中環在線：中國私募教父復出 李華華
|
|
有 「中國私募基金教父」之稱、赤子之心資產管理總經理趙丹陽重出江湖似乎事在必行，噚日內地傳媒報道，久休股壇一年嘅趙丹陽，近期同平安信託商討合作，再推 出私募產品，雖然具體時間同細節仲未傾妥，但已成為投資界熱話。呢位私募教父嘅投資眼光準確，舊年初見股市勢色唔對，已將旗下5隻A股信託基金清盤離場， 結果避過股災一劫，成為市場佳話。佢最令投資者艷羨嘅，當然係去年中以天價211萬美金（約1646萬港銀），投得與股神畢菲特共晉午餐機會。
話A、H股已見底
今次趙丹陽再戰江湖，其實一啲都唔奇，因為佢上月中發表嘅《致投資者的一封信》已透露端倪，佢當時話A、H股已見底，仲形容09年係充滿希望嘅一年，咁樣表露心迹，當然係為復出預先鋪路啦。
|
| |
Next Page