ZKIZ Archives


外圍波網轉型 請人「玩足球」

2012-5-3  NM

歐洲國家盃六月開鑼,全城球迷興奮萬分,一眾非法外圍賭波集團亦磨拳擦掌,準備食大茶飯。據估計,歐國盃每場波的外圍投注額,單在香港及內地動輒數億元上落。各個外圍集團為了吸納市面上所有蝦兵蟹將賭仔,近日在網上公然招聘人手「玩足球」,即請人做「艇仔」。近年外圍市場不斷擴大,智能手機大行其道後,上網投注易如反掌;再加上茶餐廳、桑拿浴室推波助瀾,現場直播+即場下注令非法外圍越演越烈,整個外圍網絡更不斷在一層一層的艇仔發圍下,開枝散葉。


為了迎接六月歐國盃這嚿肥豬肉,網上出現了「招收划艇手,月入數萬起」的留言。招聘內容非常隱晦,是「負責找客,接載客人前往廣大的莊園玩足球」,條件註明是「其實意思請字面上解讀,睇唔明代表你唔適合做」。記者留言,成功聯絡上網名「綠豆」的話事人。在電話中他相當機警地說:「你明我講乜啦,詳細情形,到開工再講,我哋個網註冊美國,銀行過數用咗加密,總之非常安全……你可以慢慢做,客人唔多或者投注額細冇所謂,好多大艇仔都係由細艇仔做起。」

艇仔轉做「庄」
現職外圍賭波艇仔的阿財,覺得這名綠豆「行家」非常高招:「佢由頭到尾自己唔會現身,俾個網上login戶口密碼你,有投注時至計數同拆賬,佢一啲風險都冇,你上釣,就可以多個艇仔,多班賭客。」外圍慣例,由「庄家」開盤,再由「艇仔」從各方收纜;越多艇仔,彩池越大。他說近年外圍網越來越多,面對激烈競爭,各集團都想盡招數吸納艇仔加盟。「以前艇仔只可以在客人投注額賺取佣金,而家庄家私底下同啲艇仔講掂數,例如客人下注一百萬,以波網與艇仔可分九一或八二拆賬方式受注,艇仔收咗佣外,仲可以做埋庄家受注,若客人輸錢,艇仔就賺更多;若客人贏都唔怕,艇仔識得將個盤射出去(將該賭盤賣去其他波網),當白做或者只賺佣金。有賺冇蝕呢一招,令越嚟越多人做艇仔,連師奶都吸引加入我哋呢行。」但阿財承認,客人若走數,艇仔須「上身」,故搵客前,務必起清客人底細,以防走數。


據估計,全球現時非法賭波網約有一千四百個,最大投注額市場集中在大陸,各大小賭波網在中港澳三地不停尋「艇仔」,其中具規模的大型賭網,就索性讓艇仔「做股東」。「以前波網只係撈家搞,例如最有知名度嘅太陽城,由崩牙駒得力門生洗米華搞,近年發展到連啲正當大商人都搞埋一份,佢哋當正一盤正當生意,利用層壓式金字塔結構集資搵下線,為了吸納多啲艇仔,做到好似上市咁俾佢哋入股做股東。」他說近年平板電腦及智能手機大行其道,客戶隨時上網,助長了外圍賭波。

艇仔用iPhone
「唔似馬會咁,下下要賭真錢,外圍波全部篤手指(即先投注後找數),而家在電話上面真係篤篤吓就賭得錢,全城賭仔,做艇仔有飯食。」任職銀行,一向在馬會投注足球賽事的球迷阿Jack便承認,自一年多前買了iPhone隨時上網,就轉而投注外圍賭波網:「以前怕被警察拉,唔敢打電話投注外圍,而家就唔同,行行吓街都可以用電話上網投注,雖然上網可以俾警方查到,但難度比查電話高好多,因網站server放响外國,香港警方要查,都要花好大人力物力,況且我哋呢啲細客仔,都唔係警方打擊目標。」


外圍庄家以高賠率及折扣優惠招徠,現時一般外圍波網客戶可享0.75的折扣優惠,即下注一百萬,客人便可回扣七千五百元。另外外圍波網賭法千變萬化,總之想得出,都有得賭,由於大陸的客戶,爛賭到連沒有轉播的非洲十五歲以下青年足球賽事也可以賭一餐,波網收入財源滾滾。「若果個網夠人氣,仲可以搞埋其他賭博生意,例如籃球、連酒吧射飛標的賽事都有得賭。」阿財不諱言,各大小賭波網瞄準六月歐國盃,屆時全城賭波將達至「高潮」。「唔少外圍網已經同桑拿場、茶餐廳之類傾掂數,現場直播加即時網上下注,人人執住iPhone上網賭。」

外圍最怕黑客
近年外圍賭波集團,面對最頭痛問題不是客源或警方,而是來自黑客的攻擊。「依家搞個有聲有色嘅波網,每月營運費幾百萬,主要用响電腦保安及網頁管理。」阿財指波網賺錢豐厚,引來不少內地黑客攻擊及勒索。「兩年前,大陸班黑客只係識得癱瘓個波網,勒索幾十至一百萬就算,所以嗰陣時好多波網都預備十幾個網址,當其中一個被黑客侵佔咗,即時轉換另一個。」網主轉換網址,黑客繼而入侵網站,藉「改飛」賺更多錢,例如投注一萬,改成投注一百萬;甚至改變投注的球隊。「前排,有個波網被黑客勒索二億,因黑客控制咗成個資料庫,個網花咗一個月時間,成功擊退黑客但就損失慘重。」他說由於黑客睇準波網主持人不敢報警,故肆無忌憚攻擊賭波網進行勒索。 ####


PermaLink: https://articles.zkiz.com/?id=33171

Next Page

ZKIZ Archives @ 2019