大陸神秘買家忽然「消失」？ 被志偉寸兒戲
1 :
GS(14)@2017-03-05 09:34:55方逸華於2012年3月離任無綫電視副主席兼董事總經理，全身而退，TVB同進入了新老闆「殼王」時代，咁現年83歲嘅方逸華仍持有TVB（0511）做非執行董事。
TVB今年2月初爆收購戰，突然殺出神秘「買家」，疑遭神秘內地資金狙擊，內地傳奇影業及娛樂集團發公告，指日前向TVB發出文件，擬收購29.9%已發行股份，如果落實，會成為TVB單一最大股東，大陸收購建議，條件之一係TVB回購股份行動以失敗告吹，即成為TVB回購股份嘅「變數」!事緣TVB提出建議回購最多1.38億股，涉資42.09億元，若建議回購計劃全額完成，由大股東陳國強、宏達電（HTC）創辦人及董事長王雪紅及有「中國梅鐸」之稱嘅黎瑞剛持有Young Lion，以及「六嬸」方逸華嘅持股量，將可由目前29.9%增至41.19%。之不過呢個神秘「買家」後嚟冇咗影，TVB執行董事兼集團行政總裁李寶安同TVB獨立非執行董事嘅盛智文，均對「買家」未有所聞，就連志偉都話問過高層朋友，佢哋話只收到信話有人想買，消息出咗會被停牌一日，志偉覺得太兒戲，「如果係想紅嘅可過橋出名，我都可以話就快買滙豐」。
來源:
http://hk.apple.nextmedia.com/entertainment/art/20170305/19948414