同門師弟--鄧榮銾：見佢多過見家人
1 :
GS(14)@2015-01-11 21:06:05
師兄林保全離開，當年「通殺」成龍電影配音的師弟鄧榮銾（控哥）一樣傷感，他說：「保全突然離開，當然有好大感受，佢係多年嘅戰友，真係好悲痛同不捨。睇新聞先知道原來有咁多人重視配音。呢個係保全嘅貢獻，佢為配音奠定咗地位，亦都話畀我哋知，一個人即使走到多遠，都長唔過生命，大家要好好把握。」
■《龍的心》是「成龍」與「洪金寶」合作最緊密的作品。劇照
《龍的心》拍住上
提到兩人當年分別為成龍和洪金寶專用配音，控哥笑說：「最多可以話係《龍的心》，佢（保全）聲演我大佬就最多喇。其實當年由無綫合作，大家用同一個休息室，放假又一齊出去偷食（兼職為電影配音），真係見佢仲多過見屋企人。」自1972年無綫第二期藝訓班入行，控哥坦言仍對配音工作情有獨鍾，問到坊間傳聞當年成龍指定要由他配音，他說：「唔算係指定，不過師傅丁羽當時因為我太新一直反對，吳思遠導演喺《蛇形刁手》開工配音嘅最後一刻先同師傅決定。拍電影嘅人好信邪，所以成龍加入嘉禾電影都帶埋我幫佢配音，到《飛鷹計劃》之後佢轉戰荷李活為止。」保全叔離世，叮噹或多啦A夢以後都不再一樣，彷彿是對香港人的一大衝擊，不過控哥卻認為配音要令觀眾認不出自己的聲線才算成功，他說：「有次喺廣州搭火車返香港，有乘客話認得我係幫成龍配音。其實把聲唔重要，只要佢打得好睇就得。」場地提供：百利達酒窖
來源:
http://hk.apple.nextmedia.com/entertainment/art/20150110/18997428
細個見佢投票俾黎生坤哥帶阿媽去核心內圍睇騷
1 :
GS(14)@2016-05-08 02:56:13■孝順的坤哥昨晚帶媽咪去捧黎明場。
昨前睇騷的藝人及名人有吳業坤、蘇麗珊及男友游學修、蔡思貝、許亦妮、黃心穎、姚子羚、黃智雯、何國鉦、向海嵐、小肥、容祖兒母親、Kawaii及組合天堂鳥的Gordon等。
其中坤哥做乖乖仔與媽媽睇騷，更有粉絲找他selfie，坤哥接受訪問時表示：「媽咪一路以嚟好鍾意黎明，細細個已見到佢頒獎典禮有投票畀黎明，今日同媽咪食母親節飯，之後帶佢過嚟睇，係驚喜嚟，仲同佢講去核心外圍聽吓歌，其實有飛，見到佢好開心。」問他會否爭取入後台集郵，他表示：「會舉手爭取去，覺得係媽咪其中一個心願。」黃心穎則表示自小已鍾意Leon：「之前買咗飛，不過呢個幾月都不停開工，而家先有時間，7點收工即衝過嚟，劇組知我要睇黎明，都早啲畀我收工。自己鍾意黎生啲歌melody簡單易記，廣告拍得好靚，有機會同佢講，四大天王中係最鍾意佢。」
Leon昨晚在8時32分開騷，演唱會核心外圍由海旁到10號碼頭吸引不少人來野餐聽歌，不過就沒有攜帶紅酒及巴馬火腿，以麥當勞外賣居多。採訪：盧妹、曹家誠攝影：陳順禎、沈健程
來源:
http://hk.apple.nextmedia.com/entertainment/art/20160507/19601682
翠如怨蕭正楠「好耐冇見佢」
1 :
GS(14)@2017-01-02 01:05:47■蕭正楠和黃翠如綁着手做蛋糕，他更餵女友食零食。
蕭正楠（Edwin）與女友黃翠如昨日以情侶檔在尖沙嘴The ONE出席IQ博士35周年反斗狂歡派對，Edwin更情深向翠如BB大唱冧歌，第一首揀了鄭伊健的《Together》，原因是他的妹妹喜歡伊健，而妹妹又有到場，所以送首歌給她。不過翠如聞言即扮呷醋，她說：「你都冇唱畀我聽嘅！」
■蕭正楠與女友黃翠如昨日以情侶檔出席商場活動，兩人現場有不少親密互動。
情深款款唱歌
為了?女友，Edwin唱第二首情歌時，特別安排一張孤獨的凳給翠如BB，左右前後都沒人，只有翠如BB在中央聽男友唱歌，畫面上Edwin的表情是情深款款，但效果卻有些突兀和搞笑。昨晚是除夕，翠如BB雖然好重視，想和男友一起歡度，可惜昨日Edwin在活動後要北上開工，她當然失望，更埋怨說：「都真係好耐冇見佢，今年好多節日如聖誕都冇得一齊過，希望農曆新年有假放啦！佢喺上面開工嗰陣，都有唔同嘅人send相畀我㗎，原來佢喺戲裏面好多動作場面，我都係睇相先至知，Edwin完全冇同我講，所以都有啲擔心。」採訪：曹家誠攝影：仇志德
來源:
http://hk.apple.nextmedia.com/entertainment/art/20170101/19882863
戰友探之鋒：見佢着囚服好感觸
1 :
GS(14)@2017-08-19 19:02:52【本報訊】「見到佢剪咗個平頭裝，着住囚犯服，好感觸，自己有啲眼濕」，與黃之鋒相識多年的香港眾志常委林淳軒，昨到西貢壁屋懲教所探監後表示，黃表現豁達，正在適應獄中生活，堅持「出番嚟繼續推動民主運動」。昨午2時許，林淳軒、社民連陳皓桓與黃之鋒母親到壁屋懲教所探望，同時帶了10套書給黃，他表示該10套包括一套3冊的《百年追求：臺灣民主運動的故事》、許知遠的《抗爭者》，還有《非凡的凡民》等宗教書籍。他表示，黃喜歡看社會政治及民主變革的書，這批書是黃早前買下，放在家中但未曾閱讀。林指無論是黃之鋒、周永康及羅冠聰，即使在囚仍會繼續增值自己、自強不息，他憶述探監期間，見黃之鋒剪了平頭裝、穿囚衣，他一度傷感得淚眼汪汪，「反而佢安慰我，叫我哋唔好放棄」。他表示，黃之鋒心情很平靜，曾問他社會輿論對於雙學三子被囚的看法，並指今次事件正好反思香港法治是否已變質，至於黃之鋒的母親則未有回應記者提問。
■林淳軒昨探監後指黃之鋒表現豁達，正適應獄中生活。
羅冠聰母：他非為私利
同一時間，學聯前副秘書長岑敖暉、周永康父親、羅冠聰母親及其女友，一起到荔枝角收押所探訪周永康及羅冠聰。羅母離開時表示，兒子着她好好保重身體，形容兒子「佢唔係自私自利，佢都係為咗香港、下一代嘅年輕人」，又對在場一眾記者表示：「你哋都要支持！」岑敖暉指，為羅冠聰帶來內衣褲、濕紙巾、紙筆及書本等日用品，他形容羅在收押所內表現從容和堅強，對方最關心是支持者的感受。據了解，除未滿21歲的黃之鋒被囚禁於壁屋監獄外，周永康及羅冠聰稍後可能轉倉，因刑期短，或送往東頭懲教所或壁屋監獄。■記者周鴻熙、黃麗英
來源:
http://hk.apple.nextmedia.com/news/art/20170819/20126227
Next Page