被指公司人去樓空 趙薇﹕不能裝修一下？
1 :
GS(14)@2017-12-10 21:32:46【明報專訊】大家可能唔記得近年趙薇有咩精彩嘅影視作品，但自從佢同老公黃有龍被中證監處罰禁入A股5年後，就頻頻高調在網上回應消息。好似近日有內地媒體報道指趙薇名下4間公司已人去樓空，公司搬走裝修。趙薇前晚（12月7日）就喺夜晚11點半左右都要喺佢個認證微博反擊話「就不能裝修一下公司，讓大家工作環境更好嗎？」
趙薇話，是因為不想員工被裝修污染，搬到別的地方暫時辦公，仲反問好了再回來有錯嗎？還在評論中「連裝修師傅都說了問了不要瞎寫啊！ 」不過之後喺佢微博上已經無咗嗰條微博，可能已經自刪。可惜世上有截圖這項功能，小燕子發火仍然被網民廣傳。
不過觀乎佢同老公黃有龍頻頻喺微博發聲，可能都有少少委屈啦，事關連好似好老友的馬雲都話，其實見小燕子唔夠10次，好明顯要劃清界線。不過都有內地傳媒好用心咁fact check，發現馬雲同趙薇起碼見過11次，算還佢一個公道啦。
[小琴密語]
來源:
http://www.mpfinance.com/fin/dai ... 4561&issue=20171209