高跟鞋,打扮入時,在尖沙咀這間酒吧內,似「蒲精」多過做生意。但視線轉到她們雙手,便見到手上青筋盡現,連指甲油都半甩,她們無奈地說:「隻手以前唔係咁o架,因為要親自將幾箱幾箱貨,一次過抬去酒吧俾客。阿媽都叫咗我哋推車仔,不過我哋嫌煩囉。」

她們代理的Jellybird啫喱,兩、三年前開始在台灣流行,但很多香港酒吧客未識,她們推銷時,還即場送給酒吧的客人試食,首次吃Jellybird的客人Alien選擇粉紅色的水蜜桃味,吃罷說:「雖然食得出有水蜜桃味,但酒味太勁,我怕食多幾粒會醉。」

夜蒲打入中價吧

要推銷這盤生意,從她們的強項——夜蒲開始,怎料處處碰釘,Karen說:「最初拎啲貨去蘭桂坊sell,以為酒吧、餐廳多,但送咗成千粒出去,都冇回音。」她們總結死因,「嗰邊太高級,飲開香檳、紅酒,覺得食啫喱係


Next Page
ZKIZ Archives @ 2019