ZKIZ Archives


搶錢男女 垃圾堆尋寶

2012-6-7 NM

第一次打開哈哈笑二手店網頁,貨品種類令人驚嘆兼啼笑皆非。一千三百多件貨品,新舊摻雜,由釘書釘、浴帽、各式家庭用品、生財工具(如手推鐵車), 到傢俬電器,包羅萬有,當中更有兩元、五元的「必看區」。驟眼看,似將天光墟的地攤搬上網。仔細再看,網站還提供一系列服務,包括出租信箱、訂造高架床、 裝修工程、網頁設計、批發維他飲品、搬運服務……每一樣都可以是一盤生意。 這個疑似有「八手八腳」的網站老闆叫蔡子聰(阿聰,二十八歲),現月賺四萬元,但原來曾經窮到「褲穿窿」,要靠同居女友接濟。一○年底用五千元創業,主攻 本小利大的二手傢俬市場,再將過程中搜羅得來的「濕星嘢」放上網,「賺得一蚊得一蚊」。鹹魚翻生,先要學懂如何在垃圾中尋寶。


阿 聰和女友Katy每日都要港、九和新界到處跑。上週五中午,二人叫了部時租百多元的客貨車,將一張二手雙層木架床送到葵涌一幢唐樓外,再爬樓梯,將散件搬 上四樓單位,熟練地裝嵌,這單生意有一千元入袋。回程,咬着麵包做午餐的阿聰知道記者採訪車有位,便老實不客氣地跳上車,到大角咀貨倉會合Katy弟弟阿 仲,拿了六部板車,再坐採訪車到荃灣收傢俬。原來舊業主賣樓送傢俬,但新業主簽約後,卻發律師信要舊業主交吉當天把傢俬搬離。「反正都係當垃圾扔掉,叫二 手店來收,不用自己抬。」業主梁小姐說,同行的地產經紀收到阿聰卡片後笑說:「呢個有用,以後有同類事件發生,可以搵佢嚟幫手。」 這次收穫甚豐,有衣櫃、梳妝枱、鞋櫃、膠椅等,阿聰滿意地笑道:「呢批貨應該可以賣到五千蚊,個地產經紀以後都有用。」阿聰叫來客貨車將貨運回大角咀貨倉 後,與阿仲再次登上採訪車,趕往西貢收傢俬。就這樣,採訪車做了大半天「順風車」,記者原定約了阿聰下午拍照,也要順延至週六。

二手傢俬 本小利大
出 售二手傢俬是哈哈笑最賺錢的生意,Katy打開電腦,展示每月交易記錄,四月有四萬多元盈利,傢俬買賣佔約五成。網上二手傢俬市場競爭大,哈哈笑就在價格 上下手,「每件傢俬都要睇番原價同行家嘅定價,但我哋最大特色係,通常個客還價都會成功,因為啲貨通常都唔使錢收返嚟,你還幾多價,我哋都係賺。」 Katy笑說。一旁的阿聰即補充道﹕「我哋網址及雅虎拍賣、香港屋網嘅戶口,都係用手機號碼註冊,客人好醒,會打電話來格價,快人一步。」採訪那幾天,他 們的電話響個不停,全是查詢買貨交收,或傢具回收詳情。 除了上門免費回收家居或辦公室的舊傢俬,阿聰也會和專在西九龍中心附近垃圾站撿拾傢俬的行家交易。「佢哋擺地攤,我做網上,而且有倉,佢哋賣唔到會平啲賣 俾我。」Katy說,他們亦會到醫局街垃圾站尋寶。另外,大角咀工廠區有不少專幫人清屋的貨車司機,阿聰會派卡片,叫他們在回收的傢俬中挑選質素較好的賣 給哈哈笑。「香港人鍾意換新嘢,好多傢俬用咗一年就掉,拿返來擦拭乾淨,便可拍照放上網。」阿聰說。除了住家,也有結業的店鋪找他「清場」,因此公司亦有 不少辦公室桌椅及用品,甚至時裝店的模型公仔、座地收銀枱等。

OSIM送橫財
「買二手傢俬嘅都係基層,所以最好賣係 雙層木架床及小型傢俬,最好彩係收到花梨木傢俬,好多中產搵來儲。」Katy說,上週五,記者見他們叫車「送走」一個花梨木櫃,「我哋用二千五百蚊同個司 機買咗三件花梨木傢俬,依家一件已經賣到二千五。」Katy笑說。最近,公司更發了筆「橫財」。去年十一月,他們發現OSIM推出「舊椅換新椅」計劃,顧 客購買新按摩椅時,只要交回一張舊按摩椅,不論品牌、型號、好壞,就可以當五千元使用。「大角咀有二手店專收按摩椅,好嘅就拿返大陸賣,太舊或爛嘅就二百 至五百蚊賣俾我。」阿聰說,另外幫人搬屋的南亞裔人士也會供貨給他。他將舊椅放上網,每張一千多元賣給想用舊椅當五千元使用的客人,「試過一個月賣咗廿 部,賺咗二萬幾蚊,真係要多謝OSIM。」阿聰笑說。

食得唔好嘥
回收傢俬過程中,阿聰亦收到大量家居、店鋪及辦公室 雜物,小如橡皮圈、文儀用品、玩具,大如電器、樂器,全部拍照後放上哈哈笑二手店網站,標價由兩元至數百元不等,亦有二千多元的條碼列印機。「幾蚊嘅嘢純 粹係噱頭,絕大部分都係唔使錢拿返來。辦公室或開鋪用嘅嘢比較多人買,因為做生意,個個都慳得就慳,亦有客人來尋寶,搵啲絕版貨。」Katy表示。 為了賺錢,二人可謂「無所不用其極」。除了賣「夜冷」,網站還提供多項服務,包括訂造高架床及鐵製品、承接裝修工程、網頁設計,這些屬轉介,只從中抽佣; 另透過哥哥經營的零食店,為客人以批發價訂購維他奶飲品,數量不限。還有親身上陣的搬運服務,及出租搬運工具,最後連自己住址的信箱亦拿來出租,月租一百 元。「因為我哋無錢,想搵多點錢。」Katy不諱言道。 公司在大角咀合桃街的工業大廈有兩個貨倉,營業時間由上午九時至凌晨十二時,阿聰及Katy租住距離貨倉約十五分鐘路程的套房單位。「住喺附近,可以隨時 開倉俾客人揀貨,或者拎啲貨同人交收。」Katy說。

天光墟起家
年紀輕輕就做「收買佬」,全因一件打拳用的速度拳擊 球。「失業時,用八十元買咗個二手嘅來玩,Katy話阻地方,叫我擺上雅虎拍賣放咗佢,估唔到賣咗一百四十蚊。」阿聰憶述,於是他開始四處搜羅舊貨,主攻 膠箱。「實惠、宜家啲幾層嘅膠箱要二、三百蚊個,深水埗天光墟三、四十蚊一個,我哋執返來洗乾淨,放上網賣到一、二百蚊,簡直係低成本高效益。」阿聰得戚 道。 當時,他和Katy可說是落難鴛鴦。中五畢業便開始做傳銷的阿聰,賣過香薰同減肥產品,自稱曾年入八十萬,「嗰時細個,啲錢用晒來吃喝玩樂,成身名牌,仲 要送禮俾上司,無錢剩。」不過,做傳銷,三更窮五更富,最後只能勉強度日。四年前,阿聰認識因做傳銷而欠下一身債的Katy,拍拖後,二人蝸居在大角咀唐 樓的天台鐵皮屋。阿聰失業後,生活全靠Katy在船務公司做文員的一萬元月薪。創業初期,Katy每天放工後都和阿聰去天光墟買貨,再合力搬回位於九樓的 天台屋。「清潔完再影相擺上網,晚晚都兩三點先瞓,第二朝又要九點返工,瘦咗成十五磅。」Katy說,阿聰望着女友,一臉不自然,但卻肯定道﹕「我想搵多 啲錢,儲少少錢結婚,等佢可以生活得好啲。」

開業資料(12/2010)
入貨:$2,000 網頁:$2,500 雜項:$500 總投資:$5,000

營業資料(04/2012)
營業額:$59,000 租金:$9,000 人工:$4,000* 入貨:$3,000 雜項:$2,000 盈利:$41,000 *四名兼職 ####


搶錢 男女 垃圾堆 垃圾 尋寶
PermaLink: https://articles.zkiz.com/?id=34138

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019