IU晒廣東話唱《囍帖街》網民洗版 阿Y：好感動
1 :
GS(14)@2015-10-23 07:51:39■前晚IU在九展開騷，以廣東話唱《囍帖街》，觀眾拍爛手掌。
曾拍韓劇《製作人們》的女歌手IU襲港，前晚假九展舉行演唱會，騷美腿又唱又跳，IU不但請粉絲上台玩遊戲，又大晒廣東話打招呼：「大家好，我係IU，好掛住你哋，好開心，我對你哋一見鍾情。」全晚最驚喜是IU竟唱出謝安琪的《囍帖街》這首廣東歌，咬字清晰唱得有感情，觀眾尖叫拆天。
■IU表示揀唱《囍帖街》，是喜歡它背後的故事。
■IU又用廣東話向港迷打招呼。
■阿Y謂IU唱得流利又有感情，非常難得。資料圖片
鍾意歌曲背後故事
IU唱完這首歌亦鬆一口氣，見到觀眾反應熱烈開心到儍笑，不停用手撥涼，似乎仍緊張未平。據知IU聽了多首歌後，最後揀唱《囍帖街》，除了因為這首歌好聽，亦因為歌曲背後的故事。而IU昨已離港，有半百粉絲送機。她唱《囍》的短片在網上瘋傳被洗版，在YouTube的點擊至昨午已逾16萬，網友狂讚好勁好犀利，聽到起晒雞皮。《囍帖街》作詞人黃偉文（阿Y）亦在Instagram激讚：「現在還有多少人為歌迷開心三分鐘而下這種苦功？真的被感動到，謝謝。」阿Y昨在電話說：「嗰排因為拍電影，要喺三、四日內學幾句完全唔熟悉嘅泰文，當時完全學唔到，明白學陌生語言係有幾難，因為你係要憑空死記發音。唱歌仲難，因為連停頓、考慮機會都冇，所以要更熟。見到IU唱《囍帖街》，不但由頭唱到尾，仲有咁多唔係幾重複嘅歌詞，佢唔使睇提詞器而又唱到，我覺得真係幾感動。」
大讚流利兼有感情
阿Y坦言：「掉番轉頭，你畀首韓文歌，要我學三個月半年唱番咁流利，我一定冇本事。重點係佢仲唱到有感情，據說佢揀呢首歌嘅原因，係佢好鍾意呢份歌詞寫嘅嘢，呢個係我覺得另一個感動原因。近年有咁多人云亦云嘅廣東人，等爭住話廣東歌唔好聽嘅時候，竟然有韓國人欣賞廣東歌，你話點可以唔感動！」採訪：皓騫
來源:
http://hk.apple.nextmedia.com/entertainment/art/20151023/19343501
操盤手札記：咖啡洗版 啡走有運行
1 :
GS(14)@2016-05-21 13:38:17美國4月CPI創3年新高，加上聯儲局鷹派話今年可能加息兩、三次，隔晚美股即刻腳軟。昨日港股承接跌勢，再加上北大人駕到而深港通無到，大市碌低292點或1.5%，收19826；沽空比率連續11日超過14%，破晒紀錄，淡友堅有決心。牛證重貨區19400至19599有成2,325張期指，同時為淡友殺落去鋸牛扒提供誘因。美國通脹上升，主要係原油價格上漲帶動。油價回升，亦反映風險胃納回升，利好股市；可惜原油唔係神油，只刺激到周初美股、港股彈一彈起就回軟。股市未回春，樓市又點？本港樓價由舊年9月高位至今回落13%，但跌勢其實喺今年3月已見喘定，4月更按月錄得1%升幅。呢啲時候，又有人問買樓好定買地產股好？不妨睇睇下列個案。近日佐敦道文華樓一個實用面積1,005平方呎嘅低層單位以830萬元易手，原業主1966年以7萬零653元一手買入，持貨50年，沽貨獲利近823萬元，物業期內升值116倍。又唔使O嘴住，睇埋長江一號先。舊年3月10日，長江實業為其超過42年嘅上市歷史畫上句號。當日股價逆市升0.6元或0.4%，收153.1元。呢個係長和系世紀大重組嘅安排，就係將長實、和黃嘅地產及非地產業務分開，重新組建兩間新公司──長和（001）及長實地產（1113）。長實1972年11月1日掛牌，招股價3元，公開發售1,050萬股，以總發行股數4,200萬股計，市值1.26億元。到舊年3月10日，以收市價153.1元計，市值3,546億元，比當年市值暴增2,813倍。買樓50年升116倍，買地產股42年升2,813倍！
維他奶要搵腦細幫
咪住，唔好以為我推介長地呀，地產股有息魔風險，長和系更有超人健康風險，超人上個星期就因腸胃炎缺席股東會，幾年前更傳過通波仔，雖然已作否認，但年紀越大風險越大。我近日嘅心水其實係維他奶（345），該公司繼上月推出「啡走」後，最近又推出「黑豆奶」，為打入年輕人市場，特登喺D-Mop劃出專區，免費任飲！周末俾腦細和明蝠俠嘅《情深咖啡未曾飲》洗版，如果維他奶早一步搵腦細……邊有咁多如果吖！不過，咖啡風潮再起，啡走亦會受惠！其實黑豆奶更應搵腦細推廣，同佢嘅黑面係絕配！言歸正傳，維他奶現金流強勁，收入持續上升，年年派息，中期、末期無甩拖。公司年結日係3月底，就快公佈年度業績，近日技術走勢轉好，現價15元，首站睇16元。
割柑人本欄逢周四刊出
來源:
http://hk.apple.nextmedia.com/financeestate/art/20160519/19617675
【2016洗版十大】今年花生特別多 姐夫JMtone你有冇笑過
1 :
GS(14)@2016-12-31 10:18:072016年網絡出現咗咁多奇人奇事，比咗咁多歡樂同教育意義我哋，到咗年尾又點可以唔表揚吓佢哋？所以我哋蘋果動搞作經過咗最業餘同唔透明嘅統計，搞咗個網絡洗版十大頒獎典禮，你又記得幾多今年吃過嘅花生呢？記者：余傲芝
第十位友共情之友情共人情
洗版十大得獎名單
第10位友共情之友情共人情正所謂結婚一生人一次，收人情都一樣。所以今年有好多新娘子珍惜呢個機會，就算朋友屋企有白事、定係小產瞓緊醫院休養緊，都會理直氣壯義無反顧咁叫人哋「人唔到，禮到呀！」
第九位輸在起跑線
第9位輸在起跑線今年7月就出現咗一隻巴基之星，由輸在起跑線，到贏在終點線，簡直係勵志故事。甚至令到唔睇馬嘅網民都like爆，亦提醒埋一眾「贏在射精前」嘅家長。
第八位嘥嘥嘥
第8位嘥嘥嘥洗腦嘅旋律，配上琅琅上口嘅歌詞，加埋3位學生介乎變聲與未變聲嘅演譯，就造就咗呢一股三角形風潮。
第七位岑小姐的奇妙世界
第7位岑小姐的奇妙世界從前有個岑小姐，佢認為自己同柏豪世紀一拖(手)，點知轉頭同劉先生in a relationship?
第六位火爆姐
第6位火爆姐「眾高官議員同埋香港警察，呢個世界有一樣嘢叫做報應、呢一刻我可能吹你唔脹，但世世代代嘅香港人都會放長雙眼睇吓你哋點折墮」，你哋仲記得呢個仗義執言嘅火爆姐關穎怡小姐嗎？
第五位洪荒之力
第5位洪荒之力當大家以為盡力就係等於盡咗力，傅園慧話比你知「用了洪荒之力」先係盡咗力，做人真係好攰so sad
第四位全部都係雞
第4位全部都係雞估唔到網民嘅一句無聲納喊，就孕育出一首引人入勝嘅歌，就算連一眾女藝人都雞前雞後，精彩想知道頭三位係咩？睇片啦望～
來源:
http://hk.apple.nextmedia.com/entertainment/art/20161231/19882351
特稱沒人理稅務紀錄網民洗版反擊
1 :
GS(14)@2017-01-14 07:54:15一向重視Twitter攻勢的特朗普（圖），舉行記者會亦成功帶起Twitter熱門話題。特朗普提到沒甚麼人在乎他的稅務紀錄，更吸引到大量網民跟他打對台。特朗普在記者會中，抱怨只有記者才會狙擊他的稅務紀錄不放。結果有網民發起活動，若非記者但仍關注稅務紀錄的就轉推，一小時內已有16.5萬人次響應。其他話題如在墨西哥邊境建圍牆並要求墨西哥付費，也吸引不少人討論。據市場調查公司Amobee統計，在記者會過程中，全球有8萬個Twitter推文含有「#TrumpPressConference」標籤，當中14%為正面、23%為負面、63%為中性。連遠在俄羅斯都有不少人在Twitter留意這次記者會。在記者會開始直至結束後幾小時，「#TrumpPressConference」一度成為當地最熱門標籤。路透社
來源:
http://hk.apple.nextmedia.com/international/art/20170113/19895297
網民問「洗版」 財爺：想玩我？
1 :
GS(14)@2017-01-14 11:58:56■曾俊華
【特稿】特首梁振英之前因扮識甚麼叫「洗版」遭網民改圖惡搞，創新及科技局長楊偉雄自稱見過已故的蘋果公司創辦人Steve Jobs，又遭網民恥笑，曾俊華昨接受unwire.hk訪問，有網民再拿這兩個問題向他挑機，曾似知道主持及網民想借此再揶揄梁振英，即時反問「你想玩我呀？」又說若現在仍見到Steve Jobs，他會「非常之驚」。
「真係未見過Steve Jobs」
曾俊華出席網媒unwire.hk的直播時，主持讀出網民問題，有網民問他知不知何謂「洗版」，曾俊華即笑言：「你想玩我呀？」隨即大笑並斬釘截鐵答：「知！」並定神望主持，主持即要求他解釋，曾說：「係咪即係好大量嘅留言，英文叫spamming。」又稱平日寫網誌時，也有人向他洗版。梁振英去年出席施政報告論壇時，被now新聞台主持問甚麼叫洗版，梁最初答「知！」但主持再追問時，梁無法解釋意思，事後遭網民惡搞。接着主持再問曾，有否見過蘋果公司創辦人Steve Jobs，曾即說：「真係未見過。」之後他又說網上有見過，但Steve Jobs「過咗身喎」，若現在還可以見到他，曾自言會「非常之驚」。■記者袁楚雙
來源:
http://hk.apple.nextmedia.com/news/art/20170114/19896704
【IG新功能】唔再洗版 IG將可一次上載10張相
1 :
GS(14)@2017-02-05 10:40:26不過這項新功能目前還是測試階段，當分享相簿時會炒機。
好多人都有玩Instagram，不過每次只能上載一張相片就唔算太方便，但好在有網站就爆料在最新Android平台Instagram Beta版10.7.0當中，其實隱藏了一次過上載多張相片功能。Droid Life網站指出在新Beta當中只要在相片上長按，就可以揀選最多10張相片及影片，然後可以一次過或逐張加入特效再上載，當有一輯相片想同Followers分享時，都唔使再洗版逐張逐張上載。這項新功能目前只能做到將最多10張相片加入相簿之中，The Verge網站指出分享相簿時會炒機。雖然現時只屬初步測試階段，不過照睇這項新功能好快就會正式加入Instagram。資料來源：Droid Life、The Verge文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170203/19916311
【facebook片洗版】好友日係乜東東 其實係幫fb做生日？
1 :
GS(14)@2017-02-05 10:49:14這兩天打開facebook，有否看到這句話呢？按鍵就看到facebook為你度身設計的「好友日」短片。
這兩天打開facebook，有否看到「好友日快樂」這句話呢？更可按鍵，就看到facebook為你度身設計的「好友日」短片。
按鍵後，facebook會用你的生活照，結合跟你互動頻繁的朋友，製成一個跳舞的人仔，把回憶一一送給你。看着看着，真的萬般滋味在心頭，還有一句這麼肉麻的說話：「冇呢班朋友，就冇今日嘅你！」有網民大讚facebook又鬼馬又有心思。其實舊年一樣有「好友日」短片，不過就好多人投訴，指按鍵後facebook說你沒朋友，而且等很久都沒片看。就連台灣女子組合S.H.E的Hebe都哭着喊淒涼，有網友就索性土炮自製短片。話說回來，每年2月4日的「好友日」到底是怎樣來的呢？明明2011年，當時還是聯合國秘書長的潘基文，已在紐約宣佈正式把7月30日定為「國際友誼日」，更有個偉大的使命，說要提醒大家凝聚友誼。既然已有一個全世界公認的「友誼日」，facebook又為何搞個「好友日」呢？翻看facebook的網上新聞中心，記者找到答案了！原來早於上年2月4日，他們已寫過文章表示當日是facebook的12歲生日，團隊因此製作了「好友日」短片送給用戶，以慶祝facebook生日。哦，明白了。即是「好友日」，原來是幫facebook慶祝生日！雖說是幫facebook搞生日，但都有不少網民說片段感動，更藉此向各方好友示愛。不過，正所謂「朋友係要見㗎」，行動最實際！新年過後，情人節前，不如馬上約朋友見面吧！記者：黃凱婷2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
原來「好友日」，是為了幫facebook慶祝生日！
所謂「朋友係要見㗎」，行動最實際！新年過後，情人節前，不如馬上約朋友見面吧！
來源:
http://hk.apple.nextmedia.com/su ... t/20170204/19917249
【貼圖洗版好勵志】揈頭鴿風靡全球fb 插畫師月月有糧出
1 :
GS(14)@2017-02-18 09:52:39不斷揈頭的Trash Doves突然網紅了。
最近Facebook出現了一個怪現象，不論何時何事，總見到這隻不斷揈頭的紫色鴿洗版，而且更登上報紙，吸引歐美傳媒報道，天呀，究竟是甚麼一回事呢？
先介紹一下這隻鴿，它的名字是Trash Doves，由美國插畫設計師Syd Weiler繪製，並製作成一系列動畫貼紙，今年2月推出在facebook供免費下載。最有趣的是「頭揈揈」那款貼紙，插畫師表示代表開心刺激，但她覺得怎樣用，甚麼時候用都可以，沒有任何規限，真是隨時隨地都可以不斷揈。但被「捧紅」至瘋狂洗版程度，是源於泰國一個facebook專頁的惡搞短片，他們把鴿頭跟跳舞貓的下半身拼接在一起，繼續揈，雖然有點不文但頗有趣，旋即爆紅，2月7日至今已有超過400萬人瀏覽過。說時遲那時快，瞬即紅返去歐美，揈頭鴿成為萬用貼圖，不少專頁的留言位置被洗版，還有人爭相仿效拍片齊齊揈頭，看得人頭揈揈。
Syd Weiler是視覺藝術家，專門繪畫插畫及設計動畫，原來他去年被挑選為2016 Adobe Creative Resident成員，以一年為期，會獲發放薪金，除了參加一些創作活動外，可隨意做自己有興趣的項目，而且全權擁有版權。這計劃由2015年開始，每年挑數位有創意的人才，並提供支援，讓你盡情發揮創意，自由創作，難怪可以製作出好作品，但計劃只限居住美國、加拿大及德國的人，呢個勵志故事，香港人只得個恨字。記者：鍾溥敏攝影：陳健邦2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
Trash Doves瘋狂洗版，不少留言位置都見其蹤影。（網上截圖）
Trash Doves其實是一系列動畫貼紙，在facebook供免費下載。
揈頭鴿爆紅是源於泰國一條惡搞短片，鴿頭拼接在跳舞貓的下半身，不文但頗有趣，大受歡迎。（網上截圖）
揈頭鴿是由美國視覺藝術家Syd Weiler的創作，他同時是2016 Adobe Creative Resident成員。（網上圖片）
來源:
http://hk.apple.nextmedia.com/su ... t/20170218/19931933
搶走陳展鵬網民洗版狂鬧單文柔係豬扒
1 :
GS(14)@2017-03-24 17:08:02「鵬單戀」日前正式曝光，陳展鵬同落選港姐單文柔，俾《蘋果》踢爆山頂摸黑喺車廂食包包，之後陳展鵬接受訪問時，堅稱自己係單身，女方亦只係形象指導，當日約埋揀衫。雖然陳展鵬隱約交代同單文柔只係普通朋友關係，不過男方fans已經咬牙切齒，喺女方Ig瘋狂洗版，鬧爆單文柔耍手段搶走定欣男友。陳展鵬回應完後，話咁快飛咗北京拍劇，以為件事就咁收科？點知前日有周刊登埋兩人攬腰睇傢俬嘅相，斷到正都冇得解釋囉，雖然男方唔喺香港，暫時遠離是非地，不過已有網民鬧爆佢係大話精。至於一夜成名嘅單文柔，其實一直沉默，默默承受各方攻擊，今日佢個Ig就更加群情洶湧，短短時間已經有超過400個留言，幾乎一面倒插爆單文柔有心計、有鋪排，豬扒、姣精，用字之狠絕對嘆為觀止。部份網民留言如下：--趁人唔喺度就媾人哋條仔，識唔識咩叫羞恥o架，有冇家教？--佢哋在粉絲心目中是無人可替代的，你破瓌咗一段好姻緣，你不及定欣好的，放棄啦！死心啦！--都話咗佢有晒鋪排啦，又情侶帽又晒花又打展鵬歌詞出嚟，但你害到定欣，展鵬家人俾記者煩，害到展鵬俾人鬧係大話精，你對得住你屋企人咩？咁心計，成件事得益者只有你一個。--仲以為自己好靚，根本完全比唔上胡定欣。如果唔係你個豬扒，陳展鵬同胡定欣可能已經係一對。--快離開展鵬，免費送上門唔怪得人話你姣婆。--鵬眼前有咁好既女仔（定欣）點會選你呢個落選港姐，看看你自己那麼醜，心地又唔好，你同定欣冇得比，定欣又靚又賢良淑德過你。雖然負評幾乎佔9成，但400條留言中，總會有一、兩條碩果僅存嘅正評嘅！--對你寄予同情，你要頂住呀！好好珍惜當下所擁有的緣份呀！--睇返以前的報道，妳由參選以來都是熱心幫人，又有禮貌！相信妳可以撐住，一切都會過去，有我哋支持你呀！
來源:
http://hk.apple.nextmedia.com/entertainment/art/20170324/19968709
貓奴超雲家貓洗版超蓮集氣溫書考試
1 :
GS(14)@2017-04-05 23:56:50何家三房超雲超蓮呢對姊妹感情好好，早排又孖住出去行街街。兩姊妹冇將戰利品放上IG開心share，咁佢哋平時會放上啲咩相上網呢？家姐超雲好鍾意小動物，幾乎成個IG都係佢三隻愛貓，毛毛、包包、蠢蠢輪流出現，其中毛毛最貪玩，蠢蠢最天然呆。超雲除咗會幫啲貓貓沖涼同搜羅零食，仲會幫佢哋開生日會，仲訂制過一個貓型蛋糕俾包包。至於阿妹超蓮IG就多啲相睇，有時會影啲功課相，溫書前後會上網集氣，有時又會同成班朋友食飯，唔少得梗係兩位好姊妹李蘊同G.E.M.啦。超蓮仲參加好多慈善活動，之前去咗尼泊爾幫「點滴是生命」做地區探訪有貼相上IG，早兩個星期佢去潛水，仲幫手執埋海洋垃圾。
來源:
http://hk.apple.nextmedia.com/entertainment/art/20170405/19980494
Next Page