ZKIZ Archives


先來盈利急升 原來係靠炒賣 愛生錢家庭

2008-02-28 HKET 錢寶珠
......
http://www.hkexnews.hk/listedco/listconews/sehk/20080227/LTN20080227138_C.pdf


  先來國際(0933)公布07年下半年的盈利1.7倍,不過小妹就睇過佢盤數,竟然發覺營業額反而跌咗21.4%,真「R晒頭」,咁佢啲錢點嚟嘅呢?


主要盈利靠投資


  原來先來過去半年有4,367萬利潤來自證券銷售,本來小妹都想好似平時分析股票咁,將呢筆錢扣起。但睇真啲份業績,原來集團將投資歸類為正常業務,於是今次分析,小妹就將所有投資有關的盈利保留,只略為扣除所有公平值重估收益,因為呢類收益紙上富貴嚟啫。


  先來本身從事製衣,生產錦綸T恤同埋銷售針織品,後來佢仲做埋健康食品,不過管理層話期內的健康食品業務無實質進展。吓?咁咪即煲冇米粥,真唔知講乜好!


  06年下半年的銷售暴增,並唔來自產品銷售,該年產品銷售只佔營業額24%,其餘收入都來自股息、利息等投資收入,到咗07年下半年,常規產品銷售只佔總營業額約10%。換言之,先來最主要的成衣業務未有大作為,反而去股票!


近年業績反覆


  睇番佢嘅貨品銷售,07年下半年仲要有67.4%倒退,可想而知集團已唔太重視佢的本業,打算全職炒賣


  可惜先來的投資成績都唔太好,去年股票市場咁旺,但佢都只能為股東帶7.8%的ROE……


  07年下半年,先來1,238萬元的收入當中,仲要有923萬元來自結構性貸款的利息。呢段日子,市場聽到「結構性工具」都怕怕,先來的投資仲要牽涉咁高風險,小妹都有啲替股東擔心!







greatsoup:


無看NAV,其資產大部分為易於變現項目,現每股淨可變現資產為五毛四分,雖股價偏高,但已經是一隻殼股,雖有息派,但頗為偏低,以股價約八毛計,淨殼價為三億,略為偏高,雖近來已傳出賣殼消息,有炒作概念,但只是投機,所以以投資角度看,建議回落至合理水平(約三毛至四毛)跟進。

呢個錢寶珠似投機高手和財務分析員多過空姐,建議有空閒時可作消遣之用。
PermaLink: https://articles.zkiz.com/?id=3865

Next Page

ZKIZ Archives @ 2019