一路一帶：電子支付唔啱香港自私市場
1 :
GS(14)@2018-01-28 18:34:28金管局總裁陳德霖接受訪問時指，將在9月在香港推出支援跨平台嘅電子支付系統，到時無論你用邊間銀行，用邊個儲值式支付工具App，都可以過數畀對方，打通網絡支付呢個複雜嘅管道，陳德霖語氣係覺得推出呢個平台後，香港電子支付會比大陸更有優勢（因為微信支付同支付寶冇打通），不過筆者認為香港是避稅天堂，電子支付對好多商家根本不是一個優勢。香港很多行業都是現金交收，因為可以合法避稅，筆者不討論合法性，只着眼普遍性。香港八達通推出廿年，但用於電子支付卻落後大陸及其他國家。正常消費會用信用卡，因為有得儲積分，而大陸流行電子支付及錢包，因為信用卡不流行（大陸人冇信用大家都知），電子錢包餘額亦有息收，大陸人更願意存錢在餘額寶而不放在銀行。但香港人如果要儲值在電子錢包上，意願不會及大陸人高，而且小商店因成本關係，更不願意支付手續費給八達通公司，而且收現金，無電子記錄，更易避稅（筆者不鼓吹犯法，只是提出可能性）。八達通壟斷香港市場，但卻不發展出一個真正方便的交易方式，亦不願意開放市場，自己穩妥壟斷公共運輸支付交易，真係好過走去打劫同創新。金管局希望推出平台打通全部銀行嘅支付平台，但成本一定貴，銀行之間亦不想配合，因為有錢點解要益畀對家？滙豐的PayMe更因為唔想益其他銀行，將每月儲值額由1萬減至5,000元，本沒倒置做法，根本冇心做大個餅，筆者對金管局呢個支付平台，暫時並不睇好，尤其希望佢能支援小商戶，減低收費，不要變成八萬五一樣，玩吓就算。斯郎
https://fb.com/oneroadonebelt/
來源:
https://hk.finance.appledaily.co ... e/20180125/20284682