職場慧眼：兩招打發惡頂同事
1 :
GS(14)@2017-05-18 01:09:33「Son姐你好，為何職場上有種人，做任何事都同所有人嘈交，成日以為自己啱晒，一言堂，佢嘅下屬只有怕咗佢，冇人鍾意畀意見，冇人喜歡佢！可是搭電梯見到人時，佢又鍾意同人搭訕，同事們免為其難又會回應佢。如果係我，我會答一句冇一句咁，請問咁做係咪上策？」你這個不是一般處境題，是關乎職場莊閒角色身份地位的問題。因為你講的那種人，尤其是做老闆及上司的，應付的方法有很多種，最主要的是看你和那種人之間的階級及工作關係，不能貪一時之快逞一時口舌之勇，後果可大可小。如果你和那種人是老闆員工上司下屬的關係，應該早知他脾性，搭電梯時間能有幾長？他喜歡講甚麼搭誰的訕，眼觀鼻鼻觀心，一下子就過，你管來幹甚麼？又其實明知他為人，大家一齊扮忙睇手機check message冇嘢講，完全唔使eye contact，他何來有訕可搭？只要大家同心，照道理應該同心，面對共同的敵人時，即使是敵人的敵人都會立刻變為朋友。他一出聲，大家一齊「係呀係呀！啱呀啱呀！」他能拿你們所有人如何？之但係，如果大家咁高咁大平起平坐，說話就不是這樣講了！對着那些不識好歹不知進退的人，你越忍讓，他就越放肆，難得有機會令他在所有同事面前出醜，怎可能白白錯過送上門的寶貴機會，一為神功二為弟子，總之大快人心，寸他還須擇日子？君子坦蕩蕩小人長戚戚，和這種人對着幹就要有心理準備他不會就此罷休，要做好長期對峙抗爭的準備。但識得用其實好好用，除了對團結自己部門極為有利，還可提高士氣令個個打醒十二分精神做事。其實有種人你根本睬佢都多餘，何必掛齒？張慧敏
http://www.facebook.com/HKcareerdoctor
來源:
http://hk.apple.nextmedia.com/financeestate/art/20170517/20023642