會師中環：超高人工的公會
1 :
GS(14)@2018-01-22 05:44:35近排會計界鬧得熱烘烘的，要數到會計師公會將會於三月召開特別會員大會（EGM）。當中有三個動議，分別為向註冊會員分派50%手上現金及等價物、一人一票選會長及不與現任總裁丁偉銓續約。作為專業團體，公會的確是有錢到「水浸眼眉」。截至上年六月底，手上有現金存款逾3.7億，確實犀利。至於錢從何來？主要當然係各大會員嘅會費，2017年會費收入就有大約1.4億元，連同其他收入共有2.4億元，媲美上市公司。可能各大會員心中都有個疑問，就係公會收咁多錢，但平時所享服務又唔見特別多，到底，啲錢使咗去邊？翻查年報，公會最大支出為「薪酬開支」，約1.4億元，以年度平均僱員人數207人計算，平均年薪達67萬元，即使除去主席超過500萬元嘅人工，平均年薪亦有65萬元。這到底是個甚麼概念？以Big4人工計算，這已是經理級人工。這實在是個很高的數字，大家試想像一下，如果公會內有超過200個Big4 Manager在一起工作，是何其壯觀？當然，如果一定要計及其他因素如Part Time、離職人員費用的話，平均人工一定冇咁高，但大家不要忘記，我亦沒有計掃地阿姨嘅較低薪酬。所以這無疑得出一個結論，就係會計師公會嘅人工（尤其是高層）對比同行着實不低。試問面對如廝嘅薪酬架構，平時年年交會費、日日OT但人工又比你低嘅一眾會員，又怎能夠心理平衡呢？神仙丁《審計搵丁》負責人
http://facebook.com/AuditSlave/本欄逢周五刊出
來源:
https://hk.finance.appledaily.co ... e/20180119/20279446