ZKIZ Archives


《阿爺廚房》又開拍孖譚玉瑛去大埔買餸

1 : GS(14)@2017-06-10 12:55:46

去年李家鼎同譚玉瑛姐姐主持嘅《阿爺廚房》,叫好又叫座,好多觀眾都好期待佢哋幾時拍攝第二輯,前日就有網民喺大埔野生捕獲到鼎爺同譚玉瑛姐姐,去咗大埔街市買餸,大埔友仲將啲相貼咗喺大埔嘅fb群組,同大家分享㖭!鼎爺去年主持嘅《阿爺廚房》連烹飪界翹楚方太(方任利莎),都要喺微博到撰文大讚:「有聲有藝不卑不亢不自誇題材資料別有風味。」電視機面前嘅觀眾當然都好想再睇到鼎爺嘅烹飪風采啦,之前鼎爺都露過口風話將會拍攝第二輯,預計喺7月播添,原來鼎爺同譚玉瑛姐姐已經開緊工,前日就有網民見到佢哋喺大埔街市買餸,咁鼎爺今次又會煮乜呢,有網民就話見哋佢買咗二百蚊嘅深水泥鯭魚。咁但就網民發現,鼎爺今次幫襯嘅魚檔,竟然同「食平DD」嘅肥媽之前買餸嗰個魚檔一樣,唔通呢當魚檔真係好平好鮮!?當然亦有網民留言話鼎爺識揀呢個魚檔買魚,大讚鼎爺識貨喎!啲網民除咗關心鼎爺再度下廚之外,仲有網民就問,點解仲伯拍住譚玉瑛姐姐,冇換到主持喎!




來源: http://hk.apple.nextmedia.com/entertainment/art/20170607/20046820
阿爺 廚房 開拍 孖譚 玉瑛 大埔
PermaLink: https://articles.zkiz.com/?id=334851

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019