兩會計師樓包辦21隻「謎網股」核數
1 :
GS(14)@2017-12-05 01:08:38【本報訊】「股壇長毛」David Webb（圖）早前點名「50隻不能沾手的港股（簡稱謎網50）」，暫有5隻遭證監會勒令停牌，本報統計發現，兩間會計師樓──國衛及開元信德，包攬「謎網50」當中21間公司的核數工作，佔總數四成。據統計，國衛沾手名單上50隻港股中的13隻，其中一隻中國華仁醫療（648）已停牌，開元信德則負責8隻的核數工作，包括近日收購君陽（397）的集成（1027）。據悉，國衛由上一代會計師鄭國衛成立，現時已經傳至第二代，即現時國衛總執行董事長鄭中正，鄭中正亦為香港會計師公會理事之一。開元信德則被業內人士形容為「後起之秀」，規模不算大，辦公室在尖沙嘴，「人哋一間公司要5至6個人核數，佢哋可以2至3個人一間」。
鄭中正：咁啱得咁蹺
鄭中正回覆本報查詢時表示，該會計師樓幫「謎網50」當中13間公司做核數師工作，屬於「咁啱得咁蹺」，又指這些股票相互之間或有關係，亦未必有關係，「咁啱炒埋一碟箒」，他又強調，不認識背後所謂「老闆」，「佢哋係炒股票，我哋做核數嘅唔會參與。」鄭中正又否認13間公司的核數工作是「整套包裝而成（意指背後屬同一個老闆）」，「係就50隻一齊做晒佢喇，一係唔好用死一間，打散晒佢，唔係就會一齊出事」。除小型會計師行外，四大會計師行，部份亦有幫名單上的公司核數，當中德勤沾手6隻股票，其中3間已經停牌，包括隆成金融（1225）、康健國際（3886）、新銳醫藥（6108）。安永及畢馬威亦有參與小量，羅兵咸則未見出現。會計師張嘉裕指出，會計師樓獲得核數生意，除有可能是因為服務好，亦有可能是中間人介紹，另外大型會計師樓收費較高，若果有人將旗下上市公司介紹予同一中小型會計師樓，將會有規模效益。
來源:
https://hk.finance.appledaily.co ... e/20171201/20231569