| ||||||
金 融海嘯橫掃全球，源頭花旗國嘅股市短短幾個月插水近三成，搞到蟹貨一籮籮，投資者身家大蒸發，仲點會有心情消費，就連佢哋最重視嘅感恩節同聖誕節，睇怕都 要勒緊褲頭。CNBC見呢班坐艇散戶咁可憐，特別搜羅啲潛水股，教艇戶點樣利用呢批股票炮製一個豐富嘅「感恩節大餐」。 通用電氣換聖誕樹燈飾 美 國人過感恩節點少得火雞？微軟股價年初至今雖急挫四成，但爛船都有三斤釘，家吓每股都仲值廿蚊美金，沽咗佢都夠買隻10磅重嘅肥美火雞，食番個豐富嘅感恩 節晚餐。如果想佈置吓屋企，營造吓節日氣氛嘅話，就要諗吓賣咗隻通用電氣，每股仲值15蚊美金，夠買套聖誕樹燈飾。至於揸住股神隻巴郡嘅投資者就最豪，每 股值8.75萬美金，可以買到最新型號保時捷911跑車。不過通用汽車同AIG嘅股東就慘啲，兩隻股家陣分別只可以買到5磅番薯同一袋蔬菜，都夠填飽個肚 嘅。 賣美股過聖誕建議 微軟每股價值*：20.69美元購買商品：10磅重大火雞通用汽車每股價值*：3.59美元購買商 品：5磅番薯AIG每股價值*：1.77美元購買商品：一袋冷凍蔬菜巴郡（A股）每股價值*：87500.00美元購買商品：最新型號保時捷Google 每股價值*：257.44美元購買商品：奧林巴斯1000萬像素相機蘋果公司每股價值*：92.95美元購買商品：iPod Shuffle連10首下載歌曲埃克森美孚每股價值*：78.80美元購買商品：美式足球球衣高盛每股價值*：67.42購買商品：三星鐳射打印機碳粉通 用電氣每股價值*：15.26美元購買商品：聖誕樹燈飾花旗每股價值*：5.95美元購買商品：遊戲棋福特汽車每股價值*：1.56美元購買商品：6安士 「士的糖」註：星期一收市價 | ||||||