人大五次釋法干預 衝擊法治堡壘余若薇嘆港人越來越難反抗
1 :
GS(14)@2017-07-01 10:09:36■余若薇相信北京重視香港法治優勢。
【香港20年】【本報訊】法治是20年前回歸時港人自豪的核心價值，20年後卻面臨不同方位及程度的衝擊。人大5次釋法，有推翻法院判決、有僭建政改步驟、連「未審先判」都有。回歸時任大律師公會主席的余若薇雖擔心法治的堡壘終會變弱，但勸勉港人要有「永恒嘅警惕」。記者：呂浩然談起20年來香港法治的變化，余若薇先指，「如果你要安慰自己或者覺得冇問題嘅話呢，純粹睇表面，你會覺得20年落嚟法治都係咁」，只是法治觀念已進入港人的血、肉和思想中，不會因數次衝擊而一下子散掉。不過余續指，「任何一個堡壘，你幾堅固、建咗幾多年都好，你咁砰砰砰砰咁砰佢好多次，佢都會弱喇」，她指的是人大釋法。「每一次人大釋法，加上對於法官嘅壓力，我相信其實係有嘅」，她察覺到每次釋法，社會反應是變得越來越難反抗，「因為好多嘢好容易都係嚟得多就會變咗一種習慣、或者一種無奈」。
郭榮鏗：宣誓案最損法治
法政匯思任建峰和立法會法律界議員郭榮鏗都抱有同感。任覺得，每次釋法不一定帶來很大傷害，但累積起來就不同，「好似一個人咁，身體OK，但係有幾聲陰魂不散嘅咳」。郭則形容5次釋法對法治「蒙上一個頗大嘅陰影」。而5次的釋法，余若薇和郭榮鏗都不約而同指，最損害法治正是去年宣誓案的釋法，郭說：「佢喺法院審理緊一單案件嘅途中去釋法，好明顯係嘗試影響法庭嘅判決。」他亦提到，99年居港權案的首次釋法，同樣有很大影響，因為當時終院已有判決。北京多次釋法，難免令人質疑中央是否還珍惜香港具有法治這優勢。余若薇憶述，回歸時她因為出任大律師公會主席，時常要受訪或致辭講述香港法治的未來，那時她總會在結尾提出一些積極、正面、「向前看」的言論，特別是當時很多人都想着，中國會走向現代化，香港就成為中國現代化的窗口，現在回想實在有點幼稚，「中國係現代化咗，但係咪等如佢開放咗呢？其實唔係喎」。話雖如此，余仍然相信北京重視香港有法治這優勢，「不過佢唔係太鍾意香港嘅人嘅人心冇崇拜共產黨嗰一套啫」。相比起來，郭榮鏗和任建峰較為樂觀。郭相信法治會否變質，主要視乎港人和法律能站得穩，任建峰更強調不能杞人憂天，始終香港「爛船都有三斤釘」，「香港唔應該自視過高，亦都唔應該睇小自己」。展望將來，他們3人都寄語港人要繼續發聲。余強調，港人要為守護法治而有「永恒嘅警惕」，不能太過保守，否則自由度會越縮越小，而發聲時又不能過激，「你太過偏激呢，喺香港嘅社會亦都至少目前嚟講，好難接受，效果會弄巧反拙」，因此爭取民主的人要懂得恰到好處。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170628/20071215