共過患難陳宛蔚打動錢國偉之路
1 :
GS(14)@2016-10-27 06:02:39俗語有云「一物治一物」，放喺錢國偉同老婆陳宛蔚身上就最適合不過。參加2007年港姐嘅陳宛蔚，只能入到24強，即係根本連上台嘅機會都冇，但就被無綫睇中咗，召去擔任錢國偉揸旗嘅綜藝節目《味分高下》其中一位「味之天使」雜果賓治。自此，令陳宛蔚同錢國偉結下緣份……錢國偉話晒係金牌監製，做親啲節目同電影又收得，佢本身又喜愛夜蒲，自然多女埋身。不過自從陳宛蔚埋身之後，錢國偉都開始收心養性。話說2012年錢國偉開拍電影《喜愛夜蒲2》，更屬意樣子甜美又好身材嘅苟芸慧擔正，點知有傳陳宛蔚疑不滿苟姑娘成日黐住錢國偉，陳宛蔚向男友大發雷霆，更有人見到佢哋兩個喺餐廳為此吵大鑊，錢國偉為安撫女友、平息其怒火，所以就算套戲已經開拍咗，但錢國偉都仍然嗌易角，換上連詩雅。唯當時錢國偉同陳宛蔚都否認「拖友」關係，但有傳陳宛蔚開始做「跟得女友」，出出入入都跟到實。另一次係大台節目《五覺大戰》特別篇，錢國偉拉大隊去新加坡拍外景，點知錢國偉被拍到獲36E身材嘅白雲餵食雪糕，令陳宛蔚醋意大爆發，不單止將男友錢國偉同牽涉其中嘅白雲鬧爆，更連幫拖解釋嘅白雲男友都被爆埋一份。明明錢國偉有咁多「選擇」，點解要忍讓陳宛蔚呢個特級野蠻女友呢？好簡單，因為佢哋共過患難。回少少帶，錢國偉喺2010中捲入陳志雲涉貪案（新聞連結：
http://bit.ly/2dSqCkV），當年錢國偉辭職兼落難，但陳宛蔚對佢不離不棄，錢國偉一直記喺心，所以就算陳宛蔚點野蠻都好，佢都好忍讓。
來源:
http://hk.apple.nextmedia.com/entertainment/art/20161027/19813397
【共度患難】徐若瑄撐夫還13億
1 :
GS(14)@2017-01-07 00:28:59徐若瑄
不少藝人的另一半都曾經陷財務難關，有些能共患難，亦有人選擇各行各路。
徐若瑄
14年嫁新加坡富商李雲峰，男方去年9月被爆公司負債13億港元。徐若瑄出聲明撐老公認財困，積極復出工作。
賈曉晨
賈曉晨（JJ）前年秘嫁樊少皇，去年8月有指樊少皇曾向朋友借200萬，之後債主去JJ寓所追數，事後JJ指樊少皇為幫兄弟而被呃。
江欣燕
13年與結婚12年的老公吳積遜離婚，原因指男方債務有問題，加上經常夜蒲攬女，其間傳欣欣代還過不少債務。
楊采妮
楊采妮與邱韶智合作搞製作公司，02年生意失敗，2,000萬私己化為烏有。翌年楊采妮復出，並與邱韶智分手，二人於11年復合，13年結婚，楊采妮現懷有身孕5個月。
來源:
http://hk.apple.nextmedia.com/entertainment/art/20170106/19887801