ZKIZ Archives


一路一帶:香港回歸廿年的悲歌

1 : GS(14)@2017-07-01 09:32:58

香港即將回歸廿年,近年被批評最多,就是香港原地踏步、不思進取、食老本。的確,香港廿年來,進步得最多,是超支基建,是癲狂樓價。就連八達通廿年都冇乜進步過,難怪林鄭都唔識得用。香港的前路,年輕人「睇唔透」,昔日的獅子山精神,在現今已用不着,勤力工作,準時交稅,睇住啲錢白白流出去,搵得錢最多,仍然是地產及銀行那班人,「收租好過打劫」,是香港最穩陣的產業。年輕人唔係冇理想,而是不敢有太多幻想,創業的機會成本實在太大,社會認同的身份價值,不是你有幾大貢獻,而是睇你有幾多層樓,有幾多息收,「叻」是看你荷包有幾深,而唔係讀過嘅書有幾厚。前人種樹,後人乘涼,香港剛好相反,上一代累積財富,下一代用畢生積蓄去繼續增長前人的財富。曾經是香港仔精神嘅王維基,最近都高調「藐視」香港年輕人,都係老土的唔捱得、唔夠勤力,「因為未ready而去投訴社會唔畀機會,我唔係好贊成呢種態度。」這句說由他講出來相當諷刺,其實香港人同樣可以回敬佢「未ready就去投訴行會唔發個電視牌。」將制度不公平合理化,王維基好像忘記了,當初就是這班年輕人最支持他搞電視台,其實最埋怨別人唔畀機會的,正是王維基本人。後記:傳媒寒冬,已經寒咗幾年,倒閉的同業已有數間,香港人睇新聞習慣已經改變,別說賺大錢,好新聞和收入,由正比變成反比,明星食煙偷食,好像比國家大事更為重要,怎樣轉身迎接新科技時代,怎樣將新聞化為收入,是傳媒要認真考量的問題。不過當我看到今年書展主題是「旅遊」,便知道傳媒就快玩完。要考量一個地方的文化軟實力,可以留意市民的閱讀普及程度和質素,今年書展以旅遊書作主題,港人願意花一百幾十買在Google可以免費找到的資訊,卻不肯每月花時間去支持新聞資訊,完全是為香港回歸廿年寫下悲歌。斯郎
https://www.facebook.com/oneroadonebelt/本欄逢周四刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170629/20072397
一路 一帶 香港 回歸 廿年 年的 悲歌
PermaLink: https://articles.zkiz.com/?id=337164

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019