📖 ZKIZ Archives

結婚十八年的林青霞和邢李『火 原』，近幾年不時傳出婚姻亮紅燈，幾經澄清仍未能釋疑；數月前，婚變傳聞再起，有內地女作家爆林青霞前年與丈夫離婚，並分得十一億財產。本週一，林青霞帶 同兩名女兒往韓國度假，面對婚變傳言，記者四度追問，她依然三緘其口，直到第五次，林青霞才開口否認說：「唔係！」至於邢李『火原』，回應傳言時更黑面爆 火，即時指示保鏢攔截，阻記者繼續影相。微博爆離婚

月前，有內地女作家王亭亭在個人微博內爆料，指林青霞因為未能為邢家生個慈姑椗繼後香燈，結果老公在上海包養小三，王亭亭更言之鑿鑿，聲稱消息來自林家在美國的鄰居云云。

該傳聞指，自林青霞婚後未有為邢家添丁，身為億萬富豪的邢李『火原』對延續香火的傳統思想根深蒂固，夫妻感情因而受影響，文中更指邢李『火原』在上海，與 育有一子的女子有來往。婚變傳聞自○六年開始，從未間絕，邢李『火原』更一度出動名下公司公關出面澄清，可惜傳聞愈演愈烈。

傳復出拍戲

最近，再傳出另一版本的婚變傳聞，指林青霞離婚後，分得丈夫十一億財產及飛鵝山大宅，又指兩人早於四、五年前已經分房瞓。「青霞因為同老公嘅感情唔好，搞 到有抑鬱，今年初仲有去中環睇醫生，仲由兩個禮拜一次，變到一星期兩次。」消息人士聲稱。除屢傳婚變外，亦不時傳出林青霞會復出幕前。早前有傳她接拍大陸 導演張藝謀新片《龍吻》，據了解林青霞一直游說復出的，還有老拍檔徐克，當年他一手為對方打造的《東方不敗》，令她的事業再創高峰。「徐克同施南生都係青 霞嘅老友，近半年大家經常約出嚟食飯或者喺文華東方飲下午茶，大家想佢出番嚟拍戲，都係等佢可以有番啲寄託。」上月中，林青霞原本計劃好，約埋好友陶敏明 等到上海散心，後來突然取消行程，留在香港陪伴兩女愛林和言愛。

保鏢趕記者

上週六（八月四日），本刊記者向邢李『火原』求證，他最初面露微笑保持友善，直至記者問及婚變傳聞，便立即爆火，並指示保鏢驅趕記者。

壹：聽聞青霞復出拍戲？

邢（面露微笑）：唔清楚，唔知道！

壹：最近又傳你同青霞離咗婚喎！

邢（不出一秒即黑面）：唔好再影相！

壹：唔係嘅話，可以講幾句澄清嗎？

邢（攤開雙手）：冇嘢好講！

此時邢李『火原』身邊的保鏢已走上前，攔阻記者鏡頭，邢李『火原』亦指向記者說：「你哋唔好再影！」

韓國放暑假

本週一（六日）林青霞與兩名女兒、施南生出發往韓國首爾，中午十二時四十五分，一行人乘坐兩部七人車，離開大宅出發往機場。抵達機場後，林青霞由助手代為 check in，直到臨近最後入閘時間，始見她施施然單拖現身機場，滿面笑容的她，似乎未受婚變傳聞影響。壹：青霞，聽聞你打算復出？林：唔係！唔會！壹：有傳聞指 你同邢生離咗婚？微笑不答，記者三度提問，林青霞依然保持微笑。壹：青霞，不如講幾句澄清吓喇？林（語氣拉長）：唔係……，唔好亂寫，隔完一陣又傳一次。 隨後林青霞急步入閘，未有進一步回應。

美人情路

有大美人之稱的林青霞，17歲拍《窗外》一舉成名，是八十年代文藝片女王，片中拍檔不是秦祥林便是秦漢，她亦先後跟兩男譜戀曲，卻未能開花結果。

避到美國與台灣當紅小生秦漢經常合作，兩人日久生情，可惜當時男方早已結婚生子，而且未能承諾離婚；備受外界指責兼受情傷的林青霞，最後離開台灣逃情往美國。

四角混戀一直有心追求的秦祥林，赴美陪伴林青霞，終感動大美人，二人宣布訂婚。消息傳出後，有指秦漢大受打擊，經常借酒消愁，不久便與太太離婚。林青霞和秦祥林訂婚四年後分手，回復自由身的林青霞翻撻秦漢，但兩人最終也未有結婚。

情歸邢家94年，林青霞在上海拍戲病倒，秦漢未有現身，反而是邢李『火原』體貼照顧，令她大受感動；同年6月二人結婚，青霞淡出娛圈並為丈夫產下兩女，邢李『火原』為兩女兒命名愛林和言愛，以示對林青霞之心。

百億神話

有份創立思捷環球時裝王國的邢李『火原』，當年成功將品牌推廣至全世界，早於03年已進身福布斯全球五百大富豪榜，身家18億美元，位列310名。在他統 領下的思捷環球亦進身藍籌股，股價更飆升至百元，成為傳奇紅底股。08年，邢李『火原』辭任公司職務，並陸續減持股份，直到10年，套現近214億元，完 全退出思捷環球，而品牌股價亦從此風光不再。

跟家族擁有過百億資產的金利來集團三少曾智明結婚十一年的黎瑞恩，因國產小三介入，導致婚變，年初帶同一對子女離開九龍塘大宅後，隨即搬入大埔凱悅酒店式住宅暫住。本月初，正式辦理離婚手續的黎瑞恩為讓子女重回正常生活，已搬離酒店，並以月租五萬多元，租住大埔比華利山屋苑，有指按月收二十萬贍養費的她，離婚後獲前夫分千萬身家，跟曾智明全面反枱的黎瑞恩斷然否認：「膝頭對上就俾！」㷫爆！自力搬屋

上週六，黎瑞恩揸車到大埔凱悅酒店，將存放在酒店的六大袋物品搬走，然後再返比華利山新居。

一味拖住

上週四（六月十九日）下午五點幾，黎瑞恩駕著平日用開的Jeep，載住一對子女及兩名朋友，離開新居比華利山，到附近的大埔超級城買家居日用品。之前被拍到在宜家買平價傢俬的她，跟子女在一田百貨繼續格價，三人在家居用品部行了接近一個鐘，黎瑞恩發現記者後，即發火：「唔好跟住！」掃了多款減價煮食用具及大堆文具後，一家人便折返新居。「新屋要五萬幾蚊租，得二千呎，比起以前住開嘅萬呎九龍塘大宅梗係細咗好多，但小恩子貪新屋方便仔女返學；話就話Ricky（曾智明）照跟番以前喺大宅廿萬家用一個月咁，俾三仔乸生活費，但佢哋而家搬開住，交租都唔見咗一截，Ricky又唔另外俾租，變相減咗生活費；之前連仔女嘅課外活動費都拖得就拖，三催四請先肯俾，小恩子都冇符。」知情者說。

家底厚俾多啲

就黎瑞恩與曾智明離婚，有關雙方贍養費問題，本刊諮詢了謝偉俊律師的法律意見，瞭解男方支付的贍養費數目，是否該給予女方離婚前一樣的生活水平？「呢個係儘可能，當然最重要係睇番雙方經濟條件同需要，保持番離婚前生活水平，呢個係理想化，但實際上好多時做唔到，原本一份變兩份比較困難，所以只係其中一個考慮因素。（如果男方家底顯赫，是否要提供離婚前生活水平？）可以咁講，男方如果家底厚，可以俾多啲。」謝偉俊說。

冇偈傾

多年來長駐內地的曾智明，就算放假回港，也從不爭取親子時間，與一對仔女感情十分疏離。據瞭解，女兒今個月小學畢業，缺席多次家長聚會的曾智明，為了不落人話柄，也有現身出席畢業禮。「嗰日凱栭都係黐住媽咪，冇乜點理爹哋，曾智明都有等畢業儀式完曬，同個女影完合照先走，但黎瑞恩同佢就全程冇傾過偈，連企埋少少都冇，互當透明。」有份出席的家長透露。

斤斤計較

據瞭解，黎瑞恩未有如外間所指收過千萬贍養費外，曾智明對前妻及子女的生活開支，反而斤斤計較。「當初小恩子以為自己搵到歸宿，為對方放棄事業，點知得到咁嘅結局；小恩子唔想再糾纏落去，佢覺得分開都唔緊要，只係曾智明竟然可以完全唔理對仔女，到今時今日仲同佢哋計較生活費，所以佢好傷心。」知情者說。 上週六（二十一日）下午二時，黎瑞恩將早前入住凱悅酒店期間的行裝搬走，在數名酒店職員幫忙下，將六大袋紅白藍膠袋搬上車。

20萬點分配

每月20萬生活費，一般人超級豪華好使！但對零收入、要請工人、一對仔女讀國際學校、交租都冇咗四分一的黎瑞恩來說，七除八扣下，不算好鬆動。屋租$55,000國際學校學費$15,000×２補習及課外活動費$15,000×２日常生活雜項$30,000工人$6,000總支出：約$151,000

一個笑話

本刊記者趁機上前，問她有關曾智明拒負責交租一事。壹：搬咗去比華利山？黎：係，唔通長時間住喺度（大埔凱悅酒店式住宅）。壹：有傳聞話你收咗前夫一 千萬。黎：你覺得有冇吖！壹：新屋係曾生負責俾租？黎：膝頭對上就俾。壹：你自己俾屋租？黎：梗係我自己 俾啦。壹：之前囡囡畢業禮，你同曾生一齊？黎：我見唔到佢喎。壹：有報導話你收三千萬 復出。黎：真係多謝大家俾面，到今時今日都有唱片公司肯俾面用三千萬簽我，真係一個笑話。不過好多謝大家鼓勵，我暫時未有呢個諗法，只係想全心全意照顧一對仔女。開車前，黎瑞恩校低車窗說：「唔該唔好再問我，呢啲咁負面嘅嘢，我唔會再答。」

衰收尾

一生一世的時代早已過去，夫妻關係到盡頭只有離婚，繼而爭撫養權、拗贍養費，醜惡人性暴現。

葉蘊儀

13歲出道的葉蘊儀，95年下嫁玩具商人陳柏浩，後因第三者介入，結束六年婚姻，離婚後，葉蘊儀慘被前夫爆閨房事，對方更唔肯俾贍養費，為搵錢養大一對仔女，葉蘊儀幾乎有乜做乜。

羅霖

去年羅霖和劉坤銘離婚，協議共同撫養三子，及後羅霖曾公開暗示前夫俾唔足贍養費兼倒欠她過百萬，之後劉坤銘更反口力爭三子撫養權，並倒向羅霖追討贍養費。

小雪

與家人台灣旅行期間，小雪老公陳迅元竟與大乳牛蔡慧敏在當地開房，二人06年離婚，但陳迅元一直拖欠贍養費，經常要出動律師追討；11年，小雪甚至要申請前夫破產來追贍 養費。