YouTuber盲追潮流不如堅持自己長處
1 :
GS(14)@2017-09-17 12:32:08【本報訊】YouTuber在香港冒起不足十年時間，已歷數代變遷，多少人浮載浮沉，然後悄然從小屏幕退出。當中你又記得幾多個？回帶至2010年，當年末代會考生Ruby因批評會考考官一舉成名，其招牌心型動作「Ruby Close」讓人留下深刻印象，更令她被視為初代YouTuber。此外，就算不是iPhone粉絲，但或許你會看過有人用紙巾、電風扇及螢光棒惡搞過iPhone，那是大叔「LOU記」。還有被惡搞過無數版本的希特拉短片，但最引起港人共鳴的，還是Eminleo創作的「取消唔到有線合約」……曾經一炮而紅的人多，但能夠堅持下去、仍然在大眾視線佔有一席之地的人，始終屬少數。走過七年YouTuber之路，Ming仔深深明白到，市場終究只是一個循環，最重要是找到自己擅長之處，「譬如市場好多人做打機片，但我自己唔係hardcore（忠實）機迷，如果我見市場好興又走去做嘅話，我一定做得唔好㗎。」「若你可以捱到（一開始）嗰段唔穩定，你又prove（證明）到你真係擅長做呢樣嘢、你嘅價值會慢慢浮面，中間過程係比較辛苦，但人生流流長㗎嘛，你可能用10年時間終於prove到，打後仲有成二、三十年做㗎。」Ming仔如是說。
來源:
http://hk.apple.nextmedia.com/financeestate/art/20170905/20143337