樂香園：為手段而忘記目的
1 :
GS(14)@2017-05-13 01:27:22上市架構改革諮詢意見書摘要早前曝光，雖只是簡略摘要，但都足以令投資界嘩然。嘩然的原因，並不是8,500份意見書中，有逾8,000份是「一式一樣」個別人士意見，而是「絕大部份已回應的投資經理（包括國際基金經理）對該等建議表示支持」。有基金界朋友指，對「絕大部份」的形容感驚訝。友人說：「現時個問題係啲公司造假數，所以就要提高上市門檻同埋進一步打擊造假，因為上市要求高咗就可減少造假數嘅可能，從而盡量減少市場上嘅地雷……大家要搞清，唔係話加大咗證監會權限，就可杜絕造假數同埋問題公司，若果簡單咁加大監管就可杜絕違法事件，世界就唔會有咁多問題啦！」近年市面又真的是多了「老千股」，不是好應該讓證監「放手一幹」？友人說：「我唔係話唔理啲問題股，重點係要認清目的，好似嗰套講警察同賊人周旋嘅出名港產片，戲內阿Sir就講得好清楚，我哋（社會）要嘅係秩序，唔係要打巢晒佢哋，唔好沉迷個手段，而唔記得真正目的！」未完，下篇繼續。密西比
來源:
http://hk.apple.nextmedia.com/financeestate/art/20170510/20016178