|
||||||
|
港交所（388）行政總裁李小加上個月就港交所改革措施發表萬言書，作為經紀職工代表嘅香港證券及期貨專業總會亦有樣學樣，回敬返一封萬言書公開信，講吓改革措施對經紀業界嘅影響。 封信係由總會會長王國安代表發出，佢話港交所嘅改革嚴重損害香港金融市場原有嘅公平、公正同公開嘅營運環境，認為李總裁誇誇其談發展策略三大中心時，其真正目的已昭然若揭，就係港股成交額近年一直徘徊喺600億至700億元之間，因此要尋找新機會。 王會長話，港交所提出縮小股份買賣差價對抗黑池、為高頻交易提升系統、提倡股票機隱名交易、延長交易時段，同埋重提收市競價時段，都係為咗走出低迷成交而度計，完全以利潤最大化作為目的，但就忽視社會責任。唔知李總裁會唔會再使出萬言書，筆戰一番呢？ |
||||||